Wednesday, August 08, 2007

... روحى إشتاقت للجنه



مش عارفه ليه بكتب الكلام ده دلوقتى

مش عارفه عايزه اوصلكم ايه بالظبط

اللى متأكده منه

انى عاوزاكم متخافوش من الموت

.......smile.gif

ايه الكلام اللى بتقوليه ده

ازاى منخافش يعنى

عارفين الانسان المسلم

بيروح الجنه

انت خايف من الحاجه اللى هتوصلك للجنه

حاجات عمرك ما شفت احلى منها فى حياتك

مكان عمرك ما سمعت عنه

ده وصف الجنه فى سوره الانسان

زمان .. ايام رسول الله

فى صحابى شاب .. اتوفى و هو صغير فى العمر

كان لسه شاب

لما جه الصحابه يسالوا رسول الله

فلان سمع سوره الانسان و مات على طول

ليه ....!!

قالهم سمع سوره الانسان .. و روحه اشتاقت للجنه

ياااه

شايفين الكلمه دى حلوه قد ايه

روحه اشتاقت للجنه

انت ... روحك مشتاقتش للجنه

مش نفسك ربنا يقبض روحك و انت شاب صغير

و تروح عند ربنا بقى

انا كمان نفسى كده

ما هو اصلى خلاص تعبت من الدنيا اللى احنا فيها دى

متعبه بجد

عايزه اخلص منها .. عايزه اشوف ناس تانيين اعرفهم

عايزه اشوف بابا ... وحشنى اوووى ..smile.gif

عايزه اشوف عمو ... عايزه اشوف جدو و تيته

عايزه اشوفهم بقى

مستعده اتنازل عن اى حاجه

و احس تانى بدفء ايد بابا على خدى

ولا يمسح دموعى .. ولا اشوف بس ابتسامته

عايزه اشوف الجنه بقى .. عايزه اشوف انهار العسل

عايزه اشوف الرسول .. عايزه اشوف ابو بكر

عايزه اشوف الناس اللى تعبوا عشان يحافظوا على الاسلام دول

عايزه اشوفهم بجد

ياااااااااااه

امتى بقى اليوم ده ييجى

طيب و هو انا مستعده لليوم ده

لا طبعا ...

مش عارفه .. عمر ما الواحد هيحس انه مستعد ليوم زى ده

كل اللى اعرفه انى عايزه اغمض عينى و اروح هناك

و مش عايزه اجى هنا تانى

طول عمرى ..بابا .. الله يرحمه

كان بيقولى

اللى ييجى سهل .. بيروح سهل

الكلمه دى سمعتوها كتييير مش كده

يعنى ايه

الجنه .. مكان رائع

اسمعوا سوره الانسان و هتعرفوا مدى عظمتها قد ايه

قد ايه هى جميله

قد ايه هى رائعه

الجنه

طيب و حاجه زى كده

فى غمضه عين ممكن نروحها

لا طبعا

لازم نتعب .. لازم نبقى نستاهلها بجد

نعيش حياتنا .. فى سبيل اننا ندخل الجنه

فى طاعه الله ...smile.gif

فى طاعه الله ... شايفين الكلمه دى حلوه ازاى

بين ايدين ربنا سبحانه و تعالى

هنعيش ... يوم بيوم

بين ايدين ربنا و نستمتع بكل ثانيه نعيشها

بين يدين الله

نحاول نجهز نفسنا كل يوم

للجنه .. للقاء ربى الكريم

للقاء رسول الله .. ليفتخر بنا نحن ابناء الاسلام

للقاء ابى بكر

للقاء الصحابه

للقاء احبتنا جميعا ان شاء الله

طيب و منتظرين ايه

كلنا ارواحنا مشتاقه للجنه

طيب يلا بينا

عشان ندخل الجنه بجد

و ايدينا فى ايد بعض

و نشوف بعض هناك

ياااااااااااارب ...smile.gif

انى احبكم فى الله ..smile.gif
at

32 comments:

  1. قيصرAugust 8, 2007 at 7:04 AM

    اختنا كاتروز
    موضوع جميل جداً
    لا أستطيع التعقيب إلا بدعائي أن يرزقنا الله الجنة
    :)

    ReplyDelete
  2. >>KEMO_LIONAugust 8, 2007 at 10:34 AM

    بسم الله مشاء الله
    بوست جميل جدا جدا
    وانا فرحان جدا ان اول رد ليا فى البلوج بتاعك يكون فى البوست ده
    بجد جميل جداً
    واحساس جميل جداً
    وربنا يرزقك الجنة يارب
    ويرزقنا احنا كمان ويرزق كل المسلمين يارب
    وكلنا نفسنا ندخل الجنة بسرعة بس ده مش بمزاجنا فلازم نعيش ونقول الحمد لله على كل شئ لان الدنيا ما هى الا معبر للاخرة وان شاء الله معبر للجنة لينا كلنا
    وتذكره جميلة منك بالاخرة وجنة الرحمن
    ربنا يجعلها فى ميزان حسناتك

    ReplyDelete
  3. AnonymousAugust 8, 2007 at 12:33 PM

    لا مستحيل

    انا لسة كاتبة بوست قريب نوعا ما من بوستك

    عشان كدة بقولك مستحيل

    مش عارفة اقولك حاجة غير ان ربنا يرزقنا جميعا حسن الثواب والجنة

    ReplyDelete
  4. safa7_karmoozAugust 8, 2007 at 5:33 PM

    نزلتى البوست ده فى انهى منتدى الاول؟؟

    ReplyDelete
  5. catrozAugust 8, 2007 at 7:59 PM

    قيصر ...

    جزاك الله خيرا على كلامك
    ان شاء الله نرزق جميعا الجنه ... :)

    ............

    kemo_lion

    منورنى بجد يا كيمووو فى البلوج
    و مبروووووووك على البلوجايه الجامده بتاعتك

    ربنا يرزقنا جميعا الجنه ياااارب
    و اهو منتظرين نخلص من الدنيا و ندخل الجنه بقى
    هااانت و الله و الايام بتعدى بسرعه
    الحمدلله ..الحمدلله
    .........:)

    ReplyDelete
  6. catrozAugust 8, 2007 at 8:01 PM

    smraa alnil...

    ايون يا سمراء
    انا لسه شايفه البوست بتاعك النهارده
    ماشاء الله يا بنتى
    بجد كتبتى حاجات من قلبى كتيييييييييير اوى
    ربنا يكرمك ياااااااااارب
    و يارب ااشوفك فى الجنه يا قمر
    .......:)

    ................

    safa7_karmooz...

    سؤال غريب يا مشمش
    بس انا نزلته فى كل الطلبه
    و بعدين هنا
    و بعدين شمسااوى
    بس ايه السؤال ده ..:D

    ReplyDelete
  7. UnknownAugust 8, 2007 at 9:05 PM

    ايه بقى
    هو انا كل حاجه اتكلم فيها معاكى تيجى تعمليلها بوست :p

    بس بجد مش عارفه اقولك حاجه غير ان تعبيرك فى البوست حلو اوووى
    وانا كمان احساسى نفس احساسك والله وانتى عارفه
    يمكن ده عشان احنا حسينا اننا مقصرين فى عبادتنا لربنا
    ويمكن كمان عشان داخلين على مرحله جديده فخايفين منها
    حجات كتير ممكن تكون السبب فى الخوف اللى ملوش سبب ده

    على العموم ربنا يكرمنا وندخل كلنا الجنه مع بعض ونشوف كل الناس اللى اشتقنا نشوفهم

    بحبك.. :)

    ReplyDelete
  8. AMRO .O. ABDELHALIMAugust 9, 2007 at 1:41 AM

    العزيزة كاتروز
    البوست ممتاز، انشاء الله كلنا نخش الجنة
    كل مسلم طيب هيخش الجنة، لكن الدنيا كمان اتخلقت عشان تتعمر وتتعاش، واختبار عشان دخول الجنة لازم يكون بناء على نجاحنا فى اننا نعيشها وفقا لمقاصد ربنا فيها ، وحتى لما نغلط فدا لان ربنا خلقنا ناقصين وعايزنا دائما نججد نفسنا بمسير قاصد يتجه دائما اليه لما نجدد توبتنا، -ولا يتمنين احدكم الموت- دا جزء من حد
    يث صحيح
    والموت مش جميل ابدا دا ربنا سماه مصيبة فى القران الكريم
    تحياتى ليك وابقى ادعيلى

    ReplyDelete
  9. Samir SaadAugust 9, 2007 at 1:53 AM

    نهارك سعيد
    كل اللي اقدر اتمناهولك انك تعيشي حياة سعيدة على الأرض اولا. وبعدين يبقى ربنا يرزقك بالجنة، دا موضوع في ايده مش في ايدي.

    تحياتي

    ReplyDelete
  10. catrozAugust 9, 2007 at 5:14 PM

    Lost Love...

    انا اتكلمت فى الموضوع ده معاكى انتى و مع مومو كمان
    احنا فعلا يا بنتى مقصرين فى حاجات كتيره اوووووووى
    و طبعا داخلين على مرحله جديده
    و حاجات كتيره لازم نغيرها فى نفسنا
    عشان نقدر نكمل
    يمكن تكون سبب الخوف فعلا اللى عندنا
    اللى كل ما نتكلم انا و انتى نلاقيه بيطاردنا
    خوف من غير سبب

    يارب كلناا نروح الجنه و نشوف كل الناس اللى وحشونا
    ياااارب

    انا بموووت فيكى ..:)

    ReplyDelete
  11. catrozAugust 9, 2007 at 5:17 PM

    المتوحد ...

    يارب بجد ااشوفكوا كلكوا فى الجنه
    الدنيا اهو بنعيشها بس تعبنا منها
    الكمال لله وحده
    احنا بنحاول بس نتغاضى عن عيوبنا
    و نقدر نعيش و نكمل
    عايزين ندخل الجنه بقى
    كفايه اوى كده على الدنيا
    بس مفيش حاجه بتيجى بالساهل ابدا
    الموت جميل على فكره
    المفروض منخافش منه
    دا هو دى الحاجه اللى هتودينا للجنه
    و ربنا يثبتنا جميعا عند السؤال
    ربنا يكرمك يارب ..:)

    ReplyDelete
  12. catrozAugust 9, 2007 at 5:19 PM

    Samir...

    اكيد ده موضوع فى يد ربنا بس
    ان شاء الله كلنا ندخل الجنه
    و نعيش حياه كويسه على الارض
    .....:)

    ReplyDelete
  13. No FearAugust 10, 2007 at 5:29 AM

    السلام عليكم
    ربنا يرزقك حلاوة طاعته في الدنيا و يرزقك خير الجزاء الجنة إن شاء الله

    ReplyDelete
  14. No FearAugust 10, 2007 at 5:31 AM

    السلام عليكم
    حبيت أكتب الكلام ده في تعليق تاني
    أولا أتشرفت بزيارتك لي وياريت فعلا متكنش أخر مرة
    سلام

    ReplyDelete
  15. catrozAugust 10, 2007 at 10:21 AM

    No Fear...

    و عليكم السلاام
    اللهم اميين
    و اشوفكوا كلكوا فى الجنه يارب

    المدونه بتاعتك جميله اوى
    هتلاقينى هناك كتير ان شاء الله
    :)

    ReplyDelete
  16. MomoAugust 10, 2007 at 11:23 AM

    :) :)

    ReplyDelete
  17. catrozAugust 10, 2007 at 2:24 PM

    مومو حبيبىىى

    wub..

    ReplyDelete
  18. momkenAugust 11, 2007 at 6:26 AM

    عندك حق بس انتى جاهزة لليوم ده يعنى عملتى الى بيه تقدرى توجهى رب العزة
    ايوة هو رحيم وغفور
    ايوة هو طيب جدا وحنين جدا
    بس احنا كمان بوزنا الدنيا
    انتى عارفه احنا هننتظر الحساب بس كام سنه وعاملين ازاى
    خمسين الف سنه وترهقنا زله
    شاخسه ابصارنا
    لا يترد الينا طرفنا
    وافئتنا هواء
    متخيله خمسين الف سنه منتظره الحساب واقفه وباصه للسماء فى ذل ومش بترمشى
    ده لوحده عذاب
    وما بعده اصعب
    عارفه يعنى ايه الانبياء تخاف من بطش الله وتقول ان الله غضب اليوم غضبه لم يغضب مثلها وخافو من مواجه الله وهم انبياء والمصطفون واقل بنى ادم اخطاء
    لاء ياستى انا اهخ عاوز ادخل الجنه لكن لا اجرء على بطلب الموت
    اتمنى اموت شهيد
    او فى سبيل الله
    وقتها اكيد هفرح بالموت
    لكن اموت زى الخروف فى سريرى مش ضامن الى هيحصل معايا
    تحياتى

    ReplyDelete
  19. humanAugust 11, 2007 at 8:41 AM

    اتفهم عاطفتك الدينية وتاثرك
    بموت احبائك ولكن
    كيف تاكدتى ان هناك جنة ونار وان هناك الة وان دينة هو الاسلام تحديدا
    عليكى ان تبحثى كثيرا وتقراى كثيرا عن الاسلام ليس فقط من وجهة نظر المسلمين وعمو ما ممكن تقراى كتب السيرة القديمة التى لم يهتم اصحابها بحذف او تبرير اى موقف من حتاريخ الاسلام

    ReplyDelete
  20. أسوورAugust 11, 2007 at 7:23 PM

    الجنة فى حب الناس
    تحياتى

    ReplyDelete
  21. عمر عاشق القرآنAugust 11, 2007 at 9:17 PM

    ربنا يبلغك الجنة بسلام

    وعايز افكرك بس لما الصحابى طلب من النبى انه يدعيله يكون رفيقه فى الجنة النبى قاله ::

    "فأعنى على نفسك بكثرة السجود"

    ReplyDelete
  22. catrozAugust 11, 2007 at 9:39 PM

    momken...
    محدش ابدا جاهز لليوم ده
    كلنا بنحاول نعمل اللى علينا
    بنحاول نعمل اللى يخلى ربنا راضى بيه عننا يوم الحساب
    مش هقولك انى عايشه حياتى كده
    و عايزه الجنه تجيلى على طبق من الفضه
    لا
    لان ده عمره ما هيحصل
    اكييييييييييييييد اتمنى اموت شهيده
    او فى سبيل الله
    ياريت يا بنتى
    انا مش خايفه من الموت
    مش خايفه
    كده كده هموت
    النهارده او بكره
    مهما كان .. مش هخاف
    لكن كل يوم بعيشه كانى هموت النهارده
    و هعيش كمان مليون سنه لقدام
    ده اللى بحاول اعمله
    البوست مجرد بيوصف اشتياقى للجنه
    اشتقت اليها..:)

    منورنا بجد
    و بحب نقاشك..:)

    ReplyDelete
  23. catrozAugust 11, 2007 at 10:08 PM

    human...
    متاكده ان هناك جنه و نار
    ثواب و عقاب
    متاكده من وجود رب واحد
    عقلانيا
    الطفل لما بيغلط
    مش امه بتعاقبه
    اكيد فى عقاب لكل الاخطاء التى نقع بها
    انا قرات كتير
    سؤاء كتب فى ديننا بوجهه نظرنا
    او بوجهه نظر الاديان الاخرى
    و لم اجد عندهم غير وجهه نظر سوفسطائيه
    الاسلام دوما له دلائل و معجزات
    و يكفينى معجزه القران الكريم
    لكن فى كتب الاديان الاخرى

    مش هتكلم كتير انا
    انصحك فقط بقراءه هذا اللينك

    http://www.aslein.net/showthread.php?t=6518

    منور البلوج .:)

    ReplyDelete
  24. catrozAugust 11, 2007 at 10:11 PM

    ياسمين...

    وجهه نظر جميله
    فعلا ممكن تكون الجنه فى حب الناس
    احلى حاجه فى الدنيا
    ....:)

    ..........

    omar مشروع بطل...

    اللهم اميييين
    يارب بلغنا الجنه

    جزاك الله خيرا
    منورنى بجد
    ربنا يكرمك
    ..:)

    ReplyDelete
  25. rack-yourmindsAugust 12, 2007 at 9:07 AM

    تسجيل حضور وبالليل ان شاء الله هقرأ واعلق

    معلهش انا اتاخرت في التعليق لاني كنت مسافر

    تحياتي لكي

    ReplyDelete
  26. rack-yourmindsAugust 12, 2007 at 2:47 PM

    أعتقد,ان الواحد برده لا يتمني الموت

    بس كلمات مفعمه بالروحانيات

    جزاكي الله كل الخير

    الف رحمه لابيكي

    ReplyDelete
  27. catrozAugust 12, 2007 at 4:42 PM

    wahed ...

    حمدلله على السلامه
    مش عارفه
    الحكايه دى بقى هتختلف من شخص لاخر
    بس فى حالتى
    اعتقد انى مشتاقه لكده
    ..الحمدلله

    ربنا يرحمه ..:)

    ReplyDelete
  28. mohandAugust 13, 2007 at 12:22 PM

    السلام عليكم

    أحسن الله خاتمتك وادخلك الجنه باذنه

    تحياتي علي البوست المشرق المفعم بالامل

    ReplyDelete
  29. ZikaAugust 13, 2007 at 1:24 PM

    شوفي انتي خدتي حسنات اد ايه لما خليتي الناس دي كلها تجري وتقرا سورة الناس
    ....
    مقدرش اقولك غير ربنا يجمعنا كلنا ان شاء الله في الجنه
    ..........
    وتحياتي للمدونة الجميله بتاعتك اللي اول مره ادخلها النهارده وان شاء الله هبقي اتابعها
    .

    ReplyDelete
  30. catrozAugust 14, 2007 at 7:33 AM

    mohand..

    و عليكم السلام..

    اللهم امين

    اللهم ارزقنا الجنه ياارب

    تحياتى لك ..:)

    ReplyDelete
  31. catrozAugust 14, 2007 at 7:35 AM

    el3araby..

    الحمدلله بجد
    تصدق اول مره اخد بالى من الموضوع ده
    الحمدلله..الحمدلله

    ربنا يجمعنا كلنا فى جنته ان شاء الله

    و ياريت تنور المدونه كتير ..:)

    ReplyDelete
  32. Diyaa'August 25, 2007 at 11:43 PM

    منطقي جداً وصح جداً ومقدرش أقول كلام عنه غير ربنا يقويكي ويزيد إيمانك

    ReplyDelete

Commentoo ..:D