بقالى كام يوم كده مش فى المود خالص..نفسى افضفض شويه
اصل فى حاجه اتكسرت من شهرين كده ومش عايزه تتصلح...
لا هما مش شهرين .. هما شهرين و يومين
كنت دايما بقول الوقت بينسى .. و الله ولا بينسى ولا حاجه
حاجه كل ما افتكرها اقعد اعيط كانها لسه حاصله امبارح
مع انه عدى شهرين و يومين
ممكن يبقى معاى قلم .. و يتكسر..مش هعرف اكتب بيه تانى
بس ممكن اجيب غيره
ممكن معاى ساعه و تتكسر .. عوضى على ربنا .. ممكن اشترى واحده جديده
بس عارفين بقى لما حاجه تتكسر جواك
هتقدر تجيب حاجه بدالها
معتقدش..اصلا لا .. استحاله
اهو فى حاجه اتكسرت جواى من شهرين و يومين
ممممممم .. مش عارفه ليه مش راضيه تتصلح ...هى شكلها اصلا هتفضل مكسوره كتير كده
اصلها حاجه معنويه مش ماديه
بس تصدقوا مش انا بس اللى جواى حاجه اتكسرت
لا مش انا بس للأسف
و لما ببص للى حوالى .. ياااااه يمكن بندحك .. يمكن مبسوطين
يمكن بنخرج ..ساعات بنهيس مع بعض
بتيجى لحظات كده وسط ما احنا مبسوطين و بندحك
نلاقى حد فينا نزلت منه دمعه غصب عنه
ابص الاقى كلنا حاطين قناع ..بنمثل اننا ناسيين
بس فاكرين كل حاجه .. و مفتقدين كل حاجه
و وش الابتسام .. يتحول لدموع من تانى
ايوه اصل دى حاجه اتكسرت
عارفين لما شخص كان بيمثل كل حاجه تقريبا لبنى ادم معين
و فجاه ميبقاش موجود
و نفضل كل يوم كده مستنيينه .. اهو انا دلوقتى مستنياه
انا على يقين انه مش راجع تانى...بس برضه بستناه
و الله مش بطلب كتير .. مقابل اى تمن اشوفه تانى
عايزه بس الصبح اروح اصحيه من النوم و اقوله خد اجازه النهارده
يقولى لا ..لازم انزل الشغل
و يقوم براحه و نسيب ماما نايمه
و احضر له الهدوم اللى هيخرج بيها و كبايه الشاى
و نقعد نرغى شويه كده و بعدين ينزل الشغل
ساعات بقى ببقى نازله الجامعه فى معاده .. كان لازززززم يوصلنى
و برضه نقعد نرغى و احنا فى العربيه ..ياااه
و الله الواحد لو كان عارف قيمه الايام دى مكانش هيعديها بالساهل كده
كذا مره كان يقولى تعالى نتعلم سواقه .. مرحتش غير مرتين بس
اتعلمت شويه حاجات بسيطه كده
و فجاه اول شهر 6 قررت انى الصيف ده هتعلم السواقه على ايده
يوم 22 نفس الشهر .. عرفت انى كنت جايه متاخر اووووى
الشهر ده كان مميز اووووى بطريقه غير طبيعيه
كانت ايام الامتحانات .. و علينا ضغط جامد اوى
و هو كان عنده شويه مشاكل فى الشغل
اتخانقنا فى يوم .. و بعديه جه هو صالحنى .. لما عرف انى اتظلمت
و الموضوع اتفهم غلط اساسا
.........:)
وحشنى لما كان بينزل بالجلبيه البيضه يشترى لنا الطلبات
و اقوله اوعى تنسى البيبسى .. يقولى من غير ما تقولى عارف و الله
و ييجى من غيره..اقوله فين .. يقولى نسيييييييييت
انا كمان طالعه زيه
بنسى اسمى ساعات كمان
كان عارف انى فاقده الامل فى السنه دى ...كنت بشد فى شعرى اساسا .. و مكنتش بعرف انام ساعتين على بعض
جه فى يوم بالليل ..كنت على غير العاده بذاكر
قالى بتعملى ايه .. قلت له دماغى اتلحست بالعبرى اللى بذاكره ده
وبعدين كفايه المواد اللى شايلاها الترم الاولانى ..الواحد لازم يحترم نفسه و يعدى صافى
و قمت معيطه..:D
الراجل حضنى و قالى و ايه يعنى لو شلتى الترم التانى كله
فى الاول و الاخر انتى بنتى اللى بحبها
اعملى اللى عليكى وربنا يكرمك
اهو انا دلوقتى محتاجه الحضن ده اوى
بس مش لاقياه
اصله اتكسر
و مش هيتصلح
............:)
اصل فى حاجه اتكسرت من شهرين كده ومش عايزه تتصلح...
لا هما مش شهرين .. هما شهرين و يومين
كنت دايما بقول الوقت بينسى .. و الله ولا بينسى ولا حاجه
حاجه كل ما افتكرها اقعد اعيط كانها لسه حاصله امبارح
مع انه عدى شهرين و يومين
ممكن يبقى معاى قلم .. و يتكسر..مش هعرف اكتب بيه تانى
بس ممكن اجيب غيره
ممكن معاى ساعه و تتكسر .. عوضى على ربنا .. ممكن اشترى واحده جديده
بس عارفين بقى لما حاجه تتكسر جواك
هتقدر تجيب حاجه بدالها
معتقدش..اصلا لا .. استحاله
اهو فى حاجه اتكسرت جواى من شهرين و يومين
ممممممم .. مش عارفه ليه مش راضيه تتصلح ...هى شكلها اصلا هتفضل مكسوره كتير كده
اصلها حاجه معنويه مش ماديه
بس تصدقوا مش انا بس اللى جواى حاجه اتكسرت
لا مش انا بس للأسف
و لما ببص للى حوالى .. ياااااه يمكن بندحك .. يمكن مبسوطين
يمكن بنخرج ..ساعات بنهيس مع بعض
بتيجى لحظات كده وسط ما احنا مبسوطين و بندحك
نلاقى حد فينا نزلت منه دمعه غصب عنه
ابص الاقى كلنا حاطين قناع ..بنمثل اننا ناسيين
بس فاكرين كل حاجه .. و مفتقدين كل حاجه
و وش الابتسام .. يتحول لدموع من تانى
ايوه اصل دى حاجه اتكسرت
عارفين لما شخص كان بيمثل كل حاجه تقريبا لبنى ادم معين
و فجاه ميبقاش موجود
و نفضل كل يوم كده مستنيينه .. اهو انا دلوقتى مستنياه
انا على يقين انه مش راجع تانى...بس برضه بستناه
و الله مش بطلب كتير .. مقابل اى تمن اشوفه تانى
عايزه بس الصبح اروح اصحيه من النوم و اقوله خد اجازه النهارده
يقولى لا ..لازم انزل الشغل
و يقوم براحه و نسيب ماما نايمه
و احضر له الهدوم اللى هيخرج بيها و كبايه الشاى
و نقعد نرغى شويه كده و بعدين ينزل الشغل
ساعات بقى ببقى نازله الجامعه فى معاده .. كان لازززززم يوصلنى
و برضه نقعد نرغى و احنا فى العربيه ..ياااه
و الله الواحد لو كان عارف قيمه الايام دى مكانش هيعديها بالساهل كده
كذا مره كان يقولى تعالى نتعلم سواقه .. مرحتش غير مرتين بس
اتعلمت شويه حاجات بسيطه كده
و فجاه اول شهر 6 قررت انى الصيف ده هتعلم السواقه على ايده
يوم 22 نفس الشهر .. عرفت انى كنت جايه متاخر اووووى
الشهر ده كان مميز اووووى بطريقه غير طبيعيه
كانت ايام الامتحانات .. و علينا ضغط جامد اوى
و هو كان عنده شويه مشاكل فى الشغل
اتخانقنا فى يوم .. و بعديه جه هو صالحنى .. لما عرف انى اتظلمت
و الموضوع اتفهم غلط اساسا
.........:)
وحشنى لما كان بينزل بالجلبيه البيضه يشترى لنا الطلبات
و اقوله اوعى تنسى البيبسى .. يقولى من غير ما تقولى عارف و الله
و ييجى من غيره..اقوله فين .. يقولى نسيييييييييت
انا كمان طالعه زيه
بنسى اسمى ساعات كمان
كان عارف انى فاقده الامل فى السنه دى ...كنت بشد فى شعرى اساسا .. و مكنتش بعرف انام ساعتين على بعض
جه فى يوم بالليل ..كنت على غير العاده بذاكر
قالى بتعملى ايه .. قلت له دماغى اتلحست بالعبرى اللى بذاكره ده
وبعدين كفايه المواد اللى شايلاها الترم الاولانى ..الواحد لازم يحترم نفسه و يعدى صافى
و قمت معيطه..:D
الراجل حضنى و قالى و ايه يعنى لو شلتى الترم التانى كله
فى الاول و الاخر انتى بنتى اللى بحبها
اعملى اللى عليكى وربنا يكرمك
اهو انا دلوقتى محتاجه الحضن ده اوى
بس مش لاقياه
اصله اتكسر
و مش هيتصلح
............:)
انا اسف جدا
ReplyDeleteانا مش هاقدر اواسيكي عشان انا مش مريت باللي انت فيه
بس اللي متأكد منه انه مش انكسر
دي اراده ربنا وطبيعه الدنيا ناس بتمشي وناس بتيجي
لكن دايما حبايبنا بيكونوا معانا مهما راح الجسم وبعد بتبقى الروح معانا
والله مش كلام وخلاص انا عندي اقتناع كامل بده
ربنا يصبرك وربنا بيبتلي الناس اللي بيحبهم عشان يجازيهم بعد كده
انا بطبعي مش بتأثر كتير لكن انا بصراحه اكتشفت اني باتأثر جامد لما الكلام اللي باقراه يكون طالع من القلب
خالص تحياتي وسعيد جدا بمعرفتك
انا ف الطبيعي باقول اني اول كومنت
بس ده النهارده مش يهمني
يهمني انك تعرفي اني مبسوط جدا اني علرفت البلوج بتاعك
سلام
صباح الفل يا جميلة
ReplyDeleteايه المود ده بس...ربنا يصبرك وان شاء الله يجعل الالم اللى انتى حاسة بيه ده فى ميزان حساناتك ان شاء الله..انتى بس كترى من ذكر الله ..واعرفى انها دنيا و هتخلص بسرعة اوى
شدى حيلك انتى بس ...بالله عليكى (حلفتك بالله اهو ) انك ماتتسيبيش نفسك للاحزان دى وحاولى تخرجى نفسك بسرعة ....بذكر الله و التقرب ليه ..وكمان حاولى تقعدى مع ناس او صحابك اللى بتحبيهم وتقضوا مع بعض وقت ظريف ..لااااازم تخرجى نفسك من المود ده
وربنا يصبرك
تحياتى.. اختك نرمين
ولــــــــــو...
ReplyDeleteلا مش تتاسف
يلا الحمدلله
بس انا عارفه انه اتكسر
بقالى شهرين بحاول اصلحه مش راضى يتصلح
لازم ناس تمشى و ناس تيجى
بس فى ناس بتمشى فى وقت مش مناسب ابدا
بنبقى محتاجينهم بجد
و فجاه بيمشوا ..:(
حاسه انه موجود لسه .. بس يا ترى هو موجود فعلا
ولا لا ..
ما هو اصل الشعور ده ممكن يكون موجود عندى لانى على طول متعوده انه يبقى هنا
الكلام طالع من جوه اوووى ..
نفسى يخرج منى وميرجعش تانى
بس هو جوه فعلا
انا كمان مبسوطه لانى عرفت البلوج بتاعك
ويارب دايما منورنا
سلاماات ..:)
NeRmeeN...
ReplyDeleteاولا منورانى بجد يا نرمين
معلش هو المود ده بييجى للواحد كل فتره كده
ما هو الواحد مش هيفضل مبسوط طول حياته يعنى
و الله بحاول اكثر من الدعاء على قد ما اقدر يا نرمين
ربنا يرحمه و يغفر له و يسكنه فسيح جناته
ويجعل قبره روضه من رياض الجنه
ياااااااارب
اكيييييييد هخرج من المود ده .. متقلقيش
دا انا حتى كده كويسه .. دا فى اوقات بتعدى على الواحد كتيره اسوا من كده
منورانى بجد يا نرمين
.....:)
أسلوبك فظيع الجمال و مؤثر جدا
ReplyDeleteالبقاء لله و ربنا يتولاه برحمته و يصبرك و يجزل ليكى الأجر
و فى كل حال إحنا كلنا ضيوف فى الدنيا دى
بس كلنا بننسى
أبكتني كلماتك
ReplyDeleteرزقك الله الصبر وأهلك
كلامك طالع من القلب
ReplyDeleteعلشان كده دخل قلبى على طول
مش عارفه اقولك ايه
غير ان ربنا معاكى
ويجغل مثواه فىالجنه
ويكون فى مكان افضل منا
اسلوبك جميل واحساسك
مرهف
دعواتى القلبيه لك
بكل الخير
بجد اتاثرت جدا من اسلوبك الجميل
ReplyDeleteوربنا يرزقك الصبر
بس اهم حاجه انتى متنسهوش سواء بالدعاء لان ده اهم من الحزن
الحزن لا بيرجع حاجه راحت
وانتى مؤمنه بالله فاصبرى واكثرى التقرب من الله والدعاء له
ربنا يرحمه ويدخله فسيح جناته
امين
الدرويش المرووش ...
ReplyDeleteاللهم اميييين..
ربنا يرحمه و يغفر له
فعلا كلنا ضيوف هنا
المهم الاخره
بس مش كلنا بننسى للأسف ..:)
logarithms ...
ReplyDeleteاسفه بجد مكنتش اقصد
...:(
اللهم امين
و ربنا يرحمه و يسكنه فسيح جناته
klmat ...
ReplyDeleteاللهم اميييين
يارب يكون دلوقتى فى الجنه
و مكان احسن مننا
يارب
ربنا يكرمك يارب
.....:)
shix ...
ReplyDeleteاكيد منقدرش ننساه من الدعاء
الحزف فعلا لا بيرجع حاجه ولا بتاع
بيتعب الواحد و بس
ربنا يرحمه و يدخله فسيح جناته
و يجعل فبره روضه من رياض الجنه
اللهم اميييييين
.......:)
أنا فعلا عيطت و أنا بقرا البوست ده
ReplyDeleteتعيشي وتفتكري
و ربنا يلهمك الصبر و السلوان
حاولي تحققي إللي هو كان عاوزه منك .... ده أساسا أملهم في الحياه
سلااااااام
ربنا يصبرك
ReplyDeleteبجد مش عارفة اقولك ايه
كلامك خارج من قلبك اوى
لانى حسيت بكل كلمة
رغم انى معشتش التجربة بالظبط
بس ربنا يرحمه ان شاء الله
و اكيد دعاكى ليه احسن حاجة تفرحه بيكى دلوقتى
keda-sponser ...
ReplyDeleteانا اسفه بجد
مش قصدى ان حد يعيط و الله ..:(
و الله بحاول احقق اللى هو عاوزه
يارب اقدر بس
يارب
اكيد هقدر ان شاء الله
منورنا بجد
سلاااااااام
break...
ReplyDeleteربنا يكرمك يا قمر
صعبه اوى التجربه
ياريت متعيشيهاش
كلنا بندعليه ربنا يرحمه
و يغفر له
يارب
منورانى يا قمر
....:)
بجد مش عارف أقولك ايه بجد
ReplyDeleteغير ربنا يصبرك
بجد أنا عارف أنها حاجة صعبة عشان أنا مريت بيها للأسف
ربنا يرحمه ويدخله فسيح جناتخ
آميين آميين آميين
بس الحمد لله الحياة ماشية
مش هقولك تنسي عشان مفيش حاجة أسمها كدة بس هقولك بدل الزعل أحسن حاجة تعمليها انك تدعيله بالرحمة
بس بجد أسلوب كتابتك رائع يا رووز
بس بلاش الموود دة بقى
^_^
ThE LeGeNd..
ReplyDeleteيارب يا محمد محدش يمر بالتجربه دى ابدا
هى صعبه اوووووى بجد
و بتولد شعور بيقتل
....:(
اللهم اممممين
ربنا يرحمه و يجعل قبره روضه من رياض الجنه
فعلا الحياه اهى ماشيه
و محدش بينسى
بحاول اهو اخرج من المود ده تانى
هيتعبنى اكتر انا عارفه
...:)
منورنى بجد يا محمد ...:):)
This comment has been removed by the author.
ReplyDeleteعزيزتى
ReplyDeleteازاى تقولى انكسر
دايمن اللى بينكسر مش بنفتكره
احنا لازم نعرف ان حياتنا بتتنفس بوجود الاخرين بس منحددش مين هما الاخرين دول لازم مع كل وقت وكل زمن وكل حياه ليها ناسها ناس بتروح ويجى غيرهم ربنا بيعوضنا بغيرهم
المهم اللى يروحوا يا حاجه من اتنين
يايسيبوا ذكرى حلوة نفتكرهم بالخير
يا ذكرى وحشه نفرح ببعدهم
ولازم على اد الذكرى اللى نفتكرها نفتكرهم ونحاول نديهم
سلام
احساس لسه حى...
ReplyDeleteلا .. هو انكسر ...لانه معادش موجود
ازاى اقدر انساه..دايما هنفضل فاكررينه
ده الاكيد
فى ناس معينه حياتنا بتتنفس بيهم
بيقلوا مع الوقت
بنحاول نجد ناس بديله ليهم مش بنلاقى ناس زيهم
هو راح و سايب ذكرى حلوه اوووى
و فاكراه اوى
ربنا يرحمه و يسكنه فسيح جناته
.....:)
بس هوه ما اتكسرش ياكاتروز ماهو عايش جواكى اهه وكل كلمة وكل حركة اديكى فكراها , احمدى ربنا يابنتى فى ناس باباهتهم مايتين من صغرهم ماشفوهمش حتى بالجلبية البيضة , ولا يعرفوا يميزوا ملامحهم , حاجات كتير اوى بنعيش على ذكراها , اعتبرى دى حاجة منهم طالما مافيش بايدك حاجة , وحاولى تشيلى الحزن من قلبك وماتخليلوش مكان , وانا من ناحيتى هادعيلك ربنا يفك كربك
ReplyDeleteزى الهوا..
ReplyDeleteمش عارفه ... بس بحس ان الحاجه دى اتكسرت جواى انا
امممم
فاكره كل كلمه و كل حركه و كل همسه
و كل ضحكه و الجلبيه البيضه و الشبشب البنى
ياااااااااااااه بجد
الحمدلله الحمدلله الحمدلله بجد
فعلا دى حاجه منه موجوده لسه بجد
ربنا يرحمه
يااارب يا بنتى
ربنا يكرمك يا قمر يارب
منورااااانى يا جميل ..:)
اول مره اجي هنا بس مش عارف اقولك ايه احساسك طبيعي عشان بتكلمي على ذكرى قويه عندك
ReplyDeleteكل اللي اقدر اقوله ليكي ان الحمد لله ان الأيام اللي قضتيها معاه كانت جميله وسابلك ذكرى جميله وحب في قلبك يكفيكي سنين وانك اكيد هتفضلي دايما فاكراه وبتدعيله وصدقيني انتي اسعد حظا من ناس كتير اهلهم عايشين معاهم ولكن ابنائهم بيتمنوا موتهم بسبب قسوتهم او سوء العلاقه بينهم صدقيني احمدي ربنا انه اكرمك ببعض السنوات الجميله في حضن ابيكي الرائع واحمدي الله على ابتلائه واعلمي ان اجرك عند الله اذا احتسبتيه عند الله سيكون عظيم وسينتفع ابيك به ايضا
بجد اجمل حاجه انك تفتكريه بالخير وتدعيله واوعي تبكي تاني لأنه انشاء الله في الجنه ينتظرك بعد عمر طويل ليكي
تحياتي وسعدت بمعرفتك
سلاااااااااااااااام
هاااى كاتروز
ReplyDeleteاحيانا بتبقى الكلمات ملهاش معنى، لما تكون مشاعرنا اكبر من كل الكلمات، مش عارف اقولك ايه ، انا حاسس بكل كلمة، والدى توفى وانا عندى خمس سنين مش فاكرو اوى بس فى فترة من عمرى كنت حاسس انى محتاجو اوى، الحب الكبير اللى بتحمليه لبابا لازم يتحول لطاقة ايجابية من الدعا المتواصل ليه ومن انك تعملى دايما عشان تكونى ناجحة وسعيدة ذى مهو وكل اللى بيحبوكى يتمنولك دا
ارجوك مش توقفى فى اى مححطة الحياة جميلة بس حكمة ربنا ان يختبرنا بالحزن والالم والفراق
تحياتى ليك
طبعا احساس فقدان شىء دا حاجه صعبه وطبعا انا شم اعرف اقولك ايه بصراحه الا ان دى ارادة ربنا ليه فى هذا الامر حكمه
ReplyDeleteربنا يقويكى يارب وان شاء الله خيرا
:)
ReplyDeleteادعليله
ربنا يرحمة ويجمعك في الجنة ان شاء الله
كلامك عنه جميل اوي
الحمد لله ان العلاقة بينكم كانت جميله كدا
ربنا يجبر كسرك
يعنى بجد والله يا كاتورز الواحد مش عارف يقولك ايه
ReplyDeleteانا بحس انك احساسك عالى جدا فى كل الى بتكتبيه خاصة انى فعلا حاسه بكل حرف انتى كتبيتيه وعايشه فى ان وماما واخواتى
بجد ربنا يصبركوا ويصبرنا ويقدرلكوا الخير
عزيزتى
ReplyDeleteاللى بينكسر بيتغير معالمه جوانا اما هو بس بعد عننا وهو لسه زى ما هو متغيرش فيه اى شئ
على العموم يمكن احساسنا مختلف بكلمة انكسر
كمان مردتيش فى البوست عندى تبتدى تالت بدايه ولا تصبر
مستنى ردك
سلام
This comment has been removed by the author.
ReplyDeleteممكن اللي هكتبه يكون نظري
ReplyDeleteبس يمكن ميكونش نظري لأني مريت بالكسر ده أكتر من مرة
اه مش مريت باليتم وبافتقاد الحضن ده وبالاحساس بإني ضيعت وقتي ووالدي عايش والكلام اللي عبرتي عنه ببساطة وتلقائية ومن غير احتراف ولا أي حاجة
مش هكدب وأقول عيطت بس الرعشة فضلت في جسمي كتير أوي..رغم إني من هواة التأثر بسرعة والجو فجر ومناسب للعياط ..بس لعدم جدواه في المواقف دي ولأن أسلوبك أقوي من إنه يخليني أكتفي بالعياط
فأنا عايز أقول إن اللي زي الانسان الجميل ده عمره ما يتكسر طول ما نسله موجود في الدنيا وذريته الصالحة مش ناسيين واجبهم ناحيته وناحية اللي خلقهم وخلقه
أعتقد إنه اللي خلف زيك مماتش وإنتي فترة بس تستمدي فيها قوتك من إيمانك بالله ومن أحضان كتير مش هتعوضك عن ما سميتيه بالشئ اللي انكسر ..لكن هتديلك القوة اللي تخليكي تكملي
وتفكرك بإن اللي خلف ما ماتش
ربنا يرحمه ويغفرله ويخلده في جنته مع كل اللي بيحبهم وبيحبوه
ومش بس والدك الجميل ..لأ كل الناس الجميلة..اللي ينطبق عليهم مقولة إنهم مشيوا من الدنيا بس لسه حسهم فيها
بعملهم الصالح وبحنانهم وبانسانيتهم
وعلي فكرة
معتقدش إنه كان بينسي البيبسي ..متهيألي كان خايف عليكي من إدمانه
أنت هتقوليلي عن الأب ...بإذن الله هتجتمعي بيه تاني واللي انكسر يتصلح
شدي حيلك بقي واثبتيله إنك بنته حبيبته
سلام عليكم
الشنكوتى الكبير...
ReplyDeleteمنورنا اولا بجد
فعلا كانت ما اروع الايام ..
مع انى معرفتش قيمتها الا دلوقتى
سابلى زكريااات جميله و حب و رحمه فى قلبى
يكفينى سنييين ااه .. بس انا عايزاه هو
مش الزكريات ..:)
الحمدلله .. حتى مهما اهاليهم كانوا بيعاملوهم بقسوه
غصب عنهم هيشتاقوا ليهم
دول الاهل
الحمد لله بجد ..فعلا فى حاجات رائعه كانت بتحصل
هحاول مبكيش تانى .. هحاول
و ان شاء الله يكون فى الجنه دلوقتى
هانت و الله و نروح له
ربنا يرحمنا جميعا بس
انا كمان سعدت بمعرفتك
تحياتى..:)
المتوحد..
ReplyDeleteازيك و ايه اخبارك..
يارب تكون بخير ..
فعلا ساعات الكلمات بتبقى ضعيفه اوى مقارنه بالواقع
ربنا يرحم والدينا يارب
مهما كان فى اى وقت هتبقى محتاجه
كلنا بنحتاجهم .. بنحتاج حبهم
حنانهم
حضن دافى منهم
بحاول احوله لطاقه فعلا
و يبقى فى ميزان حسناته
ربنا يقدرنى على فعل الخير
اكيد بحاول اكون زى ما هو يتمنى
يارب اقدر بس ..يارب
مش هتوقف فى اى محطه
و هكمل ان شاء الله
الحياه فعلا جميله ..بس نفهمها صح
ربنا يصبرنا جميعا يارب
منورنا اوى
...:)
§a§a...
ReplyDeleteفعلا صعبه اوى
خصوصا لما يكون شىء ثمين بجد
فعلا اراده ربنا و نتقبلها
و اكيد ليه حكمه
و مهما كان ده الخير لينا
الحمدلله على كل شىء
منورنا يا مصطفى ..:)
mohamed ...
ReplyDeleteاكيد كلنا كمان بندعيله
مش انا بس
..:)
يارب و اشوفه فى الجنه
نتجمع كلنا فى الجنه يارب مع من نحب
:)
فعلا العلاقه كانت جميله و الحمدلله
اول مره اسمع الدعوه دى من حد
ربنا يجبر بكسرك
بس جميله اوى
ربنا يكرمك يااارب
منورنا بجد..:)
Fedaa AL Eslam ...
ReplyDeleteعايزه اقولك بس ان كلامى معاكى النهارده الصبح فرق معاى اوى
عايشين انا و انتى نفس الحاله
حسيتك قدرتى تدخلى جواى
ربنا يكرمك يارب
و يصبرك و يصبر اهلك
و زى ما قلتى
ربنا يقدرنا على الدنيا ده و تخلص
و نشوفهم بقى
و متنسيش تبقى تعرفينى بباباكى
فى الجنه ان شاء الله
...:)
احساس لسه حى..
ReplyDeleteعلى فكره اسم احساس لسه حى حلووو اوى
بجد حلو اوى
مش عارفه
لكن هو فعلا متغيرش فيه اى شىء
انا بس لما ببقى عايزاه مش بلاقيه
لما ببقى محتاجه حضنه
بلاقى حضن تانى
بس مش حضنه
محدش هيقدر يعوضنى عنه
..:)
يمكن فعلا احساسنا مختلف بكلمه انكسر
لكن الحقيقه واحده
مش كده ولا ايه
..:)
انا كنت عندك امبارح يا قمر
و قلت لك لا
منبتديش بدايه تالته
ادى وقت لنفسك شويه
وقت تستعيدى فيه نفسك ..:)
سلااامات يا قمر
....:)
Diyaa' ...
ReplyDeleteمدام مريت بالكسر ده اكتر من مره
يبقى مش نظرى اكيد
ده واقع انت عايش فيه
امممممم
كلامك جميل اوى
اكد مش ناسيينه و مش سيين واجبنا
ربنا يقدرنا بس
هو عايش جوانا ..بس برضه محتاجينه اوى
بحاول احولها لقوه
وربنا يصبرنا كلنا
ربنا يرحمه و يدخله فسيح جناته
مع كل اللى بنحبهم
ياااارب
و كل الناس الجميله زى ما قلت
فعلا ناس كتييييييييير اوى لسه حسهم فى الدنيا
بالعمل الصالح و بحنانهم و حبهم و انسانيتهم
تفتكر كان خايف على من البيبسى
ممكن فعلا .. حتى لو كان بينسى
نفسى الموقف ده يتكرر تانى و لو مره
...:)
يارب اتجمع بيه تانى
ياااااااااارب
اكيد هثبت له
عشان يبقى مبسوط بى
نورتنا بجد
و عليكم السلاام ..:)
السلام عليكم
ReplyDeleteفعلا مش عارف أقولك أية و لا أية
بس حاولي تخرجي كل اللي جواكي ده علشان متتعبيش
و الله عارف كلامي ده مالوش لازمة بس بجد مش عارف أقولك أية
no fear..
ReplyDeleteو عليكم السلام
بحاول اكيد اخرج اللى جواى
او احوله لطاقه فى حاجه مفيده
و ازاى تقول بس ان كلامك ملوش لازمه
..:(
بجد كفايه بس انت نورتنى هنا
...:)
ويارب دايما منورنا ..:)
لا حول ولا قوة إلا بالله
ReplyDeleteبصى اللى انكسر دا فعلا صعب يتصلح
لكن ممكن يترمم بالدعاء والصبر
اصبرى واحتسبى وادعو له كثيرا وابكى كثير كلما تذكرتيه
كفاكى فخرا انك عيشتى معاه ايام جميلة
فالتمسى الذكرى الجميلة
انتي عارفة مش بتبقى المشكلة ان احنا زعلانين على حالته هو
ReplyDeleteاحنا بنبقى زعلانين علشان مش هانشوفه تاني
ربنا يصبرك وصدقيني كلنا معرضين لكدة في اي وقت وثقي ان فيه ناس كتير بتحبك
واستغلي اوقاتك في انك تعيشي مع اللي بيحبوكي وبتحبيهم
كلامك اثر في جدا
سجدة...
ReplyDeleteاكييد صعب يتصلح..
تعتقدى فعلا ممكن يترمم
هو اكيد بندعى و كل حاجه
اكيد كمان لازم نصبر على الابتلاء
و ندعو الله كثيرا ..:)
طبعا مفتخره جدااااا انى عشات معاه اجمل الايام
.....:)
منورانى بجد.:)
Big Code...
ReplyDeleteفعلا مش بنبقى زعلانين على حالته
يعنى دا احنا بنقول يا بخته
يارب نبقى زيه
هو فى احسن من كده
..:)
يارب
فعلا كل الناس معرضه لكده
اممم.اكيد بحاول اشتغل وقتى مع الناس اللى بحبهم
كلامك جميل بجد
منورنا ..:)
انا مش هقدر اقول غير ربنا يثبتك و يديكي الصبر
ReplyDeleteDR_NIGHTWING...
ReplyDeleteاللهم امين
ربنا يكرمك يارب
منورنا ..:)
الحمدلله
ReplyDeleteمن اهم النعم اللي ربنا انعم بيها علينا
نعمة النسيان
مش قصدي انك هتنسي هتنسي
لكن الواحد مع مرور الوقت بينشغل بالدنيا وبنفتكرلهم الايام الجميلة وندعيلهم بالرحمة
MONDAHESH .....
ReplyDeleteالحمدلله على كل شىء
فعلا من النعم نعمه النسيان
مش عارفه هنسى ولا تؤ
بس يوم من الايام امور الحياه ممكن تشغغلنى فعلا
ممكن
الله اعلم
ربنا يرحمه و يسكنه فسيح جناته يارب
......:)
منورنا بجد
لما بنفقد معنى المشاعر
ReplyDeleteونتوه فى وسط الطريق
ونلاقى الاحساس مسافر
وواخد الا حلام معاه
وقتها يبقى انكسر جوانا شىء
البوست بتاعه راوعه
انتى حركتى مكان الكسر الى اتلهيت عنه وكنت فاكره خف
بس هو ماخفش هو لسه مكسور
انتى رائعه
تحياتى
momken...
ReplyDeleteلما بنفقد معنى المشاعر
ونتوه فى وسط الطريق
ونلاقى الاحساس مسافر
وواخد الا حلام معاه
وقتها يبقى انكسر جوانا شىء
...:(:(
كلامك صعب اوووى
طبعا انكسر جوانا شىء
و صعب اووووووووووى انه يتصلح تانى ..:(
اسفه بجد لو كنت فكرتك بالكسر تانى
اكيد مقصدش..:(
كسر زى دى..ممكن ميخفش
بيفضل موجود طول ما احنا عايشين
..:(
تحياتى ليك انت بجد...:)
دي اول زيارة لمدونتك وكمنتش حابه ان اول بوست اقراه ليكي يبقى كده
ReplyDeleteبصي انا حاسة بيكي وربنا يكون في عونك ويقويكي ويصبرك بس دي سنة الحياة ونصيبنا كده ولازم نبقى احنا اقوى من كده
ممكن يكون هو سابك ومش هيرجع تاني بس الحاجة اللي تواسيكي وانتي المفروض تكوني متأكده منها ان روحه هتفضل معاكي محوطاكي وحامياكي
ربنا يصبرك
sahr...
ReplyDeleteاولا اهلا بيكى هنا
معلش ان شاء الله يكون فى زياره تانيه و بوست كويس
ممكن تكونى حاسه لانك مريتى بتجربه زى دى
فعلا سنه الحياه و محدش بيعترض
الحمدلله على كل شىء
نصيبنا ..فعلا و بنحاول نبقى اقوى
بس اى صدمه فى اولها بيكون صعب اووووى :(
يارب تكون روحه موجوده بجد
ربنا يرحمه
منورانى بجد يا قمر
كلامك جميل اوى..:)
en lelah w en elyhe raj3on
ReplyDeletebgd ana 7asa b e7sasek da bas as3ab ba2a ama ykon mawgod bas 3omro ma y7donek... da as3ab ...
bas matestslmish lel a7zan de .. la2n o akeed msh hyb2a mabsoot ama tkony 7azeena keda.. sa7?
~ Bato0ot ~ ...
ReplyDeleteفعلا احساس صعب اوووووى لما مش تحسى بحنانه
و هو عايش
مش عارفه..ممكن يكون اصعب
اممم...حاولى انتى تقربى منه
انا مش مستسلمه ..
و اكيد هعمل اى حاجه تخليه مبسوط
منورانى بجد ..:):)
يا كات البقاء لله و ربنا يثبته
ReplyDeleteللاسف محدش فينا بيحس بأهمية الشخص
اللى قدامه الا اذا صحى فجأة و مش
لقيه موجود ساعتها نلوم نفسنا
على كل دقيقة فاتت و هو معانا
و مش حاسيين بيه
او مشغولين فى حياتنا
Selfmeaning..
ReplyDeleteاللهم اميييييييييين
فعلا كلمك صح اوى
الواحد مبيحسش بقيمه اللى بيحبه
الا لما يبعد عنه
و هنلوم نفسنا
طول عمرنا
الحمدلل
لا الوقت بينسي ماتقلقيش
ReplyDeleteبس بينسي الحزن
لكن مش بينسي البني ادم نفسه
والدك هيفضل جواكى دايما بس الحزن عليه هيزول مع الوقت ان شاء الله
وده اللى احنا عايزينه ...
علشان نفضل ندعيله علطول واحنا مبسوطين
ادعيله انتى بس علشان تبقي فعلا حد صالح من اولاده و تكونى سبب فى انه يبقي مرتاح ان شاء الله
ان شاء الله يبقي فى الجنة دلوقتى :)
حبيبة قلبى ... كلامك جامد أوى وحاسة بكل كلمة ... ربنا يعينك ويصبر قلبك
ReplyDeleteقلب يحمل الكثير ...
ReplyDeleteالوقت بينسى .. بس بعد ايه
بعد ما الواحد بيتكسر من جوا
مش عارفه هنسى الحزن ولا لا
بس الى متاكده منه انى مش هنسى البنىادم دا
ده انا حته منه
:)
هحاول .. و اكيييييييييييد بندعيله بالرحمه و المغفره
وياااااااارب يكون دلوقتى فى الجنه
riri...
ReplyDeleteحبيبى ربنا يصبرنا كلنا
انتى اكيد حاسه بكل حاجه
عشان مريتى بالتجربه دى
ربنا يصبرنا و يدخلهم الجنه
ياااااااااارب
انا معاكي قلبا وقالبا لاني مريت بتجربتك مرتين مش مرة واحدة
ReplyDeleteفقدت ناس اعز علي من نفسي
بس عندي نصيحة ليكي و لكل انسان ان احنا دايما نحتفظ دايما باللحظات الجميلة في حياتنا مع احبابنا
و نشيلها في قلوبنا علشان نعيش الذكرى دايما و نكمل بالامل حياتنا
ونعبر عن مشاعرنا للي بنحبهم قبل ما يجي يوم نتحرم منهم ويكون فيه كلام كتير كنا نتمنى في لحظة نقولهلهم
اللهم اغفر لنا اجمعين الاحياء منا والميتين و ادخلنا في رحمتك يارب العالمين