Wednesday, October 31, 2007

حضن دافى ...




كانت راسى جنب راسه و كنت بكلمه
اتنفس كويس..كده صح..ايوه خليك فايق
انت سامعنى صح..اه عارفه انك سامعنى ...كان مغمض عينيه
بس كنت حاسه بجسمه دافى و ايديه دافيه على الاقل
بدا يستشهد
و انا معاه
هو بيستشهد ليه
برددها معاه
كتييييير
شويه شويه...نفسه بقى اصعب
و رجعت تانى اكلمه
انت سامعنى صح
ايوه سامعنى
شويه شويه بيبقى بطىء
فى واحد تانى من حوالى سنه و شهرين من قبل وفاه بابا
مات فى بين ايدى بنفس الطريقه دى تقريبا
مش عارفه....بس فى نظره شفتها فى عينيه
شفتها المره اللى فاتت
لما التانى مات
هى نفسها بالظبط
هى لحظه طلوع الروح
هى دى النهايه ولا ايه
اللحظه دى فاكراها اووووووووى بكل تفاصيلها
عرفت ساعتها انه مات
مبحبش افتكر اللحظه دى خالص
..:(
بس كنت بكدب نفسى
لا ..متفكريش بالطريقه دى
اهو صاحى اهو و كويس
شويه و الدكتور هييجى و يطمنك عليه
جه الدكتور و خلانى ااقوم
بس فضلت جنب بابا برضه
كنت ماسكه ايديه
لسه كانت دافيه و لسه حاسه انه بيتنفس
مش عارفه بقى حاسه كده لانى عايزه كده ولا حاسه كده لان هو كان فعلا كده
جنبى الدكتور بكلمه
ايه
هو كويس
طيب رد على
فى ايه
و الدكتور مبيردش
قالى
متنفيش جنبى زى الاطفال
لا انا طفله بقى و هفضل ااسال لحد ما افهم فى ايه
ورجعت تانى اسال نفس الاساله دى
دكتور..هو بابا كويس صح
طيب هنعمل ايه دلوقتى
اتصرف
انت مش بترد على ليه
و اخواتى واقفين
و احمد كان جنبى بالظبط عايزنى برضه ااسكت
و كنت بسال تانى و تالت و هو مش بيرد على
فى مرايه كانت جنبى
عينى جات عليها
شفتنى فيها انا و بابا
لون بابا زيي
طيب الحمدلله
لسه عايش
امال انا مش حاسه بيه بيتنفس ليه
حد يفهمنى بقى يا جماعه
الراجل الدكتور بدا يلم حاجته تانى
انت بتعمل ايه
طيب فهمنى هو فى ايه
حسيت انى جوه فيلم عربى
لما الراجل بيموت الدكتور بيلم حاجته و بيقولهم البقاء لله
بس دا متكلمش
دا نده اخوى و طلعوا وقفوا بره باب الشقه
ساعتها كانت ااول مره اسيب بابا
رحت معاهم و بسالهم هو فى ايه
الدكتور مشى
و احمد بدا يعيط
اول مره اشوف دموع فى عيون احمد
احمد هو قالك ايه
طيب ازاى يعنى هو بيهرج الراجل ده ولا ايه
احمد خدنى فى حضنه و عايز يتكلم و مش عارف
و بيعيط
اول مره اشوف اخوى بيعيط
سبتهم و جريت تانى على بابا
مسكت ايديه
كانت بارده
لالا اهى مش بارده اكيد
و ابتديت تقريبا اكلم نفسى
ازاى ايديك بارده
انا بيتهىء لى صح
طيب رد على و قولى ان ايدى بتهيس
و انت دافى و انا اللى حاساها بارده
اصل دى ايدك بس انت جسمك اهو دافى و كويس
فضلت اكلمه تانى
قوم بقى يا بابا
قوم يلا عشان عندى مذاكره
انت عارف انا كده كده مش هذاكر يعنى بس معلش قوم يلا
طيب قوم انت عندك شغل كتير لازم يخلص
قوم طيب عمو جاى كمان شويه هيتخض لو شافك بالمنظر ده
قوى بقااا
طيب هو انت مش بتتنفس ليه
بص ايدك اهى بارده قوم و هعملك حاجه دافيه تشربها
ده كله و احمد بيقومنى بس مش عارف
و اخواتى كمان
و ماما واقفه مش فاهمه حاجه فى حاجه
و انا لسه بكلمه
و هو مش بيرد على ولا حاجه
حطيت راسى على كتفه و غمضت عينى
و ماسكه ايده
و لسه بكلمه
..:)
بصيت فى الساعه لقيتها
تقريبا واحده و نص
الكلام ده كله حصل من الساعه 9 تقريبا لحد واحده و نص بالليل
حسيت انهم نص ساعه بس اللى عدوا
و لما شالوه و حطوه على السرير
انا كنت جنبهم
بيغطوه
و بيغطوا وشه
بقولهم ليه
سيبوا وشه هو مكانش بيغطى وشه و هو نايم
و برضه محدش بيرد على
ساعتها بس فهمت
انه مات


at

35 comments:

  1. كفايـة طيبـةOctober 31, 2007 at 7:33 PM

    :)

    :)

    انا مش عارفة اقول ايه

    بس عايزة اقولك ادعيله اوى ياحبيبتى
    هو محتاج دعوتك والله

    وفى الاخر .. متفكريش كتير فى اللحظة دي

    ربنا يجمعنا ببعض على خير يارب :)

    ReplyDelete
  2. Rushdy KamelNovember 1, 2007 at 2:44 AM

    طبعا اصعب حاجة الفراق وكلنا بنخاف من اللحظة دي وبنتخيل الدنيا مش هاتنفع نعيشها زي الاول
    حاولي تكملي حياتك وتفكري ازاي تحقق امله فيكي

    مش عارف اقولك ايه غير ان ربنا يصبرك

    ومتبقاش تطولي علينا تاني كدة
    باااااااي

    ReplyDelete
  3. Rushdy KamelNovember 1, 2007 at 2:44 AM

    طبعا اصعب حاجة الفراق وكلنا بنخاف من اللحظة دي وبنتخيل الدنيا مش هاتنفع نعيشها زي الاول
    حاولي تكملي حياتك وتفكري ازاي تحقق امله فيكي

    مش عارف اقولك ايه غير ان ربنا يصبرك

    ومتبقاش تطولي علينا تاني كدة
    باااااااي

    ReplyDelete
  4. safa7_karmoozNovember 1, 2007 at 3:36 PM

    :)

    ReplyDelete
  5. عطاالله النديمNovember 1, 2007 at 3:39 PM

    لقد دخل بيت الراحة الحقيقى .. فدعوه

    ReplyDelete
  6. ولــــــــــوNovember 3, 2007 at 5:37 AM

    تجربه صعبه جدا على اقوى الناس واشدهم تماسكا مش هاقدر اقول غير انه ربنا يجازيكي كل الخير ويرحم باباكي كلامك اتأثرت بيه جدا وبادعي من كل قلبي ان مش يبقى فيه حد ربنا يكتب عليه انه يمر بالتجربه القاسيه دي

    ReplyDelete
  7. NeRmeeNNovember 3, 2007 at 10:56 AM

    ربنا يصبرك يا حيبتى:(

    حاولى تتماسكى ...مس عارفة اقولك ايه
    :(

    ReplyDelete
  8. sa'7so'7teNovember 3, 2007 at 2:11 PM

    الله يرحمه بجد

    بس احمدى ربنا انك ممكن لسه توصليله سلامك لانك من ذريته و اى دعاء و اى عمل صالح و اى دقة جارية بتوصله و ساعتها بس هتحسى انك هتقدرى توصليله اد ايه انتى بتحبيه واد ايه هو واحشك

    صدقينى ده احسن كتير من ان حد عزيز عليكى اوى برضه يموت بس مش عارفة يا ترى هو عارف انه واحشنى يا ترى بيوصله سلامى

    بجد ربنا يساعدك تعدى الفترة دى
    و تحياتى و تعازى ليك

    ReplyDelete
  9. الزهراءNovember 3, 2007 at 8:38 PM

    :(



    اكيد هوا ارتاح من الدنيا

    وان شاء الله في الجنة

    ادعيله كتيييير

    ربنا يرحمه يارب

    ReplyDelete
  10. breakNovember 5, 2007 at 10:54 AM

    البقاء لله


    لحظات مؤثرة جدا

    :(

    ReplyDelete
  11. catrozNovember 5, 2007 at 1:44 PM

    كفايه طيبه ..

    ...:)
    انا مش بفكر فى اللحظه دى
    بس ساعات كتيييييييير اوى بفتكرها غصب عنى

    ربنا يجمعنا على خير ياااااااارب..

    ............

    big code..

    مهما كان الدنيا بتتغير
    بس بنحاول نبقى زى الاول ..
    مع انه صعب اووووووى نبقى زى الاول
    الحمدلله ..:)

    معلش بغيب عشان ظروف الدراسه و كده
    منورنا بجد ..

    ReplyDelete
  12. catrozNovember 5, 2007 at 1:45 PM

    safa7_karmooz..

    معلش .. كمان بوست كئيب ..:(

    ...........

    عطاالله النديم....

    ياااااااارب ..:)

    ReplyDelete
  13. catrozNovember 5, 2007 at 1:48 PM

    ولــــــــــو..

    فعلا بتبقى صعبه فعلا على اى انسان
    يارب محدش يمر بيها
    منور بجد ..:)

    .............

    nermeen ...

    الحمدلله على كل شىء ..:)

    ReplyDelete
  14. catrozNovember 5, 2007 at 1:49 PM

    sa'7so'7te...

    ياااااااااااارب ..
    هو اكيد عارف ..:)

    منورانى يا قمر
    و كل سنه و انتى طيبه ..

    ...............

    الزهراء ..

    يااااااارب فى الجنه ..

    وحشتينى يا قمر .. يارب تكونى بخير

    ..:)

    ReplyDelete
  15. catrozNovember 5, 2007 at 1:50 PM

    break..

    الحمدلله على كل شىء ..:)

    ReplyDelete
  16. Ana kedaNovember 6, 2007 at 12:30 PM

    ياااااااااه

    فكرتينى بتفاصيل زيك كده قربت انساها بس انا بجد منسيتهاس خالص

    برغم فات عليها 5 سنين رجعتينى ليها

    بصى البعد عمر ما بيبعد الناس الى بتحبيها جوه قلوبنا اوى

    حاساكى اوى وكلامى خلص بجد

    ReplyDelete
  17. احساس لسه حىNovember 7, 2007 at 12:36 AM

    عزيزتى
    فراق اللى حولينا مكتوب وناس هيفرقونا وناس احنا هنفارقهم
    المهم لما يفرقونا يكونوا سايبين ذكرى حلوه فى دنيتنا ونحس انهم هيسعدوا فى اخرتهم واحنا كمان لما نفارقهم نحاول نسيب الذكرى الحلوه ليهم ونحاول نطمن على اخرتنا
    اهم شئ اللى بقيله منه وواجب عليكى دعوتك
    وكل ما تكون انسانه كويسه كل ما دعوتك هتنفعوه اللى يحب اللى ماتله يدعيله ويحاول يكون اهل لهذه الدعوه
    تحياتى والله يرحمه

    كمان بعد اذنك ادعوك لمدونتى علشان فى خلاف بينى وبين ايمى وعملت بوست عليه وقولت اجيب اللى بيعلقوا يشهدوا بينا ممكن
    تحياتى سلام

    ReplyDelete
  18. Dr GadNovember 7, 2007 at 5:22 AM

    روز ......بجد ربنا يصبرك حاجة صعبة فعلا انك تفقد حد عزيز عليك بالمنظر ده بس ده قضاء ربنا وكل اللي بايدينا اننا ندعيله بالرحمه والمغفره

    وياريت تبطلي تفتكري اللي حصل كتير عشان تقدري تكملي ...

    ReplyDelete
  19. The ManagerNovember 7, 2007 at 10:57 AM

    ربنا يرحمه
    ويصبركم جميعا

    مقدرش اقول غير كدة والدعاء طبعا

    ReplyDelete
  20. AMRO .O. ABDELHALIMNovember 9, 2007 at 8:22 AM

    كاتروز
    مسا الخير اولا
    البوست حزين ومليان بالمشاعر
    مش عيز اقولك ان الموت حق ووسبيل الجميع هو هذا المسير القاصد الى الله، دائما العزاء هو فى التجاوز والشعور باننا بنعمل حاجات بتسعد اللى رحلوا
    مش عارف ليه حاسس انك توقفت كتير فى المرحلة دى، انا عارف انها تجربة صعبة جدا لانو مات فى حضنك، بس انت اقوى من كل الاحزان، ذى مقلوتيلى مرة رددى معايا انا قوية، واكبر من كل الاحزان
    ربنا يرحموا هو محتاج الى الدعا
    اذا مات ابن ادم انقطع عملو من الدنيا الا ان يدعولو له ابنائه الصالحين
    تحياتى

    ReplyDelete
  21. Lobna Ahmed NourNovember 9, 2007 at 3:15 PM

    انا مقدرة احساسك و ان كتير بتكون الذكريات صور بتزورنا دايما و مش ممكن نمحيها . و صدقيني ما حدش ممكن يقدر موقفك غير اللي لاقدر الله مر بيه ورغم كده انا مبسوطة انك قادرة تعبري عن اللي جواكي .. مش لازم نحبس مشاعرنا

    تحياتي لك واسال الله الرحمةوالمغفرة

    لموتاكي و تموتانا واموات المسلمين اجمعين

    على فكرة انا البلوج بتاعي حزين جدا وممكن تشرفيني بزيارتك

    اسفة للاطالة

    ReplyDelete
  22. AnonymousNovember 11, 2007 at 6:08 AM

    ممكن أستغل المساحه دى واعمل اعلان صغير
    16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
    هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
    تعالوا وقولوا للحبايب

    ReplyDelete
  23. mohamedNovember 12, 2007 at 2:14 AM

    محدش هيحس بالأحساس دا غير اللي حس بدفء الأب ورعايته وحنانه

    رحمه الله

    ReplyDelete
  24. حسام خليلNovember 12, 2007 at 12:53 PM

    نسأل له الله العفو والمغفرة.
    ربنا يجمعنا بيه في الجنة.


    قدرتك على التصوير جميلة يا روز.

    تحياتي،،
    حسام

    ReplyDelete
  25. catrozNovember 12, 2007 at 1:26 PM

    Ana keda...

    الحاجات دى عمرها ما بتتنسى خالص اصلا ..
    ..:)

    ..................

    احساس لسه حى ...

    طبعا مكتوب و على طول بنفتكرهم بالخير و بندعى لهم

    يارب بس الناس يبقوا يفتكرونا احنا كمان بالخير ..:)

    ReplyDelete
  26. catrozNovember 12, 2007 at 1:28 PM

    Dead Man...

    الحمدلله بقى
    مش بفكر كتير .. بفكتر غصب عنى :s

    منورنا بجد يا ديد ..:)

    ................

    The Manager...
    اميييييييييين يااارب...:)

    ReplyDelete
  27. catrozNovember 12, 2007 at 1:32 PM

    amro..

    مساء النور يا عمرو ..

    انا قويه و اكبر من كل الاحزان
    بكررها اهو لعل و عسى تنفع بقى ..:)

    تحياتى ليك ..

    ..................

    unique...
    كل نفس ذائقه الموت ..:)
    ...
    اول مره اشوفك هنا
    بس منورانى بجد و هشوف البلوج بتاعك اكييد

    ReplyDelete
  28. catrozNovember 12, 2007 at 1:33 PM

    وينكى ...

    البلوج ده مش بتاع اعلانات "وش مطلع لسانه"

    .................

    mohamed...
    حسيت بيه كتير اوى .. معرفتش قيمته بجد الا دلوقتى
    اللهم امييييييييييييييين

    ReplyDelete
  29. catrozNovember 12, 2007 at 1:34 PM

    حسام خليل ..

    ياااارب نتجمع فى الجنه بقى

    منورنى يا حسام ...:)

    ReplyDelete
  30. okletstrythis456November 15, 2007 at 4:17 AM

    روز .. خلتيني ادمع!

    ودى حاجة مش بتحصل بالساهل

    ReplyDelete
  31. Van GoghNovember 19, 2007 at 4:19 AM

    البقاء لله


    وانا لله وإنا اليه راجعون

    ReplyDelete
  32. catrozNovember 19, 2007 at 11:43 AM

    Mina....

    مش اقصد معلش..
    المهم منورنا بجد
    ..:)

    ..........

    Van Gogh..

    الحمدلله ..

    ReplyDelete
  33. AnonymousNovember 19, 2007 at 3:33 PM

    بسم الله الرحمن الرحيم .. كل من عليها فان ويبقى وجه ربك ذو الجلال والاكرام .. صدق الله العظيم ..



    ربنا يتولاه بمغفرته ورحمته بإذنه سبحانه ..

    ReplyDelete
  34. AMRO .O. ABDELHALIMNovember 20, 2007 at 7:38 AM

    انت فين
    يرب تكونى بخير
    تحياتى لك

    ReplyDelete
  35. catrozNovember 23, 2007 at 4:40 AM

    Emre Belözoğlu..

    اللهم اميييييييين ..

    ..........

    amro...

    انا بخيير الحمدلله ..
    دعواتكم بس..

    ReplyDelete

Commentoo ..:D