Friday, November 23, 2007

مش اى حد تحس معاه بامان...


مش اى حد تحس معاه بامان
مش اى حد حضنه هيبقى دافى
مش اى حد هيمسح دمعه عينيك
مش اى حد هتلاقيه حنين عليك

طيب ولما حد المفروض تحس معاه بامان
بتحس معاه بالخوف..
هتعمل ايه..!!

طيب و لما حد المفروض يبقى حضنه دافى
وتلاقيه قااسى عليك..
هتعمل ايه ..!!

ولما هو نفسه يخلى دمعه تنزل من عينيك
هتعمل ايييييييييه..!!

طيب و لما متلاقيش منه قلب حنين
و انت لسه بتقوله عايز حنان
و هو بقى ..بيقتلك براحه
هتعمل ايه ..

هتفضل تسمحله يموتك
ولا هتفضل عايش ... بس ميت

at

16 comments:

  1. GeminiNovember 23, 2007 at 9:00 AM

    مش هاعمل حاجة غير اني احاول أحب نفسي شوية
    احب نفسي واكره احساسي بالامان معاه
    اكره حضنه اللي كان دافي
    اكره دموع عيني
    اكره قسوته عليا
    هأفضل عايش لنفسي ومع نفسي
    أصل مش أي حد تحس معاه بالأمان
    أو مفيش حد تحس معاه بالأمان

    ReplyDelete
  2. كفايـة طيبـةNovember 24, 2007 at 5:48 AM

    صح مش اى حد تحس معاه بأمان

    بس بردو المفروض اختار اللى احس معاه بالاحساس ده

    مش اعيش فى الوهم وافتكر انى حاسة بأمان وده كان مجرد احساس اصطنعته لنفسي وهو ملوش اساس من الصحة

    وبعد كدة افوق من الوهم ده على الحقيقة دي

    ان ده الشخص الغلط ... مش هو ده اللى المفروض ارتاح وهو جمبي

    :) :)

    ReplyDelete
  3. Rushdy KamelNovember 25, 2007 at 2:00 AM

    الخوف والقسوة يقدر يخلي الاحساس بالامان يتبخر
    ولما ما احسش بالامان مع اللي باحبه يبقى اكيد مفيش حب
    الحب = الامان

    حاولي تفكري مع نفسك شوية
    وتعيدي تنظيم حياتك
    مفيش حاجة في الدنيا تستاهل اننا نتعذب

    متبقيش تطولي علينا تاني
    :)

    ReplyDelete
  4. catrozNovember 26, 2007 at 5:17 AM

    Gemini ...

    طيب ما هو صعب الانسان يعيش مع نفسه
    و لنفسه بس

    اكيد فى حد هنحس معاه بامان
    لو مش النهارده ..يبقى هيبقى موجود بكره ..:)

    ReplyDelete
  5. catrozNovember 26, 2007 at 5:21 AM

    كفايه طيبه ..

    كلامك صح اوى
    بس لما يكون الشخص ده المفروض يديكى الشعور ده
    بابا او ماما مثلا و متحسيش معاه كده
    يبقى ده شخص غلط
    وهتروحى تدورى على حد برا ..!!

    .....:)

    ReplyDelete
  6. catrozNovember 26, 2007 at 5:23 AM

    Big Code ...

    فعلا معادله بسيطه اوى
    الحب = الامان

    مفيش حاجه عشان اراجعها تانى
    كل حاجه واضحه اصلا ..

    معلش بغيب غصب عنى ..
    فتره و هتعدى ..:)

    ReplyDelete
  7. M.OsamaNovember 26, 2007 at 4:50 PM

    ادخلي ذاكري ... هاضرب

    ReplyDelete
  8. catrozNovember 27, 2007 at 1:38 AM

    M.Osama...

    ايه هتضرب ولا ايه
    قوم ذاكر حكوميه يلا :P

    و سلملى على سيكى ميكى lol

    ReplyDelete
  9. Dr GadNovember 27, 2007 at 12:12 PM

    ولا هتفضل عايش ... بس ميت


    ليه كده بس ياروز بتفكريني :(

    طبعا البوست حلو قوي ومش هقدر اتكلم عليه لانك عارفه اني حاسسس بيه وبالذات اخر جملة

    ReplyDelete
  10. عطاالله النديمNovember 30, 2007 at 5:37 AM

    سقع .. نفض .. كبر .. اتركه حتى يحس .. انها تلك الكلمات الخالدة
    شرط الاستخدام

    ReplyDelete
  11. catrozNovember 30, 2007 at 11:25 AM

    Dead Man..

    معلش بقى...عايزه اكتب حاجه مش كئيبه بس مش عارفه تقريبا
    خير خير..

    المهم انك منورنا بجد..

    و نفسى تغير بقى ديد مان ده .:)

    ReplyDelete
  12. catrozNovember 30, 2007 at 11:26 AM

    عطاالله النديم...

    اتركه حتى يحس....

    ولا هتفرق معاهم اصلا ..
    لو بيحسوا كانوا اخدوا بالهم من زمان .:)

    ReplyDelete
  13. banotetmasrDecember 1, 2007 at 4:11 AM

    بجد بجد ياكاتروز المدونة دي أكتر من رائعة

    وقعدت قريتها بوست بوست

    بس ليه نبرة الحزن دي؟!!

    ربنا يسعدك يارب

    وأنا متبعاكي إن شاء الله

    ReplyDelete
  14. ابو العربىDecember 2, 2007 at 6:30 AM

    مبعرفش اتصرف بيكون القرار صعب

    تحياتى

    ReplyDelete
  15. catrozDecember 2, 2007 at 7:19 AM

    banotetmasr..

    رائعه بوجودك بس يا قمر

    مش عارفه اكتب اى بوست حلو زى زمان

    معلش استحملونى بقى ..:)

    ReplyDelete
  16. catrozDecember 2, 2007 at 7:22 AM

    ضد الظلم...

    مش لازم يكون فى قرار اصلا

    اصل هنعمل ايه

    منورنا .:)

    ReplyDelete

Commentoo ..:D