Sunday, March 16, 2008

انا جييييييييييييت

اخيراا و بعد محاولات عديده فاشله النت رجع
رجع فى البيت بس الكمبيوتر بتاعى مفيهوش نت لسه
:D
وصلت نت هنا بطريقه غريبه كده
و سوون ان شاء الله هنشوف حل للمشكله دى
مع ان ده مش هيبقى فى صالحى عشان وراى بلاااوى لازم تخلص اصلا فى الكليه
و الدكاترة بيطلبوا حاجات غريبه مننا
اول مرة احس ان دكاتره عبرى ارحم حبتين تلاته اربعه
يعنى بجد مش فاهمه ايه علاقه حفله منير بالدراسه الميدانيه
احنا بندرس معالم سياحيه ولا حفلات فاضيه الكليه بتعملها
لا و منعرفش اننا لمفروض نقدم تقارير عنها الا بعديها باسبوعين
و الله بحسهم ناس مجنونه اللى بيدرسونا دول
خلصت بتاع مصطفى قمر و لسه بتاع اللى اسمه منير ده
بقول معملهوش و اذاكر حاجه تنفعنى احسن
فى واحد تانى مدينا مقالات كتيرة المفروض نترجمها مع نفسنا
نصها بيتكلم عن التلوث و النص التانى حوادث فى البحر
طيب و انا مالى و مال الكلام ده
و كتاب تالت بفتحه اول امبارح لقيت المقدمه فيه حاجه و خمسين صفحه
:huh:
قريتها كلها .. مفهمتش حاجه .. و نمت يوميها الساعه 2 بالليل
و مقدرتش اصحى تانى يوم الصبح عشان احضر محاضره الساعه 8
statistics السنه اللى فاتت اختى هند كانت بتاخد ماده اسمها
كنت بفضل اتريق على اسمها كتتتتتتير اوى
مع ان الماده رخمه و كانت هند بتبقى عايزة تموتنى .. خصوصا ليله الامتحان
السنادى مكتوب على اخدها انا كمان
كل سنه كانوا بيدرسوها احصاء بالعربى
statistics دلوقتى بقت
و اروح اسال هند على اى حاجه مش فاهماها
تقعد تدينى محاضره فى الادب و الاخلاق و ان ربنا بيردهالى السنادى :D
الظاهر كده بقيت منحوسه زى صاحبتى
كوكى لو عرفت هتفرح فى اوى
عشان كده مش هقولها :D

ايييييييييييييه
بجد الشهر ده غريييب و ممل و بشع لاكبر درجه
و المواصلات لوحدى بقت كتيرة اوى
دا غير المشاكل اللى مالهاش لازمه فى البيت كل يوم :S
ادينا اهو يوم 17
عايزه الشهر يخلص باى طريقه
حاساه لو خلص ممكن يحصل تغيير
معرفش تغيير فى ايه بالظبط
بس اهو اى تغيير احسن من اللى احنا فيه ده

و كوكى بقى ترجع بيتها و يبقى عندها نت
عشان كده كتير بجد بجد يعنى
و مبتنزلش الكليه الا كل فين و فين
و لما بتنزل و تقعد ببقى انا اجازة
او بيبقى عندى محاضرات
او لازم يحصل اى حاجه يعنى و منقعدش مع بعض
و الله طووول عمرنا منحوسيييين انا و هى
بس هى اكتر حبتين :p
يارب ما تيجى تشوف الكلام ده
بس هى واحشانى و خلاص
و ناس كتيره و الله وحشونى
و من كتر ما وحشونى زهقت اصلا

يلا اهو النت رجع
و مديه لنفسى اجازة اكتئاب فى البيت بكرة و بعدوا (b
statistics بس هنزل بقى الاربع عشان عندى
دا لو كان لى عمر يعنى

ايه الرغى دا كلوا
كفايه كده
تصبحوا غير خير

at

18 comments:

  1. momkenMarch 17, 2008 at 8:48 AM

    ياه هى الدراسه بقت رخمه اوى كده
    ال وانا بحلم ارجع الكليه تانى
    لاء ياستى الحمد لله كده اشطه وتعشت وقضيت والحمد لله

    اساسا الكليه بتعتنا الى يخرج منها بيكسر هو نفسه ورا نفسه قله

    وبعدين ياستى مذكرتك اشى منير ومصطفى قمر
    انا لما هتسرمح يبقى بذاكر بالنسبالك

    مذكرتك اشطه ولوز احمدى ربنا

    البوست حلو
    والفضفضه حلوة

    تحياتى

    ReplyDelete
  2. كفايـة طيبـةMarch 17, 2008 at 11:57 PM

    :D

    mabrooooooooooooooook el net

    heeeeeeeeeeeeeeeeeeeeh kbeeera awyyyyyyy :D :D

    eh elly dakhal monir fel geoghraphy??

    3la fekra kelmet"statistics" dy mn el vocablury elly 23dt shahreen a7faz fe not2aha :D

    lao msh fahma 7aga 2oleely ... dy kanet le3bety :D
    bss delw2ty khalas :D

    waiting for u :)

    ReplyDelete
  3. catrozMarch 18, 2008 at 4:20 AM

    momken..

    حلوة مذاكرتى منير و مصطفة قمر دى ..:D

    لا احنا بناخد حاجات زى البنى ادمين عاديه ..بس زياده عليها الحاجات اللى مالهاش لازمه دى ;s

    خير خير الحمدلله ..يارب السنه بس تعدى على خيير ...

    منورنا ..

    ReplyDelete
  4. catrozMarch 18, 2008 at 4:50 AM

    كفايه طيبه..

    هيييييييييييييه
    ايوة جيت يا مومو

    ايه بقى فعلا اللى دخل منير فى جغرافيا
    بجد معرفش
    الا انه فراغ عاطفى عند الدكاتره :D

    statistics و كلمه
    برضوا فضلت بتاع شهريت عشان اقولها صح
    بجد كلمه عجيبه اوى :D

    خلاص هنذاكرها مع بعض يا
    momo online

    :D

    سيبك انتى .. وحشتينى موت اصلا WUB

    ReplyDelete
  5. §a§aMarch 18, 2008 at 6:24 AM

    حمد لله على سلامه

    نورتى من تانى

    تحياتى

    ReplyDelete
  6. catrozMarch 18, 2008 at 7:48 AM

    الله يسلمك يا مصطفى ..

    يارب منورنا على طول انت كمان ..

    ReplyDelete
  7. Dr GadMarch 18, 2008 at 8:40 AM

    حمد لله علي السلامه

    وادعي ان كوكي م تشوفش البوست ده

    وربنا يرجعها بيتها بالسلامه ويبقي فيه نت :)

    ReplyDelete
  8. catrozMarch 18, 2008 at 9:25 AM

    dead man ..

    الله يسلمك ..
    ويارب كوكى مش تشوفه بقى
    ويارب ترجع بيتها ..:(

    ReplyDelete
  9. Special DesignerMarch 18, 2008 at 10:03 AM

    ليه بس أسبوع للاكتئاب

    يارب يرجعلك كوكي وتعدي معاها براحتك

    سدإيني الواحد كتير بيكتئب ويسيب نفسه للاكتئاب
    بس سدإيني برضه لما الفترة دي بتروح بيحس إن في وقت كان ممكن يستغله في حاجات كتير راح منه

    وربنا ييسر علينا كلنا يارب

    Special Designer

    ReplyDelete
  10. Rushdy KamelMarch 19, 2008 at 1:37 PM

    حمدا بالسلامة
    شدي حيلك


    :)

    ReplyDelete
  11. moodysalihamidzicMarch 19, 2008 at 8:52 PM

    This comment has been removed by the author.

    ReplyDelete
  12. moodysalihamidzicMarch 19, 2008 at 9:53 PM

    ويلكم بااااااااااااك :)

    ReplyDelete
  13. No FearMarch 20, 2008 at 11:13 AM

    السلام عليكم
    حمد لله علي السلامة
    و يارب الكمبيوتر و النت يبقوا تمام

    نصيحة ياريت تخلي بالك من دكاترة الكلية لحسن يكون منهم حد مدون و لا حاجة و تقعدي في الكلية بقية عمرك
    :))

    ReplyDelete
  14. SelfmeaningMarch 20, 2008 at 7:13 PM

    welcome back again
    and God with u in studying

    :)

    i miss u so much

    ReplyDelete
  15. MONDAHESHMarch 21, 2008 at 6:37 AM

    حمدلله علي سلامتك

    انا كمان نفسي الشهر يخلص بسرعة

    بس لاسباب مادية بحتة

    :)

    تحياتي

    ReplyDelete
  16. catrozMarch 23, 2008 at 12:44 AM

    Special Designer....

    هو كان يوم اكتئاب بس على فكرة
    وحصلت حاجه و اليوم اتغير و كان من اجمل ايام حياتى ..

    الكتئاب شىء سىء ..بس بيبقى غصب عننا للاسف..:)

    منورنا دايما يارب..

    ..............

    big code..

    الله يسلمك ..:)

    ReplyDelete
  17. catrozMarch 23, 2008 at 12:48 AM

    moodysalihamidzic ...

    ويلكم بييك انت ..

    .............


    No Fear ...

    وعليكم السلاام

    الحمدلله اهو النت و الكمبيوتر كويسين الى حد ما..:S

    موضوع الدكاتره المدونين بقى
    ففى اكيد دكاترةمدونين
    بس حتى يعنى و لو
    هيعرفونى منين:D

    ................

    Selfmeaningٍ ...

    ويلكم بيكى انتى
    و وحشتينى اووووى

    و كذا مرة اكلمك الاقى الموب مقفول:(

    ReplyDelete
  18. catrozMarch 23, 2008 at 12:49 AM

    MONDAHESH ....

    الله يسلمك
    هههههههههه
    برضوا دى من احدى الاسباب اللى عاوزة الشهر يخلص عشانها:D

    ReplyDelete

Commentoo ..:D