Sunday, March 23, 2008

الكائنات الفضائيه على فكرة زوق




فعلا ابتديت احس ان الكائنات الفضائيه دى زوق اوى
بجد زوق زوق يعنى ..مش عاملين زى البنى ادمين كمان

يعنى على الاقل مش هتبقى بتذاكر فى مرة و ييجى كائن فضائى يسيب كل الشقه وييجى
يشغل اى حاجه بصوت عالى جنبك و متعرفش تركز بسببه

مش هييجى برضوا كائن فضائى يشيل الغطى من عليك فى عز البرد بحجه ان الدنيا حر
متستغربوش ..احمد ابن عمى اللى عنده 4 سنين عملها

مش هييجى كائن فضائى عشان ينام تقعد تطبطب عليه و تغنيلوا
لا و يختار كمان بتغنيلوا ايه
و تبقى ليلتك سوده لو مش حافظ الاغنيه اللى هو عاوزها
اوسى بنت عمى . طلباتها عشان تنام غريبه

برضوا مش هييجى كائن فضائى يخلص لك رصيدك من الفون الساعه 2 بالليل
يعنى استحاله تنزل تشحن ابدا فى الوقت دا

برضوا مش هتبقى فى مرة مستنى فون مهم من حد
و ييجى الكائن الفضائى ده يتصل بحد من اصحابه ويشغل الفون لمده 6 ساعات

مش هييجى كائن فضائى و يقولك كلمه تجرحك
بدون مناسبه و بدون سبب ..

مش هييجى كائن فضائى تقوله ابيض ولا اسود
gray يقولك لا

مش هتقوله صحينى بعد ساعتين ضرورى عشان وراى حاجات اخلصها
يسيبك نايم لحد تانى يوم
تقوله ليه سبتنى .. يرد عليك..معلش اصلك كان شكلك تعبان و صعبت على :S

برضوا مش هييجى كائن فضائى على سبيل الهزار و انت لابس و خارج يرش عليك ميه
تقوله ايه اللى عملته ده
يقولك ..بهرج معاك...بتقلبها جد ليه .. و يعمل فيها زعلان:D

research كمان مش هييجى كائن فضائى تعمله
و يكون طالع عينك فيه
و يرد عليك يقولك ..لا اعمله تانى .. اصل انت جايب 8 مراجع بس و احنا عايزين 10

مش هيحصل فى يوم انت تكون عامل حاجه عشان كائن فضائى
و تعبان فيها و مضيع وقتك عشانه
و ييجى يقولك .. يووووة .. عاملها لونها اخضر ليه دنا كنت عاوزة فحلقى ..:S

مش هييجى كائن فضائى و انت فى احلى نومه و بتحلم حلم جميل
يصحيك من النوم
قوم اكوى لى الهدوم اصلى متاخر على الشغل:D

عمر ما كائن فضائى هيبقى عايش حياته عشان ينقضك فى كل حاجه بتعملها
و ييجى بنى ادم تانى يعمل نفس الشىء و يبقى حبيبه اخر حاجه ..:)

مش هتبقى مستنى فون من كائن فضائى و ميتصلش بيك ولا يعبرك

برضوا معتقدش ان فى كائنات فضائيه بتتصل فى اوقات غريبه

معتقدش فى كائنات فضائيه برضوا بتطبخ حلو زى ماما:D

برضوا عمرنا ما هنلاقى كائن فضائى بيحب يقلب فى دولاب هدومك من غير سبب:D

ولا هتلاقى كائن فضائى مواعيده بطاطس زيي كده

ولا كائن فضائى هيجيلك قبل الامتحان بساعتين
يقولك اشرحلى المنهج من اوله لاخرة تانى

ولا هتلاقوا كائن فضائى عصبى من غير سبب..

بقول ايه ..انا جبت اخرى.. اما اروح اعيش مع شويه كائنات فضائيه احسن..:)

19 comments:

كفايـة طيبـة said...

3la fekra ,,, ana msh 2dra amsek nafsy mn el de7k toool el post :D

enty bashe3a wenty meday2a w betshabbehy el 7agat b 7agat ghareeba aslan :D betb2y sokkar :D


a7la 7aga enn mafeesh ka2enat fada2yya betetbokh 7elo zay mama :D :D

y3ny lao kan fy ka2enat fada2yya bydarresolek makanoosh hayddooky assignments ??? akeed sa3etha msh hayb2o zoo2 :D

يابنتى

تعرفه ؟؟ اه اعرفه ... عاشرته ؟؟لا ... يبقي متعرفوش

matro7eesh t3eeshy m3ahom ymken ytla3o we7sheen :D :D

Earth will not be good without you :rolleyes:
Be with us plz :rolleyes:

Rushdy Kamel said...

انت شكلك محاطة بشوية بني ادمين
انتي ازاي قادرة تعيشي وسط بني ادمين؟
بس ان شاء الله تلاقي الكائنات الفضائية بسرعة وتتعايشي معاهم

بس هل ساعيتها انتي هاتكوني لسة انسانة ولا كائن فضائي ؟؟

بوست لذيذ على فكرة

catroz said...

كفايه طيبه ..

:$
law elka2nat di btdena assignments kano hayb2o e5mmeen awe 3al fekra

ya3ny mosh kfaya elbomyadmeen:D

bfkr ya momo aro7 3andohom kam youm keda ashof 3amleen ezay

we ymkn marga3sh tany

ha5dek with mee :rolleyes:

catroz said...

big code..

لا طول عمرى هفضل انسانه مش كائن فضائى
بس تفتكر هلاقيهم ..!!

منورنا اوى على فكرة ..

Dr Gad said...

ههههههههههههه

الاول الصورة بتاعت البوست دي بتاعتي فاكره ؟؟؟ :P
وبعدين زهقانه تعالي عيشي معايا مع الميتين اهم هادين ومش بيعملوا حاجة خالص هههههه

ابعتلك كائنات فضائية بدل اللي عندك ياروز :D

skymad said...

روز تيجي نعمل صفقة استيراد كائنات فضائية ونصدر لهم من عندنا بني ادمين

هههههههههههههه

بس بجد تحفة

كل سنة وانتي طيبة :)

atwa said...
This comment has been removed by the author.
catroz said...

dead man ..

ايوة يا ديد الصورة بتاعتك اصلا

و خلاص هات اى حاجه ميتين ولا حتى كائنات فضائيه

اهو هيبقوا احسن من اللى هنا و خلاص..:(

catroz said...

sky mad ..

,مالوا يا بنتى
داحنا حتى عندنا بنىادمين بزياده :S

و كل سنه و انتى كمان طيبه ..:)

MONDAHESH said...

الله يكون في عونك


ايه المعاناة اللي انتي عايشاها دي


بس طريقة عرضك للموضوع تحفة والله

تحياتي

catroz said...

MONDAHESH ...

معلش ..الحياه معاى بقت عامله كدا

منورنا يارب دايما
و متشوفش اى معاناه زى دى خالص:(

عمرو فكرى said...

هو انتى بتذاكرى؟ :D

catroz said...

Amr Fekry ...

مذاكرة بالمعنى الفعلى ..تؤ لسه مبتدتش
بس بيبقى وراى شغل اخلصه يعنى :D

atwa said...

هوا فيه كائنات فضائيه فعلا ... ؟؟

catroz said...

atwa...

ايوة فى كائنات فضائيه طبعا
شكلهم عامل زى البتاع اللى حطيت صورته ده:D

atwa said...

huh:

atwa said...

huh:

banotetmasr said...

ههههه

والله كنت هموت من الضحك

فعلا الكائنات الفضائية على كدة ذوق جدا

بس أنت عرفتي منين؟

ههه

catroz said...

عرفت لما اتعاملت معاهم

و الله كائنات عسل يعنى اوى بجد