Monday, September 22, 2008






مش عارفه

عايزة اكتب بس الكلام مش طالع

عايزة اتكلم عن حاجه معينه

بس مش عارفه

مش عارفه اكتب عنها حاجه

مش عايزة اتعلق بيها اكتر من كده

مش عايزاها تحتل مكان اكبر من كده فى اوراقى

فجاه حسيت انى بقيت اخاف اكتب

اقول كلمه تزعل حد

كلمه حد يفهمها عليه

اتكلم بطريقه معينه فشخص لا اعرفه ولا يعرفنى ياخد عنى فكرة معينه


زمان كنت بكتب و مبيهمنيش

مكنتش بخاف اخبى مشاعرى

مشاعر ناحيه شخص ولا مشاعر لجو معين بحب اعيشه ولا اى حاجه
مش عارفه
مكنتش بخاف احكى عن شىء حصلى

نفسى اوى لو كانت شخصيتى مجهوله

 و اكتب و محدش عارفنى

انا اصلا مش عارفه انا بقول الكلام ده ليه

ولا عارفه انا خايفه من ايه اصلا

كانى مثلا لو كتبت هييجى حد و يعضنى

يلا

قريبا كده هفوق و اجى اخبط فى الناس زى الاول

محدش ليه عندى حاجه ..

و هرجع تانى زى الصورة اللى من فوق دى

هرجع لنفسى من سنتين يعنى

هبقى افهمكوا بعدين ايه موضوع سنتين دول ..:)



-----------------

فى اتفجارات حصلت فى فندق فى باكستان النهارده ..


و فى حد اعرفه كان هناك .. و بنحاول نوصله مش عارفين


ادعوا ميكونش جراله حاجه

..:(



at

10 comments:

  1. minaSeptember 22, 2008 at 11:08 AM

    انشاء الله ترجعيلنا زى زمااااااااااااااان .. متخافيش من حد طول مانتى قدام نفسك واضحة و مرتاحة

    ReplyDelete
  2. http://kasperb4.blogspot.com/September 22, 2008 at 5:17 PM

    اول ما قريت الكلام افتكرتك لسة جديدة ف التدوين
    لكن ببص ع الأرشيف لقيته مليان

    أصل الحالة دي جتلي بعد ما عملت المدونة بشوية كده ولقيت ان فيه ناس بتجيلي وتعلق عندي
    فبقيت وانا بكتب بحاسب اوي ع الكلام لنفس الأسباب اللي قلتيها دي

    وبعد شوية لقيت ان احسن حاجة اني اكون انا
    انا زي منا مع اللي حواليا ف العالم الواقعي
    واحاول انقل نفسي زي منا كده على مدونتي
    عشان حتى ع الأقل ابئا رضيت ضميري وراضي عن اللي بكتبه واقول بكل ثقة الشخص اللي بتقرولو ده هو محمود فعلا
    ومخبيش عليكي مع الوقت وتفاعل الناس وآراءهم ف اللي بكتبه، غيرت ف شخصيتي شوية حاجات
    فعلا ده حصل
    وهو ده أجمل ما ف التدوين

    كل سنة وانتي طيبة

    ReplyDelete
  3. safa7_karmoozSeptember 23, 2008 at 2:43 AM

    keda ur blogger ^_^

    ReplyDelete
  4. safa7_karmoozSeptember 23, 2008 at 2:43 AM

    btw tamenana 3la elly ra7 Pakistan dah

    ReplyDelete
  5. goodmanSeptember 23, 2008 at 7:53 AM

    ولكنك فى النهاية كتبت وهذا هو المطلوب
    انشاء اللة يرجع بالسلامة
    تحياتى

    ReplyDelete
  6. No FearSeptember 23, 2008 at 1:02 PM

    السلام عليكم
    ربنا يطمنكم علي اللي أنتم قلقانين عليه في باكستان.
    .
    بالنسبة لإنك مش عارفة تتكتبي أنا مش عارف أنت قابلتي حد من المدونين و لا لسه مجهولة بالنسبة لكتير منهم
    لو حصل و قابلتي فعلا هتحسي إنك مقيدة شوية
    بس زي ما قلتي فترة و هترجعي تاني إن شاء الله و ميهمكيش من حد خبطي في اللي مش عاجبك و إحنا معاكي :))

    ReplyDelete
  7. catrozSeptember 27, 2008 at 2:08 AM

    mina ...

    ان شاء الله هرجع زى زمان و احسن كمان
    الحمدلله قدام نفسى واضحه ..:)

    ReplyDelete
  8. catrozSeptember 27, 2008 at 2:12 AM

    الام و امال ...

    لا انا قديمه اوى اوى يعنى
    انا بحاسب على اللكام بخاف حد يزعل
    بس خلاص بقى مش هاممنى يزعلوا ولا اى حاجه

    انا فعلا زى ما انا فى العالم الواقعى ..
    بس فى حاجات كتيرة اوى كنت بتجنب انى اكتب فيها
    و فعلا اى شخص هيتأثر باراء مدونين تانيين و مكن يقتنه او تتغير وجهه نظرة اتجاه شىء معين

    و كل سنه و انت طيب
    ...:)

    ReplyDelete
  9. catrozSeptember 27, 2008 at 2:14 AM

    elsafa7 ..

    yep ..5alas etament 3la elly fi pakistan ..:)

    ------------

    goodman ...

    هو دا المهم ..

    هو لسه مرجعش ..بس على الاقل انى اطمنت ..:)

    ReplyDelete
  10. catrozSeptember 27, 2008 at 2:28 AM

    no fear ..

    و عليكم السلاام ..

    احنا الحمدلله اطمنا عليه ..

    ---

    لا مقابلتش حد من المدونين ..
    بس انا لى اصحاب على الواقع كتير اصلا منهم ..
    و مفتكرش انوا حتى لو حصل و قابلتهم هبقى مقيده ولا حاجه
    يلا .. اهى فترة و تعدى
    اهم حاجه انكوا معاى

    :D

    ReplyDelete

Commentoo ..:D