Monday, May 30, 2011

هششش

مش كفايه كده يا فيروز
لاء مش كفايه
خلاص اعملى اللى انتى عايزاه
طيب مانا هعمل اللى انا عايزاه
هتندمى !!
مش بندم على حاجه على فكرة
هتضيعى وقتك ع الفاضى
هو كدا كدااا ضايع اصلا
طيب هتتعبى نفسك على الفاضى
اتعب نفسى كمان شويه .. ولا افضل طول عمرى بسال يا ترى
انا لو مكانك اصلا افكنى م الموضوع داه
ياريت بعرف اعمل زيك
زيك ؟؟ اللى هو انا
ايوة انتى
هو انا مين يا فيروز
مش انتى روز برضوا ولا انا غلطانه
ايوة انا
و انتى مين ؟؟
انا روز
طيب اسكتى و روحى نامى



****

كالعاده .. طول مانتوا مش فاهمين حاجه .. يبقى ماشيين صح
^_^





Monday, May 23, 2011

انت انا



طيب
النهارده و انا بدعى ربنا
لقيت دعوه واحده بس اللى فى قلبى و عماله اكررها
مش هكتبها هحتفظ بيها لنفسى
بس لما كنت بدعيها استغربتنى فعلا
هو انا فعلا فعلا بدعى ربنا الدعاء ده
انا فعلا عاوزة كده
انا فعلا نفسى الحاجه دى تتحقق !!
طيب .. بس كده
انا بكتبك عشان لو اتحققت .. ارجع اقرا كلامى مرة تانيه

***

هرجع البلوج زى ما كان
مع انى بحب التغيير
بس واحشنى شكلوا القديم اوى
:)

***

مقدما ... فاضل على عيد ميلادك حوالى 10 ايام
وعد منى .. مش هنساه زى السنه اللى فاتت
خلاص بقى متزعلش انت عارف انى كنت مشغوله ف مليوون حاجه اصلا
لو مش عاوزنى ارجع شكلك القديم برضوا قوللى و انا هتفهم رايك
عادى انا و انت واحد
لاء .. اقصد اقول ان انت انا

Sunday, May 22, 2011




I cant hold my tears anymore ............

Saturday, May 21, 2011

الحمدلله

مع ان عندى رغبه فى البكاء شديده جدا
بس
الحمدلله
الحمدلله
الحمدلله
مش عاوزة اقول حاجه غير الحمدلله
و مش عاوزة افكر فى غير ان اى حاجه ربنا هيخترهالى اكيد اكيد اكييييييد هى الانسب ليا
مش عاوزة اقول غير الحمدلله
و مش هقول غير الحمدلله
و مش عاوزة احس ب حاجه جوايا غير و راضيه و بتقول الحمدلله

***

رضيت بالله ربا .. و بالاسلام دينا .. و بمحمدا نبيا و رسولا

***

لا إله إلا الله الحليم الكريم، لا إله إلا الله العلي العطيم، لا إله إلا الله رب السموات السبع رب العرش العظيم

***

اللهم يا مؤنس كلّ غريب ويا صاحب كلّ وحيد ويا ملجأ كل خائف ويا كاشف كلّ كربة أسألك لأن تقذف رجاءك في قلبي حتى لا يكون لي همُ ولا شغلُ غيرك وأسألك أن تجعل لي من أمري فرجاً ومخرجاً إنك على كل شيء قدير

Monday, May 16, 2011

Only you ...




قَد يُحبُني هَذآ ، وَقدْ يَعشقَني ذَاكْ ، وَقدْ يَتولّع بيْ كُلَّ هَؤلآء لَكِنْ قَلبيْ لآ يُريدْ إلاَ أنت

Saturday, May 14, 2011

كلام متلخبط و خلاص

للصبر حدود

***

لما تسمع كلمه من شخص
و تتمنى تسمعها من شخص تانى
*
و لما يكون يوم جمييل اوى ...
بس ناقص فيه حاجه

***

ترضى تحب حد و يديك نص قلب بس ؟؟
لو ترضاها لنفسك ارضاها لغيرك
الموضوع بسيط جدا
مش محتاج اى تفكير


***

مش صح تعتمد على حد فى كل حاجه
او مش صح ان يكون محور حياتك شخص واحد
لما بيبعد شويه ... حياتك بتتلخبط
طيب و لو اختفى فجاه .. ده معناه ان حياتك هتقف ؟؟!!

***

فى ناس بتعرف تكدب
و فى ناس مش بتعرف تكدب
و فى ناس حتى و هى بتقول الحقيقه ببقى شكلها بيكدب
و فى ناس بقى بتعرف ان "اللى بيعرف يكدب" ده بيكدب

اذا كنت ناوى تكدب دور على حد مش هيفهم انك بتكدب ..
او مش يعرفك كفايه فياخدد باله انك بتكدب

و بعدين ليه اصلا تكدب م الاول تكدب
حتى لو اللى قدامك مش هيعرف انك بتكدب

***

طيب
عارف بقى انك لما بتكدب
نبرة صوتك بتتغير
طريقه كلامك بتتغير
و دايما وراها نظرة بتقول
صدقت !!؟؟ لا لسه شويه ... بس هتصدق صح !! ايوة ايوة صدقت اهى
و اول ميبتدى على ملامح انى صدقت
تظهر ابتسامه خبيثه دايما تحاول تخبيها
:D

الموقف ككل مش حلو
.. مش يضحك ان مش يبسط الواحد انوا يبقى عارف ان بيتكدب عليه

بس لما تلاقى نفسك عارف حد للدرجه دى
هو ده اللى بيبسط

***

لو مش بتحب اللى قدامك .. عمرك ما هتعرف تفاصيلوا
حتى لو حاولت

Tuesday, May 10, 2011

...





زعلانه م الدنيا أوى






Saturday, May 07, 2011

بس بحبك


مبحبش لما تجرح

مبحبش لما تقول مش مستاهل

مبحبش لما استناها و مسمعهاش

مبحبش لما بتعند

مبحبش لما بتبعد

مبحبش لما بتلخبطنى

مبحبش لما بتوحشنى

مبحبش لما معرفش اوصلك

مبحبش لما بتخوفنى منك

مبحبش لما صوتك يتغير

مبحبش لما تكون مش واضح

مبحبش لما تحاول تكدب

مبحبش لما تخبى

مبحبش لما تقول عاااااادى

مبحبش لما تستفزنى

مبحبش لما بتقلبلى يومى بكلمه

مبحبش لما موبيلك يفصل

مبحبش لما تبقى رمادى

مبحبش لما تكلمها

مبحبش لما تبقى سراب

مبحبش لما تتعب قلبى و عقلى

مبحبش لما منامش بسببك

مبحبش لما بتوة جواك

مبحبش لما بغير

مبحبش لما بحبك اكتر

مبحبش لما معرفش اعيش من غيرك

مبحبش لما بيك الوان و من غيرك ابيض و اسود

مبحبش لما اعرف انك ممكن تقرى كلامى

مبحبش لما ........ و لما ...... و كمان لماا ...................

مبحبش لما اخلص مبحبش و ابتدى ف "بحب"


***

و محدش ليه دعوة بينا !!