...عارفين الشعور ده

عارفين الشعور ده

عارفين لما تفتكر حاجه كده

تحس انها بتشدك لذكريات

انت مش عارف ايه الذكريات دى

بتشدك لحاجه كده

بحاجه انت مش عارفهاا

و ممكن تدخلك فى شعور كده غريب

حزن مع الم مع فرحه

الشعور ده

!!....عارفينه

عارف لما تسمع اغنيه كده

تلاقى نفسك بتبتسم من غير سبب

بس جواك حزين اوووى

و تلاقى شعور بدأ يدخل جواك

انت مش فاهمه

و تحاول تفهم ايه ده

وفى الاخر متفهمش

طيب عارف لما تروح تقف على البحر كده

وتاخد نفس عمييييق

بعديها تلاقى نفسك بتبتسم

بس جواك حاجه مش قادره تخرج

حاجه يمكن بتقطعك من جوه

و مش عارف تتخلص منها

عارفين الشعور ده

طيب عارفين

لما تبقى لسه صاحى من النوم

اليوم لسه مبداش اهو

وتلاقى نفسك على السرير لسه

و غصب عنك تنزل دمعه

ممكن تفضل ساعتين تعيط على المخده

المخده اللى تعبت مننا كل يوم

كل يوم يتحس بينا

قبل ما ننام

و تقوم من على السرير

و محدش يعرف حاجه

عارفين الشعور ده

عارفين لما تكونوا اصحاب متجمعين فى يوم كده

و كلكوا مهيسين و بتدحكوا

و اللى يشوفكوا من بعيد لبعيد

يقول الناس دى رايقه

وحياتها قشطه

و انتوا اصلا بتدحكوا بدل ما تعيطوا

و محدش حاسس بحاجه

و محدش فاهم حاجه

لا و ايه

محدش هيقدر اصل

انه لا يفهم ولا يحس اللى جواكوا

.....

طيب عارفين لما تكون الساعه 2 بالليل

و البيت كله نايم

بتبقى عايز تصرخ بأعلى صوتك

كفاااااااااااااااايه ......حراااااااااااااااااااااام

كفايه بقى...ما خلاص..

حرام عليكوا اوى كده

بس كفايه ايه..معرفش

كفايه و خلاص

طيب عارفين الشعور ده

لما تكون راجع من يوم سبيشيل اوووووووووى بالنسبه ليك

و ترجع..متحكيش لحد من اللى فى البيت على اللى حصل

و يمكن متحكيش لحد خالص

و يمكن اصلا محدش يسالك

ولا يقولك تعالى يا حبيبى

عملت ايه

احكيلى ابسطنى معاك

تبقى عايز حد جنبك اووووى يفرح معاك كده

بس متلاقيش

و تروح قبل ما تنام تراجع اليوم ده كده

لقطات بسيطه

و فى ااخر يوم اجمل من رائع

و انت جاى تنام...تقعد تعيط

مع ان فى ناس كتييير يحسدوك على اليوم ده

طيب عارف

لما تحس انك عايز مساعده من اى حد

اى انسان

اى مخلوق

حاسس انت بتغرق

بتغرق فى ايه مش عارف

بس انت محتاج مساعده

محتاج حد ينجدك

مش عارف هتطلبها من مين

و حتى لو طلبت مساعده

هتتقوله ايه

عايزك تساعدنى و خلاص

هيرد و يقولك اساعدك فى ايه

تقوله حاسس انى بغرق

الحقنى

هيقولك بتغرق فى ايه

ما انت واقف قدامى اهو

انت محتاج مساعده

بس مساعده فى ايه انت مش عارف

و تفضل تغرق و مش لاقى مساعده

طيب عارفين

لما تكون عايز تسمع كلمه معينه مش شخص معين

كلمه ممكن تكون كلمه من حرفين بس

مش صعب عليه يقولها

وتلاقيه ولا بيتكلم

تحس انه تمثال

ما تتكلم بقى

طيب ما هو انا شايفاك بتقولها مليون مره

شايفاها فى عينيك

حاساها اوى

عايزه اسمعها بقى

قوووووول

اتكلم

و لما يتكلم

تحس انه بيشفق عليك

!!!...بتشفق على

طيب لما انت كده

بتحسسنى بيها ليه من الاول اصلا

بتعيشنى فى الشعور ده

ليه من الاول..و لو للحظات

لما ده مش حقيقه

طيب عارفين بقى

لما تلاقى نفسك كده

عايش شعور جميل اوى

مع نفسك

انت بتحب جديد

انت عاااشق

بس اللى يدحك

مفيش حبيب

انت لوحدك

بتحب و خلاص

هو انت اااه بتحب

بس اللى بتحبه ده مش موجود

طيب هو فين

معرفش

طيب عارف لما تبقى عايز تسمع صوت حد معين اووى

واحشك اوى

عايز تسمع صوته

تطمن عليه

و تفضل مستنى

و مستنى

و مستنى

و فى الاخر ميتصلش

لا و بعدين يتصل حد تانى

تقول اخيرا اهو

و ترد بلهفه

و تسمع صوت حد تانى

مش ده اللى كنت مستنيه

انتوا بتحسوا بالكلام ده

ولا انا بس

طيب و لو بتحسوا بالحاجات دى

ما تحكولى طيب بتبقوا عاملين اازاى

بتحسوها امتى

بتتصرفوا ازاى

بتعملوا ايه

ايه اللى بتحسوا بيه

هو الشعور اللى بحسه مش عارفه اوصفه بكلمات اصلا

بيبقى عميق اوووى

بيبقى جاى من جواك

و مش عارف اصلا هو اتولد ازاى جواك

...قبل الامتحان بساعتين

السلاام عليكم يا حلوين

يارب دايما تكونوا بخييير

يارب بجد

المهم عامله الموضوع ده اهو قبل الامتحان بساعتين

عشان مروحش و انا مخنوقه

هفضفض هنا حبه كده

جميل اوى

اممممم

نفسى اوصف شعورى سريعا كده

مخنوقه من كل اللى اعرفهم تقريبا

مش كلهم يعنى بس معظمهم

اممممم

نص الناس بتبص لى على انى مجنونه

و لو حد عايز يعرف السبب هبقى اقولكم السبب

و نصهم بيبصوا على انى معنديش احساس

اولا

بصوا بقى ميهمنيش رايكم فى حاجه فى حياتى

زمان كان بيهمنى

يمكن كاان بيهمننى

ودلوقتى اللى بعمله ده الصح

و مش غلطانه

و بابا شايفنى و لو كان لسه عايش كان هيخلينى ااعمل كده

انا مش مجنونه ولا حاجه يعنى

مع انى بحب الصفه دى بتعريفها الخاص بى

مش التعريف بتاعكوا انتوا

ثانيه

لما تحبوا تنصحونى

فى طريقتين

الاولى هتخلينى اعند

و التانيه هتخلينى افكر فى الكلام و لو اقتنعت بيه هنفذه

بس كده

..............

بعتذر لكل اصدقائى اللى مش متابعه البلوجز بتاعتهم

عايزه اقولهم انى اصلاااا

هخلص الامتحاناات 1/7

متزعلوش بقى

هحاول انظم وقتى و ااجى ارخم عليكوا يعنى

انتوا كلكوا وحشتونى اووى اصلا

...اتنين بس..تؤ..ما تخليهم اربعه

امبارح بالليل

كنت قاعده انا و اخواتى كده

احنا 4 بناويت و ولد

ايه بقى ...كانت اول مره نتجمع من يوم 22/7

بصيت لنا كده..ما شاء الله

حسيت اننا كده عزوه

مش عارفه دى الكلمه المناسبه ولا تؤ

بس فعلا..احنا خمسه

عددنا مش كتير ولا حاجه

بالعكس ده مناسب جدا

محستش بكده الا لما بابا اتوفى

فعلا ..العدد حلو

اى وقت هحتاج مساعده مش هلاقى واحد بس يساعدنى

لاااا ده فى 4 كمان

ربنا يحفظهم ياااارب

زمان كنت بقول هما 2 بس كفااااايه اوووووى

او مش زمان..... لا.... قبل امبارح

و بعدين هربيهم اازاااى دول

قصدى على 2 يعنى

دلوقتى بقكر فى ايه

هما حلو اوى 4 او 5

...........

عارفه ان البوست فكرته غريبه

بس فكروا فيها كده براحه شويه

انت مثلا...اهو اب و و فجاه لا قدر الله و تعبت

مين هيشيل حمل البيت

اممممم ...اكيد لو شاله 4 اولاد

غير لما يكونوا اتنين

فهمتوا قصدى

يعنى من الاخر يكون لك عزوه

..:)

بابا...مات بين ايدى

السلام عليكم

يارب تكونوا كلكوا بخير يا جماعه

كنت بس عايزه اقولكوا ان باباى اتوفى امبارح

22/6/2007

كنت عايزاكوا تدعوله بس

بابا ده اغلى انسان عندى فى الدنيا

و ماما كمان.. ادعولها عشان تعبانه اووى

على فكره

مات بين ايدى كانت راسه على رجلى

و انا اللى كنت بلقنه الشهاده

و كانت فى ابتسامه صغيره كده على وجهه

ما شاء الله

و كنت انا و اخواتى كلنا حواليه

شفتوا حد يموت احسن من كده

و كمان لما اخواتى راحوا يصلوا عليه و انا مقدرتش اروح

الشيخ فى الجامع قال الراجل ده شهيد

بسبب الطريقه اللى مات بيها

الحمدلله

حاجات كتيره اوى حصلت اليوم ده

هحكيلكم بعدين

جواى كلام كتييييييييييييير عايزه اقوله

..:)

ادعوله انتوا بس

...مكرونه بالمحشى

ياااه وحشتونى اووووووووى

بقالى فتره طويله مكتبتش حاجه جديده..يلا يومين و هيعدوا

المهم بقى كان فى حاجه حصلت من فتره كده مش قريبه و مش بعيده

ماما كانت تعبانه شويه..طبعا استحاله نقولها تعمل الغدا ولا بتاع

و انا كنت لسه راجعه من الجامعه بقى و عايزه انام و فاقده التركيز

بسال اخواتى..فين الغدا يا ولاد..دا على اساس انى انا بابا و جاى من الشغل..:D

قالولى انتى اللى هتطبخى

و قلت لهم ولا هطبخ ولا بتاع انا هروح اقعد على النت شويه و بعدين انام..:D

بسلم على بابا..و قعدت معاه شويه...قالى لما تفوقى كده قوليلى

عرفت اللى فيها طبعا..:D

و امرى لله و هطبخ

دخلت المطبخ و جبت الحله و حطيت فيها ميه و تقريبا ملح و سبت الميه عشان تغلى

و جبت المكرونه و مستنيه بقى الميه تغلى

مش عارفه كان فى ايه..

المهم زهقت و الميه لسه مغليتش..قمت حاطه المكرونه على الميه كده...

و طبعااا كل شويه متابعاها عشان اقلب المكرونه...

امممم بس كنت لسه عايزه اعمل الصلصه بتاعه المكرونه

بتتعمل ازاااى بتتعمل ازااااى

"وش بيفكر"

الله اعلم

و اخواتى كانوا ناموا

فتحت التلاجه لقيت طبق فيه صلصه

او هى كانت حاجه لونها احمر تدل على انها نوع من انواع الصلصه

...خيرا

جبتها و حطيتها فى صينيه و على النار و بقلبها

لحد ما لونها بقى غامق شويه..:S

كان طعمها غريب

او مش مالوف يعنى

جبت كل البهارات اللى فى المطبخ و حطيت عليها

شويه شويه ابتدت تدى طعم كويس يعنى الى حد ما

و كانت المكرونه خلصت فحطيت الاتنين على بعض
:D

ماما اللى كانت نايمه صحيت على الريحه و بتقولى... يا روز انتى بتعملى محشى..!!

رديت عليها الرد الطبيعى هو انا بعرف اعمل كبايه شاى لما تقوليلى محشى
:D

جيت بقى بعد كده حطيت الاكل و كان فى كفته سخنتها و كانت السفره يعنى شكلها جامد

انا من عادتى مبعرفش ااكل اى حاجه لو انا اللى طبختها..:D

اخواتى بقى..تسلم ايدك يا قمر..الاكل طعمه جميل..كل حد قال كلمتين حلوين كده

و بيبصوا لبعض و يدحكوا..و انا مكنتش فاهمه حاجه فى حاجه اصلا

قلت عادى الاكل طعمه مش حلو و مش عايزين يززعلونى

:D

بس ده خلصوه..يعنى عجبهم..طب اومال فى اييييييييييييه

و بدات ابحث عن سبب تعبيرات وجوههم

اصل كان فى حاجه فى الاكل فعلا يعنى اخواتى مبيعرفوش يخبوا حاج


نمت و صحيت تاانى يوم

اخواتى الاتنين بيتكلموا..عادى جدا مفيش حاجه فى حاجه

سمعتهم بيقولوا الحقيقه المره

اكلتهم مكرونه بطعم المحشى

الصلصه كانت خلطه محشى
..................

طبعا شكلى وحشششششش و اانا بطاطا كده ولا بعرف اطبخ ولا بتاع

و حتى معرفتش ان دى خلطه محشى" وش مكسوف مكسوف اوووى يعنى.:d "

قررت بقى ابدا اتعلم

و ادينى لحد دلوقتى اهو بتعلم اطبخ

بس ملحوظه بقى يا جماعه

جربوها كده و قولولى ايه رايكم

بجد كانت جامده

مكرونه بالمحشى

فقط مع كاتروز

:D

...أميتاب باتشان

بصوا القصه دى بقالها فتره عماله تتبعت اميلات... و تتحط فى المنتديات... و اول معرفتى بيها كانت اختى هى اللى بتحكيهالى...مش عارفه بقى بس كتير منكم اكيد هيبقى عارفها...و اكيد برضه فى ناس لسه متعرفهاش...بس انا قلت احطها اغير بيها جو البلوج اللى انا مخلياه كئيب بقاله فتره كده...يمكن تحصل حاجه و المود بتاعى يتحسن...المهم القصه اسمها...أميتاب باتشان...ده كل اللى اقدر اقوله عليها...هسيبكم بقى معاها و ياااارب تعجبكم يا حلوين
...:)

المشهد الأول
أميتاب باتشان وهوه شباب لسة راكب الفيل بتاعه ورايح الشغل وكالعادة بيشتغل ظابط .. وهوه راكب قاعد يغنى بالهندى أغنيته المفضلة واركب الفيل ..درجن درجن واتفيّل ..درجن درجن .. ساعتين فى اليوم .. واشد الخرطوم .. ولا هييييييه .. يسمع وهوه راكب صوت طفلة رضيعة بتعيط .. يركن الفيل على جنب وينزل يلقى طفلة رضيعة فى اللفة جنب الجامع
يتأثر جدا أميتاب من منظرها الرقيق فيغنى لها نص ساعة وهيه كمان تغنى له نص ساعة .. ياخدها يحطها على الفيل عشان الفيل يوصلها البيت ويروح هوه شغله عشان عندهم النهاردة تعديل دستور الهند .. وهوه ماشى يبص ع اليفط المتعلقة فى كل أنحاء البلد .. " الرئيس شوهان يرفض التوريث " يبتسم ابتسامة هندى ويقول بالهندى الشعب ده هندى
المشهد الثانى
تفوت سنين ..أميتاب راجع من شغله وعلى فكرة لسة شباب برضه وداخل البيت .. البنت اللى كان لاقيها قدام الجامع كبرت واحلوت.. بقت مزة هندى يعنى
يحبها وتحبه .. ياخدها على الغيطان .. يغنى لها نص ساعة وتغنيله نص ساعة .. وفجأة تيجى العصابة بتاعة الراجل الشرير حوالى ستين واحد عشان يخطفوا البنت عشان هيه دى البنت الوحيدة فى الهند كلها اللى الراجل الشرير الوِحِش عايز يتجوزها .. أميتاب يمسك حبيبته بإيد وشغال ضرب فى الرجالة بإيده التانية .. يخلص علي الستين واحد كلهم بمسدساتهم بمطاويهم بس للأسف ضافر واحد منهم خدش دراعه ..حبيبته تجرى عليه تغنى له نص ساعة ويغنى لها نص ساعة وياخدها على البيت بسرعة عشان عندهم النهاردة تعديل دستور..وهوه ماشى يبص ع اليفط اللى فى الغيطان الرئيس هوجو يوجا شاهى شوهان يرفض التوريث

المشهد الثالث
تفوت سنين .. أميتاب باتشان راجع من شغله .. لسه شباب برضه .. يدخل البيت .. يلاقى ست كبيرة عجوزة نكتشف ان هيه دى الطفلة الصغيرة اللى لقاها قدام الجامع .. فجأة تيجى العصابة تخطفها قدامه المرة دى ..يجرى وراهم بالفيل الفور باى فور لغاية ما يوصل لبيت الراجل قليل الأدب الشرير اللى أكيد عنده تمساح
يدخل البهو الكبير يلاقى الراجل واقف والست متعلقة من صرصور رجلها فى السقف .. يدور بعنيه ع التمساح .. يسأل الراجل بالهندى :التمساح بتاعك فين يا عم؟ يرد الراجل : فى البير اللى فوقه مامتك .. يتعجب أميتاب بالهندى : مامتى؟ يرد الراجل بشماته : أيوة الست دى أمك ..نياهاهاهاهاهاه .. ينظر له أميتاب وهو يضحك ويقول ف سره : عبيط ده وللا ايه؟

يتأثر جدا أميتاب ويراجع بالهندى نشيد أمى نداء محبة بل إن كل الحب أم ويمسك وجه الست بحنان ويقول لها : انتى أمى؟ ترد الست : ايوة يا أميتاب يا ابنى .. أنا مارضيتش أقوللك ع الحقيقة المُرَّة دى وانا فى اللفّة عشان العار ..
وعشان تصدق شوف دى.. تطلّع له سلسلة فضة عليها صورة واحد مايعرفوش .. أكيد ده ابويا؟ ترد عليه : لا يا بنى دى صورة البوى فريند .. يغنى لها نص ساعة وتغنيله نص ساعة .. يحضنها أميتاب بإيد كالعادة ويخلص ع العصابة بالإيد التانية وطبعا يخللى التمساح ياكل الراجل الشرير السافل الوغد .. يخرج من القصر يقول لأمه : انجزى يا حاجة عشان عندنا النهادرة تعديل دستور .. ينظر إلى اليفط المتعلقة الرئيس حادى بادى كرنب زبادى شالو حطو كله علادى هوجا يوجا شاهى شوهان يرفض التوريث

المشهد الأخير
تفوت سنين..أميتاب باتشان راجع من شغله .. على الطلاق بالتلاتة لسة شباب برضه ..راجع البيت يلقى الست أمه بقت عجوزة أوى.. فجأة ييجى واحد شباب على موتوسيكل يطخ الست عيارين .. يجرى وراه أميتاب بالفيل يكتشف ان الراجل ده يبقى حفيد الراجل الشرير .. يقتله اميتاب باتشان ويرجع لأمه يغنى لها نص ساعة وتغنيله نص ساعة .. الست تقول له وهيه بتموت : أميتاب يابنى أنا عايزة اقوللك على سر .. أنا مش أمك .. أنا أبقى جدتك .. والراجل اللى انت قتلته ده يبقى ابن أخت المخرج .. والراجل الشرير يبقى خالك .. وابن الراجل الشرير يبقى عمك .. والعصابة كلها أخواتك فى الرضاعة .. يصرخ أميتاب باتشان من الصدمة ويغنى نص ساعة وهيه تغنى نص ساعة والواد المقتول يغنى نص ساعة .. الست المجهولة دى تقول له : انت مش مستعجل ليه ؟ هوه مفيش تعديل دستورى النهاردة ؟ يرد أميتاب : النهاردة الخميس أجازة م التعديلات .. تموت الأم .. يلفها أميتاب بقماش من بتاع اليفط مكتوب عليه الشعب أساسا يقبل التوريث

ومش عايزين حد يفهمنا غلط الله يستركم لان في الاول وفي الاخر فيلم هندي

..انتى جميله اوى

البنات دول اطفال اوى على فكره..اه بتكلم بجد

و انا منهم على فكره يعنى..:D

..طب هو ايه اللى خلانى اقول.. كده ايه الحكايه يعنى

انا دخلت فى موود النوم و فى نفس الوقت مليش نفس انام

متخانقه معاهم و مش عايزه اخرج من الاوضه اللى انا فيها..ما علينا مش ده موضوعنا

المهم البنات اطفال

مره كنت بكلم واحده صابحتى..مش عارفه كنا بنتكلم فى ايه بالظبط

قلت لها على فكره انتى اموره اوى النهارده..قامت البنت انشكحت كده و انبسطت اوى

كلمه بسيطه من جملتين

"انتى اموره"

:Dو البنت فرحت اووووى

ايه الجمال دا

بدات اخد بالى بعد كده ان اى بنت مهما كان حالتها النفسيه ايه و قلت لها انتى اموره...انتى لبسك النهارده حلو

الايشارب ده جميل على وشك..الكلام البسيط ده

و بيفرحوا اوى

loool

طيب و مادام الكلام ده حلو كده و بياثر فى البنت بسرعه

هو انتوا مش بتقولوه ليه

طبعا مش كلهم..لا هو البعض منكم مش بيقول و بيشوف ان الموووضوع مش مهم

بس مهم اوى على فكره بالنسبه لبنوته بسيطه كده..:)

مش معناه اننا هندحك على البنت لا حلوه ولا بتاع و نقولها انتى جامده و كده

لا بس اما نلاحظ حاجه نقول يعنى..مش ننفض و عادى الكلمه مش هتفرق معاها

تؤ..البنااات اطفاال فعلا..و بيفرحوا بالكلام ده اوى

الموضوع طول ما انا بكتبه عماله بدحك اصلا و بقول ايه اللى بكتبه ده

طب دلوقتى اهو

اى بنوته بتقرا البوست روحى قولى لاختك انتى عسوله اوى النهارده او انتى جميله اوى النهارده

رد فعلها هيكون ايه

شوفى الابتسامه اللى هتبقى على وشها جميله ازاااى

طب و انت..روح قول لاختك انتى اموره اوووى...البنت هتتكسف اه و تقول اخوى جراله حاجه فى مخه

loool

بس هتفرح اوى على فكره...:D

ده الكلمه دى لما بقولها ل"يسر" بنت عمى

البنت عندها 6 سنين بالظبط

بتفرح اوووى ..و هى نونو لسه

امال بقى لما تتقال لواحده كبيره كده..هتبقى ايه

..متدحكوش على انا بتكلم بجد فى الموضوع ده بالذات

بقع من الدور السبعين

مش عارفه ده الوقت المناسب عشان اكتب ولا تؤ

بس اهو هكتب

حالتى دلوقتى اسوأ ما يكون

اخر مره كنت كده..لما واحد عزيز على اوى اتوفى

مش عارفه ايه بالظبط الى خلانى دلوقتى كده..بس هى حاجات كتيره

بس هفضفض هنا شويه مع نفسى يمكن اقدر افوق و اقوم اكمل مذاكره..:)

عندى شعور كده انى بقع من الدور السبعين بقالى سنه

و مفيش حاجه ..مفيش اى حاجه ممكن اتمسك بيها عشان انجد نفسى

دلوقتى اهو طايره فى الهوا..و فى اى لحظه هتصدم فى الارض و هموت

لا..دا انا كمان ممكن حتى لما اقع موصلش لللارض

ممكن اغرق..اغرق فى مكان مش عارفه ايه هو اصلا

و لما اوصل ...مش هبقى عارفه انا وصلت ازاى

نفسى ارجع لى من سنتين

ياااه..حاجات كتيره اوى كانت مختلفه

دلوقتى مش عارفه ايه اللى حصل..بس اكيد انا السبب الرئيسى يعنى فى اللى حصل ده

بقالى فتره كبيره اوى بحاول ارجع زى زمان..بس مش عارفه

بدور جواى على حاجه مش لاقياها..مش عارفه ممكن فى يوم الاقيها ولا تؤ

بس الحاجه دى جميله اوى..انا على يقين انى لو لقيتها هستريح كتير اوووى

عشان كده مش عايزه استسلم..:)

بس للاسف اليومين دول مستسلمه اوى للظروف اللى حوالى

مش عارفه ايه اللى حصل فعلا..انا عايزه اعرف

كل اللى عارفاه انى لسه بقع من الدور السبعين و مستنيه نهايه الللى هيحصل

...اناديك

..اناديك
رغم ابتعادك عنى
..برغم التباين بينى...و بينك

..برغم محاوله الصمت منى
..فانى

بصمتى انادى عليك
و قلبى طريق يؤدى اليك
..اناديك
رغم جميييع خلافاتنا
رغم تفارق احلامنا
فانى..بشوق انادى عليك
وقلبى.. طريق يؤدى اليك
..اناديك
حبى ينادى عليك

اليس احتراقى ..على وجنتيك
اليس اشتياقى..الى راحتيك
!!..يقدم بعض الدليل لديك

..اناديك

انت المنى والرجاء
..فلا تسال كيف ذاك الحب جاء
..فلا انا شئت ولا القلب شاء
و لكن

..طريقى يؤدى اليك
..و هذى يدى فاين يديك
..اين يديك

...انشوده حياتى

عيناك تنظر الى من ملقى ستار

تتراقبنى و تتحيرنى

اراها لحن من الحان الموسيقى

اراها كانشوده من اناشيد الحياه

فعيناك اراها تتراقبنى

و كانى فعلت شيئا

احبك جريمه بحقك

اراها تقرا الجريده

!!..تتباحث من بين كلماتها عن ماذا

!!..هل اسمى

!!..هل حبى

..فكلمه حبيبتى تهزنى و تزلزلنى

..و تجعلنى طفل فى انشوده حياته

..و الان اراك تغلق عينيك عن الحياه

..افقدت عاشقه

..افقدت حبا

..افقدت املا

..ام التى تحبها قد بعدت و تخلت عنك

..فانظر لى فانا قلبك..انا احبك

..حبيبى انا مبكاك..انا مشكاك

..انا عاشقه الحب

..انا مالكه الحب

..فانظر الى القلب الذى لا يوجد مثله

و الحب الذى لا يوجد لك غيره..فماذا ترى..؟؟