بحبك ...

كلمه بحبك المرادى تختص بانسان معين

بقولها لانسان معين ملك احساسى بكل ما فى الكلمه من معنى

متصورتش ابدا ان ممكن يكون فى انساس يشغل تفكيرى بالطريقه دى

انسان بعيش فى وجوده احساس ميتوصفش

متصورتش برضوا انى ممكن فى يوم من الايام اكتب شىء ..لمجرد انى بكتبله هو بس

عشان بس اقوله

"بحبك"

بأعلى صوت ..

متصورتش انى ممكن ييجى على اليوم اللى امسك فيه ورقه و قلم

و اسرح و افكر في انسان معين و اكتب

و الله حصلت..

متصورتش انى ممكن اقعد بالساعات ماسكه صورة ليه

لمجرد انى اتأمل ملامحه

ابسط التفاصيل ..

متصورتش ان ممكن فى يوم ييجى انسان ويمتلك شىء بداخلى

ويتبقى كلمه واحده بس اقولها

بحبك

غرقانه فى كبايه شاى ..

فى ناس تحب الشاى بالنعناع ..

زى ما فى ناس تحبه باللبن

خالى دسم او كامل .. ... ناس و ناس

فى ناس تحبه سكر زياده

زى ما فى ناس تحبه من غير سكر..

فى ناس عشان عندها السكر ... بتحط نوع سكر معين..

فى ناس تحب تشربه سخن .. زى ما فى ناس بتحبه باارد ..

فى ناس تانيه مبتحبهووش خالص ..

فى الاول و الاخر احنا غرقانين فى كبايه شاى ...

و مش عارفين نخرج منها ..

***

بس دا مش معناه ان كبايه الشاى تبقى كبايه شاى من غير السكر او اللبن ..

هو الموضوع مختلف من شخص لاخر.. حاجه نسبيه كدا ...

مش عارفه هى ماديه ولا معنويه ..

بس بتختلف على حسب الظروف اللى عاشها الشخص دا ...

او المواقف اللى اتحط فيها زمان ..

هل بيبقى السكر عنده شىء اساسى ..

ولا لانه كل مرة يبقى عاوز سكر ميلاقيهوش..

فاتشال من قائمه الاشياء الاساسيه فى الشاى ..

اهو ساعتها هييجى ليه وقت .. لو حطلتوله سكر فى الشاى ..

هيستغرب الطعم ..

لانه خلاص فى كل مرة احتاجه ملاقاهوش جنبه

فعاش شاى بس من غير سكر..

اهو ساعتها ..السكر هيبقى خسر كتير اوى

Every Single Moment..

الشتا قبل اللى فات .. كنت بتمشى معاه كتييير بالليل ...

و انا راجعه من الكورس عشان بخلص متاخر كان بييجى ياخدنى..

و نتمشاها لحد البيت ..

و ماسكه ايده و هى دافيه اوى و انا ايدى بردانه...

بجد كنت ببقى مبسوووووطةةةةةة اوووووى و انا ماشيه معاه

على قد ما كان فى بيننا خلافات و مشاكل

بس التمشيه معاه و الكلام معاه حلوين اووووى

بجد كان انسان حلو من جوة اوووووى ..

كل ما ابقى بردانه افتكر ايده الدافيه

يمكن اول حاجه خلتنى احس انه خلاص فى اخر لحظاته

ان ايدة كانت بارده اوى

كنت ماسكاها و بحاول ادفيها على قد ما اقدر بس برضوا ..

البروده بتزيد فيها ..

كانت لحظات ..بتمنى تتمسح من الذاكرة

فاكرة ايام كنت و انا صغيرة بنام جنبه على السرير فى عز البرد

و ياخدنى فى حضنه

وحشتنى اوى ضحكته من قلبه .. صوتها كان مميز اوى

وحشتنى نظرةعتاب منه ..او حتى كلمه

وحشنى اوى لما كان بيقولى انتى مجنونه زيي و انا صغير

ولا لما نرخم على بعض على المسنجر ..

و الحوار ينتهى بانى اقوم اعمله كبايه شاى


مفيش مكان فى البيت مفيهوش صورة ليك

على الحيطه ولا فى محفظه ولا حتى فى صوره حاطاها جوة كتاب

ولا على ديسكتوب فى كمبيوتر

ولا حتى صوره مجسده بصوت ضحكه ليك فى قلوبنا

لحد دلوقتى اوسى بتسال عليك

مفيش مرة كلمتها على فون ولا شفتها الا و تقولى عمو فين

و نفس الرد اللى بيتقال بتنهيده

عمو مسافر يا حبيبى

و اقنعتها انك مسافر فى مكان مفيهوش تليفونات ..معرفش ازاى

مش عارفه امتى هييجى يوم وتنسى تسالنى

او حتى ييجى يوم اقدر افهمها اللى حصل

بتبقى مبسوطه اوى و هى بتلعب بلعبه انت جبتهالها

او لعبه حد فينا جابهالها باسمك

فاكرة اوى يوم امتحان الفلسفه فى تالته ثانوى

كنت سهرانه يومين عشان اخلص الماده

ويوم الامتحان الصبح انت اللى وصلتنى

فاكرة ان يوميها ضحكنا بطريقه محصلتش

كنت انا فى حاله اللاوعى

و انت بتحاول تفوقنى باى طريقه

كانت ايام حلوة بكل ما فى الكلمه من معنى و الله

نفسى احكيلك حاجات كتيييير بتحصل

اخد رايك فى حاجات كتيييرة اوى كمان

نفسى تتشال من على المسئوليه اللى انا مش قدها دى

نفسى يكون فى حد اترمى فى حضنه تانى و احس بالامان

يااارب ..
...................

b4 u sleep close ur eyes and remember me ...

("v").. miss u like crazyyy

ليتني ما كنت إلا..

ليتني ما كنت إلا .. بسمة تلهو بثغرك

ليتني ما كنت إلا .. راهبا في نور قدسك

أنثر الأزهار حولك

أجعل الدنيا رحيقا .. يحمل الأشواق نحوك

أجعل الأيام طيفا .. هادئا .. يهفو لظلك

ليتني طفل صغير .. يحتمي في ظل صدرك

.....

اللى كتب الكلام ده ابدع فيه بجد

بطريقه لا توصف فعلا

دا مش واحد بيحب ابدا

دا انسان بيعشق بمعنى الكلمه

ياريت كلامى يتفهم القصد منه بس

..........

ساعات ممكن تحب حد فعلا بس متعرفش تعبر عن اللى جواك بكلام

ولا حتى بافعال

انت عارف بس انك متيم بالشخص دا

بس انت مش عارف توصل لقلبه

مش عارف تخليه مجرد يحس ولو ثانيه باللى جواك ناحيته

مش عارفه العيب بيبقى مننا ولا من ايه بالظبط

انك بتحب شخص معين عمرها ما كان معناها تقوله "بحبك" و خلاص على كدا

ولا تقوله هعمل و هعمل و هعمل

لما تلاقى انه بيعمل شىء من غير ما يتكلم

و عشانك انت بس

بيبقى معناها حلو اوى

و احلى من مليون مرة هيقولك فيها بحبك

بس نرجع نقول تانى ..بنعمل حاجه بس مش بتوصل

او بتوصل ..بس مش بيشوفها ..:)


.............

غريبه اوى لما يبقى ناس حتى مبيخطروش على بالنا

يبقوا اول ناس يخافوا على زعلنا و يفتكروا ايامنا الحلوة

و ناس بنديهم اكتر من حقهم يجرحونا بكل بساطه

الدنيا دى غريبه بجد