Thursday, July 26, 2007

....ااااااه يا بلد



مش هطول فى الكلام
هحكى موقف بس حصل لى الاسبوع اللى فات ده
كنت بلعب انا و بنت عندها 5 سنين تحت الشاليه
و ببص لقيت عربيه واقفه و قدامها 3 شباب
شكلهم حراميه يعنى اصلا
biggrin.gif
و اللى فى النص واقف بيبدل المفاتيح مع اللى جنبه و بيحاولوا يفتحوا العربيه
المهم يعنى الاعمى يعرف ان هما بيسرقوا
طيب انا بنت
هعمل ايه يعنى
لقيت راجل من بتوع الامن اللى لابسين ابيض دول
واحد واقف كده رحت قلت له
الراجل قالى طيب ربنا يكرمك عشان قلتى لنا و هبعت حد دلوقتى حالا و مش عارف ايه
قلت له طيب
طلعت الشاليه و وقفت من الفرندا
شايفه الراجل بتاع الامن ولا اتحرك اساسا
و التلاته سرقوا العربيه
واحد ركب و الاتنين التانييين ركبوا على موتسيكل و حصلوا
ده كله و بتاع الامن اللى قالى حاضر هنحل المشكله و هنبعت حد دلوقتى واقف مكانه ثااابت
ده ايه ده
ايه اللى بقى يحصل فى مصر ده
الراجل ده خلاص ضميره ميت للدرجه دى انه حتى ميحاولش يحل المشكله ولا حاجه
ده من ايه ده
مش عارفه اقول ايه
هما كلمتين و بس
اااااه يا بلد
و
حسبى الله و نعم الوكيل
...
at

41 comments:

  1. Rushdy KamelJuly 26, 2007 at 4:28 PM

    كله ماشي بشعار لا ارى لا اسمع لا اتكلم
    ايه اللي يدخله في مشاكل مدام مش مسئول عن حاجة
    بس أكيد مش كل الناس كدة بدليل ان فيه ناس طيبة زيك
    مبسوط اني اول واحد ارد
    تحياتي

    ReplyDelete
  2. Ert3ashatJuly 26, 2007 at 4:29 PM

    هو انتي لسه عارفه

    خلاص الضمير مات منزمان

    ولما بنشوف حد ضميره ميت بيقوم قاتل ضميرنا احنا كمان

    لنا الله

    ReplyDelete
  3. MomoJuly 26, 2007 at 5:37 PM

    عارفة ياكاتروز

    لما كان اول مرة انزل رمسيس عشان اركب المترو وكدة

    كنت بلاقي واحد عمو كدة بيقعد عالرصيف عند المترو وبيبيع مجلات وحشة

    فكنت مرة قولت لنفسي انا استحالة هسكت عالمنظر ده واللى رايح واللى جاى يتفرج... الناس مش ناقصة

    وقومت زى الشجاعة كدة اقول لعمو بتاع البوليس اللى كان واقف

    بصلى وضحك ومردش اصلا عليا

    :D :D :D :D

    ReplyDelete
  4. AMRO .O. ABDELHALIMJuly 26, 2007 at 6:04 PM

    This comment has been removed by the author.

    ReplyDelete
  5. AMRO .O. ABDELHALIMJuly 26, 2007 at 6:10 PM

    هاى كاتروز
    سورى لانى مسحت التعليق الطويييل اللى فات
    هكتفى بانى اقول لك ان فى حاجات كتيير تفقع المرارة فى البلد
    وتخلينى اقول معاك ااااه يابلد

    ReplyDelete
  6. catrozJuly 27, 2007 at 9:58 AM

    Big Code....
    انا كمان مبسوطه انك اول واحد ترد
    بس الراجل بتاع الامن ده شغلته يحافظ علينا
    و يحافظ على حاجاتنا مش يشوفها بتتسرق قدام عيونه و يحاولش حتى
    و اكيد مش كل الناس كده
    لو فى
    90% مش فارقه معاهم فاكيد فى
    10% فارقه معاهم و ضميرهم حى
    منور البروجايه
    .........:)

    ReplyDelete
  7. catrozJuly 27, 2007 at 10:00 AM

    Ert3ashat ...

    لا ازاى بس
    الضمير مماتش ولا حاجه
    و الله فى ناس كويسه جدا
    مش كلهم كويسين طبعا
    بس فى منهم الكويسين و المحترمين اكيد
    و ضميرنا مش هيتقتل
    لما احنا الشباب اللى هيحمى الوطن بنقول كده
    لمال مين اللى هيصحى الضمير اللى موجود
    لا متقوليش كده تانى
    مضيرنا حى و هيفضل حى
    .......:)
    منوره البلوجايه..

    ReplyDelete
  8. catrozJuly 27, 2007 at 10:06 AM

    momo...

    مش عارفه اقول ايه
    لا حول ولا قوه الا بالله
    المهم ان ضميرك ريحك يا بنتى و خلاص عملتى اللى عليكى
    مش مهم بقى هو اتصرف ازاى
    انتى عملتى اللى عليكى و ريحتى ضميرك
    ما هو مش فى ايدك حاجه تانيه تعمليها يا بنتى
    :D
    اهم دول الناس اللى فعلا نقولهم
    حسبى الله و نعم الوكيل
    امال الافكار التعبانه اللى فى مخ اولادنا من ايه
    من الحاجات دى طبعا
    ربنا يعافينا يارب
    :)

    ReplyDelete
  9. catrozJuly 27, 2007 at 10:08 AM

    المتوحد....

    ولا يهمك مع انى كنت عايزه اقراء
    فعلا فى حاجات كتيره تفقع مراره الواحد فى البلد
    بس هى دى مصر حبيبتنا
    زى ما فيها الوحش
    فيها الحلو برضه
    منور البلوجايه
    ..........:)

    ReplyDelete
  10. AnonymousJuly 27, 2007 at 2:05 PM

    This comment has been removed by a blog administrator.

    ReplyDelete
  11. catrozJuly 27, 2007 at 2:54 PM

    لا حول ولا قوه الا بالله

    ReplyDelete
  12. AnonymousJuly 27, 2007 at 2:54 PM

    iهى بلد لا يحترم فيها انسان

    هيا بلد اصبحت مجالا للخداع والسرقه

    هى بلد امتلئت بالثعالب

    ياااااااااااااااااااااه يجولى بخاصرى

    اشياء وانا لله وانا اليه راجعون

    ولكن تظل مصر دونن عن مافيها هى مصر الشموخ

    (وش بيعيط)

    ReplyDelete
  13. catrozJuly 27, 2007 at 3:33 PM

    atwa_sad...

    فعلا بيحصل حاجات كتيره تتعب الواحد نفسيا و جسديا
    و انا لله و انا اليه راجعون
    لكننا نحب مصر مهما كانت
    و هنقول
    ليت الزمان يعود يوما
    حاجات كتيره كانت ممكن تتغير
    ...:)

    ReplyDelete
  14. HossamJuly 27, 2007 at 8:57 PM

    hi carroz
    really ur blog is gr8 one
    ur topic is too subjective and real happened to me
    anyway hope be a frinds and hope send me ur msn
    bye bye

    ReplyDelete
  15. catrozJuly 28, 2007 at 2:57 PM

    شىء من خيالى...
    منور البلوج و ميرسى اوى على كلامك
    اتمنى ااشوفك تانى هنا
    .......:)

    ReplyDelete
  16. AnonymousJuly 28, 2007 at 4:46 PM

    This comment has been removed by a blog administrator.

    ReplyDelete
  17. catrozJuly 28, 2007 at 7:17 PM

    لا حول ولا قوه الا بالله
    و اخرتها يعنى...

    ReplyDelete
  18. §a§aJuly 29, 2007 at 3:11 AM

    الكل ماشى بيقول انا مالى انا ايه
    اللىيسرق يسرق مليش دعوة

    طالما الكل بيقول كدا يبقى اللى عاوز يسرق يسرق اللى عاوز يعمل اللى عاوزة هيعمله

    حسببنا الله ونعم الوكيل

    ReplyDelete
  19. MomoJuly 29, 2007 at 8:16 AM

    mabroook ya amar ..

    This blog does not allow anonymous

    ;)

    ReplyDelete
  20. catrozJuly 29, 2007 at 11:54 AM

    §a§a...

    شكلك شايل كتير اوى من البلد دى
    اول مره احس فى كلامك كده
    اكيد فى ناس محترمه و كويسه يا صاصا

    ..........:)

    ..............

    MoMo...

    الله يبارك فيكى يا بنتى ياااارب
    ....:D
    كده احسن و الله..
    بلا وجع دماغ..((

    نيهاااااااااااع..:D

    ReplyDelete
  21. The ManagerJuly 29, 2007 at 2:08 PM

    هو انتى كدة يا فيروز مفيش عليكي ذنب إن شاء الله فى موضوع السرقة دة
    ----------

    انتى عملتى إللى عليكي
    والعسكري هو إللى قصر فى واجبه

    ----------

    جزاكى الله خيرا على الموضوع :)

    ReplyDelete
  22. catrozJuly 29, 2007 at 2:52 PM

    The Manager ...



    طيب الحمدلله
    يارب بجد ميكونش على ذنب فى الموضوع ده كله
    صعبان على الشخص اللى اتسرقت عربيته منه اوى
    ......:(
    العسكرى قصر فى واجبه جامد اوى
    ربنا يحفظنا من الناس دى

    و جزانا و اياكم يا سليم..:)

    ReplyDelete
  23. عمرو غريبJuly 29, 2007 at 4:52 PM

    الموقف الي انتي بتحكي علية دة امر طبيعي و بيحصل كل يوم لان كل الحكاية ان بتاع الامن دة الي ما عملش حاجة او المخبر الي بيسيب الحرامي او بتاع المرور الي بيعدي العرابيات الي معلهاش نمر والي والي الخ كل دولت بياخدو الي فية النصيب و يسيبو كل حاجة علشان هما اصلا مش لقين ياكلو فلما يجلهم فرصة زي دة لازم يعملو كدة

    ReplyDelete
  24. catrozJuly 29, 2007 at 6:53 PM

    عمرو غريب...

    هو بيحصل كل يوم لكن معتقدش ان ده يعتبر امر طبيعى يعنى
    احنا اللى اعتبرناه طبيعى لاننا بقينا نشوفه كل يوم
    كل دى مشكله ضمير فى الاخر
    الراجل ده لو ضميره بيوجعه مكانش هيعمل كده اكيد
    كان هيتصرف تصرف تانى
    بس هنقول ايه بقى
    يلا الحمدلله
    منور البلوج يا عمرو
    (:............

    ReplyDelete
  25. breakJuly 29, 2007 at 7:12 PM

    حسبى الله و نعم الوكيل
    الا قوليلى العربية كانت حلوة ولا وحشة
    عشان اشوف مقدار التحسر اد ايه

    ReplyDelete
  26. catrozJuly 29, 2007 at 8:27 PM

    break ...

    جامده و الله يا بنتى
    ربنا يصبرهم بجد
    حسبى الله و نعم الوكيل فعلا

    ReplyDelete
  27. USaMaJuly 30, 2007 at 8:29 AM

    يمكن العسكري خاف منخم
    و المشكلة دي بقت موجودة للأسف في المصريين عامة!

    عالعموم هو كان المفروض يتصل بالأمن و يروح بنفسه ربنا يجازيه بقه

    بس سؤال صغير يا كاتروز

    هو عسكري شرطة ولا أمن بتاع قرية سياحية مثلا؟

    ReplyDelete
  28. D◎◎dy §okaraJuly 30, 2007 at 12:42 PM

    انتى عسل اوى ياكرتوز بجد والله يخرب عقلك دمك سكر بجد ومدونتك جميله جدا ومفهاش اى تكلف وقصص جميله بجد بتضحكنى مووت بجد مدونه رائعه انا مش لاقيه كلمه اكتر من كده اعبر بيها بجد ربنا يوفقك ياجميل

    ReplyDelete
  29. AnonymousJuly 30, 2007 at 1:43 PM

    وريني بقي شكل الواد دة عشان هعلم عليه

    لا مش هعلم عليه
    دة انا هخرشمه
    حسبي الله ونعم الوكيل
    الساكت عن الحق شيطان اخرس
    اظن ان الشيطان الاخرس دة مش كان هيخسر حاجة لو كان علي الاقل اتصل بالبوليس او بادراة المرور

    اسمحيلي اصوت في مدونتك من القهر واقول

    يا لهوووووووووووووووووووووووووي

    ReplyDelete
  30. catrozJuly 30, 2007 at 7:17 PM

    USaMa...

    ما هو لو خايف كان ممكن بتده حد من زمايله
    ربنا يجازيه بقى
    بس هو كان من اللى بيلبسوا ابيض دول
    تقريبا يعنى بتوع الامن اللى من القريه نفسها
    بس ليه السؤال ده
    .....:)

    ReplyDelete
  31. catrozJuly 30, 2007 at 7:27 PM

    D◎◎dy §okara ...

    انتى الاجمل و الله
    البلوجايه بسيطه و مفيهاش حاجه يا بنتى
    ربنا يكرمك يارب
    كلامك رفعلى روحى المعنويه كتير اوى
    :D

    ReplyDelete
  32. catrozJuly 30, 2007 at 11:32 PM

    smraa alnil...

    على رايك فعلا شيطان اخرس
    و الله ما عارفه كان هيكلفه ايه لو حتى كان حاول يعمل اى حاجه يعنى
    مش صعبه عليه ولا هيتضر ولا بتاذى
    حسبى الله و نعم الوكيل بجد
    صوتى يا بنتى براحتك صوتى
    محدش واخد منها حاجه و الله

    ReplyDelete
  33. علاء عارفينJuly 31, 2007 at 1:41 AM

    بلد الامن و الامان


    هههههههه

    ReplyDelete
  34. USaMaJuly 31, 2007 at 4:28 AM

    علشان لو كان شرطة كانت تبقى مصيبة أكبر :)

    ReplyDelete
  35. catrozJuly 31, 2007 at 4:50 AM

    DR_NIGHTWING...

    اهو ده بقى الهم اللى يبكى و الهم اللى يضحك

    ...........

    USaMa....

    فى الاول و الاخر كلها مصايب..
    ربنا يرحمنا برحمته بقى..:)

    ReplyDelete
  36. عابرة السبيلJuly 31, 2007 at 7:44 AM

    ههههههههه مش جديدة
    امال كل الجرائم دى بتحصل ليه؟
    علشان الامن مستتب وثابت فى الارض ما بيتحركش
    سلام عليكم

    ReplyDelete
  37. rack-yourmindsJuly 31, 2007 at 7:59 AM

    هو انتي مش عملتي اللي عليكي ,وبلغتي رجال الامن

    يبقي خلاص بقي

    تحياتي لكي

    ReplyDelete
  38. catrozJuly 31, 2007 at 11:02 AM

    3abratalsabeel..

    ايوه مستتب و ثابت فى مكانه
    لا حول ولا قوه الا بالله

    ..............

    wahed....

    الحمدلله عملت اللى على
    تحياتى لك
    .......:)

    ReplyDelete
  39. mohamedSeptember 1, 2007 at 2:59 PM

    ياستى على اذا كان رب البيت بالدف ضارب

    ReplyDelete
  40. mohamedSeptember 1, 2007 at 2:59 PM

    ياستى على اذا كان رب البيت بالدف ضارب

    ReplyDelete
  41. Ahmed MohamedSeptember 10, 2007 at 5:18 PM

    مش حكاية ضمير
    اكيد بتاع الامن ده متواطء معاهم
    لاء وكمان بيراقب ليه الطريق
    وده اسمه
    ((((الشرطه في خدمة الحرميه ))))

    ReplyDelete

Commentoo ..:D