Sunday, July 20, 2008

يعنى خلاص مشيت ..





خلاص بلم هدومى و همشى

كنت بشوف بس اللى راح

حيطان ياما نمت فى حضنها

و هوا بارد جاى م الشباك .. طول عمرة كان بيدفي

شباك ياما استنيت المحك من وراه ..و الشمس منه تدخل تصحينا بنورها

صوت ايدك بتخبط على باب .. اتفتح كل مرة بلهفه

سرير و مخده شافوا دموع ياما

قميص ازرق كويته ..وبنطلون ومعاه شراب

فستان و روج و كحل

و بوسه على خدى

و مرايه شافت عيونى ياما .. بتقول بغير عليه

و قلم احمر و ورقتين عليهم اسمك .. و مرسوم قلب بيقول بحبك

ورقه فاضيه عليها دمعه

وصوت حليم بيقول اهواك ..و ام كلثوم ترد ب فات المعاد

حمول كتيرة اوى فى القلب

الف حكايه و روايه

زكريات و ورق و حب ولا يتحكى .. و الم ودموع ولا تتوصف

صوت ياما طمن قلبى .. و ايد بتسمح دمعه .. وحضن ياما دفى

لسه سرحانه و ايدى على خدى

شايفانى لاول مرة بشوف عيونك

ولاول مرة اهمس بحبك

ولاول مرة المس ايديك

و اعرف انك مش بنات افكارى

ولاول مرة يألمنى جرحك

ولاول مرة اصرخ باسمك

ولاول مرة بتغيب عنى

و اعرف ان الحلم مكملش

at

29 comments:

  1. نعكشةJuly 20, 2008 at 4:59 AM

    مش عارفة أقولك إية :(

    انا حاسة اني هبقي حشرية ( مش حشرة) بس اللون الأسود يعني رائع
    و الالم واضح
    طيب حاولي تعملي بوستات سعيدة
    واكتبي عن حاجات مُبهجة
    يمكن تفرجي عن نفسك شوية

    ربنا يعينك يا رب

    و يفتح عليكي
    و يهديكي
    و يفرج كربك و ييسر دربك
    و يهدي سرك

    دمتي سالمة
    سلامٌ عليكي

    ReplyDelete
  2. Lobna Ahmed NourJuly 20, 2008 at 3:29 PM

    الحلم لسة ماكملش ! محتمل

    ساعات بيكون مش من المفترض انه يكتمل

    سواء عرفنا الحكمة او جهلناها

    لكن يكفينا اننا عشنا حلم جميل حتى

    لو لم يكن ليه نهاية ترضينا

    عيشي الحلم وعيشي اللحظة لان اللي فات عمره

    ما بيرجع .. والحاضر في يوم هيكون ذكرى

    علشان كدة حاولي طول الوقت

    تصنعي اجمل الذكريات

    ReplyDelete
  3. safa7_karmoozJuly 21, 2008 at 2:54 AM

    هى المام بتاعتك طردتك من بيتك ولا ايه..؟؟
    هههههههههههههههههه

    كلام جميل

    بس اعتقد انك فى بداية الحلم...مش اخره

    فكرى كويس بس

    ReplyDelete
  4. زى الهواJuly 21, 2008 at 6:23 AM

    جايز الحلم هيكمل فى يوم , غم غم ماتفرحينا شووووووووووية

    ReplyDelete
  5. Princesa ... WHiSPeRJuly 21, 2008 at 6:32 AM

    انتى هتتجوزى وتعزلى !!!!!!

    مالك يا روز فى ايه بس

    بصى كل احلامك هتكمل وتبقى حقيقة فى حالة واحده بس
    لو انتى عندك القدرة انك تحققيها

    وكمان كل حاجه فى حياتك ممكن تبقى حلوه بس لو انتى عايزه تشوفيها حلوه

    بصى قدامك بس وكل حاجه هتبقى تمام ان شاء الله

    ReplyDelete
  6. عمرو فكرىJuly 21, 2008 at 7:27 AM

    معلشى :)

    ReplyDelete
  7. UnknownJuly 21, 2008 at 2:37 PM

    ممكن يا روز يكون هو ده الخير
    الله اعلم
    بلاش تشائم
    ربنا عمره ما بيجيب حاجه وحشه لاى انسان

    ReplyDelete
  8. Unique GurlJuly 21, 2008 at 5:03 PM

    ازيك يا رووز
    عامله ايه
    ليه يابنتي بس كل ده
    ان شاء الله كله حيعدي و الايام الجاية تكون احلي :)

    ReplyDelete
  9. maioyaJuly 21, 2008 at 7:40 PM

    تعرفي ممكن لو كان اكتمل
    مش كان يبقي في قلبك كل الاحاسيس
    ممكن كان يبقي وراه
    مخلفات ذكري انتي مش عاوزه
    تفتكريها
    صدقيني كده ممكن يكون احسن :))

    ReplyDelete
  10. AmgadJuly 22, 2008 at 7:47 PM

    ايه اسلوب الوصف الرائع ده
    وايه الاحساس بالاشياء ده
    وايه الصداقة مع كل حاجه دي
    وايه الروح الجميلة والعشرة اللي بينك وبين كل الحاجات دي
    بجد اسلوبك رائع
    وسعيد جدا لدخولي هنا وسعيد اكتر لزيارتك واتمني نتواصل دايما

    ReplyDelete
  11. AnonymousJuly 23, 2008 at 6:02 AM

    :'(

    ReplyDelete
  12. Rushdy KamelJuly 30, 2008 at 8:13 AM

    جميل ان الانسان يتكلم
    ويطلع اللي جواه بالطريقة البسيطة العميقة دي

    تحياتي ليكي

    ReplyDelete
  13. Princesa ... WHiSPeRJuly 31, 2008 at 11:00 AM

    اين انتي يا روز !!!!

    ReplyDelete
  14. No FearAugust 1, 2008 at 8:54 AM

    السلام عليكم
    أكيد مش هي دي نهاية العالم
    و القادم إن شاء الله أحسن

    ياريت تغيري فعلا شكل المدونة

    ReplyDelete
  15. oRiGiNaL HeArTAugust 1, 2008 at 12:43 PM

    ربنا يصبرك على الاحساس الصعب دة
    بس الحلم اكيد هيكمل طالما لسة عايشين
    :)

    ............
    ليكى عندى تاج

    ReplyDelete
  16. momkenAugust 3, 2008 at 2:17 AM

    اه ما اصعب الفراق

    كلامك جميل اوى بس مؤلم اوى
    اعمل فيكى ايه

    ياله الله ينور

    تحياتى

    ReplyDelete
  17. perlinaAugust 6, 2008 at 2:26 AM

    ان شاء الله الحلم يكمل بس انتى لازم يكون عندك القدره انك تحققيه

    تفائلى يا روز :):)

    ReplyDelete
  18. momkenAugust 6, 2008 at 4:52 AM

    فين الجديد يا استاذه

    تحياتى

    ReplyDelete
  19. كفايـة طيبـةAugust 7, 2008 at 6:51 PM

    حاسة البوست ده مختلف شوية

    يمكن فيه نضج اكتر :)

    مش قادرة احددايه تانى اوجه الاختلاف اكتر من كدة

    بس هو مختلف :)

    ReplyDelete
  20. catrozAugust 10, 2008 at 3:15 AM

    نعكشه...

    اهو يا بنتى بظروفها و بنحاول نعدلها يوم بعد يوم..
    عادى يعنى اهى الحياه مبتقفش يوم لينا و يوم علينا ..:D

    منووووووووورة ...
    و عليكم السلاام

    ----------

    unique...

    اجمل شىء على الاقل احنا مقتنعين بيها
    ان اجمل ايام حياتنا لسه مجاتش
    ...:)

    ReplyDelete
  21. catrozAugust 10, 2008 at 3:17 AM

    safa7_karmooz..

    اه فكرت ..:)

    -------------

    زى الهوا ..

    من عيووونى .. المرة الجايه ان شاء الله :P

    ReplyDelete
  22. catrozAugust 10, 2008 at 3:20 AM

    la Princesa ... WHiSPeR ...

    لا يا بنتى انا هنا اهو
    اتجوز ايه بس بلا نيله

    :D

    المشكله اننا من اول مرة نتكعبل بنحس ان الحياه وقفت
    هى مبتقفش على حد ولا على شىء
    احنا بس اللى بنحب نكئب نفساوياتنا حبتين تلاته
    :D

    ---------------
    amr fekry ...

    بيطلع فى الغسيل يا عمرو ..

    ReplyDelete
  23. catrozAugust 10, 2008 at 3:22 AM

    lost love ...

    مش تشاؤم
    هو واقع ..:)

    -------------

    unique gurl...

    عاتى عاتى
    بكرة حلو ان شاء الله
    منورة يا جمييل ..

    ReplyDelete
  24. catrozAugust 10, 2008 at 3:25 AM

    maioya...

    فعلا ممكن يكون احسن
    هو احسن ..
    بكرة فى احلى ..:)

    -----------

    amgad...

    كل سطر كتبته كان بيدل على شىء معين..:)

    انت اللى منورنا و يارب نشوفك دايما ..

    ReplyDelete
  25. catrozAugust 10, 2008 at 3:27 AM

    وينكى ..

    زعلانه ليه بس ..:(


    --------------


    big code...

    اهو كلام كان لازم يخرج ..:)

    تحياتى لك ايضا ..

    ReplyDelete
  26. catrozAugust 10, 2008 at 3:29 AM

    la Princesa ... WHiSPeR ...

    انا هناااااااا:D

    ------------

    no fear...

    طبعاااا مش نهايه العالم
    ممكن تكون بدايه لشىء ما .......

    شويه و يمكن ارجعها زى زمان
    على حسب الظروف
    منورنا بجد .. و متغيبش عننا تانى ..

    ReplyDelete
  27. catrozAugust 10, 2008 at 3:31 AM

    oRiGiNaL HeArT ...

    ادينا عايشييين و بنتنفس ..

    التاج اللى عندك عملتوا قبل كدا :D

    ---------------

    momken...

    بيقولوا الوقت بينسى....
    بس مش عارفه بقى


    اسمك بيفكرنى دايما باغنيه منير
    "اسكن بيوت الفرح .. ااااه ممكن .. اسكن بيوت الحزن ..لاااا يمكن ..."

    ReplyDelete
  28. catrozAugust 10, 2008 at 3:34 AM

    perlina...

    انا متفائله خيرا والحمدلله ..:)
    بكرة احسن..

    ------------

    momken...

    لما النت يحترم نفسوا هيبقى فى جدييييييييد:D

    ReplyDelete
  29. catrozAugust 10, 2008 at 3:36 AM

    كفايه طيبه ...

    نضج .. لا مفتكرش
    ممكن
    مممممممممممم
    ولا خلينى ااقولك بينى و بينى

    وحشتيييييييييينى على فكرة
    وحشتيييينى بصوت عاالى يا مومو ..:)

    ReplyDelete

Commentoo ..:D