وبتاخدنا الايام ..

بقالى كتير مش عايزة اتكلم

مش عايزة اتكلم فى حاجات كتيرة اوى

بكتب كلام تانى مش عايزة اقوله

خايفه اتكلم عليه

خايفه افتكر قد ايه انا محتاجه وجوده

يرجع الالم يحتل قلبى تانى

ترجع عيونى تالمنى من كتر الدموع تانى

و برضوا خايفه انساه

انسى تفاصيل بسيطه عشتها وياه

انسى قلبه اللى كان حنين

ولا ازاى حضن ايده كان دافى

ولا نظرة عيونه اللى كانت تطمن

انسى ليالى سهرناها سوا

ولا حتى انسى كلمه سمعتها منه

خايفه يوم يحس بضعفى

يسمعنى بقوله اهوااك

و ارجع الوم قلبى

اللى حبه و داب فى هواه
..