انا م البداية ااااه .... يا غربه بتحمل....
وخلاص كفاية اااااااااه .... صعب ان انا اكمل...
ياما كان منانا نتلاقى و نقرب .. و عشان هوانا برحل و بتغرب ...
واعيش غريب و طال الليل معاه ..
جريح و من غيرك اعيييش .. جريح و مين غيرك دواااه ..
***
هو الواحد فعلا ممكن يتغرب 30 سنه ... و لما يرجع بلده و بين احبابه واخيرا فى حضنهم ........ يموت ..
مش بقول ممكن.. اصل ده اللى بيحصل فعلا.. خايفه اكتب ده اللى حصل فعلا ..
الواحد بيتغرب و يعيش بعيد .. بعيد عن كل حاجه بيحبها ..
عشان شىء هو فاكرة الاحسن .. بس بيكتشف متاخر اوى انوا ضيع احلى سنين عمروا ..
ولما بيكتشف ... ساعتها مبيبقاش فى طريق للرجوع ..
هترجع سنين شباب .. ولا اب مات بعيد عنك ... ولا ام اخر ايامها كان بس كل مناها ان ابنها يبقى فى حضنها ..
21 comments:
:(
بتحصل
انا شوفتها
وفي ناس بتعيش طول عمرها في غربه وتموت وترجع تندفن هنا
مش عارفه راجعين ليه وبعد ايه..؟؟
قديمة :p
eh el gar7 elli enty 3amalteeh fyya b klmteen dh :(:(
kalamk 2asi awii :(
7aram 3leeki bgd
يا ساتر يارب
مافيش حد بيعمل حاجة غصب عنه
هو اللي بيفضل حاجات على حاجات
وفي النهاية ولا حاجة من الحاجات بتبقى
تحياتي
بكره الغربة مهما كانت ممزيتها
كلام يوجع
بس بيحصل
تقبل مرورى
بوست مش في وقته ابدا
كان المفروض تكبي عليه
يمتنع عنه المغتربيين
بس تعرفي .. هيا دي الحقيقة
ههههههههههههههه
عايزه أضحك قوي أضحك بصوت عالي
عارفين لو واحد من كتر الخنقه إللي فيها عايز يصرخ أو يضحك أنا حاسه بكده دلوقتي
اقول ايه بس مش عارفه اتكلم :(
عمر ما في كلام يعبر عن معاناتي مع الغربه .. غربه بكل أنواعها ..
الله يسامحك كنت بأحاول أتناسى ..
خليتيني أبكي ..
لو قدر الله وفتحت مدونتي هتشوفوا الغربه عملت فيا ايه ..
بس قفلتها عشان معملش اكتئاب لحد ..
والحمدلله غيرت مسار مواضيع المدونه عشان لما أرجع أقرأ المواضيع القديمه وكلامي عن الغربه بأتخنق ..
Dr.Dead...
:)
عاشقه و غلبانه ..
مبيعرفوش انها ضيعوا حاجات حلوة الا لما تبقى خلاص ضاعت و مش راجعه تانى .
safa7_larmooz ..
يا عم دانت بتسمع بوب مارلى ..:P
كفايه طيبه ..
ana walahy makntsh a2sod ..:(
ana we7sha ..:'(
blue-wave...
:)...
MONDAHESH..
لاء فى ناس بتعمل حاجات غصب عنها
بس فعلا فى النهايه ولا حاجه بتبقى .
منورنا ..
moodysalihamidzic...
ابتديت اقول ان ملهاش مميزات اصلا ..
ملكه بحجابى..
بيوجع اوى
منورانى دايما يارب ..
Rosa ..
مغتربه ؟؟
يبقى شوفى الحاجات الحلوه اللى فى ايديكى
انى ملكه..
ساعات بنتحط فى حاجات غصب عننا
نحاول شويه نتاقلم معاها
نشوف الحلو فيها و نستمتع بيها
نحط امل ان ايام زمان الحلوة ممكن ترجع لنا تانى ..
كلامك وجعلي قلبي عليكي
مش عارفة انت بتتكلمي عن مين لإن عمرك 18 سنة بس..
وكلامك بيتكلم عن تجربة عمرها سنين أطول من كده
الاغنية كمان كان بقالي شهرين دايخة عليها و بدور عليها فكل حتى على النت لحد ما حد في مصر جابهالي
حطهالي ع الموبايل
ماسمعتهاش و انا معاهم
جيت بعد اجازتي و سمعتها هنا لوحدي مرة واحدة بس
وتعبت قوي
وقررت مش حاسمعها تاني ابدا هنا لوحدي.. بس برضه مامسحتهاش من الموبايل
عارفة لما بنتغرب سنين
و في الغربة قدرنا نحافظ على كل اللي لينا زي ما هو
و قدرنا نحافظ على أملنا في الرجوع و استعادة كل اللي فات
ونقدر نحافظ على قلوبنا زي ما هي من غير ما تطولها القسوة و التحجر و الانفصال التام عن معنى وطن و أهل
ساعتها بنحس بالاحساس المؤلم لما بنرجع
لكن تعرفي مين اللي مابتعبش و الغربة ما بتئلمهوش للحد ده
الناس اللي بتنسى كل اللي كان و ترميه ورى ظهرها و تنسى معنى وطن و أهل وتنسى كل ماضيها و تعتبر انها بدإت مرحلة جديدة بتلغي بيها كل ماسبق
وحتى دول مش مرتاحين مية في المية
بوست صحى جوايا حاجات كتير مش عاوزة أفكر فيها عشان ده دايرة مقفولة اللي بيدخل فيها بيفضل يلف زي المجنون
وانا اتخنتقت من الجنون بقى
عاوزة أعرف كلامك ده انعكاس لتجربتك انت ولا ايه؟؟
اعذريني على الفضول بس بجد عاوزة أفهم
Post a Comment