Tuesday, June 28, 2011

Thursday, June 23, 2011

. . .


Just Wanna be alone for a whileeeeee ...


Tuesday, June 21, 2011

..انت اللى حبيبى



... حبيبى




عارف يا حبيبى ان بكرة 22
عارف ان كده بقالنا 4 سنين .........

***
من كام يوم كده قررت لما افتكر حاجه تزعلنى هبتسم بدل انى اعيط
بس مش عارفه ... حلمت بيك صحيت معيطه

عارف برضوا ... سبحان الله جمال كل سنه بييجى يوم 21
بحس ربنا بيقولى ده مش موجود .. بس فى النسخه منوا موجوده ..
متزعليش بقى .. خديه ف حضنك و قولى الاتنين واحد

***

امبارح شفت راجل عجوز.. مش شبهك ... بس نفس لون شعرك
خلانى اقعد افكر ... ياترى لو لسه عايش
هيبقى شكلك عامل ازاى
هتبقى روحك عامله ازاى
كنت لسه هتسمع "حب ايييه" و تضحك بصوت عالى
طيب كنت هتبقى لسه بتصحى 9 و نص بالدقيقه كل يوم الصبح
كنت هتجيب قميص نبيتى تانى زى اللى بحبو
كنت هتفصل تقولى انتى لاسعه ولا كنت هتغيرها
كانت هتبقى مشاكلنا هى هى ولا كنت انت هتزهق .. ولا كانت هتختلف
منا كبرت بقى و مشاكلى اتغيرت
كنت هشتغل معاك فعلا زى مكنا متقفين ولا لاء
طيب كنا هنفضل هناك ولا كنا برضوا هنيجى هنا
كنت هترود عليا بايه لو قلتلك متيجى تذاكرلى :D
كان هيبقى احساسك ايه و نونو بتتخرج^_^

***

هو انا محتاجه اقولك تانى انت واحشنى
ولا انت عارف

***

البوست دا اسموا كده
مش لانه حبيبى و بس ... لاء ...
لانى مستغربه ليه لما كان بيقولى حبيبى مكنتش بقولوا انت اللى حبيبى

ربنا يرحمك يا حبيبى

***

امانه عليكوا ... ادعولوا دعوتين حلوين

Sunday, June 05, 2011

:S :S

لاء . انا فعلا مش مصدقه انى نسيت عيد ميلادك!!!
:huh
لاء و سنتين ورا بعض !!!!!!
و مفتكرتش كماان الا و انا بقول لنفسى ياااه دا 22-6 قرب
:S :S :S
استنى بقى اخد الصدمه بعيييد و اجى اعملهولك ^_^


Thursday, June 02, 2011

.....


املك صورة انا فيها صغير .. شكلى اتغير معرفتوش

كان ف جيوبى مكعب سكر .. داب السكر ملقتهوش