Monday, August 29, 2011

ممكن لو سمحت تبقى عيد سعيد ؟؟



كل سنه و انتوا طيبين :)


***
انت من الايام اللى مبحبهاش
مش لانك وحش
بس لان بيبقى ناقص فيك حاجات كتيرة اوى
هى على طول مبقتش موجوده ... بس النهارده مبتبقاش موجوده اوى

***

كنت بفكر النهارده
يعنى ايه يبقى الواحد حواليه ناس كتيرة
بس حاسس انوا وحيد
يعنى ايه مكن يستغنى عن الناس دى كلها مقابل شخص واحد
طيب هل دى مجرد فكرة .. ولا ممكن حد فعلا يعمل كده لو جاتلوا الفرصه

فكرة الشخص المميز دى هل احنا اللى بنرسمها لنفسنا .. ولا هو فعلا بيبقى شخص مميز !!

***

بمناسبه الشخص المميز ....
بابا كان شخص مميز
لاء هو مازال شخص مميز ... بالنسبالى
حضن دافى .. امان... حنيه
حد انت عارف انوا موجود ف الدنيا عشان يحميك
اول ما بتقع فى مصيبه بيبقى هو اول حد بتجرى عليه
و تبقى واثق انوا هيخرك منها
طيب و هو مفيش ناس تانيه تحمينى ... لاء فى
طب هو ايه الفرق
هو ملزمين يحمونى ..
ولا هما موجودين برضوا لحمايتى بس بنسبه معينه
هو كان بلا حدود
مكانش فيها نسب
هو دا الفرق ؟؟!!

***

مبحبش اقول عليه "كان"
:((

***
مينفعش حبوا لى كان يبقى ب حدود .. ولا حبى ليه
الحب دا حاجه غريبه اوى

***

كلامك مريحنيش على فكرة
بالعكس ... دا تعبنى اكتر


Thursday, August 25, 2011

نفسى فى داه ..

معرفش ليه خطر على بالى اقول انى النهارده اول مرة اكل رز بلبن و ميعجبنيش
تقريبا اول مرة تحصل ف حياتى
طبعا اضطريت امثل انوا يعنى كان وااااااو و الا فلانه كانت هتزعل
اتمنى جدا ان الموقف ده ميتكررش

***

تعالوا بقى نرجع ل موضوعنا
الفكرة اللى على بالى يقالها كام يوم
نفسى اروح انا و زوجى نصلى التهجد سوا
ابقى ف المسجد و ابنى الصغيرداخل خارج شويه بقعد معايا و شويه مع باباه
ابقى بصلى و ابنى النونو يبقى لابس الجلبيه البيضا و قاعد قدامى سرحان ف ملكوت ربنا :D
يكبر النونو ده و هو متعود على كده
الاقيه بياخدنى انا و باباه على المسجد نصلى سوا
بس طبعا مش هيفضل داخل خارج زى زمان
ساعتها هبقى اقابلهم برا بس

:))

***
السما امبارح كانت صافيه اوى
مكانش فيها غيوم
الجو بليل كان برد
بالنهار الجو فضل طول اليوم حلو

ممكن تكون هى ؟؟


Friday, August 19, 2011

**




بتحبها ؟؟

***

تحديث :

سالتوا يوميها انت بتحبها
قالى"كالعادى" كلام كتير مالوش اى علاقه بالموضوع
و فى الاخر قال لاء

احساسى بقى زى ما اكون كنت مستنيه اجابه تانيه خالص
بس لما قال كده استريحت .. كان مكانش فى اجابه غير دى هتريحنى
او كانى كنت مهيئه نفسى ان اى اجابه هتتقال هتبقى بالنسبالى مريحه

و بعد ما فكرت شويه
هو على طول بيكدب اصلا " متزعلش متزعلش ماشى مش طول عمرك بس انت بتكدب كتير يعنى"
اشمعنى الاجابه دى اللى هتبقى صح

عارفين بقى هو ايه
هو بالزبط زى ما قال
The illusionist


بيبقى ماسك ايديها وباصص التانيه وبيتحسر انو ساب التلته وبيفكرهو الرابعه هتظهر امتى


***
و ختاما لك الف سلاااااام
^_^

Friday, August 12, 2011

Thursday, August 11, 2011

No more exceptions ..

كنت هقولك حاجه .. بس عارف .. خلاص مش فارقه

***

تعالوا نتفق على حاجه ....

انا مفيش حاجه بكتبها الا لو حاساها
يعنى فكرة انى اكتب حاجه لمجرد انى بكتب
دا كلوا كلام كده و كده
لانى ساعات ببقى كاتبه حاجات و مببقاش عاوزة انسبها لى
زى لماحد يمر بتجربه وحشه ف حياتوا
مبيحبش يحكيها .... لما بيحكيها بتبقى حقيقيه اوى
بتبقى واقع اكتر

زى لما اكتب كلام و مبقاش عاوزة حد ف يوم م الايام يقراه
زى برضوا لما تكتب كلام و تخاف يتفهم غلط
فتخليه لنفسك بس او تتخلص منوا

نتفق على حاجه تانيه بقى

طول ما انتوا حاسين انكوا مش فاهمين
يبقى ماشيين صح

حاجه تالته بقى

زمان و انا بكتب مكنتش بحط الكلام دا كلوا ف دماغى
و كنت عارفه ان كلامى بيتقرى و بيزعل ناس ..... كانت الحاجه الوحيده اللى بتيجى ف بالى
ما يولعوا ولا يفهموا غلط ... هعملهم ايه يعنى:D

مش عارفه انهى الصح ...
بس هو عموما قررت انى مهتمش
اصل مفيش حد يستاهل

***

كلام ل فلانه ...
الحاجه اللى بتدورى عليها مش عندى
هى عند واحده تانيه قدام عينيكى و انتى مش شايفاها





Wednesday, August 10, 2011

ربنا يرحمك ...






هند رستم ... تعرفوا انى كنت بحبها اوى!!



Saturday, August 06, 2011

أتوب انا عن حبك انا

يوم مكبوس من اوله

ثوره ف اسرائيل !!!!
يفرحتى بيهم يعنى
بس مفتكرش ابداااا ان هما كانوا بيقلشوا علينا .. زى ما احنا بنقلش عليهم دوقتى

***

حسن الاسمر اتوفى النهارده ...
الله يرحمه ويحسن اليه ويجعل هذه الايام شفيعه له يوم القيامه
الغريب ف الوضوع ان الراجل ده فضل مختفى كتيييير اوى
و مظهرش الا اليومين دول باعلان موبينيل !!!

***

عيد ميلاد بلاك تيما النهارده كمان
ااه و **محمد الخاين راح حفله وسط البلد من غيرى :(

***

فى حاجه حلوة حصلتلى النهارده
بس هحتفظ بيها لنفسى .. انا و الاتنين اللى عرفوها غيرى و بس
يومين كده و هقولكوا عليها
انا اصلا مبعرفش احتفظ با الاسرار كتير

***

أتوب انا عن حبك انا

Wednesday, August 03, 2011

رمضان حلو ...

رمضان حلو ...

***

طول مانتى مش عاجبانى

مش هعرف اكتب فيكى حاجه
:(

***

رمضان كريم بقى

***
عاوزة اشوف مومو

***


من 3 سنين ... زى اليومين دول كده
كتبت ..

His soul is here ,,, so take care awii :)