Tuesday, December 22, 2009

Thursday, December 03, 2009

تاااج


تااااج قديم من هاجر زعبل



***

- اسمك ؟؟

فيروز محمود


- سنك ؟؟

19 سنه


- اسم مدونتك ؟؟

am ur mind



- مجال دراستك ؟؟

geography



- هل فكرت في اغلاق مدونتك ؟؟ والسبب ؟؟

بتكون مجرد افكار
بس ساعه التنفيذ بتكون حاجه تانيه
فكرت زمان ..
لما فى حاجه اتغيرت فى حياتى و مبقتش فارقه عندى حاجات كتيرة تانيه و اهملت المدونه
فكرت فعلا اقفلها



- ايه رد فعلك لو حد قل أدبه عليك في المدونه ؟؟

ولا كانى قريت اتكتب ايه


- أسوأ مدونه دخلتها ؟؟

هما مدونتين
واحده فيهم فى الاول صاحبها كان اسلوبه حلو و كنت بتابعوا و بعدين ابتدى يتكلم ف مواضيع غريبه
و التانيه اتكعبلت فيها بالصدفه و تقريبا من ساعتها بطلت اقلب فى مودنات :D
بدون ذكر الاسماء طبعا


- هايحصل ايه لأيميلك بعد ما تموت ؟؟

هيفضل عايش عند الناس
بس بدل ما هيكون بيزى
هيبقى اوفلاين.............



- اديت الباسوورد لحد قبل كده ؟؟

ايووووووون


- السفر بالنسبه لك ؟؟

بحب السفر لما ابقى عارفه انى هرجع منوا قريب
لاكن لما يتحول لغربه ...............


- المود بتاعك ايه ؟؟

confused :S




- بتعمل ايه في وقت فراغك ؟؟

اكلم حد بحبو .. الون .. اتمشى ..اصور او اقلب ف البومات صور .. اكتب شويه فى كشكولى
اغمض عينى و افتكر ملامح حد واحشنى


- الأكلات المفضله ؟؟

السى فود بكل انواعه .. الشيكولاته طبعا اللى جايبانا لورا :D


- الصفات اللي أخدتها عن والدك ؟؟


هى حاجات كتير
بس كتير كان بيقولى انتى لاسعه زىى وانا صغير



- الصفات اللي أخدتها من والدتك ؟؟

طيبه و حنيه ...


- أكتر 6 حاجات بتحبهم ؟؟

هكتب حاجات بحبها بس و بس

بحب اسافر مع اهلى خصوصا لما نكون كلنا سوا
بحب اتجمع انا و صوحابى فى اى مكان و نقعد بس نضحك
بحب اقرا حاجة زمان كتبتها و استغرب للتغيير اللى حصل فى شخصيتى
بحب اتمشى على كوبرى قصر النيل
بحب ادخل سينما وحدىىىىى
بحب ايس شوكلت شيلانتروووو :D
بحب الصورتين اللى على طول ف محفظتى
بحب الشنطه اللى عليها خريطه
بحب EYE
بحب الكشكولين الروز بتوعى
بحب اودتى ف بيتنا القديم
بحب اخدها ف حضنى كل مرة اقابلها فيها
بحب احساس الطمانينه ...........

كفايه كده ..:D







- أكتر 6 حاجات بتكرههم ؟؟

الاحساس بالعجز...
ام حد بحبو يتاخد منة
لما احس بخيبه الامل :S
الناس اللى مبتكونش واضحه فى تعاملها ..مبحبهمش و بقيت اريح نفسى و ابعد عنهم
بكرةةةةةةة المواصلات خصوصا بتاعه 3 و 6
و 12 ساعات :D
لما حد يقارن بينى و بين حد :S
بكرة لما يكون فى حاجه جوايا و تعجز كلماتى ان عنى اوصفها
بكرة لما مشاعرى توصل لحد بالعكس
بكرة لما بعمل حاجه غلط وانا عارفه انها غلط
كفايه برضوا كده







- شخصيتك نوعها ايه ؟؟


كل حد بيشوفنى بوجهه نظر مختلفه
فى بيقولوا هاديه
فى بيقولوا عاقله
فى بيقولوا مجنونه
فى يقولوا بايعه القضيه من 70 سنه :D
فى بيقولوا شريره
فى بيقولوا طيبه
فى بيقولوا عليا بيبى
فى بيقولوا كبيره

اعتقد شخصيتى بتبقى حسب المود و الموقف اللى انا فيه


- لماذا دخلت عالم التدوين من الأساس ؟؟

كنت عايزة مكان اجمع فيه كل كتاباتى....


- احلي جمله قيلت في وصف مدونتك ؟؟

كلام كتير اتقال حلو


- أهمية التعليقات بالنسبه لك ؟؟

بحب اقراها .. بعرف البوسد ده شد كام واحد
بحب اقرا وجهات نظر الناس التانيه
لان فى ساعات ناس بتخلينى اشوف حاجات انا مش شايفاها



- أحلي بوست كتبته مع ذكر السبب ؟؟

مفيش بوست معين
انا تقريبا بحب كل البوسات اللى بكتبها
لانى و انا بعملوا بحاول على قد ما اقدر يكون احلى من كل اللى قبليه
بس احلاهم هما اللى بيبقوا فعلا لامسين حاجه جوايا


- أفضل مدونه قرأتها ؟؟
مدونات كتييييييييير

بس اللى قريبين من قلبى حوالى 4 بس
مش هكتب اساميهم



- أهمية الأنترنت بالنسبه لك ؟؟

بعرف اكلم صوحاب كتير ليا و اعرف اخبارهم
معظم الحاجات اللى ببقى محتاجه اقرى عنها بلاقيها موجوده على النت
زى هندسه طيران كده :D
بعرف افتح البلوج بتاعى و انزل بوست زى ده
بعرف انزل الاغانى الجديده ..:D


- اهداء التاج :


كفاية طيبة و الانسه كوكى :D
ههههههه حلوة انسه دى




الاكل اتحرررررررررررررررررررق :O

Wednesday, November 18, 2009

..حاجات حلوة قالتها عايده الايوبى








لما قابلتواااااا مره صدفه ... حبيييييييبى مش اى صدفه


و لو هقابلوا .. هقابلوا تانى صدفه

***

ان كان للحبيب حبيب تانى .. شغل قلبوا حبيب غيرى

نسى كلاموا الاولانى .. كان اهون عليا لو كان قالى

***

لو نسيونى انت معاايا
آه فى غيابى إيد شمعه
شمعه تحكيلك اصل الروايه
حبيتك من اول نظره وقلبى شاورلك بضحكه
اتمنيت انك تشوفها على حبك دلتنى نجمه
وكتب قلبى انك انت علمتنى الضحكه الحلوه
علمتنى ان الدنيا احلى ما فيها نعيش اللحظه
من زمان وانا عايزه اقولك
عايزه اقولك يا حبيبى

وحبيبى لأنك انت نستنى الجروح وداويتها
شهم واصيل الكلمه نورك فجر واحلى فكره
مخافش من ظلم الدنيا
لو اتهد العش فى لحظه
نبنى تانى اول طوبه
طوبه فى ورده وطوبه فى غنوه
واطلع الجبل وانادى باعلى صوتى يا حبيبى

Saturday, October 31, 2009

:@



محدش ليه حق يتدخل فى اى حاجه فى حياتى

فياريت تخليك ف نفسك ..

>_>


Saturday, October 24, 2009

Saturday, October 10, 2009

صدفه






لما قابلتوا مرة صدفه

حبيييييييييييييبى مش اى صدفه ..

و لو هقابلوا .. هقابلوا تانى صدفه ..

------------------

تحديييييييث

الصورة دى صورتها بتاريخ 8-2009

Tuesday, September 08, 2009

قلبى كاتشب ..تيراراراراااا






رمضان كريييييييييييييييييم و كل سنه و احنا طيبيييييييييين


واحشنى البلوج جداااااا بس مش عارفه بقيت منفضالوا كدا ليه

يمكن من ساعه ما احمد قالى دا تفاهه

يمكن مشغوله فعلا و مش منفضه

يمكن زهقت منوا ولا حاجه ..:D


ايوة ايوة افتكرت الكمبيوتر مشاكلوا كتير و مبقتش فايقالوا

المهم انا عامله البوست دا اصلا عشان القلب اللى فوق ده

بس مش هقول لمين

كل واحد عارف نفسوا بقى


WUB

XOXO

"واحشننى مدونه مدونه و مدون مدون"

Tuesday, July 07, 2009

A walk to remember ..





Love is always patient and kind; it is never jealous, love is never boastful or conceited; it is never rude or selfish; it does not take offense, and is not resentful. Love takes no pleasure in other people’s sins but delights in the truth; it is always ready to excuse, to trust, to hope, and to endure whatever comes. Love does not come to an end ..

"A walk to remember .. "

Tuesday, June 16, 2009

هشتاق لحضنك






خايفه اغمض عينى و افتحها الاقيكى مشيتى

خايفه ارجع اقول لنفسى ياريت

خايفه اوى اقولك انى خايفه

خايفه اقرب منك

خايفه اشتاق لحضنك

خايفه قلبى ينزف من الم فراقك

خايفه اتعلق بيكى و ترجع عينى تدمع عليكى

خايفه فى يوم احتاجك متبقيش هنا

ايوة .. خلينى بعيد عنك

لو قربت منك و بعدتى هموت

بس ياريت تسامحينى ..لانى عشت طول عمرى خايفه اقربلك

Tuesday, June 09, 2009

لما بنحب ..


لما بنحب ...

الحاجات الصغيره .. بيبقالها معانى كبيييييييرة جوانا

Thursday, June 04, 2009

Monday, June 01, 2009

Momo ..







وحشتينى "اوى" يا مومو .. مش كفايه بقى كده

Thursday, May 28, 2009

...






اللهم يا مؤنس كلّ غريب ويا صاحب كلّ وحيد

ويا ملجأ كل خائف ويا كاشف كلّ كربة

أسألك لأن تقذف رجاءك في قلبي حتى لا يكون لي همُ ولا شغلُ غيرك

وأسألك أن تجعل لي من أمري فرجاً ومخرجاً إنك على كل شيء قدير



Thursday, May 21, 2009

طيب ليه .. ؟؟





كل حاجه حلوة ..بتروووح منى

Sunday, May 10, 2009

عمرى قل سنه ..








مرة تانيه من المرات اللى مش عارفه فيها ابتدى من فين ولا فييين

احنا بقينا 11-5-2009

عيد ميلادى ..

سنه نقصت من عمرى ..

السنين اللى هعيشها قلت منها سنه

فعلا بيبقى الاحساس صعب اوى لما تكون اقصى تخيلاتك انك هتوصل ل 25 سنه و تموت

عارف انت هتموت شباب .. هتموت صغير..

بلاش نقول عارف .. هنقول مجرد الفكرة مبتروحش من دماغك

او هى دى الفكرة اللى انت مؤمن بيها

اعرف ان اللى مؤمن بشىء معين اوى و مصدقه بيحصل

يمكن ..

مبقتش عارفه ..

اليوم ده عمرى ما بعرف ابصلوا انى كبرت سنه ..

عقلت .. استفدت من خبرات سنه زياده

لاء .. مجرد السنين اللى مكتوبلى اعيشها قلت سنه كمان

لو كانوا 7 اهم بقوا 6 بس..

وكل سنه بيجيلى الاحساس الغبى ده ..

ببقى عاوزة اليوم ده يعدى اسرع ما يمكن ..

كل سنه فى عيد ميلادى بعيط عيااااااااط

اقفل باب الاوده و النور و تحت البطانيه

ممكن انزل اتمشى ..

السنه اللى فاتت فاكرة اليوم ده اوى ..

نزلت اتمشى لوحدى .. مكنتش قادره اتنفس

بقى عندى 18 سنه و مكنتش قادره اتنفس

بابا زمان قالى ان سن ال 18 ده من احلى سنين حياه الانسان

احلى السنين ..!!

مشعارفه احلاهم ولا لاء..

بس متاكده انه مكانش اسواهم ..

مممممممممم

بقالى فتره بهرب م الكتابه .. عارفه ان اى حاجه هكتبها هتبقى نكد

مش عاوزة كده ..بس هو الكلام بيطلع كده..

مبقتش ارد على كومينتس

المتعه فى كل حاجه تلاشت

المتعه فى انى افتح البوست و الاقى كومينتس جديده

ولا ادخل والاقى حد من المدونين اللى بحبهم يبقى كاتب بوست طول بعرض

انزل الكليه ااشوف اصحابى ولا نخرج خروجه من بتوع ايام زمان

اكلم كوكى على المسنجر و نهيس تهييس امتحانات

اقولها انها واحشانى وان نفسى اخدها فى حضنى

اخدها فى حضنى فعلاو احس انى بمثل

ولا اكلموا و اقولوا هترجع من السفر امتى ..نفسى اشوفك بقى ..

ومش حاساها من جوايا طالعه باشتياق

لا ..دى كلمه متعوده بس اقوهالوا

اسمع كلمه بحبك من حد .. و ميتحركش اى شىء جواى

الكلمه دى زمان كانت بتاثر فيا اوى

حتى الضحكه مبقالهاش طعم

كتير بقيت احس ان مجرد انى ابتسم صعب عليا

حاجه مش حاسه بيها

فى نص ضحكه بصوت عالى اسكت

اصلى مش بضحك .. مش طالعه من قلبى

ميته ممكن ..

عايشه بس ميته ..

كنت لما بوصل للحاله دى ...

مجرد يوم حلو بقضيه مع ناس بحبهم بيرجعنى لنفسى تانى

دلوقتى ولا اى حاجه بعملها بترجعنى لنفسى ..

طيب و هى المشكله فين .. فى ولا فيهم ولا فيكم ..

هو ان بقيت مقصره مع الناس اوى كده ليه

مقصره لدرجه انى مبقتش عارفه اسال عليهم ازاى اصلا

ولا هما اللى مقصرين اصلا مش انا

ولا احنا الاتنين مقصرين ..

ولا يمكن مفيش حد فينا مقصر دى الحياه نفسها واخدانا

ولا كل واحد لاقى حاجه حلوة مشغول بيها ناسى اللى حواليه

مبعرفش اتاسف

اكتشفت مؤخرا انى مبعرفش اتاسف

مبعرفش اتاسف خصوصا لو الاسف المفروض يتوجه لواحد مش لواحده

الكلمه فعلا مبتطلعش منى ..

ابقى غرقانه فى الغلط ...واول مرة ااقول معلش متزعلش..

وتانى مرة اروح اقول على فكرة مش هتاسف

والتالته على فكرة براحتك مش فارقه عندى كتير

يقولى ريحينى بس و اتاسفى ..اقوله هتعمل ايه بالكلمه يعنى..

مش قايلاها..

قلبى بقى قاسى اوى على الناس اللى كنت زمان بتنفس هواهم

كنت بتكسف من نفسى زمان اوى لما اعلى صوتى على حد اكبر منى

دلوقتى بقى دا الطبيعى .. سواء الاكبر ده معيد ولا راجل بتاع امن ولا حتى حد من اصحابى

كنت زمان لما بلاقينى بزعق بسكت و امشى بعيد ..

دلوقتى بقيت اكملها للاخر ..

اقرب الناس بقت تقولى انتى بقيتى قاسيه على كلوا

مش مفرقه بين قريب ولا بعيد

مش عارفه ليه بقيت كده .. مش عارفه حتى هفضل كده ولا لاء

ساعات لما بتتجرح اوى بتبقى ماشى بمبدا "اجرح ااه لاكن اتجرح لاااء"..يمكن

زمان كنا بنبقى عارفين ان الحاجه دى غلط و نعملها

دلوقتى مبقيناش اصلا عارفين نفرق غلط من صح

حتى مش عارفه احنا مش عارفين ولا مبقيناش عاوزين

بقيت ساعات اخاف اكتب ..

بتتقالى الكلمه دى .. متظهريش مشاعرك قدام حد ..

خبيها جواكى ..او ممكن تيجى ب خلى اللى جواكى ده ليه ..

احتفظى بيه جواكى عشانى ..

وممكن يتقالى ..متكتبيش كده انتى بنت الناس تفهم غلط

تصدقوا ان الكلام ده بقى ياثر فيا ..

جيت سيره حد فى كلام مرة .. ييجى حد يوضحلى انه اتضايق و بيغير ..

غصب عنى بعد كده لما اكتب ولو نص كلمه عن حد الموقف يتكرر تانى فى تفكيرى

بمناسبه الحد ..

مبقيناش نسال على بعض .. مبقاش حد فينا بتنازل و يتصل يتطمن ع التانى

ولو حصل بيتصل مرتين و لو مردتش استحاله يتكرروا

ونفس ده انا بعمله ..

فين ايام زمان كنت بمسك موبيلى الاقى 40 ميسد

اصل انا مبعملش موبيلى سيلنت .. فلما مردش يبقى فى حاجه حصلت

كانت الناس فعلا بتقلق على الواحد

دلوقتى هما بالكتير اوى اتنين ميسد و انا عملت اللى عليا ..

واللى طالع فيا جديد دلوقتى بقيت اخاف اتصل بحد و ميردش ولا يتكنسل عليا

ممكن ابقى بتصل اتطمن ومن كنسله ابعت مسج اهزق على طول

مع ان الناس بتتصل بيا و بيتحرق دمها وانا ولااااا على بالى

كنا زمان بنتكعبل و نقع و نقوم تانى و نكمل و كلنا تفاؤل

كنت لما تيجى تعمل حاجه و متنفعش بالطريقه دى....

كنت تجرب تانى و تالت و عاشر لحد ما تعملها

دلوقتى من اول مرة بستسلم ...................

فى وسط ما الناس بتقول نقرب من ربنا و نلبس محترم...

و منهزرش مع زمايلنا بطريقه مش حلوة

منزعلش اهالينا مننا .. احنا مالناش غيرهم ..

ييجى حد يقولك هو انتى بتلبسى واسع ليه

هو انتى متدينه بزياده ليه يعنى و مواظبه على الصلاه

هو انتى ليه سايباهم يمشوا كلامهم عليكى ..متسمحيلهمش

ولما تقف مذبهل من الكلام اللى بيتقال

الرد يرجع اسوا ..يا بنتى انتى عايشه فى ايام زمان ليه خليكى فى دلوقتى

غريبه اوى لما يحصل موقف و تحس جواه ان الدنيا اتغيرت اوى

بسبب كلام بيتقال من حد ولا شخص عمل موقف

وفجاه راحت من عندى الرغبه فى الكلام

كفايه بقى ................

Wednesday, May 06, 2009

و حنين لهواه بيقتل...


و حنييين لهواه بيقتل

و شوق حمله بيتقل

و دموع عماله تسال

عن حلم عاش بين قلبنا

ياارب انت اللى تعلم

ازااااااااى بعده بيألم

و خلاص مش قادره اكمل

و اصبر على طول بعدناا

Saturday, April 11, 2009

Adam...





يعنى خلاص مش هنسهر باليل و نهيس تهييس جماعى سوا

ده تانى "freboy" يعنى خلاص مش هشوف اسم

لما اتكلمنا من شهر مكنتش عارفه ان دى هتبقى اخر مرة نتكلم

مكنتش عارفه انك هتبقى فارق معايا اوى كده

مكنتش عارفه انى كنت ممكن افضل اكلم حد عنك بالساعات

مكنتش عارفه

مكنتش عارفه بجد

هو ليه دايما كده .. مبناخدش بالنا من قيمه الحاجه الا لما تروح مننا

كنت كاتبه كلام كتير بس مسحته

انا بجد مش عارفه

ربنا يرحمك .. ربنا يصبر اهلك ..

انا لله و انا اليه راجعووون

****

مكنتش عارفه انى وحشه اوى كده..


Friday, March 27, 2009

Monday, March 23, 2009

خلاص مبقتش عارف ..






حاجات كتيرة اوى و لازم تتقال


لو فضلت جوة تانى ممكن يجرالى حاجه فعلا

كان اول الاخبار الوحشه ان مروه شايله السنه

فاكرة يا مروة لما كنت بزعل منك الترم الاول عشان المحاضرات

طيب فاكرة لما خليتك تعيطى عشان مره محضرتيش الدرس

فاكرة بقى لما كنت بهددك انى هقول لماما

اصل انا كنت فعلا خايفه من ده

كنت خايفه اترمى فى حضنك و اعيط من ده .................



تانى خبر وحش ان ياسر اتوفى

ياسر ده ابن عمى

اتوفى عنده حوالى 26 سنه

فاكرة و انا صغيرة كان بيسرحلى شعرى

ولا لما كنا نيجى مصر و خارجين خروجه عائليه كان لازم ييجى معانا

فاكرة فى فرح جيمى لما عمل فيها زعلان و مجاش

و مروان هو بس اللى جه..

فاكرة برضوا ايه اللى بعدنا عن بعض

اصل خلاص زعلانين و كل حد عنده عزه نفس و مستنى التانى ييجى يصالحه

و عارف لو مجاش يصالحنى النهارده هيييجى بكرة

و تمر الايام و الايام تبقى اسابيع و الاسابيع تبقى شهور

و فجاه نلاقى عدى سنين

و نسينا نتصالح و نرجع زى الاول

و منفوقش الا لما نعرف ان الشخص ده خلاص مش موجود

هصالحه ازاى و اقوله ايه و ازاى

بعد ما مت عرفت انها كانت حاجه تافهه

مكانش المفروض ازعل منك

احنا اكبر من كدا

نفسى بس اقولك انت كنت غالى عندى اوى

فعلا .. خساره و لو ثوانى بعدناها عنك

مبنعرفش قيمه الحاجه الا لما بتروح مننا ..

بس لما بتروح مبترجعش تانى ..

ولحد دلوقتى ماما مش عارفه

مش عارفه اقولها ازاى

و لو عرفت ان انا و صفا عارفين بقالنا اسبوع كامل و محدش نطق

اخواتى التانيين و ماما ايه رد فعلهم

عاطف كمان والدته اتوفت ..

اتصلت بلوم .. و ياريتنى ما اتكلمت و عرفت

بس يلا .. اهو كده كده كنت هعرف

وماما لما كنت بقولها على عاطف

و بحكيلها الكلام اللى محمود حكاهولى

قعدت تقولى انتى مخبيه ايه عليا ... فى ايه تانى وحش حاصل و مش راضيه تتكلمى

هو انا بقى يبان عليا اوى كده !!

محمود بيقولى نعمل جواب و نكتب عليه من برا مصاااااااااااااايب

و يعدى على كلوا و احنا نطلع منها

اصل مروة لسه مقالتش لمامتها انها شايله السنه

ولا انا قلت لماما ان ياسر اتوفى

***

اللى فعلا يزعل اننا بنحاول نصلح من نفسنا ..

بنحاول نبقى احسن من كده

ايوة ساعات بننزل لتحت و ساعات بنطلع لفوق

بنعمل ساعات حاجات غلطو احنا عارفين انها غلط

بس بتكون كده حاجات جايه بالصدفه

لاكن متكونش..............

كفايه كلام فى الحته دى

***

ساعتها بندور على اى حاجه صغيره تافهه نتمسك بيها

يمكن بتبقى صغيرة فعلا .. بس قيمتها جواك كبيرة اوى

ممكن تبقى صغيره فى عين غيرك... وكبيييييييييييرة اوى فى عينك..

طيب تعرفوا اننا لو سمعنا كلام غيرنا هنفقد معناها جوانا

لما بطلت اسمعهم رجع تانى لمكانته عندى...


البعيد عن العين بعيد عن القلب

ولا

البعيد عن القلب بعيد عن العين

اصل طول مانتى فى قلبى .. طول مانا بفكر فيكى هتفضلى معايا

ايوه مش مكفينى ابص على صورك بس

ولا اتكلم معاكى على النت ولا اسمع صوتك كل فييييييين و فين

نفسى ترجعى تانى بدل مانتى حاجه معنويه تبقى ماديه اكتر

بس حتى و لو كده انتى لسه مكانك فى قلبى .. و يمكن بيزيد

و يمكن كل ما بشتاقلك كل ما بحبك اكتر

بس بييجى وقت و بنبقى فعلا تعبنا من الفراق ..تعبنا م الغربه

***

مش عارفه دى كانت غيرة ولا اي بالظبط

انك قريبه من ماما .. و انا مش قريبه من ماما زيك

طيب و لو غيرة .. هو انا ليه محاولش اصلح

هو ليه دايما بنقول فى الحاجات دى كبر دماغك

اصل لما تروح .. ساعتها هنقول ياريتنى ما كبرت دماغى

***
تعرفى انك مش المفروض تتنازلى عن ده

مش المفروض تتنازلى عن حاجه نفسك فيها

مش المفروض تقبلى باقل من حاجه تستاهلك فعلا

مش المفروض تقولى اصل هو ده بس اللى موجود

طيب عارفه ان الحاجت دى بالذات لو دورتى عليها عمرك ما هتلاقيها

او هتبقى زى اللى فاتت و يمكن اسوا كمان

فوقى حبه

هتخسرى ايه كمان .........


***

تعرف انك لما بتكدب بيبان عليك اوى

تعرف انك برضوا بتبقى عارف انى عرفت و بتودى وشك الناحيه التانيه

طيب تعرف ان دى اول مرة افرح فيها ان حد كدب عليا فيها

تعرف ان الشطه بتخلى مناخيروا حمرا

طيب تعرف بقى انهم مش هيوافقوا ..:)

Saturday, March 14, 2009

دايما كنت عشيقه ..






دايما كنت عشيقه .. عمرى ما كنت حبيبه

تهرب منها تجيلى .. تترمى فى حضنى و تشكيلى

تمسك ايدى .. و تملى الفرحه عيونك

والاقيك تهت منى .. و تسرح فيها

و اقولك ليه .. تقول مانتى بعتينى

بعتينى وقت ما كنت شاريكى

و اسال تانى دا ايه ..ترد ببسمه بعيده

و ابعد ترجعنى .. و ارجع تبعدنى

لا بيك عارفه اعيش... ولا من غيرك بتنفس

و تفضل الحكايه زى ما هى .. لحد ما تيجى ضربه تفوقنى

Monday, March 02, 2009

الغربه ..




انا م البداية ااااه .... يا غربه بتحمل....


وخلاص كفاية اااااااااه .... صعب ان انا اكمل...

ياما كان منانا نتلاقى و نقرب .. و عشان هوانا برحل و بتغرب ...

واعيش غريب و طال الليل معاه ..

جريح و من غيرك اعيييش .. جريح و مين غيرك دواااه ..

***

هو الواحد فعلا ممكن يتغرب 30 سنه ... و لما يرجع بلده و بين احبابه واخيرا فى حضنهم ........ يموت ..

مش بقول ممكن.. اصل ده اللى بيحصل فعلا.. خايفه اكتب ده اللى حصل فعلا ..

الواحد بيتغرب و يعيش بعيد .. بعيد عن كل حاجه بيحبها ..

عشان شىء هو فاكرة الاحسن .. بس بيكتشف متاخر اوى انوا ضيع احلى سنين عمروا ..

ولما بيكتشف ... ساعتها مبيبقاش فى طريق للرجوع ..

هترجع سنين شباب .. ولا اب مات بعيد عنك ... ولا ام اخر ايامها كان بس كل مناها ان ابنها يبقى فى حضنها ..


Tuesday, February 24, 2009

اوى






واحشنى "اوى" ..

بس كل شىء بيبعدنى عنك ..


Tuesday, February 17, 2009

مش كده برضوا ..







العواطف و الاحاسيس مفيهاش حاجه اسمها كبر دماغك ..

بس برضوا

اللى يرخص نفسوا محدش يغليه ..


Friday, February 13, 2009

My Life With U






قلبى من دونك ما بيفرق ثلج و ناار

خليها الدنيا تعرف قلبى ميييين اختاااار

خلى كل الناس تشوف

كيف بنغنى كيف بنسهر

حبك نسانى الحروف

غيرك... ما بدى اتذكر

القصه صارت ع المكشوف

خلى اللى مش سامع يسمع



Wednesday, February 11, 2009

اصحاب و بس ..





" و هو احنا من امتى كنا اصحاب و بس"


Saturday, February 07, 2009

يارب احفظها ..


لما كنا بنتكلم فى الموضوع زمان...

مكنتش ببقى خايقه زى دلوقتى ..

كانت دايما بتبقى حاجه يا هتحصل يا مش هتحصل ..

اول مرة تبقى مؤكده بالمنظر دا قدامى ..

ان شاء الله هتبقى كويسه و تقومى بالسلامه

ومفيش حاجه وحشه هتحصل ..

بس انا برضوا مش عارفه اتخلص من القلق اللى جوايا

يارب طمن قلبى عليها و قومها بالسلامه

يارب انت عارف غلاوتها عندى قد ايه

متحرمنيش منها ..

ياااارب ..


Friday, February 06, 2009

و هو اشتكى ..


Align Center



ضربنى و بكى ..و رااااح و اشتكى

Monday, February 02, 2009

Happy birthday 4 U ..



1-2-1953


كل سنه و انت طيب

كل سنه و انت طيب يا احلى انسان عرفته

كل سنه و انت طيب يا احن انسان وجد فى الكون

كل سنه و انت طيب و يارب ااشوفك قريب

("v")

Friday, January 30, 2009

وانت ليييييييييه مبتتنسيش ..




كل حاجه بتتنسى .. الا انت

***

"she's hugin' her Dady"

Monday, January 26, 2009

تفتكروا هتنسى ..!!






تفتكروا هتنسى
هتكمل حياتها من غيره
و لا هتفضل عايشه بس ميته
هترجع تانى ضحكتها تكون من قلبها
ولا من برا بتضحك و من جوة ميته
تفتكروا هترجع زى الاول تانى
متخافش من بكرة
متخافش من اللى حواليها
حتى اقرب الناس ليها
ولا هتفضل خايفه
طيب تفتكروا هتحقق اللى بتحلم بيه
هتوصل للسما زى ما هى عاوزه
ولا احلامها هترجع تانى تموت
تفتكروا هتلاقى امان
و حد يفهمها
ولا هتفضل وحيده
و احساس الوحده يزيد يوم بعد يوم
تفتكروا ممكن حاجه تتغير
ولا كل حاجه هتفضل زى ما هى ..
ويمكن اسوا كمان

Thursday, January 22, 2009

و مات الكلام ...





امبارح عرفت ان الخوف ... بيجيب قوة ..

اصل التفسير الوحيد للى انا عملته .. انى كنت فعلا خايفه ..

خايفه بس ان يبان فى عيونى حاجه ..

خايفه يبان انى ممكن ابقى فى الموقف ده ضعيفه

خايفه يبان انه فارق معايا اوى للدرجادى

اول مرة اشوف نفسى بالقسوة دى ولا البرود ده

اول مرة اوصل لحد الفكرة دى بالطريقه دى

اول مرة اعرف انى ممكن اعمل كده و بلا تردد

اول مرة ابقى خايفه من حاجه زى دى

و مات الكلام .. بس يا ترى ممكن يرجع تانى

Monday, January 19, 2009

I Really Want It ..




If you want something you never had


do something you have never done

Friday, January 16, 2009

روز بتحب كوكى ..








من كام يوم كده
كوكى كلمتنى على الموبيل الساعه 5 الفجر
كانت واحشانى اوى اوى يعنى بجد
البنت كانت متصله تقولى كلمتين و تقفل
بس انا قعدت ارغى فى حاجات مالهاش لازمه كتيرة اوى
مش عارفه ليه
المهم كان فى حاجه حاصله عندها و كانت عاوزة تكلمنى فيها
خلاص بعد امتحانك يا كوكى انا قاعده شويه و نتكلم
بس يوميها مفهمش ايه اللى حصل و اناانشغلت فى حاجه تانيه
و مرحتش اقولها كان فى ايه الا و احنا مروحين
يعنى انت بتحلم يا حلمى ..
ااه انت بتحلم يا حلمى .. جيتى متاخر اوى يا روز ..
بفتح من شويه البلوج بتاعتها لقيتها كاتبالى كلمتين
الكلمتين فعلا خلوا عينى تدمع
بس انا فعلا مستاهلهمش ..بسبب اليوم ده
معلش يا كوكى .. انا اسف فعلا
مهما قعدت اديكى فى اعذار عن الحاجه اللى شغلتنى و اللى انتى عارفاها
برضوا انا غلطانه ..
انا عارفه انك اكيييد زعلانه منى ومش طايقانى
بس حقك عليا بجد ..
مش تزعلى منى
مهما كان الزعل بيننا مش بيطول
كفايه اننا بنروح و بنيجى و بنعرف ناس و بنسيب ناس
و برضوا احنا مع بعض ..
انا بحبك اوى بجد .. بس كتير مبعرفش اعبر عن حبى ليكى ..
كفايه انى اقولك انتى بتاتستى
او انتى حته منى
دا مش معناه انى بتاتس يعنى زيك
يووووووة
هو انا بقول ايه
بعبيطه على رايك
ربنا يخليكى ليااا يااارب
و يخليلى مومو
و مروة الهبله برضوا ..
ربنا يخليكوا كلكم ليا
-----------------

مبعرفش اعبر عن حبى
مممممممم
فعلا مش بعرف
لدرجه ان كتير ناس بيحسونى بايعاهم
مع انى مبقصدش
انا فعلا مبقتش اعرف اعبر لحد عن انى بحبه
و لو حتى بكلمه احبك ولا وحشتينى
مش عارفه ليه
مش عارفه ايه اللى غيرنى
مانا زمان كانت الكلام سهل اوى على لسانى
مش عارفه ليه فجاه مبقاش فى كلام
و اكتفى بالصمت ..
بقالى كتير اوى مقلتش يا مومو وحشتينى
مع انى كل مرة بكلمها بقولها واحشانى اوى
اصلها فعلا واحشانى
بس الكلمه مش طالعه
المهم يعنى
وحشتينى خالص يا مومو ..

-----------------

هو انا بارده..!!
اصل اتقالى الكلمه دى من يومين
انتى بارده يا روز
و كان بسبب ان شخص ما ماشى معايا بيكلمنى
و انا مش ببص له
هو المفروض طول ما انا ماشيه مع حد افضل ابصله يعنى
طيب ما هو انا سامعاك
هفضل ابصلك ليه
المهم انا اول مرة تتقالى انتى بارده
هو انا بارده فعلا ولا هو كان بيتهىء له ..
مصيبه سوده لو طلعت بارده ..:S

------------------

برضوا مش هكتب حاجه عنك
مش محتاجه اكتب حاجه عنك
مش محتاجه افكر فيك
مش محتاجه بجد
عارفه انى هكتب
بس مش دلوقتى
لسه .. مش دلوقتى ..:)

Monday, January 12, 2009

و دى شوربه ولا زبادى ..






اللى يتسلع م الشوربه .. ينفخ فى الزبادى

***

فى كلام كتير اوى عاوزة اقوله
ازاى انا اتسلعت من الشوربه و ازاى بنفخ فى الزبادى
بس عشان انا دلوقتى بنفخ فى الزبادى فمعنديش وقت احكى
يمكن يبقى حظى حلو و انجز اللى ورايا و اكون فى مود حلو
و اجى اعمل تحديث للبوست
يمكن يكون حظى وحش و اكتفى بانى اقول
اللى يتلسع م الشوربه فعلا ينفخ فى الزبادى



Friday, January 09, 2009

Hatganen 4om Geomorphologyyy ...






كده انا فعلااااااا هتجنن من الجيومورفولوجى
مش عارفه بجد اعمل ايه تانى فى الماده دى
تعبت اعصابى بجد
طوووووووويله
و بتتنسى بسرعه ختييييرة
و بعد ما لخصتها برا
رجعت افتح الكتاب تانى
مليش نفس ابص فى التلخيص بتاعى
لاول مرة ابقى قرفانه بالمنظر دا من التلخيص
مع انى زمان مكنتش بعرف اذاكر الا منوا
يعنى ربنا يسترررر بجد


***

امبارح بكلم كوكى بقولها بتعملى ايه
قالتلى لسه هبتدى مذاكرة اول نص
اول نص عبرى
و امتحانها يوم 11 معايا
ربنا يسترها بجد برضوا يعنى


***

اسمو ايه اخد تاجيل
يعنى السنادى بقت سنتين بدل ما كانت سنه واحده
كل ما افتكر اول السنه لما جبنا البالطوا سوا
ولا لما كان واقف و بيجربه و كان شكله تحفةةةةةةةةة بجد عليه
ولا لما كان بيحضر السكاشن
الساعه اربعه يوم الاحد
و هند و معتز
ولا لمااااااااااااا.......
لا انا كده هرغى كتير
قلت اسمو ايه عشان مش عاوزه اكتب الاسم .. مش حاجه تانيه

***

عندى احساس قوى اوى
ان فعلا هتبقى النهايه بعد الامتحانات
مش على اول الترم التانى زى ما كنت بقول
يلا اهى فتره الواحد يتعود فيها على البعد
بدل ما تيجى مرة واحده و يجرالنا حاجه ...
صحيح ..اللى يتلسع م الشوربه ينفخ فى الزباااااااااااااااادى

***

على فكرة يا روز لو انتى مقتنعه ان اللى انتى بتعمليه دا صح
انا مش هلومك ولا هسالك انتى بتعملى ايه
عشان انتى عارفه انه غلط
اصل كما تدين تدان
و متبقيش مضيعه الحاجه من ايدك بنفسك
و ترجعى تقولى اصل احنا عايشين فى دنيا وحشه
كما تدين تدان
كما تدين تدان
كما تدين تداااااان ..
مش هتكلم تانى مع نفسى فى الموضوع ده
كفايه انى عارفه ان كما تدين تدان
و شفتها فى كذا موقف حصل قبل كده
و مش محتاجه حاجه تثبتلى
ايوة مفيش حد بيتضر
بس الموضوع كله احترام ثقه شخص معين مش اكتر
لو محترمتش ثقته فيا .. غصب عنه مش هيحترم ثقتى فيه
كما تدين تدان

بس برضوا اصلها بتاتس اوى

how can i resist U ?!!!

مبتتعلميش ياروز ..:D

***

مممممم
الماوس الاورانج باظت
و شغاله دلوقتى بماوس شكلها "ميم عين فاء نون" كده

***

مومو تعبانه .. فضلت كتير اوى بترهق نفسها فى الشغل
و ترجع البيت متنامش .. طبيعى جدا انها تتعب
الف سلامه عليكى بجد يا حبيبى
يارب تتحسنى بسرعه
و خلى بالك من نفسك بجد
مش عشان خاطرك انتى ..
لا عشان خاطر فى ناس هنا عاوزينك معاهم دايما
مبتروحيش عن بالى
حتى و انا بذاكر الجيومورفولوجيا بجد
كده المفروض تعرفى غلاوتك عندى قد ايه يعنى ..:D
مع انى مقصرة معاكى اوى فتره طويله
بس بجد غصب عنى ..
ربنا يحفظك يااارب و يخليكى ليا ..:)

***

وانا بكتب البوست دا ديدمان على بالى اوى مش عارفه ليه
تخاريف جيومورفولوجيه اكيد

***

متفتكروش انى بكتب كلمه" جيورموفولوجى" من دماغى
دنا باخدها كوبى و بست .. على راى حد عارف نفسوا ..:D

***
بوكى... معمولها حظر تجول
او بالاصح مسموح لها تكلم اى حد على الفون الا انا
عشان بننسى نفسينا و نرغى بالساعات
و الموضوع مش ناقص عطله اساسا
يارب ننجح بقى

***

شريف زميلى دا طلع كويس اوى و الله
امال كانوا بيقولوا الكلام دا عليه فى الاول ليه ..!!
ربنا يكرمه و يصلح حاله يارب

***
مودى عايش فى غيبوبه سوسو لسه لحد دلوقتى
..سوسو دا سمايل كده واحده لابسه بنى و بترقص باليه
المهم ان هى بتقسم صح ..:D
الاخ منفض للدنيا و مش فاهم ان السنادى مش زى السنه اللى فاتت
مش هينفع ليله الامتحان نلم الماده
المواد متتلمش اصلا
حاولت .. بس محاولتش كفايه
مفيش وقت تانى ارجع اكلمه و اقوله اعقل و خلى بالك من مصلحتك
ما يمكن بيذاكر
و يجيب فى الجيمو اكتر منى زى ما عمل ف الهستورى ..:D
ربنا يكرمه و يشفى طنط يارب ..
شكلها برضوا هتبقى الاغنيه اللى بنغنيها قبل كل امتحان
"شايف نفسك برضوا شايفه نفسى"
:D

***
هو انا مش هبطل اكتب فى نوتباد ولا ايه ..!!
لا هتبطلى يا روز لما تجيبى لابتوب جديد ان شاء الله ..

***

كده او كده ...الترم الجاى دا هيبقى بشكل تانى
مش هكرر غلطات الترم الاولانى
ان شاء الله
كفايه بقى بجد
خلينا حلوين مع نفسنا و اللى حوالينا

Monday, January 05, 2009

Are they Unloved ...?!!



While the bullet leaves the gun

People falling, falling, falling

And I don't know where they're falling from

"Are they"

Unloved... unloved... unloved... unloved...

Friday, January 02, 2009