HappY NeW YeaR

هاابى نيو يير ..

يااااارب تكون سنه جديدةةةة سعيدةةة علييييكم يااارب ..

و تكون ليكم مشاريع حلوة كده ..

و تحققوا و لو جزء بسيط من احلامكم فى السنه دى ...

و تكونوا الى الله اقرب ..

كل سنه و انتوا طيبيييييين

مع انى حاسه ان العيد لا ليه طعم ولا لون

بس كل سنه و انتوا طيبيييين و يااارب على طوول مبسوطييييين

مين هيدفيك..

الساعه 3 بالليل
الدنيا حواليك برد
مش سامع همسه حد
بردان
يا ترى محتاج مين يدفيك
صديق .. تفضفض معاه و تحكيله
اخ ..يشيل همك من عليك
ام .. بطبطبه منها هتنسى همومك
اب .. تحس الدفا بين ايديه
ولا حبييب .. من همسه هتنسى الدنيا باللى فيها معاه

ليه مش هتقدرى تنسيه..

ليه كل ما تقولى هنساه تفكرى فيه تانى
ليه كل ما تفوقى ترجعى تضيعى تانى
ليه كل ما تقولى خلاص .. ترجعى تفتكريه تانى
ليه كل ما تقولى دى النهايه .. تطلع دى البدايه
ليه مش هتقدرى تنسيه
لا هو اول ولا اخر واحد حبيتيه
بس ده واحد حبيتيه
انا عارفه ان عمرك ما هتنس
يه بس ده الواقع و لازم تعيشيه
حسيتى معاه كل حاجه
بس لازم تنسى كل حاجه
عيشى حياتك بقى
فوقى بقى
كفايه عليكى كده
ايوه انتى لسه صغيره
بس العمر فيه كام سنه
انتى كده عايشه .. بس ميته
هتحبى تانى و هتعيشى تانى
و هتفتكرى الايام دى تانى
و تقولى مش هرجعلها تانى

مش اى حد تحس معاه بامان...

مش اى حد تحس معاه بامان
مش اى حد حضنه هيبقى دافى
مش اى حد هيمسح دمعه عينيك
مش اى حد هتلاقيه حنين عليك

طيب ولما حد المفروض تحس معاه بامان
بتحس معاه بالخوف..
هتعمل ايه..!!

طيب و لما حد المفروض يبقى حضنه دافى
وتلاقيه قااسى عليك..
هتعمل ايه ..!!

ولما هو نفسه يخلى دمعه تنزل من عينيك
هتعمل ايييييييييه..!!

طيب و لما متلاقيش منه قلب حنين
و انت لسه بتقوله عايز حنان
و هو بقى ..بيقتلك براحه
هتعمل ايه ..

هتفضل تسمحله يموتك
ولا هتفضل عايش ... بس ميت

حضن دافى ...

كانت راسى جنب راسه و كنت بكلمه
اتنفس كويس..كده صح..ايوه خليك فايق
انت سامعنى صح..اه عارفه انك سامعنى ...كان مغمض عينيه
بس كنت حاسه بجسمه دافى و ايديه دافيه على الاقل
بدا يستشهد
و انا معاه
هو بيستشهد ليه
برددها معاه
كتييييير
شويه شويه...نفسه بقى اصعب
و رجعت تانى اكلمه
انت سامعنى صح
ايوه سامعنى
شويه شويه بيبقى بطىء
فى واحد تانى من حوالى سنه و شهرين من قبل وفاه بابا
مات فى بين ايدى بنفس الطريقه دى تقريبا
مش عارفه....بس فى نظره شفتها فى عينيه
شفتها المره اللى فاتت
لما التانى مات
هى نفسها بالظبط
هى لحظه طلوع الروح
هى دى النهايه ولا ايه
اللحظه دى فاكراها اووووووووى بكل تفاصيلها
عرفت ساعتها انه مات
مبحبش افتكر اللحظه دى خالص
..:(
بس كنت بكدب نفسى
لا ..متفكريش بالطريقه دى
اهو صاحى اهو و كويس
شويه و الدكتور هييجى و يطمنك عليه
جه الدكتور و خلانى ااقوم
بس فضلت جنب بابا برضه
كنت ماسكه ايديه
لسه كانت دافيه و لسه حاسه انه بيتنفس
مش عارفه بقى حاسه كده لانى عايزه كده ولا حاسه كده لان هو كان فعلا كده
جنبى الدكتور بكلمه
ايه
هو كويس
طيب رد على
فى ايه
و الدكتور مبيردش
قالى
متنفيش جنبى زى الاطفال
لا انا طفله بقى و هفضل ااسال لحد ما افهم فى ايه
ورجعت تانى اسال نفس الاساله دى
دكتور..هو بابا كويس صح
طيب هنعمل ايه دلوقتى
اتصرف
انت مش بترد على ليه
و اخواتى واقفين
و احمد كان جنبى بالظبط عايزنى برضه ااسكت
و كنت بسال تانى و تالت و هو مش بيرد على
فى مرايه كانت جنبى
عينى جات عليها
شفتنى فيها انا و بابا
لون بابا زيي
طيب الحمدلله
لسه عايش
امال انا مش حاسه بيه بيتنفس ليه
حد يفهمنى بقى يا جماعه
الراجل الدكتور بدا يلم حاجته تانى
انت بتعمل ايه
طيب فهمنى هو فى ايه
حسيت انى جوه فيلم عربى
لما الراجل بيموت الدكتور بيلم حاجته و بيقولهم البقاء لله
بس دا متكلمش
دا نده اخوى و طلعوا وقفوا بره باب الشقه
ساعتها كانت ااول مره اسيب بابا
رحت معاهم و بسالهم هو فى ايه
الدكتور مشى
و احمد بدا يعيط
اول مره اشوف دموع فى عيون احمد
احمد هو قالك ايه
طيب ازاى يعنى هو بيهرج الراجل ده ولا ايه
احمد خدنى فى حضنه و عايز يتكلم و مش عارف
و بيعيط
اول مره اشوف اخوى بيعيط
سبتهم و جريت تانى على بابا
مسكت ايديه
كانت بارده
لالا اهى مش بارده اكيد
و ابتديت تقريبا اكلم نفسى
ازاى ايديك بارده
انا بيتهىء لى صح
طيب رد على و قولى ان ايدى بتهيس
و انت دافى و انا اللى حاساها بارده
اصل دى ايدك بس انت جسمك اهو دافى و كويس
فضلت اكلمه تانى
قوم بقى يا بابا
قوم يلا عشان عندى مذاكره
انت عارف انا كده كده مش هذاكر يعنى بس معلش قوم يلا
طيب قوم انت عندك شغل كتير لازم يخلص
قوم طيب عمو جاى كمان شويه هيتخض لو شافك بالمنظر ده
قوى بقااا
طيب هو انت مش بتتنفس ليه
بص ايدك اهى بارده قوم و هعملك حاجه دافيه تشربها
ده كله و احمد بيقومنى بس مش عارف
و اخواتى كمان
و ماما واقفه مش فاهمه حاجه فى حاجه
و انا لسه بكلمه
و هو مش بيرد على ولا حاجه
حطيت راسى على كتفه و غمضت عينى
و ماسكه ايده
و لسه بكلمه
..:)
بصيت فى الساعه لقيتها
تقريبا واحده و نص
الكلام ده كله حصل من الساعه 9 تقريبا لحد واحده و نص بالليل
حسيت انهم نص ساعه بس اللى عدوا
و لما شالوه و حطوه على السرير
انا كنت جنبهم
بيغطوه
و بيغطوا وشه
بقولهم ليه
سيبوا وشه هو مكانش بيغطى وشه و هو نايم
و برضه محدش بيرد على
ساعتها بس فهمت
انه مات

خايفه اتعلق بيك ...

خايفه اتعلق بييك

و اصحى و انام على حلم بيك

و اشوف احلامى فى عينيك

و اعيش و انا بين ايديك

و فى يوم الاقيك

بتبيع زى اللى قبليك

و تموت قلبى معاك

قلبى اللى هواك

قلبى اللى عاش ليك

و ساعتها لازم انساك

بس قلبى مش هينساك

انسى ازاى انى حبيتك

انسى ازاى عمرى معاك

انسى ازاى عينيك

انساااك ..!

و ابقى قتلت قلبى اللى هواك

قلبى اللى عاش بهواك

خواطر شــــــــاب محتـــار

في يوم ولا في الأحلام ... قولت اسافر واشد الرحال ... علي بلاد فيها كل ما هو أغرب من الخيال ...دهب و ياقوت ومرجان ... زي ما بيقولو في المسلسلات والأفلام

لكن ارجع واقول احنا لا في مسلسلات ولا افلام ... دي بلاد ماشية زي ما الكتاب قال تقدم ورقي وتكنولوجيا كمـان

طب قولي يا سيدي ليه مش بنحط ده في الحسبان .... علشان نبقي احنا كمـان من بلاد الأحلام

لكن ازاي واحنا عندنا الشباب عيان ..... ومفيش في دماغه غير البتنجان

خروج ولعب وأغاني كمان.... بوظت عقول ألاف كمان

ونرجع ونقول شبابنا اللي عيان .... طب ما تبصو علي إعلامنا الكحيان

ويا سلام علي حكومتنا كمـان.... وياسلام علي اللي في بالي كمـان

مرتاح ورايق ولا في دماغه اي كلام ..... طب انا اعمل ايه وسط ده كله دانا غلبان ..

ياتري اسافر بلاد الأحلام .... ولا افضل هنا عايش في الحرمان

ناس تقول هنا احسن من هناك .... وناس تقولي هو حد لاقي يروح هناك

قولي اعمل ايه افضل هنا ولا اروح هنـاااااااااك .. !!!!!!!!!!!!!!!!!!

...يا عم بلا وجع قلب

بصوا بقى

فى الدنيا اللى انتوا عايشين فيها دى

حطوا شويه حاجات فى دماغكوا كده

عشان متحلموش كتير اوى و تيجوا فجاه و تتصدموا بالواقع

محدش فيكو هيحقق اللى هو عاوزه .. محدش هينجح فى دراسته

ايه و هو انت فكرك هتبقى زى البنى ادم اللى جايب امتياز ولا واخد ترتيب على الدفعه

لا يا بابا فوووووووووووووق .. اصل هو عنده رجل زياده و انت لا

لا و كمان فى عنده فى ايده صباع زياده

ده بيفتح نفسه على المذاكره و ده اللى بيخليه يجيب امتياز

و انت مكانك عامل بتعيد و مش ناوى تذاكر اصلا

اصل انت يا عينى ناقصك رجل .. غلبان و الله ..صعبت على

طيب هو انت فاكر اصلا يعنى حتى لو اتخرجت هتلاقى الشغل اللى انت عاوزه

لا ولا هتلاقى ولا بتاع .. هتقعد تقشر بصل جنب ماما و بابا

اصل انت يا ابنى اقل من اللى بينزلوا دوروا على شغل

اصل دوول عندهم رجل يمشوا عليها و ينزلوا يدوروا على شغل

و انت حضرتك يا عينى ...و الله بتصعب على يا ابنى

رجلك دى معموله عشان تروح تتفسح و بس ..لكن شغل ..لا طبعا

يا عينى هتوجعك .. فهتقعد تقشر بصل يا جميل اسهل لك ..

فكرك الكابه اللى انت عايش فيها دى

هترجعك بالزمن سنتين لورا و هتغير حياتك

اااه ..فعلا لما افضل مكتئب و زهقان من الدنيا

هرجع سنتين لورا ولا تلاته و هقدر اغير مستقبلى اللى انا فيه دلوقتى

مش لما اتعب و اعمل اللى على هقدر اغيره

لا بتقول ايه بس يا عم انت ..خلينى زى مانا كده

يمكن فى يوم فجاه الاقى نفسى فى سنتين فاتوا

فاكر نفسك ممكن فى يوم البنت اللى انت بتحبها دى تتجوزها..

لا ...لا طبعا كمااان .. و تتجوزك بتاع ايه يعنى ...

افضل احلم يا بابا مع نفسك كده لحد ما فى يوم تلاقيها جات اتخطبت و طاارت منك

و انت ليه تحلم بيها اساسا .. و هى تحب واحد زيك بتاع ايه ..

اصلك زى ما قلنا قبل كده معندكش رجل ..

ايواااا ما هو اللى هيتقدم لها التانى ده عنده رجل زياده عنك

و هى يا عينى عشان انت فضلت واقف مكانك مستنتش بقى ...

و واقفت على الراجل اللى عنده رجل دا

اوماااااااااااااال .. ما هو احسن منك ..عنده رجل زياده..

و يلا اتصدم بالواقع بقى ..

عارف لو انت كنت نطقت و قلت لها بحبك اصلا من الاول ..

البنت كانت هتستناك ..مش زى ما انت فاكر يا حبيبى

اصلها هى كمان بتحبك ..

بس برضه انت معندكش لسان تتكلم بيه ...

لازم تفضل واقف بعيد تتفرج لحد ما تضيع منك

بعدين تيجى تقول دا انا كنت بحبها ..

ولا اقولك يا عم بلا وجع قلب..

خليك زى ما انت كده

بلا وجع قلب

كـ‗__‗ـل عـ‗__‗ـام وانـتـ‗__‗ــم بـخـيـ‗__‗ـر

ده اول موضوع ليه في بلوج روز ...

وبكتبه بس علشان انا مبسوط اني معاها هنا في البلوج ده

وان شاء الله يكون بلوج جميل وسيمبل كده ولذيذ زي ما هو كده علي طوووول ....

دا كان بس ترحيب سريع لكل حد هنا فى البلوج لحد ما اجى تانى قرييييب ان شاء الله

رمضااااان كرييييييييم

اولا كده وحشتونى اووووووووووى بجد

حاسه ان فى فتره الانقطاع دى كانت حاجه جواى ناقصه

بجد بقى وجودى بينكم حاجه جمييييييله اوى فى حياتى

كنت محتاجه وقت اقعد فيه مع نفسى

فى تغييرات بتحصل فى حياتى و محتاجه اغير حاجات فى نفسى كتيييييره اوى..

عايزه ادخل السنه الجديده دى و انا مخططه لحاجات كتييييره اوى و عايزه اقدر احققها..

هبقى انزلها بوست ان شاء الله عشان الكلام فيها هيطول اوى..

و دلوقتى خلينا فى المهم


النهارده الاتنين

يوم الاربع ان شاء الله اخيراااااا رمضاااااااان



رمضان كريم يا جماعه

بجد متتصوروش انا مبسوووووووووووووووووووووووووطه قد ايييييييييييييييه

بجد الشهر ده ليه معزه خاصه عند اى مسلم

و فعلا جاى فى وقت مناسب جداااا

و منه هقدر ابدا مشوار التغيير اللى فى حيااتى

ربنا يسهل بس..


كل سنه و انتوا طيبين

و اوعوا الشهر ده يعدى عليكوا كده...

لازم تستغلوا باقصى درجه ممكنه..

و تصوموا مش زى كل سنه





عاجبنى اووووى مظاهر رمضان فى الشارع بتاعنا

و النور و الحاجات الغريبه دى اللى بتتحرك فى الهوا



و كمان لازززززززززززززززززم اشترى فانوس

كبيره كبيره خلاص بس عايزه فانوس برضه ...

يلا احكولى بتحبوا رمضان قد ايه

و ناويين تعملوا ايه

و الشارع دلوقتى عامل ازاااااى ..

البقاء لله جد المدونين ..سفاااح كرمووز ..و زى الهواااا...:(

توفى الى رحمه الله جد المدون

safa7 karmooz

عن عمر يناهز السابعه و الثمانون عاما

و جد المدونه زى الهوااا

انا لله و انا اليه راجعون

اللهم نور له قبره روضه من رياض الجنة لا حفرة من حفر النار

اللهم اغفر له وارحمه واعف عنه وأكرم نزله

اللهم أبدل دار خيرا من داره وأهلا خيرا من أهله وذرية خيرا من ذريته وزوجا خير من زوجة وأدخله الجنة بغير حساب برحمتك يا أرحم الرحمين

اللهم انقله من ضيق اللحود ومن مراتع الدود إلى جنات جنات الخلود

لا إله إلا أنت يا حنان يا منان يا بديع السماوات والأرض تغمد المتوفى برحمتك يا أرحم الرحمين

اللهم أن كان غير أهلا لوصول رحمتك فرحمتك أهلا لأن تسعه

اللهم أطمعه من الجنة وأسقه من الجنة وأره مكانه في الجنة وقل له أدخل من أي باب تشاء

............................


ادخلوا يا جماعه فى المدونه عندالسفااح و اتطمنوا عليه

كلنا اخوه فى الله

و كمان فى بوست جميييييييل جدا هو كان كاتبه بعنوان


"كونوا اباء كى نكون ابناء" اهمل من المدونين بعد ما نزل خبر الوفاه

ادخلوا عليه و قولوا راييكم

بجد بلوجايه جمييييييييله جدا .. و انا من ااشد المعجبين بيها

كمان عند زى الهواا كاتبه بوست

بتحكى فيه اللى حصل اليوم ده بعنوان " و ماذا بعد؟؟؟؟؟"


انا مستنيه ااشوفكم هناك ..:)

اتكسر .. و مش هيتصلح...

بقالى كام يوم كده مش فى المود خالص..نفسى افضفض شويه
اصل فى حاجه اتكسرت من شهرين كده ومش عايزه تتصلح...
لا هما مش شهرين .. هما شهرين و يومين
كنت دايما بقول الوقت بينسى .. و الله ولا بينسى ولا حاجه
حاجه كل ما افتكرها اقعد اعيط كانها لسه حاصله امبارح
مع انه عدى شهرين و يومين
ممكن يبقى معاى قلم .. و يتكسر..مش هعرف اكتب بيه تانى
بس ممكن اجيب غيره
ممكن معاى ساعه و تتكسر .. عوضى على ربنا .. ممكن اشترى واحده جديده
بس عارفين بقى لما حاجه تتكسر جواك
هتقدر تجيب حاجه بدالها
معتقدش..اصلا لا .. استحاله
اهو فى حاجه اتكسرت جواى من شهرين و يومين
ممممممم .. مش عارفه ليه مش راضيه تتصلح ...هى شكلها اصلا هتفضل مكسوره كتير كده
اصلها حاجه معنويه مش ماديه
بس تصدقوا مش انا بس اللى جواى حاجه اتكسرت
لا مش انا بس للأسف
و لما ببص للى حوالى .. ياااااه يمكن بندحك .. يمكن مبسوطين
يمكن بنخرج ..ساعات بنهيس مع بعض
بتيجى لحظات كده وسط ما احنا مبسوطين و بندحك
نلاقى حد فينا نزلت منه دمعه غصب عنه
ابص الاقى كلنا حاطين قناع ..بنمثل اننا ناسيين
بس فاكرين كل حاجه .. و مفتقدين كل حاجه
و وش الابتسام .. يتحول لدموع من تانى
ايوه اصل دى حاجه اتكسرت
عارفين لما شخص كان بيمثل كل حاجه تقريبا لبنى ادم معين
و فجاه ميبقاش موجود
و نفضل كل يوم كده مستنيينه .. اهو انا دلوقتى مستنياه
انا على يقين انه مش راجع تانى...بس برضه بستناه
و الله مش بطلب كتير .. مقابل اى تمن اشوفه تانى
عايزه بس الصبح اروح اصحيه من النوم و اقوله خد اجازه النهارده
يقولى لا ..لازم انزل الشغل
و يقوم براحه و نسيب ماما نايمه
و احضر له الهدوم اللى هيخرج بيها و كبايه الشاى
و نقعد نرغى شويه كده و بعدين ينزل الشغل
ساعات بقى ببقى نازله الجامعه فى معاده .. كان لازززززم يوصلنى
و برضه نقعد نرغى و احنا فى العربيه ..ياااه
و الله الواحد لو كان عارف قيمه الايام دى مكانش هيعديها بالساهل كده
كذا مره كان يقولى تعالى نتعلم سواقه .. مرحتش غير مرتين بس
اتعلمت شويه حاجات بسيطه كده
و فجاه اول شهر 6 قررت انى الصيف ده هتعلم السواقه على ايده
يوم 22 نفس الشهر .. عرفت انى كنت جايه متاخر اووووى
الشهر ده كان مميز اووووى بطريقه غير طبيعيه
كانت ايام الامتحانات .. و علينا ضغط جامد اوى
و هو كان عنده شويه مشاكل فى الشغل
اتخانقنا فى يوم .. و بعديه جه هو صالحنى .. لما عرف انى اتظلمت
و الموضوع اتفهم غلط اساسا
.........:)
وحشنى لما كان بينزل بالجلبيه البيضه يشترى لنا الطلبات
و اقوله اوعى تنسى البيبسى .. يقولى من غير ما تقولى عارف و الله
و ييجى من غيره..اقوله فين .. يقولى نسيييييييييت
انا كمان طالعه زيه
بنسى اسمى ساعات كمان
كان عارف انى فاقده الامل فى السنه دى ...كنت بشد فى شعرى اساسا .. و مكنتش بعرف انام ساعتين على بعض
جه فى يوم بالليل ..كنت على غير العاده بذاكر
قالى بتعملى ايه .. قلت له دماغى اتلحست بالعبرى اللى بذاكره ده
وبعدين كفايه المواد اللى شايلاها الترم الاولانى ..الواحد لازم يحترم نفسه و يعدى صافى
و قمت معيطه..:D
الراجل حضنى و قالى و ايه يعنى لو شلتى الترم التانى كله
فى الاول و الاخر انتى بنتى اللى بحبها
اعملى اللى عليكى وربنا يكرمك
اهو انا دلوقتى محتاجه الحضن ده اوى
بس مش لاقياه
اصله اتكسر
و مش هيتصلح
............:)

....فمتى القاء حبيبى

إشتقت اليك .. إشتقت لروحك

إشتقت لدفئك .. إشتقت لهمسك

إشتقت لعيناك .. إشتقت لشفتاك

إشتقت لكلمه منك .. احبك انتى وحدك

اشتقت لخصلات شعرك .. تنساب كالموج على جبينك

اشتقت لاناقه .. يغار منها رجالك

إشتقت لكلمه منك .. كانت تأسرنى

إشتقت لنظره منك .. كانت تملكنى

اشتقت لدفء يديك ..على خدى

اشتقت لجمال روحك بقربى

اشتقت لشفاه كانت تجذبنى

اشتقت لحنان كان يلهمنى

اشتقت لهمسه احيتنى

اشتقت لك حبيبى

فمتى اللقاء

........


وحشتنى أوووى