Tuesday, December 11, 2007

مين هيدفيك..


الساعه 3 بالليل
الدنيا حواليك برد
مش سامع همسه حد
بردان
يا ترى محتاج مين يدفيك
صديق .. تفضفض معاه و تحكيله
اخ ..يشيل همك من عليك
ام .. بطبطبه منها هتنسى همومك
اب .. تحس الدفا بين ايديه
ولا حبييب .. من همسه هتنسى الدنيا باللى فيها معاه


37 comments:

Dr Gad said...

مش عارف مين كل دول محتجلهم في الوقت ده

رميتي اختيارات كتير ياروز ومش هتعرفي تختاري منهم

safa7_karmooz said...

محدش من دوول خالص

:(

هى البطانية واللحاف وممكن معاهم الكفرته

Lobna Ahmed Nour said...

ولا واحد منهم .. الدفا لازم ييجي من الداخل

حتى لو كان ممزوج بالحزن

والشوق للاحبة

Mesh Awy said...

ممكن تولعي ف البيت كله مش هتدفي بس ، دانتي هتصيفي وانتي واقفة بتتفرجي !

catroz said...

dead man..

رميت اختيارات كتيره و محدش منهم موجود اصلا ..:(


........
safa7 karmooz..

نسيت تقول المخده كمان ..:(

catroz said...
This comment has been removed by the author.
catroz said...

UNIQUE..

تفتكر كده ..:(

............

Mesh Awy..

شكلك شاااايل منهم كوتيييير:S:S

mohamed said...

هقول يا رب

اما كل الأختيارت دي فصعب الحصول عليها

catroz said...

mohamed..

ياااارب ..
صعب فعلا ..
و الاصعب كلهم فى نفس الوقت ..:(

smraa alnil said...

انا بعيط

عارفة ليه

لاني مش معايا اي حد من الاختيارات اللي انتي قلتيها
هتقوليلي عندك خطيبك
بس هقولك انه مش معايا الاربعه وعشرين ساعه

واكيد مش معايا الساعه 3 الفجر

عارفة

نفسي اوي اني انام علي حجر امي والاقيها بتلعب في شعري
نفسي اوي الاقي اخويا بيضحكلي ويقولي تعالي ننزل نخرج واعزمك علي اي حاجة

وبتمني ان ابويا يموت لان حياتي هتكون احسن بكتير

safa7_karmooz said...

مش اوى ....ايه يابنى الافكار الشريرة دى بس عندك حق

--------------

سمراء...انا بتمنى نفس اخر امنية تحت خالص قولتيها ..:)

نعتذر عالمداخلة

Rushdy Kamel said...

كل واحد منهم وليه وقته اللي بنحتاجه فيه
بس المشكله لما نحتاجه هل فعلا نلاقيه ؟

mohamed said...

أناقولت صعب صحيح
بس مش مستحيل
يعني في اتنين منهم ممكن يلاقيهم مع بعض في يوم من الايام
الصديق والحبيب

catroz said...

smraa alnil ...


نفسي اوي اني انام علي حجر امي والاقيها بتلعب في شعري
نفسي اوي الاقي اخويا بيضحكلي ويقولي تعالي ننزل نخرج واعزمك علي اي حاجة

........
كلنا تقريبا نفسنا ده يحصل ..:)
بس اخر امنيه لااء..:(

catroz said...

safa7_karmooz ...

مهما كانت الامنيه ايه
راجع نفسك قبل ما تتمناها ..:(

..............

Big Code ..
فى اى وقت مش بنلاقى حد اصلا
نادر لما تلاقى حد ..:(

catroz said...

mohamed ..

مش مستحيل
يعنى فى امل .:)

zordeak said...

الساعة تلاتة بالليل ؟

ممممممم

مش محتاج علشان اتدفى

غير انى افكر فيها

افتكر لمسة ايديها


واتخيل


ان حبيبتى زى الطفله

نايمة فى حضنى


وان حبيبتى هيا وطيفها

مش هتسيبنى


يومها


والساعة تلاتة بالليل

والشتا دق البيبان


لو بتمطر زى السيل

هفضل برضه


دفيان

:)

catroz said...

zordeak..

ربنا يسعدكوا يااااااااارب..:)

M.Osama said...

ساعات ببقي صاحي هبقي ارنلك بالليل :D

عطاالله النديم said...

أهم حاجة يكون عندك دفاية خصوصى ده أضمن .. مش أى حد ضامن الدفء الانسانى

Anonymous said...

قعدت اكتب وامسح كتير ... خلاص بقى


بوست روعة كالعادة ياروز

catroz said...

M.Osama...

الدقيقه باربعين قرش حضرتك :p

............

عطاالله النديم ...

دفا نفسى تقصد
ده موجود لما تقرب من بنا
راحه نفسيه
بتبقى حلوى اووووى ..:)

catroz said...

riri ...

كتبتى ايييييه و مسحتيه بس يا ريرى :(

ابن القرية said...

لو انا مكانك انزل الغيط اركن دهري علي الشجرة واولع سيجارة كيلوبترا وانسي الدنيا

كفايـة طيبـة said...

.......

safa7_karmooz said...

اشمعنى الساعه 3؟؟؟؟

no chance said...

سلامو عليكم
اول مرة ادخل مدونتك
الساعة 3 باليل دى بتاعتى
بفضل افكر فى حاجات مالهاش دعوة ببعضها
وبفضل اسال هو لى كل الناس نايمة وشكلها يصعب على الواحد وانا بس اللى صاحى
ببقى عامل زى حارس للبشرية كلها
وانا بقى لا بفكر فى حبيب ولا اخ ولا ام حتى بفكر بس فى لى الكل نايم الا انا



تقبلى تهانيا وتحياتى

catroz said...

ابن القرية ...

فكرى غريبه
بس التدخين ضار بالصحه:D

............

كفايه طيبة..

بحبك ..(L)

catroz said...

safa7_karmooz ...

مش عارفه
بس الساعه 3 على طول بصحى من النوم اقوم اعمل اى حاجه و انام تانى
الساعه 3 بالنسبالى مينفعش تعدى على و افضل نايمه :s

............

no chance ...

و عليكم السلاام
منور البلوج طبعاا
هى الساعه 3 بالليل دى فيها حاجه غريبه
حتى لنا بقيت انام بدرى
برضوا بصحى الساعه 3
:D

Alice said...

متهيألي حبيب لمسته تدفيني
جايز يعني
موضوع حلو روز

catroz said...

Alice ...
لو حبيب بجد ..لمسته هتدفى ..
احلى بيكى يا قمر ..:)

MONDAHESH said...

للاسف الجواب الصحيح مش في الاختيارات اللي قولتيها

الحاجة الوحيدة اللي ممكن تدفيني هي بطانية

catroz said...

mondahesh...

ايوة بس دفا من برا مش دفا من جوة ..
ده الفرق..

Selfmeaning said...

انا بيتهيالى ان هبقى محتاجة كل الناس ديه عشان احس فعلا بالدفء المعنوى و هبقى محتاجة مش لبطانية واحدة لا ممكن على الاقل خمسين واحدة عشان زى ما انتى عارفة انا فى الشتاء ببقى ثلاجة

catroz said...

Selfmeaning ...

طبعا محتاجينهم كلهم
بس كلهم مش موجودين ..:(

Selfmeaning said...

ليه ؟؟؟؟

فى أم و فى صديق
و اكيد عندك بطانية
و بعد كده احنا رحنا فين
احنا لسه موجودين معاكى

catroz said...

Selfmeaning ...

طبعا موجودين
بس مش كل حاجه يا بنتى موجوده فى نفس الوقت
ساعات مش بيبقى فيه غير بطانيه و مخده ...:)