Thursday, January 17, 2008

تفتكروا هتنسى ..


تفتكروا هتقدر هتنسى

هتكمل حياتها من غيره

و لا هتفضل عايشه بس ميته

هترجع تانى ضحكتها تكون من قلبها

ولا من برا بتضحك و من جوة ميته

تفتكروا هترجع زى الاول تانى

متخافش من بكرة

متخافش من اللى حواليها

حتى اقرب الناس ليها

ولا هتفضل خايفه

طيب تفتكروا هتحقق اللى بتحلم بيه

هتوصل للسما زى ما هى عاوزه

ولا احلامها هترجع تانى تموت

تفتكروا هتلاقى امان

و حد يفهمها

ولا هتفضل وحيده

و احساس الوحده يزيد يوم بعد يوم

تفتكروا ممكن حاجه تتغير

ولا كل حاجه هتفضل زى ما هى

ويمكن اسوا كمان
..

21 comments:

Selfmeaning said...

بيتهيالى انها هتقدر تنسى لو هى عايزة

تنسى و تبقى من جديد

و اكيد هتحس بلامان لما تلاقى فعلا

الانسان اللى يستحقها

Mass said...

لو قعدت تفكر فى الماضى
هتبقى الحياة صعبة بل مستحيلة
لكن لو نسيت الماضى و فكرت فى بكرة بامل و تفاؤل
ممكن يعوض صبرها خير

وربنا لاينسى احدا ابدا و خاصة فى كبوة عباده

Amr Ahmed said...

لااااااااااااازم تنسي

الحياة مبتقفش عند لحظة

No Fear said...

السلام عليكم
أفتكر هتنسي و هتفرح و هترجع تاني
زي ما كانت

MONDAHESH said...

اري ان ((هي)) قادرة علي تخطي اللحظات الصعبة

تقدر تنسي مع الايام

لكن ((هو))مابينساش

مابيقدرش يعدي علي اللي فات

وشوفي ((انت عمري )) وانتي تتأكدي

تحياتي

reri said...

الحياه بتعلم الإنسان إنها مش بتقف علي حد
ممكن نتكسر فتره
لكن بنقدر نقوم نقف تاني ونكمل
ربنا إدانا نعمه كبيره أوي وهي النسيان
دايما في جديد بينسينا القديم أو علي الأقل مش بنفتكره غير في لحظات معينه

سلامااااااات

§a§a said...

الدنيا مش بتقف

لو فى ارادة وتحدى يبقى بمشيئه الله هيحصل تغير والانسان يرجع افضل مما كان

Dead Man said...

يا دي ميته يا روز

يابنتي قولتلك خلاص شيليها من كتباتك ومن اي حاجة مفيش حاجة تستهال

متستغربش انا مبيربطنيش بالكلمه دي غير مجرد اسم ومش عارف اغيره لاني اتعرفت بيه

لكن هموت ليه ولا هعيش ميت ليه محدش بيستاهل اموت بالحيا عشانه

هترجع باذن الله وتعيش حياتها فرح وسعاده من جديد

catroz said...

Selfmeaning ...

اهى بتحاول تنسى
بس هو لازم تلاقى مع الشخص ده الامان ..!!

..........

mass...

المشكله حتى لما الماضى بيهرب مننا
احنا اللى بنجرى وراه ...

catroz said...

Amr Ahmed..

الحياه مبتقفش على لحظه
ولا الواحد بيقدر ينسى فى لحظه

............

no Fear ....

ياارب..

catroz said...

MONDAHESH....

انت عمرى مجرد فيلم .. مش لازم يكون بيجسد الواقع
و حتى لو بيجسده .. فلكل قاعده شواذ

انا فى رايي ان (هو) بيقدر ينسى

لكن (هى) مبتقدرش ..

لانها بتحكمها العاطفه اكتر ..

...............

reri ..

اهى اللحظات دى بتبقى اسوا لحظات ممكن تمر على الانسان ..:(

catroz said...

§a§a ...

الدنيا عمرها ما بتقف على حد
بس عشان نرجع زى الاول تانى
بياخد وقت و مجهود كبيير اوى ..:(

.............

Dead Man ...

مش موضوع حد يستاهل ولا تؤ يا ديد
الموضوع ان فى وجود شخص معين بتحس ان حياتك بترجعلك تانى
من غيره بتلاقى الايام بقت ابيض و اسود ..:(

..:)

Dead Man said...

لا مفيش حتي بعد الاهل الحياه بتسود شوية وبعد كده بترجع تتلون تاني واحنا اللي بنلونها وبنديها الجمال واحنا اللي بادينا نخليها رمادي لو عاوزين

عمر الدنيا م بتقف ولو وقفت وجيت بصيت هتلاقي ان انت اللي وقفت وهي ماشيه ومكمله ومش مدياك اي وش وبتقولك يا تمشي معايا و تكمل يا تخليك واقف وتموت وتتنسي مع الزمن

ارجوا ان كلامي ميكونشي تقيل وشديد :)
وشكرا علي البوست يا روز

catroz said...

Dead Man ...

لا طبعا
كلامك صح اووى يا ديد
هى فعلا مبتستناش حد ..
لو عايز تقف خليك مكامك و انا كده كده ماشيه ..

بس انا مش عارفه الونها تانى ..:)

Dead Man said...

يعني ايه مش عارفه

ليه الوانك فين

دوري عليها و ضاعت منك ازاي وهتلاقيها مستخبيه هنا ولا هنا

لان الوانا مبتخلصش يمكن تقع مننا لكن لو دورنا عليها فعلا هنلاقيها

هتلاقيها في ضحكه في ابتسامه في كلمه في صحبه في قعده في نفسك بس هتلاقيها

الوانا مبتخلصش ياروز

catroz said...

يا ديد ايوة ساعات بنلاقى الالوان...
بس بترجع تانى تبقى باهته

حتى لما بترجع مش عارفين نخليها زى الاول تانى ..

بتبقى شويه و نرجع تانى اسوا زى ما قلتلك

..:(

Big Code said...

لو كان فعلا حب
مش هتقدر تنسى

اما لو نسيت
يبقى ده كان مجرد وهم

خليها تسيب الايام هي اللي تحدد

-------------
اسف للتأخير
عاملة ايه في الامتحانات
شدي حيلك

تحياتي

catroz said...

Big Code ...

هو مش حب .. هو حاجات كتيييييير
متتنسييش ..

و اهى الامتحانااات اخيرا خلصت على خيير ..
اجاازة بقى :D

منورنا على طوول يارب ..

Alice said...

في ناس بتقدر تنسي وفي ناس مبتقدرش
متتخيليش البوست ده أثر فيا قد ايه
حاساه اوي اوي فوق ماتتخيلي
بس حاسه اني تعديت مرحله هفضل خايفه ولا اتطمن وهبقي فرحانه ولا لأ لمرحله انا خلاص خايفه علطول وحزينه وقلقانه علطول
ياريت محدش يوصل للمرحله دي لانه عامله زي سكة اللي يروح مبيرجعش طالما الانسان استسلملها مبيعرفش يخرج منها ابدا

مدونتك جميله اوي ياروز :)

catroz said...

Alice...

متقوليش كده
على طول بتبقى فترات و بتعدى
وواحنا اللى رنعرف نخرج نفسنا منها يا بنتى ..
حرام نضيع وقت كدده من عمرنا فى حز ن مالهوش اخر ..:)

ann said...

~.....................................................