Sunday, March 09, 2008

معنى اخر للكره

مش عارفه بس انا متعودتش انى اكره حد

او حتى انى اشيل جواى من ناحيه حد

خصوصا لما يكون قريب منى

او يكون قريب منى بحكم الظروف على الاقل

بس ساعات ممكن يكون مجرد وجود الشخص ده فى حياتك مضر ليك

ممكن يكون مضر بطريقه لا تحتمل اصلا

ممكن تحاول تصلحه او تخليه يغير من نفسه

لكن هو زى ما هو ولا عايز يتغير ولا اى بتنجان

عايش لنفسه بس

مش بيهمه اى شخص غيرة

المهم هو يكون مبسوط و يتحرق كل الناس اللى حواليه

بس برضوا ساسعاااات كتير بنبقى عندنا كميه كبيره من الغباء

ونفضل متعلقين بأمل بانه ممكن فى يوم من الايام يتغير

او على الاقل .. ميبقاش انسان مؤذى

بس برضوا فى ناس كبتتغيرش و بتفضل زى ما هى

اهو انا دلوقتى جبت اخرى معاه

مش دلوقتى بس .. دا انا جبت اخرى معاه من زمان

بس مش عارفه ليه كنت بحاول اصلح العلاقه بينى و بينه

عشان خاطر ماما بس كانت بتزعل ..:(

بس فعلا لحد كده و كفايه اوى

كفايه اوى اوى اوى

.........................

محمد اسامه يا جماعه باباه تعبان حبتين

ادعوله ربنا يشفيه بقى ..

وادعوا النت يرجع بقى

9 comments:

كفايـة طيبـة said...

بصي

اولا البوست مليان غلطات طباعة

ثانيا مش غباء انك يبقي عندك امل ان الشخص ده يبقي احسن

بالعكس ده الامل ده ممكن يخليكي بالفعل تقدرى تغيري منه وتنقليه له ويبقي احسن فعلا

مفيش حد يحب يأذى اللى حواليه
بيبقي مجرد انه نظره قاصر شوية عن الظروف وعن نتايج افعاله ... لكن هو بالفعل مش قصده يؤذى حد

وحضرتك دورك فى الدنيا انك تحاولى تصلحى منه ومتقوليش لا انا زهقت او مفيش امل او كدة
بلاش دلوقتى
انتظرى شوية و خليها بالتدريج


الف سلامة على والد اسامة ... ان شاء الله ربنا يشفيه

ويارب النت عندك يرجع بقي

Big Code said...

باحييكي على انطلاقتك في البوست ده
صدقيني جميل ان يكون الانسان بيعرف يعبر عن كل اللي جواه كدة

مش اعرف اقولك ايه
غير انك تعملي اللي انتي مستريحاله وبس

عطاالله النديم said...

من الافضل دائما ان يعلم الشخص اخطاء من حوله لكى يتفاداى اضرارها .. ويخطط لاصلاحها فعليا
اشطة !!

أنا حر said...

الامل في ان الشخص يتغير ده مش غباء انما ده حب وصفاء وطيبة قلب بس المهم اننا نقدر نوقف نزيف المشاعر ده اللي بيكون في العلاقات اللي بالشكل ده
تحياتي

Dead Man said...

انا مش هعلق علي البوست

بس هدعي بضمير اهو ان النت يرجع

ياااااااااااااااااارب النت يرجع

catroz said...

كفايه طيبه...

مش هقراه تانى ..عشان معنديش استعداد احس الاحساس ده تانى ..انى مجرد بكره كائن حى ..

بس عايزة ااقولك ..فعلا ده بيبقى غباء لمابس فى انك بتحاولى تغيريه
مع نك مبتشوفيش منه غير اذى و بس
سلعتها ده بيبقى غباء صدقينى
و مهما تحاولى يا مومو بجد
المرادى استحاله تقدرى تغيرى الاحساس اللى جواى ناحيه الشخص ده للاسف

و امل ايه بس فى الجو اللى احنا عايشين فيه ده
سيبك انتى
وحشتينى خالص

و عمو اسامه عرفت انه اتحسن الحمدلله

و النت رجع :D

catroz said...

big code...

ادينى بعمل اللى حاساه على الاقل صح

............

عطا الله النديم..

هههههههههه ايوة قشطه

..............

انا حر..

اهو ساعات بقى الحب ده بينتهى و مبيفضلش غير فراغ مكانه
اهو ده اللى حاصل دلوقتى

catroz said...

dead man...

النت رجع والحمدلله

ann said...

~.....................................................