Tuesday, April 01, 2008

سهل عليك تكدب

هو بقى سهل ان الواحد يكدب للدرجادى

يكون الموقف حصل قدامى

و ييجى يحكيه تانى و انا موجوده و باختلافات جوهريه

يعنى ممكن يكون عبيط مثلا و بينسى

ولا خياله واسع و بيخليه يشوف حاجات تانيه

ولا عشان عاوز يصور شىء معين للشخص اللى قدامه

بس دا يتسمى كدب .. مش حاجه تانيه يعنى

بس معتقدش يكون عبيط .. ده واحد عاقل عنده 30 سنه

برضوا خياله مش واسع .. لو خياله واسع يبقى فى كل حاجه

زهقت منك على فكرة و مش شخصيتك بكل ما فيها من سيئات و حسنات

عمرك ما تتصور انا قد ايه بتمنى انك تخرج من حياتى

ماضيك بحاضرك ... و عمرى ما هندم فى يوم لو امنيتى اتحققت


عارفه انك مش هتقرا البوست دا

بس اهو كلام قلتهولك قبل كدا و بعيدوا تانى مش اكتر

9 comments:

Rushdy Kamel said...

الاهم من انه يقرا البوست انك طلعتي اللي جواكي

بس انا نصيحتي انه لازم يحس ويعرف بمشاعرك دي ناحيته

انا شايف ان فيه حاجات لازم تتحسم بالكلام

كفايـة طيبـة said...

mmmmmmm

rabena yhdeeh bgd

mohamed said...

الكائن دا واحد من كتير .. المهم عندهم أنهم يوصلوا صورة معينة أو يأثروا بشكل معين عشان يوصلوا لحاجة او يبعدوا حد عن حد ويشوهوا صورته .. او يكسبوا ثقه حد

مش مهم انهم موجودين بس المهم نعرفهم ونفهم لما نشوفهم ..

MONDAHESH said...

الكدب ده حاجة طبيعية جدا علي فكرة


بس كان المفروض يظبط معاكي قبل ما يحكي

:))

تحياتي

catroz said...

big code ..

هو عارف مشاهرى ناحيته
قلت له الكلام ده اكتر من مليون مرة
تقريبا مبيفهمش او مش بيحس ..

...............


كفايه طيبة...

يااارب ..:)

catroz said...

mohamed...

الكائن دا اصلا شيء بشع :D
طيب و عارفين انه موجود .. هنتخلص منه ازاى ..

...........

mondahesh...

ازاى
من امتى الكدب بقى حاجه طبيعيه
دا بيودى النار يعنى
و اظبط معاه ايه بس
انا اصلا مبقتش اتكلم معاه ..:D

Hossam Nasr said...

السيدة الكريمة

ولأن الأمر يحمل محملاً شخصياً -كما فهمت من التعليقات- وليست خاطرة من نسج الخيال فاسمحي لي بتعليق صغير حتى لا تتوج شيطاناً آخر بسبب تخريبه لبيت جديد.
هل فكرتي ياسيدتي أن الكذب مرض ويحتاج إلى صبر لعلاجه؟ هل فكرت في عِظَم الأجر إن صبرتي واحتسبتي ونصحتي بالحكمة والحيلة ورجاحة العقل؟ صدقيني ياسيدتي إنه بالفعل مرض ومرض عضال ولا يكون نتاج يوم ولا ساعة ولكنه ترسبات سنين. ويحتاج لأيام وليال غير ذوات عدد. فكوني خير مبتدر ولا تصوري له أنك تتخلي عنه ولكن عامليه كمرض يستحق الشفقة.
ياسيدتي حالات الطلاق في مصر طبقاً لآخر إحصائية وصلت إلى حالة كل ثلاث دقائق ولا يقابلها حالات زواج إلا قليلة للأحوال التي تعلمينها. حتى بين النصارى المعروف عنهم تأخر سن الزواج وصل التأخر إلى منتصف الثلاثينات وإلى الأربعينات.

فابتدريه العطف والإحسان والشفقة والرفق واللين ... في الله

إحترامي وتقديري

catroz said...

Blogger Whispers just for a Night ...

ميرسى بجد على كلامك و انك اخدتى الموضوع على محمل الجد
بس انا كنت بتكلم على شىء اخر ..ربنا تداخلت الامور لديك

عموما .. جزاك الله خيرا ..

Hossam Nasr said...

أعتذر وبشدة إن كانت رمية بدون رامي وأرجو ألا أكون قد أسأت بكلامي لأحد غير أني أظن أنه تعارف حسن وأتمنى من الله أن يمن علينا بنعمه ظاهرة وباطنة

إحترامي وتقديري