Friday, October 31, 2008

ممنوع من ........السقوط





صاحى من النوم 6 الصبح مراتى بتسمع ميتال

و فى بطنها بيبى فى الشهر التامن

خرجت وتحت يافطه ممنوع الوقوف ركنت العربيه

و نزلت ب ايس كاب و شورت دخلت الشركه

من غير لا سلام ولا كلام دخلت على المدير

اخدت القهوة من على مكتبه و شربتها

ساعتين و نزلت ركبت عجله

ركب وراى 3 بنات

ركنتها و دخلت الكافى

طلبت واحد شاى و اتنين نسكافيه

خرجت من غير ما ادفع الحساب

ركبت العربيه .. و مشيت عكس الطريق

العربيات وقفت وعديت انا

و ادوهم مخالفات و انا اخدت تحيه

الساعه 12 بالليل لبست نضارة شمس ..لزوم الشمس طبعا

و لبست البدله عشان نازل البحر

قعدت مكان العريس و صاحبتى مكان العروسه

بس عجبتنى العروسه و اخدتها نتمشى على الشط...لحد الفجر ...

و رجعت البيت لقيت مراتى و ابنى عنده 30 سنه

ببص فى المرايه لقيت راجل عجوز

ضيع عمره فى الممنوع .. من السقوط طبعا

***

البوست دا بشير بيه الى شىء معين

اللى فهمه كويس .. اللى مفهموش يبقى كل سنه و هو طيب بقى :D

22 comments:

Semsema28 said...

:blink:

blue-wave said...

يا عينى يا عينى
انا بلمت بصراحه ومتهيألى مفهمتش حاجه برضه:)))

سابرينا said...

حلم
لانحلم يبه طول عمرنا اننا نعمل
مانريد حتي لو كان في الاتجاة المعاكس!
ولكن دائما لانفعله لاننا نخشي السقوط
مجرد حلم لم نعمله
فلم يخرج عن حيز التفكييييير!

علاء عارفين said...

انا بس هرد على
sabrina

انا رأيي ان اللي انتي بتقوليه ده عكس اللي مكتوب في البوست
و فكرتيني بروايه كنت قيرتها من كام يوم كده

اسمها
فيرونيكا تقرر الموت للكاتب المبدع (باولو كويلو)

تحياتي
علاء عارفين

No Fear said...

السلام عليكم
و أنت طيبة
:))

Unknown said...

(:

PrInCeSS BeRy said...

بصراحة انا مش عارفة انا فهمت ولا لا بس انا اللى لفت نظرى جدا حاجة عشان انا مبحبهاش بكرة الميتل جدا مبقدرش اسمعة بيخوفنى فا لفت نظرى احامل اللى بتسمع ميتل ربنا معاها هههههههه

Unknown said...

Na3men :huh:

سمكه واحده said...

وانتي بالف صحه وسلامه
انا اول مادخلت ولقيت الكلام قلت ليه مين فين
وبصراحه حاسه كده ان يمكن ان الواحد بيضيع العمر في حجات غلط يمكن؟
او بيمشي عكس الطريق ممكن؟
او بياخد الطريق المعاكس ربما؟
بس هو ركب تلاته وراه ازاي هههههه
تحياتي ليكي
مو فخمتوا

Raghda Rashad رغده رشاد said...

فاهمة و مش فاهمة

المهم انى مبسوطة

حسيت انى ممكن فى لحظة اعمل اللى انا عايزاه فى الوقت اللى انا عايزاه
و الناس تعملى تحية....لانى واحدة عملت حاجة هيا عايزاها

catroz said...

semsema28...

:rolleyes:

catroz said...

blue-wave ...

معلش حقك عليا :D

catroz said...

sabrina ...

حاسانى تنحت للكومينت بتاعك معرفش ليه ..

catroz said...

علاء عارفين ...

هتخلينى ادور على الرواسه و اقراها يا علاء ..:)

catroz said...

no fear ...

وانت طيب
بس دا معناه انك مفهمتنيش برضوا..
:D

catroz said...

esraa ..

...:(

catroz said...

PrInCeSS BeRy ...

هى حامل بتسمع ميتال
اقصد بيها التناقض
بس على فكرة ساعات المود بيبقى محتاج ميتال يعنى

catroz said...

~ Koki ~ ...

mnawar ya gameel ..:D

catroz said...

سمكه وحده...

انتى قربتى للمعنى اللى كنت عايزة اوصله اوى
عادى يعنى ..ركب تلاته وراه
زى الناس
انتى فخمتوا حبه
:D

catroz said...

رغده رشاد ...

ايوة يا رغده
تعملى اللى انتى عايزية فى الوقت اللى انتى عايزاة
تمام كده ..

Sooberman said...

جامدة موللللللللة يا روز !!!
بجد

Anonymous said...

كتير حياتنا بتكون ملغبطه اوي..
وكتير احنا اللي بنحاول نلخبطها..
كتير بنبقي نفسنا نعمل اي حاجه عاوزينها في الوقت اللي احنا عاوزينه بس كتير بنخاف نضيع عمرنا ع الفاضي ونرجع نندم عاللي فات..

تحياتي