Friday, December 26, 2008

امبااارح ...



امبارح سمعت صوت حد بحبه

امبارح جرينا تحت المطرة

امبارح سمعت كلمه قبل امتحانى خلت خدودى تحمر

امبارح كنت بردانه اوى

امبارح كانت ايده دافيه اوى

امبارح اكلنا سوا

امبارح شربنا شويبس كريم صودا برضوا سوا

امبارح غنيينا سوا

امبارح لعبنا كورة بكانز ..سوا

امبارح كملنا باقى تهييس اول امبارح... برضوا سوا ..

امبارح شفت نظرة بحبها

امبارح كان يوم عادى بس برضوا غيرعادى

امبارح يوم مش هيتنسى

امبارح يوم ساب علامه كبيرة فى قلبى ..

25-12-2008

ده كان امبارح ..

***

عارفه ان فى كلام اتكتب فوق هيتفهم بطريقه خاطئه ..

مش هوضح و هسيب كل حد يسرح بخياله شويه

بس امبارح كان يوم عادى اوى اوى اوى

بس "الاشخاص" اللى كانوا فيه خلوة يوم غير عادى

...:)

27 comments:

كفايـة طيبـة said...

hmff

Dr Gad said...

بحب قوي نبره السعاده الطفوليه و الفرحه الكبيره اللي بحسها في كلام اي حد سواء بقراه او بسمعه

و الكلام لما يكون خارج من ناس مدوناتهم من اجمل المدونات يبقي لازم ابقي مبسوط ليهم انهم مبسوطين

ربنا يتمم سعادتك يا روز و يجعل ايامك كلها انبساط و لعب كوره بكانز :d

momken said...

ماشى يا ستى

برغم طبعاً ان انا خيالى مريض وعندى قذورات فى دماغى

بس هضغط على نفسى واخلى نيتى كويسه
واقول

اكيد قبلتى حبك الاولانى وجبلك ورد

ولا قبلتى موززز واعترفلك بحبه وكلمك على لون عيونك

اهو منتهى حسن النيه اهو

ربنا يسعد ايامك ياستى ويديم عليكى السعاده

تحياتى

Semsema28 said...

ربنا يسعدك ويفرح قلبك يا حبيبتى يارب

ويجعل كل ايام حياتك فرحه وانبساط مع اللي بتحبيهم اهلك وصوحابك وحبايبك

No Fear said...

السلام عليكم
يارب أيامك كلها تكون غير عادية و سعيدة و مليانة حب و خير إن شاء الله
.
كلمة أخيرة
Be Careful

Lyssandra said...

جميل ان حده أيامنا العادية تتكسر ولو ليوم واحد مايبقاش عادي

يرجعنا لمرح الطفولة بدون حذر ولا خوف ولا قلق

ولاااااااا أي شئ من اللي بيقيدنا في أيامنا العادية

كل التحية

وكل سنة وانتي طيبة

romansy said...

اكيد لو فيه اشخاص ظهت فى حياتنا
الدنيا بتتغير
بس الاهم انك سعيده
ودى حاجه جميله
بس قولى عملت ايه فى الامتحانات بقى

Unknown said...

هههههههههههههههههههه
يخيبك يا روز :D

Ana keda said...

اهم حاجة انك اتبسطتى

ومش مهم اى حاجة تانى

وحشانى اوى والله بس بجد عارفة انا كان من كام يوم كده برضو يعنى جو الواحد يتمنى يعيش فيه علطول الصحاب واللمة والضحكة العالية

انا كمان بلعب بالكانز :)

Anonymous said...

يااااااااه

يارب تبقي مبسوطه علي طول
:)

أنا حر said...

حلوة قوي السعادة الموجودة في البوست ده
بس نقدر نعتبر يعني ان يوم 25 ده كان فلانتين خاص بيكي؟؟
:)
تحياتي

ريهام العربي said...

ههههههههه

ربنا يجعل كل ايامك غير عاديه ياااااااااارب






وانا معاها يارب
:D


تحياتي يا عسل

maha said...

سلام عليكي يا نونو
سيبك انتي
عادي مش عادي
المهم انك مبسوطة و فرحانه كده
يا رب دايما
؛)
سلام
مها

catroz said...

كفايه طيبة..

hmff awe ..:D

catroz said...

Dr Dead ..

:D:D:D

مش عارفه ارد على كومينتك بجد ..
ربنا يخليك يا دوك و يكرمك

هو فعلا كان يوم اثاره امتدت لايام عديده ..
لحد دلوقتى فعلا مش عارفه السبب
الحمدلله على كل شىء ..

catroz said...

momken ..

اااه ..فعلا حسن نيه ..
انا قلت متروحوش بخيالكم بعيد لان الكلام يوحى بشىء معين
بس هو الموضوع مكانش كده خااااااااالص ..
عموما شكرا على تحليلك الخاطىء :P

منورنا دايما يارب

catroz said...

Semsema28 ..

ربنا يخليكى ليا يااارب يا سمسم ..
ربنا يفرح قلبك انتى كمان
و نفرح بيكى قريب بقى كده ان شاء الله

catroz said...

No Fear ...

و عليكم السلاام ..

و انت كمان يارب تكون ايامك كلها حلوة ..

*

كلمه اخيره
Am Careful

catroz said...

lyssandra ...

نفسى الايام كلها كده
بس افتكر لو كلها كده مش هحس بطعمها لما تتغير ..

كل سنه و انتى كمان طيبة ..

catroz said...

romansy ...


الناس الى فى حياة البونى ادم هى اللى بتحلى طعم الايام ..
كهما كانت الظروف اللى الواحد فيها ..

يوميها كان عندى امتحان عملى و الحمدلله حليت حلو اوى ..
الحمدلله بجد

catroz said...

~ Koki ~ ...

هههههههههههههههه
ماشى يا كوكى

catroz said...

Ana keda ..

مش مصدقه ان انتى هنا
يا بنتى واحشانى اوى
متغيبيش بجد تانى ..


ربنا يخليلك اصحابك و اهلك و اححبابك كلهم يارب يا جميل

يارب منورانى على طوول .

catroz said...

hager za3bal ...

ويارب انتى ايامك كلها تبقى حلوة ..

catroz said...

أنا حر ...

لا مكانش فلانتاين ولا حاجه
كان يوم حلو و خلاص ..
يوم بس كان فيه اشخاص مميزين ..

catroz said...

ريهام العربى ..

و انتى كمان يا قمر يارب
كل ايامك تبقى حلوة ...

catroz said...

maha ...

الحمدلله مبسوطه اوى
و يارب انتى كمان تبقى على طول مبسوطه و تكون كل ايامك حلوة برضوا
واحشانى يا مها اوى
اقصد واحشانى يا نونو..

:D

¤¦¤Ebtehal ¤¦¤ said...

ايه الشقاوه دي يا رزا بس

:D

لا بجد البوست ده يجنن بيعجبني و بشده

go on :good: