Thursday, January 22, 2009

و مات الكلام ...





امبارح عرفت ان الخوف ... بيجيب قوة ..

اصل التفسير الوحيد للى انا عملته .. انى كنت فعلا خايفه ..

خايفه بس ان يبان فى عيونى حاجه ..

خايفه يبان انى ممكن ابقى فى الموقف ده ضعيفه

خايفه يبان انه فارق معايا اوى للدرجادى

اول مرة اشوف نفسى بالقسوة دى ولا البرود ده

اول مرة اوصل لحد الفكرة دى بالطريقه دى

اول مرة اعرف انى ممكن اعمل كده و بلا تردد

اول مرة ابقى خايفه من حاجه زى دى

و مات الكلام .. بس يا ترى ممكن يرجع تانى

21 comments:

Dr Dead said...

الكلام مبيموتش

الكلام موجود دايما ولو حتي بينا وبين نفسنا

وهيرجع تاني

No Fear said...

السلام عليكم
مش بحب أتكلم في حاجة مش فاهمها
بس بلاش تسرع في الأفعال و لا الأحكام و لا الأشخاص
ده اللي أقدر أقوله لك

mesh2dra said...

الخوف من ان يبان عليا انى زعلانة
الخوف من ان يبان انى ضعيفة ادام غيري

احنا نقدر نعمل حاجات كتير مكناش نفتكر اننا قادرين عليها
طالما كان فيه اسباب قوية دفعتنا لده

و
.. خلص الكلام

سلاماتى

romansy said...

الخوف دا شئ عادى
بس المهم
اننا نقدر نتغلب عليه
ودا بارادتنا نقدر نحقق اللى اللى احنا عاوزينه

safa7_karmooz said...

وتفييييييييييد بايه ...ااه يا ندم يا ندم ...وهتعمل ايه :p

ريهام العربي said...

علي فكره حجات كتير جوانا زي القوه مثلا بتظهر في اوقات احنا بنكون متوقعين فيها الانهيار وبجد صدق اللي قال ان المواقف بتكشف معادن الناس

عادي يعني كل مننا جواه حجات هو نفسه ميعرفش بوجودها الال لما يتعرض للي يثيرها

مش تلومي نفسك ومش تزعلي حلو انننا نكتشف نفسنا والاحلي اننا نعرف ازاي نسيطر عليها


تحياتي يا عسل

hager za3bal said...

انا مش فاهمه انتي تقصدي ايه طبعا..
بس ساعات بحس ان كلامك دا جوايا
انا اللي نفسي اقوله علي حياتي.. في مواقف كتييييييييييير

عشان كدا فعلا
اتعلقت بمدونتك رغم انني عرفتها من قريب..

عموما
يارب تكوني مبسوطه كدا

تحياتي

انت تسال والكمبيوتر يجيب said...

دعوه
الأخ العزيز/او الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

MaNoOoSh said...

ايوة طبعا الكلام ممكن يرجع تانى لو احنا عايزين

maioya said...

عمر الضعف من جوانا مابيروح
مهما حاولنا نبين القوه :D
هانبقي ضعاف مهما حاولنا نهرب
لو حتي بينا وبين نفسنا

catroz said...

Dr Dead ..

بينناو بين نفسنا
و بس..

catroz said...

No Fear ...

و عليكم السلام ..
اعتقد الكلام واضح وضوح الشمس..:D

انا فعلا اكتشفت انى كنت متسرعه اوى ..
الحمدلله انى عرفت ..

catroz said...

mesh2dra...

احساس مكنتش متوقاعه لازم يولد خوف ..

منورانى ..

catroz said...

romansy ...

محتاجين حاجه تشيل الخوف
عشان افعالنا تبقى مبنيه على اساس صح ..

catroz said...

safa7_karmooz ...

و هاتلى قلب لا داب ولا حب و لا انجرح ولا شاف حرمان ..

كنت بسمعها امبارح على فكرة ..:D

شكلك فاهم يا بتيخه ..:P

catroz said...

ريهام العربى ..

وانا اكتشفت ان الخوف عندى
بيولد قوة و قسوة ..
خوف لاتجرح انا ..فممكن اجرح ..
يارب دايما منورانى
...

catroz said...

hager za3bal...

امسكى ورقه و قلم و اكتبى
ولا حتى على الكيبورد و طلعى كل حاجه جواكى

مبسوطه اوى انك بتحبى المدونه

بس مش مبسوطه م اللى عملتوا انا

منورانى على طول يارب..:)

catroz said...

ريهام العربى ..

وانا اكتشفت ان الخوف عندى
بيولد قوة و قسوة ..
خوف لاتجرح انا ..فممكن اجرح ..
يارب دايما منورانى
...

catroz said...

ريهام العربى ..

وانا اكتشفت ان الخوف عندى
بيولد قوة و قسوة ..
خوف لاتجرح انا ..فممكن اجرح ..
يارب دايما منورانى
...

catroz said...

MaNoOoSh...

كان لازم يرجع تانى ..

catroz said...

maioya...

جوانا جوانا مش مشكله
بس محدش تانى غيرنا يشوفه ..:D