Friday, March 12, 2010

بيحب غيرى..

من الحاجات الغريبه اوى انك تحب حد..... بيحب حد غيرك
و تبقى عارف ان الشخص التانى مبيحبوش
و فى نفس الوقت متقدرش تتكلم
اصل انت الصديق اللى بيساعد ف الاوقات دى .. مينفعش تزيد الطين طين
فيكون اسهل حل التزام الصمت

***

"اقف بجواره و عيناه تبحث عنها... و اظل بجواره اتامل كيف يبحث عنها "

***

"مش هتعرفنى عليها بقى"
الجمله اللى بتتقال و فى نفس الوقت ابقى من جوايا مش عايزه اعرفها اصلا
و لو عرفتها يكفينى اعرفها من بعيد
و لو عرفتها من قريب هيكفينى اعرفها بنفسى و امشى بحجه انى متاخره و لازم امشى حالا

***

حد لاحظ ان الولد لما بيكون بيفكر فى بين بيحط ايدوا ف جيبو
خصوصا لما بيكون بيفكر فيها و مش عايز حد يعرف انو بيفكر فيها

***
"عايز تعمل ايه فى حياتك؟؟"
"!! ... مش عارف"
" طب شايف نفسك ايه بعد 10 سنين"
"!!.. مش عارف"
" شغل كويس ... بيت كويس .. اسره و عندك عيلين "
"مممممم ايوة ممكن يعنى "
"طب نفسك تسافر ف مكان معين ...بعدين يعنى لما الظروف تسمح"
" مفكرتش قبل كدا .. طب و انتى عايزة تسافرى فين"
" فرنسا ..لان بابا كان عايز يروحها .. عايزة اعرف كان نفسو يشوف ايه هناك "
"ممممممم و عايزة تعملى ايه فى حياتك"
" على المدى القريب 3 حاجات .. اول واحده اروح بيتنا .. تانى حاجه مش هقولهالك .. "
" ليه مش هتقولى تانى حاجه"
"لو قلت هقطع علاقتى بيك"
"طب و تالت حاجه"
" انجح السنادى بتقدير "
"تانى حاجه ايه بقى "
" اقولك و نقطع علاقتنا ببعض ..؟؟"
" هههههههه ايوة ايوة قولى انا موافق"
"طب انا بتكلم جد مبهزرش"
"ماشى و انا كمان"
" ايه دا الباص جه .. يلا سلام"
"سلااام"

و هربت من تانى حاجه ..

5 comments:

safa7_karmooz said...

"
حد لاحظ ان الولد لما بيكون بيفكر فى بين بيحط ايدوا ف جيبو
خصوصا لما بيكون بيفكر فيها و مش عايز حد يعرف انو بيفكر فيها
"

على فمرة مش شرط يعنى ...ساعات بيسمع اغانى :D

نايس بوسط ^_^

صمت المشاعر said...

بوست جميل جدااا

واصعب شيء ان الواحد يحب حد ه عارف ومتاكد انه بيحب حد غيره


دمتي بالف خير

safa7_karmooz said...

كتبت بوست جديد

هع هع هع نيهاااااااااااااااا

Unknown said...

likeeeeeeeeeee :D

momken said...

تانى حاجه مبتتقلش لازم تتحس

وهو حاسس بس بيستهبل
او عاوز يشبع غروره بانه يسنعها حروف ويحسها مشاعر


عارفه

باباكى زوقه حلو اوى وكان عنده حق يحلم بفرنسا
وهتعرفى اد ايه الراجل ده عظيم لما تروحى فرنسا


البوست رائع
واكتر من رائع

مبسوط اوى انى جيت هنا



تحياتى