لو فضلت احكى من هنا لسنه جايه انت قد ايه واحشنى .. مش هيكفى اللى جوايا
بس تقريبا دى الحاجه الوحيده اللى اقدر اقولها
بطلت اسال هشوفك امتى .. شكل الواحد مطول هنا .. و الله اعلم
بطلت اسال ليه ..................
تصدق كمان بطلت اقول اشمعنى انت .... !!!
بطلت اقول اشمعنى هو...
***
بقى يوم 1-2-3 بيعدى فى صمت رهيييييب
و كل مرة افتكر لما كنت اسالك ليه مش بتحب عيد ميلادك ... و ترد الرد المعتاد .. و افضل اقنع فيييك بالعكس
تصدق بقى كان عندك حق !!!
***
* الايام دى مش هترجع تانى
انت تبقى مع باباكى و شايفاه و سامعاه و سامعك
و بتتكلمى بيرد عليكى
و ممكن تاخديه ف حضنك
الايام دى .. اللحظه اللى حنا فيها دى
على قد ما كنت بفكر ... عمرى عمرى ما تخيلتك ف يوم مش موجود
كانى لاول مرة افهم يعنى ايه حد يموت
كنت بتقولى ده هيحصل ... انت كنت عارف
انا كنت عارفه ... بس مكنتش فاهمه يعنى ايه انت متبقاش هنا
***
على فكرة انا لو اتكلمت معاك دا مش معناه انى مجنونه ولا حاجه ... ولا حتى لاسعه زى مبتقولى
دا معناه بس انى مؤمنه بانك ممكن تحسنى
4 comments:
يقينا يحس بك
وكل يوه يمر هتتأكدي من كده
راااااااائع البوست
اشتقت لكلامك
جميل البوست فعلا
Bad feeling .. i feel it now ,,
Post a Comment