Thursday, August 25, 2011

نفسى فى داه ..

معرفش ليه خطر على بالى اقول انى النهارده اول مرة اكل رز بلبن و ميعجبنيش
تقريبا اول مرة تحصل ف حياتى
طبعا اضطريت امثل انوا يعنى كان وااااااو و الا فلانه كانت هتزعل
اتمنى جدا ان الموقف ده ميتكررش

***

تعالوا بقى نرجع ل موضوعنا
الفكرة اللى على بالى يقالها كام يوم
نفسى اروح انا و زوجى نصلى التهجد سوا
ابقى ف المسجد و ابنى الصغيرداخل خارج شويه بقعد معايا و شويه مع باباه
ابقى بصلى و ابنى النونو يبقى لابس الجلبيه البيضا و قاعد قدامى سرحان ف ملكوت ربنا :D
يكبر النونو ده و هو متعود على كده
الاقيه بياخدنى انا و باباه على المسجد نصلى سوا
بس طبعا مش هيفضل داخل خارج زى زمان
ساعتها هبقى اقابلهم برا بس

:))

***
السما امبارح كانت صافيه اوى
مكانش فيها غيوم
الجو بليل كان برد
بالنهار الجو فضل طول اليوم حلو

ممكن تكون هى ؟؟


5 comments:

Tamer Moghazy said...

ربنا يسمع منك وينولك كل الخير اللي بتتمنيه :)

كل سنة وانت طيبة :)

catroz said...

و انت كمان يارب ..
و كل سنه و انت اطيب ^_^

نهر الحب said...

:))
كلنا نفسنا في الامنية الحلوة دي
ياااارب ينولهالنا

الليلة دي حسيت نفس احساسك
يا رب نكون بلغناها يااارب او يبلغهالنا لو سنه مجاتش
:)))

The illusionist said...

مممممممممممممم

يمكن تكون هى

يارب تروحى انتى وهو والصغنون الصلاه

هاتيله جلابيه عمانى او تونسى

بتبقى حلوه عالاطفال الصغيرين

ممممممممممممم

انا لسه موصلتش لليوم اللى اكل فيه رز بلبن مش حلو

اصل هو رز ولبن مش محتاج فكاكه

اللى يعمله وحش يبقى مينفعش يحضط ايده فى سلق بطاطس حتى

مممممممممممممممممممم

انا كل ما كنت ابص للسما الاقى نجوم بتظهر ولوحدها

والسما كانت زرقا بطريقه جميله جدا ازرق غامق بلمسه برد حسيت انى فى فيلم

lion king

معرفش ليه بس هو كده

يلا سلام

catroz said...

نهر الحب ...

يارب نكون بلغناه :))

_________________

Illusinist ...

فكرتنى ب تيمون و بومبا ف "ليون كينج" اما كان بيسالوا على النجووم :D