Monday, August 29, 2011

ممكن لو سمحت تبقى عيد سعيد ؟؟



كل سنه و انتوا طيبين :)


***
انت من الايام اللى مبحبهاش
مش لانك وحش
بس لان بيبقى ناقص فيك حاجات كتيرة اوى
هى على طول مبقتش موجوده ... بس النهارده مبتبقاش موجوده اوى

***

كنت بفكر النهارده
يعنى ايه يبقى الواحد حواليه ناس كتيرة
بس حاسس انوا وحيد
يعنى ايه مكن يستغنى عن الناس دى كلها مقابل شخص واحد
طيب هل دى مجرد فكرة .. ولا ممكن حد فعلا يعمل كده لو جاتلوا الفرصه

فكرة الشخص المميز دى هل احنا اللى بنرسمها لنفسنا .. ولا هو فعلا بيبقى شخص مميز !!

***

بمناسبه الشخص المميز ....
بابا كان شخص مميز
لاء هو مازال شخص مميز ... بالنسبالى
حضن دافى .. امان... حنيه
حد انت عارف انوا موجود ف الدنيا عشان يحميك
اول ما بتقع فى مصيبه بيبقى هو اول حد بتجرى عليه
و تبقى واثق انوا هيخرك منها
طيب و هو مفيش ناس تانيه تحمينى ... لاء فى
طب هو ايه الفرق
هو ملزمين يحمونى ..
ولا هما موجودين برضوا لحمايتى بس بنسبه معينه
هو كان بلا حدود
مكانش فيها نسب
هو دا الفرق ؟؟!!

***

مبحبش اقول عليه "كان"
:((

***
مينفعش حبوا لى كان يبقى ب حدود .. ولا حبى ليه
الحب دا حاجه غريبه اوى

***

كلامك مريحنيش على فكرة
بالعكس ... دا تعبنى اكتر


5 comments:

فراشة said...

ممكن يا عيد تبقى سعيد عشان كاتروز

عشان هي نفسها تحس بالعيد بتاع زمان

يارب ياكاتروز تفرحي ف العيد

افرحي وفرفشي فيه حاجات كتير موجوده نفرح بيها ,,, ممكن بكره متبقاش موجوده

فراشة

واحد من الناس said...

!!!
الله يرحمه

catroz said...

فراشه ...
بيحاول يقى سعيد
كل سنه و انتى طيبةةة

:)))
------------------

واحد من الناس ..
امييييييييين

The illusionist said...

صباح الخير على عيدك السعيد

وماله يعنى اما نكتب الكلام ده كله

ونزعل الزعل ده كله ونعيش العيشه ده بكل اشكالها

وبعدين يعنى

قدامنا كام حل

مممممممممممممممممممممممم

يا مفيش يا كتير

وحيث اننى ومن هذا المنطلق ادعو الحزب الوطنى لزياده اجر محدودى ال
...

ايه ده اسف انا دخلت فى خطبه طويله كده

اقولك عيد سعيد

لا

طب مبارك

مستحيل

طب عيد ايه

عيد مزقلط عليكى

كده احلى

catroz said...

Illusionisttt ...

صباح النوور و
عيد اسعد علييييييييك ان شاء الله
او عيد مزقلط عليك انت كمان
"مع انى مش فاهمه اصل الكلمه بس هى شكلها يدى على فرحه"

:D