Saturday, September 24, 2011

^_^زى النهارده من اسبوع

السلام عليكم
الحمدلله يوم 24 عدى و كانت كلها اوشاعات :D

***

تعالوا ترغى سوا ف شويه حاجات مهمه بالنسبالى بس مش مهمه بالنسبالكوا
فا اللى وراه شغل و سهران و اتكعبل ف المدونه يبفلها بدل ما يضيع وقتوا
:))

***

من فتره كده كتبت بوست عن الامل
ان يبقى عندك امل ف حاجت فا تفضل معلق نفسك بيها
و انك لو فقدت الامل فيها هيبقى اريحلك بكتييييييييييير
الكلام ده شاعتها و انا بقوله مكنتش متاكده منوا اوى
دلوقتى انا فعلا اتاكدت انوا صحمتعلقش نفسك ف حلم اكتر من اللازم
ممكن فى احلام تانيه حواليك احلا بكتيييير بس انت مش شايفها

حاجه تانيه
ربنا لو كاتبلك حاجه مش هتبقى لغيرك مهما حصل
فمتزعلش على اى حاجه تروح منك

او بشكل اخر
متزعلش ,,, لان تاكد ان اللى حصلك داه فى اسوأ منوا :D

اهو انا واقعه ف الحته دى اليومين دول
او الفتره دى من حياتى
مبقتش عارفه ده عدم رضا منى فا شايفه الدنيا كده
و لا هى كده فعلا بالنسبالى
هى ماشيه معايا بالعكس
ولا الحاجات اللى بتحصللى دى عادى بتحصل ل كلوا و انا اللى شايفاها حاجات كبيرة

***

طيب تعالوا اتكلم على النهارده من اسبوع بالزبط
يوم 20-9-2011
كان يوم مميز بكل الاشكال الممكنه
يوم ممكن يعدى عليك مرة واحده ف العمر
لحظات بسيطه ممكن تفضل محفورة جواك طول عمرك
مش هعرف اكتب تفاصيل اكتر
^_^ مع ان البوست ده اصلا كان مكتوب عشان الجملتين دول

و بعدين و انا مروحه او بالاصح بعد ما روحت اتسرقت من تحت البيت ^_^
اول مرة اتسرق بالطريقه دى
او الاقى نفسى بحكى الحدوته بدل ما بسمعها
المهم انا متاكده ان الحادث الماساوى ده بعد سنه ان شاء الله هيبقى نكته بتتحكى مش اكتر

***

كفايه كده ^_^

8 comments:

Anonymous said...

اتسرقتي :( ازاي واية اللي حصل انتي كويسة طمنينا عليكي

وبوست مافيش اجمل من كدة

Miss LoZa said...

كل الكلام الى انتى كاتباه صح
مش هينفع نعلق نفسنا بحلم كتير
والى مش مكتوب لنا مش هيكون لنا مهما حصل
واكيد لما حاجة وحشة بتحصلنا بيبقى فى الاسوء وده الى بيصبرنا
حلو البوست
ومعلش على موضوع السرقة ده اهم حاجة تكونى كويسة :)

candy said...

أنا من اللى اتكعبوا فى المدونة :)

فعلا الواحد كل شوية لازم ينقى وينقح أحلامه

ويبقى عارف أن من مصلحته أنه يتمسك باحلام عقلانية وفى مصلحته ، ويبعد عن أيفكتش الأفلام العربى ويعمل دخان ونور على حاجات شكلها حلو بس فقاقيع صابون.
دى خبرتى

تحياتى :)

ريري كربكه said...

اتسرقتي!
المهم تكوني كويسه ولم يسيبك مكروه
تاني حاجه موضوع الاحلام اللي مش بتتحقق
والله انا من اكتر ما بحلم بحاجات كتير بقيت اعمل بحاجه كده سمعتها
اذا اردت شيء بقوة فاتركه فان عاد اليك فهو لك وان لم يعد لك فهو ليس لك من البدايه
تحياتي لكي بوست رائع اوي
وانا شغلني موضوع الاحلام ديه اوي سواء في المنام او الحقيقه
تسلم ايديكي على البوست

zay maTigy said...

قليل اللى بيفهم كده وبيقدر الحاجة اللى معاه ويؤمن ان اللى حصله مهما كان هو افضل حال ليه وانه منع الاسوأ من انه يحصل

لو اقتنعنا ان الخير والشر الاتنين نعممن عند ربنا .. هنتعود على شكل الحياة بحلوها ومرها
كلمات بسيطة اوى بس مفيدة ومعبرة جداا جدااا

وحمد الله على سلاتك مش مهم اللى اتسرق المهم انك بخير الحمد لله وبتكتبيلنا البوست // مصلحة مصلحة :-p

متفكريش بقا ف السرقه غكرى ف اللحظات الحلوة اللى قبل السرقه

كفايـة طيبـة said...

yarab ykoon mobilk hwa elli etsr2

:D

نهر الحب said...

مش عارفة اضحك واللا ابكي
!!!!!

حكاية السرقة ضحكتني
فكرتني بمسلسل عاوزة اتجوز لما احمد عزمي سرقها
:D



ربنا لو كاتبلك حاجه مش هتبقى لغيرك مهما حصل
فمتزعلش على اى حاجه تروح منك

صح اوي

بس انتي بتقولي مينفعش نتعلق بالامل اوي

مش عارفة انا عندي وجهة نظر تانية
ان درجة ايمانك بحلمك وبالامل هي اللي ممكن تحدد حيتحقق واللا لا وكله باذن الله طبعا بس ربنا برضه بيكون له حكم يعني ممكن نتمني حاجة مش خير لنا وربنا يبعدها ومش نفهم

عشان كدة لما بتمني بدعي ربنا بالخير


ربنا يسعدك ويكتبلك الخير يا رب

rona ali said...

هو مافيش تعليق علي الكلام لانك قولتى كل الكلام وبمنتهى السلالسه اللي في الدنيا:)

مستغربه انا انى معلقتش هنا قبل كدة مع انى جايت كتير انا ابتدى الزهيمر يلعب في دماغى تقريبآ كدة :)

بوست رائع اتمنى ايامك كلها تكون سعيده

وبالنسبه لسرقه يارب تكونى بخير :)