Saturday, July 21, 2007

..ضفدعه بتستعبط...و فاكره نفسها فاااار

مش فاهمه ايه المصيف ده
بس بجد كان راااااااااائع
و فى نفس الوقت علمنى ان مفيش مكان احلى من البيت
بجد و الله
انا رجعت اصلا ببوس الحيطان فى البيت
فى حاجه غريبه كده حصلت
كان فى ضفدعه
من الضفادع اللى موجوده يعنى
انا اللى اعرفه انها بتنط
مش كده برضه
لا دى بقى كانت بتمشى
او بتجرى
المهم مكانتش بتنط
فضلت ماشيه وراها كتير اوى و هى تنط شويه و تمشى شويه
ما علينا
ضفدعه بتستهبل و فاكره نفسها فار
المهم
الغريب ان كل بتوع الامن هناك
ناس روشين كده
اللى لابسين ازرق بيسمعوا تامرر الجديد
و اللى لابسين ابيض بيسمعوا عمر الجديد
بجد و الله
مشفتش حد لابس ابيض و بيسمع تامر
و العكس صحيح
:D
لا و نضارات الشمس حاجه رهيبه يعنى
ما علينا برضه
يمكن مرض اصابهم ولا حاجه
ايه تانى
كل سنه انا بغرق عادى يعنى
اغرق و ييجى المنقذ الوسيم و ينقذنى
مش بغرق فى البحر اساسا
انا بخاف انزل البحر
. خوافه هتقولوا ايه يعنى
اخاف من البتوع اللى بيعضوا دول
مع انى مشفتهمش قبل كده
بس انا اعرف ان فى حاجات بتعض الواحد فى البحر يعنى...
المهم يعنى و المفيد
كل سنه بجد لما بغرق بييجى المنقذ الوسيم و ينقذنى
المره ده لما غرقت...احم...جدو هو اللى انقذنى
جدو جدو يعنى
راجل عنده بتاع 70 سنه
شخصيه سكرررر اووووى..اصلا
كان شكلى وحش اوى و كده
بس ولا بيهمنى...
بعديها بنص ساعه نزلت الميه تانى..
.تانى يوم
نزلت انا و واحده صابحتى...
ايه بقى...انا كنت فاكره البنت بتعرف تعوم
و حاجات كده
اتقفنا هتعمل سباق
قشطه كده..ايوه قشطه...
حمام السباحه كان فى النص اللى جوه فااااضى
و المنقذ كالعاده بيتكلم فى الموبيل و مش فاضى
و 1...2....3...و ابتديت انا و هى السباق
وصلت للنص و ببص عليها سبقتنى ولا وراى
لقيت البنت بتغرق..
. اعمل ايه اعمل ايه
البنت بتغرق و مفيش حد شايفنا اصلا
و انا مبعرفش اصوت فى الحاجات دى
افتكرت نفسى سوووبر ماااااااان
نيهاا هاااااا
و مسكت ايديها و هكمل بيها لحد ما نوصل لاى حاجه نمسك فيها..
البنت اصلا كانت بتلفظ انفاسها الاخيره
ايعنى مفيش مشكله لو شديتها و هى كده...
متفهموش ايه اللى حصل..الهانم مسكتنى و غرقتنى معاها...
المهم انقذنا شاب وسيم كده
:D
و بعدين عمو اللى كان بيتكلم فى الموبيل
جاى يقولى
مادمتى مبتعرفيش تعومى متنزليش الميه..
كنت.......بس..
و قلت له لا ابقى خد بالك انت و تعالى انقذنا
المهم افتكرونى فى الاخر انا اللى بطاطا و مبعرفش ااعوم..
حاجه تانيه حصلت
و محروق دمى بسببها بغباااء بقى... مخدتش القاميرا معاى
نفضت و قلت هنقضيها صور من الموبيلات
قشطه كده
اليوم الخامس...مسكت الموبيل و بشوف الصور اللى صورتها
كانوا 133و اصلا كلهم احلى من بعض
متفهموش ايه اللى حصل
و اختى قلبت فى الموبيل شويه
بكمل باقى الصورمفيش ولا صوره
...فوفا..انتى عملتى ايه فى الموبيل...!!
لا ابدا ده كان مفيش مكان فمسحت الصور عشان نصور بقى شويه صور لينا...
. الهانم فاكره ان الصور دى هى القديمه و لسه محدش مسحها...
لو كانت كلفت نفسها و اتفرجت على اتنين بس منهم كانت عرفت انى لسه مصوراهم
يعنى بجد لن اسامحها على هذا الموقف....
كنت مصوره شويه حاجات جامده بغباااء
و صورت سامو زين كمان...
بس كله راااح بقى...
:(........
ايه تانى
كنت كل يوم لما اكل اى حاجه بطنى توجعنى
ما عدا ههوووز
انا كنت نزلت 14 كيلو
رجعت زدت تانى 5 فى 7 ايام
يا فرحتى بنفسى...
و ايييييييه بقى
الناموس هنااااك عسول اوووووووى
فى كميه ناموس بغباااااء...
قرف يقرفهم كلهم فى يوم واحد..
مع انى منزلتش الميه كتير اصلا
ولا بتمشى فى الشمس كتير
اصلى كائن ليلى...
بس اثودديت
اصل حضرتى بقرف من ريحه كريم الشمس...
و الغير طبيعى بقى
كنت بتكلم انا و هند كل يوم بتاع ساعه و شويه على الموبيلات
مش مصدقه ازاى كنا نقعد نتكلم ساعه مع بعض من غير من نحس بالوقت
ده فراغ عاطفى مش اكتر
دا انا اكتر فتره بكلم هند فيها برع ساعه..
لا و كل المكالمه..وحشتينى...نفسى اشوفك اووووووى...
اصل دى اول مره نبعد عن بعض الفتره دى كلها...
. بحبها اوووووى بجد...
حاسه انى عايزه اتكلم معاها كتير اوووى....
و ماما اصلا مصدقتش انى حضنتها و قعدت ابوس فيها كتير...
هو البعد بيعمل كده يا ناااااااااس....
و كل شويه هى تيجى تقعد جنبى و تبوسنى على خدى.....
دلوقتى بس ممكن اقول ان مفيش حاجه مستحيله...

27 comments:

Unknown said...

هههههههههههههههه
يخربيتك يا اوزا
ايه كل ده وليه يعنى
بس تلاقى الضفدعه حست ان فى شئ غريب ماشى وراها بيراقبها فحبت تستخف دمها
وبعدين مين الشاب المنقذ الوسيم المخبوط فى نافوخه اللى بينقذك دايما
ده اكيد واحد امه داعيه عليه ساعه مغربيه
ام هند
حمد الله على سلامتك
وصدقينى انا ممكن اكل اختك عشان مسحت صور ساموزين
بس يالا المره الجايه صوريلى حماقى

The Alien said...

مش مهم الصور اللي راحت
المهم إنك إتبسطتي
يابختك

تحياتي

Momo said...

مصيف رائع

المهم انك شوفتى البحر بنفسك

مش مهم الصور

والاهم انك هنا دلوقتى D:

حمدا لله عالسلامة ياقمر

منور بلوجتك ياحبيبي

catroz said...

lost love....

تقريبا يا بنتى الضفدعه حبت تعمل استعراض قدامى عشان اخدها الاذاعه معاى ولا بتاع
اعمل معاها لقاء صحفى
ضفدعه عبيطه و الله
:D
و مالكيش دعوه بعمو المنقذ الوسيم ده
هبقى احكيلك اصلا شويه حاجات حصلت خراااافه
بس على المازنجرررر
:D
و الله يسلمك
و انا صورت شويه صور طبيعيه
بس بجد زعلت على صور سامو زين اووووى
يلا عوضى على ربنا بقى
:D

catroz said...

The Alien....

انا فعلا انبسطت و الحمدلله اووووى
:D


.............

MoMo ....

الله يسلمك يا قمر
فعلا شفت البحر و كل يوم كنت بصحى اول حاجه اشوفها البحر
كان اسبوع جاامد اوى الحمدلله يعنى
منورانى يا قمر..:)

The Manager said...

حمدا لله على السلامة :)

catroz said...

و انت طويب يا مانيجر...:)

rack-yourminds said...

انا بحب احتفظ دايمابالصور اللي بتصورها دايما مع اصدقائي في رحلات الصيف بتكون ذكري ليا

تحياتي ليكي

catroz said...

انا كمان بحب احتفظ بالصور اوووى
بس اهو يلا بقى ضاع133 صوره
:D
بس اتصورنا تانى يعنى اكيد
منور البلوجايه

Anonymous said...

حمدلله علي السلامة

catroz said...

الله يسلمك يا بطوطه
منورانى بجد انتى هنا

safa7_karmooz said...

ثم

هع هع هع هق

طويب

Mesh Awy said...

يخربيت الروقان اللى ف الدينا

ناس ليها الساحل وناس ليها تعيد السنة

انا مش بقر عليكى ... انا بحسد بس 909

ربنا يبسطك كمان وكمان وتنجحى ودا المهم

catroz said...

safa7_karmooz ....

انت دخلت هنا غلط ولا حاجه

:D

........

mesh awi..
النجاح تؤ معتقدش
و ان شاء الله يا عم تسافر و تصيف
ربنا يكرمك يارب
و فوق كده و كله هيبقى تمام
....:)

§a§a said...

حمد لله على السلامه

catroz said...

الله يسلمك يا مصطفى
منور البلوجايه

Rushdy Kamel said...

يا بختك يا ستي بالمصيف
انا نفسي اصيف بقى
وابقى ارجع ابوس حيطان البيت مش مشكلة
على العموم دي زكريات لذيذة
دي اول زيارة لي وهاكررها في المصيف الجاي
قصدي البوست الجاي
تحياتي

Amr Ahmed said...

حمد الله علي السلامة

عقبال كل سنة

Anonymous said...

لو هتسهر كل ليلة زى مانت وعدتنى

مستحيل هتحب قدى

مهما قلبك حبني

لو وحشتك مرة واحدة

الف مرة وحشتني
--------------------------

كل كلمة جاى تقولها

قبل منك قولتها

كل حاجة تحس بيها

بحس بيها فى وقتها

قلبي كان تايه فى بعدك

والثوانى بعدها
---------------------------

مهما ابعد بردو قلبي لسة سايبه معاك
هنا

كل لحظة تفوت فى بعدك

تسوي عندى 100 سنة

مستحيل هتكون فى بعدك

عشت زى ماعشت اناااا


From urs

مشروع انسان said...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

catroz said...

Big Code ....

هتصيف ان شاء الله لا تقلق عزيزى المستمع
قصدى القارىء
و هترجع صدقنى تبوس الحيطان زىى
الببت ده بقى الجنه بالنسبه لى على فكره
...:D
منور البلوج
و عايزه اشوفك هنا كتير
:D

.............
Amr Ahmed ....

يارب كل سنه
و انت كومان...
منورنا...

catroz said...

Anonymous...

بصى انتى بجد
بتعيشينى معاكى احساس محصلش
عمرى ما كنت افكر انى ممكن احب
بل اعشق صديقه بالشكل دى
ربنا يحفظك
و يكرمك
و يصبرك
و يحسن احوالك
و يحميكى من كل مكروه
و تبقى معاى على طول
و كل حاجه فى حياتى
اشاركها معاكى
بحبك يا اغلى من عيونى
و حبيت معاكى احساسى...

catroz said...

امام الجيل....
ان شاء الله...:)

Ert3ashat said...

هاهاهههاهههاهااا
توبيك ظريف موووووووووووووووووت

بجد دمك زي العسل

smraa alnil said...

ههههههههههههههههه

يا بنتي طب كنتي قوللي اجي اعلمك سباحة
انتي مش تعرفي اني مدربة سباحة بجد
تعالي بجد امرنك وانا اهليكي تجيبي الواد الوسيم دة

ههههههههههههه

المهم انك اتبسطتي

تصدقي كل ما اقول لحد هنا اني نفسي اروح اصيف
يقولي تصيفي ايه مانتي منقوعه في المايا كل يوم

بحكم شغلي يعني هههههه

بس مش تزعلي علي الصور
كفاية انها في دماغك
ابقي حطيهم سكانر بقي ههههههههههه


المهم اك نورتي تاني وحمدالله علي سلامتك

Anonymous said...

Ert3ashat...

ده من زوقك بس يا جميل

مبسوطه انه عجبك

:D

.........

samraa alnil..

سموورتى

لا يا بنتى معرفش انك مدربه سباحه
قشطه اوى كده هخليكى تعلمينى بقى
ههههههه
و الله يسلمك يا جميل
حتى لو بتنزلى الميه كل يوم
لازم تسافرى و تغيرى لك الجو يومين كده
و سيبك من تعب الاعصاب اللى فى مصر ده بقى شويه
:D

catroz said...

Anonymous

ده كان انا...:D