Thursday, July 26, 2007

....ااااااه يا بلد



مش هطول فى الكلام
هحكى موقف بس حصل لى الاسبوع اللى فات ده
كنت بلعب انا و بنت عندها 5 سنين تحت الشاليه
و ببص لقيت عربيه واقفه و قدامها 3 شباب
شكلهم حراميه يعنى اصلا
biggrin.gif
و اللى فى النص واقف بيبدل المفاتيح مع اللى جنبه و بيحاولوا يفتحوا العربيه
المهم يعنى الاعمى يعرف ان هما بيسرقوا
طيب انا بنت
هعمل ايه يعنى
لقيت راجل من بتوع الامن اللى لابسين ابيض دول
واحد واقف كده رحت قلت له
الراجل قالى طيب ربنا يكرمك عشان قلتى لنا و هبعت حد دلوقتى حالا و مش عارف ايه
قلت له طيب
طلعت الشاليه و وقفت من الفرندا
شايفه الراجل بتاع الامن ولا اتحرك اساسا
و التلاته سرقوا العربيه
واحد ركب و الاتنين التانييين ركبوا على موتسيكل و حصلوا
ده كله و بتاع الامن اللى قالى حاضر هنحل المشكله و هنبعت حد دلوقتى واقف مكانه ثااابت
ده ايه ده
ايه اللى بقى يحصل فى مصر ده
الراجل ده خلاص ضميره ميت للدرجه دى انه حتى ميحاولش يحل المشكله ولا حاجه
ده من ايه ده
مش عارفه اقول ايه
هما كلمتين و بس
اااااه يا بلد
و
حسبى الله و نعم الوكيل
...

41 comments:

Rushdy Kamel said...

كله ماشي بشعار لا ارى لا اسمع لا اتكلم
ايه اللي يدخله في مشاكل مدام مش مسئول عن حاجة
بس أكيد مش كل الناس كدة بدليل ان فيه ناس طيبة زيك
مبسوط اني اول واحد ارد
تحياتي

Ert3ashat said...

هو انتي لسه عارفه

خلاص الضمير مات منزمان

ولما بنشوف حد ضميره ميت بيقوم قاتل ضميرنا احنا كمان

لنا الله

Momo said...

عارفة ياكاتروز

لما كان اول مرة انزل رمسيس عشان اركب المترو وكدة

كنت بلاقي واحد عمو كدة بيقعد عالرصيف عند المترو وبيبيع مجلات وحشة

فكنت مرة قولت لنفسي انا استحالة هسكت عالمنظر ده واللى رايح واللى جاى يتفرج... الناس مش ناقصة

وقومت زى الشجاعة كدة اقول لعمو بتاع البوليس اللى كان واقف

بصلى وضحك ومردش اصلا عليا

:D :D :D :D

AMRO .O. ABDELHALIM said...
This comment has been removed by the author.
AMRO .O. ABDELHALIM said...

هاى كاتروز
سورى لانى مسحت التعليق الطويييل اللى فات
هكتفى بانى اقول لك ان فى حاجات كتيير تفقع المرارة فى البلد
وتخلينى اقول معاك ااااه يابلد

catroz said...

Big Code....
انا كمان مبسوطه انك اول واحد ترد
بس الراجل بتاع الامن ده شغلته يحافظ علينا
و يحافظ على حاجاتنا مش يشوفها بتتسرق قدام عيونه و يحاولش حتى
و اكيد مش كل الناس كده
لو فى
90% مش فارقه معاهم فاكيد فى
10% فارقه معاهم و ضميرهم حى
منور البروجايه
.........:)

catroz said...

Ert3ashat ...

لا ازاى بس
الضمير مماتش ولا حاجه
و الله فى ناس كويسه جدا
مش كلهم كويسين طبعا
بس فى منهم الكويسين و المحترمين اكيد
و ضميرنا مش هيتقتل
لما احنا الشباب اللى هيحمى الوطن بنقول كده
لمال مين اللى هيصحى الضمير اللى موجود
لا متقوليش كده تانى
مضيرنا حى و هيفضل حى
.......:)
منوره البلوجايه..

catroz said...

momo...

مش عارفه اقول ايه
لا حول ولا قوه الا بالله
المهم ان ضميرك ريحك يا بنتى و خلاص عملتى اللى عليكى
مش مهم بقى هو اتصرف ازاى
انتى عملتى اللى عليكى و ريحتى ضميرك
ما هو مش فى ايدك حاجه تانيه تعمليها يا بنتى
:D
اهم دول الناس اللى فعلا نقولهم
حسبى الله و نعم الوكيل
امال الافكار التعبانه اللى فى مخ اولادنا من ايه
من الحاجات دى طبعا
ربنا يعافينا يارب
:)

catroz said...

المتوحد....

ولا يهمك مع انى كنت عايزه اقراء
فعلا فى حاجات كتيره تفقع مراره الواحد فى البلد
بس هى دى مصر حبيبتنا
زى ما فيها الوحش
فيها الحلو برضه
منور البلوجايه
..........:)

Anonymous said...
This comment has been removed by a blog administrator.
catroz said...

لا حول ولا قوه الا بالله

Anonymous said...

iهى بلد لا يحترم فيها انسان

هيا بلد اصبحت مجالا للخداع والسرقه

هى بلد امتلئت بالثعالب

ياااااااااااااااااااااه يجولى بخاصرى

اشياء وانا لله وانا اليه راجعون

ولكن تظل مصر دونن عن مافيها هى مصر الشموخ

(وش بيعيط)

catroz said...

atwa_sad...

فعلا بيحصل حاجات كتيره تتعب الواحد نفسيا و جسديا
و انا لله و انا اليه راجعون
لكننا نحب مصر مهما كانت
و هنقول
ليت الزمان يعود يوما
حاجات كتيره كانت ممكن تتغير
...:)

Hossam said...

hi carroz
really ur blog is gr8 one
ur topic is too subjective and real happened to me
anyway hope be a frinds and hope send me ur msn
bye bye

catroz said...

شىء من خيالى...
منور البلوج و ميرسى اوى على كلامك
اتمنى ااشوفك تانى هنا
.......:)

Anonymous said...
This comment has been removed by a blog administrator.
catroz said...

لا حول ولا قوه الا بالله
و اخرتها يعنى...

§a§a said...

الكل ماشى بيقول انا مالى انا ايه
اللىيسرق يسرق مليش دعوة

طالما الكل بيقول كدا يبقى اللى عاوز يسرق يسرق اللى عاوز يعمل اللى عاوزة هيعمله

حسببنا الله ونعم الوكيل

Momo said...

mabroook ya amar ..

This blog does not allow anonymous

;)

catroz said...

§a§a...

شكلك شايل كتير اوى من البلد دى
اول مره احس فى كلامك كده
اكيد فى ناس محترمه و كويسه يا صاصا

..........:)

..............

MoMo...

الله يبارك فيكى يا بنتى ياااارب
....:D
كده احسن و الله..
بلا وجع دماغ..((

نيهاااااااااااع..:D

The Manager said...

هو انتى كدة يا فيروز مفيش عليكي ذنب إن شاء الله فى موضوع السرقة دة
----------

انتى عملتى إللى عليكي
والعسكري هو إللى قصر فى واجبه

----------

جزاكى الله خيرا على الموضوع :)

catroz said...

The Manager ...



طيب الحمدلله
يارب بجد ميكونش على ذنب فى الموضوع ده كله
صعبان على الشخص اللى اتسرقت عربيته منه اوى
......:(
العسكرى قصر فى واجبه جامد اوى
ربنا يحفظنا من الناس دى

و جزانا و اياكم يا سليم..:)

عمرو غريب said...

الموقف الي انتي بتحكي علية دة امر طبيعي و بيحصل كل يوم لان كل الحكاية ان بتاع الامن دة الي ما عملش حاجة او المخبر الي بيسيب الحرامي او بتاع المرور الي بيعدي العرابيات الي معلهاش نمر والي والي الخ كل دولت بياخدو الي فية النصيب و يسيبو كل حاجة علشان هما اصلا مش لقين ياكلو فلما يجلهم فرصة زي دة لازم يعملو كدة

catroz said...

عمرو غريب...

هو بيحصل كل يوم لكن معتقدش ان ده يعتبر امر طبيعى يعنى
احنا اللى اعتبرناه طبيعى لاننا بقينا نشوفه كل يوم
كل دى مشكله ضمير فى الاخر
الراجل ده لو ضميره بيوجعه مكانش هيعمل كده اكيد
كان هيتصرف تصرف تانى
بس هنقول ايه بقى
يلا الحمدلله
منور البلوج يا عمرو
(:............

break said...

حسبى الله و نعم الوكيل
الا قوليلى العربية كانت حلوة ولا وحشة
عشان اشوف مقدار التحسر اد ايه

catroz said...

break ...

جامده و الله يا بنتى
ربنا يصبرهم بجد
حسبى الله و نعم الوكيل فعلا

USaMa said...

يمكن العسكري خاف منخم
و المشكلة دي بقت موجودة للأسف في المصريين عامة!

عالعموم هو كان المفروض يتصل بالأمن و يروح بنفسه ربنا يجازيه بقه

بس سؤال صغير يا كاتروز

هو عسكري شرطة ولا أمن بتاع قرية سياحية مثلا؟

D◎◎dy §okara said...

انتى عسل اوى ياكرتوز بجد والله يخرب عقلك دمك سكر بجد ومدونتك جميله جدا ومفهاش اى تكلف وقصص جميله بجد بتضحكنى مووت بجد مدونه رائعه انا مش لاقيه كلمه اكتر من كده اعبر بيها بجد ربنا يوفقك ياجميل

smraa alnil said...

وريني بقي شكل الواد دة عشان هعلم عليه

لا مش هعلم عليه
دة انا هخرشمه
حسبي الله ونعم الوكيل
الساكت عن الحق شيطان اخرس
اظن ان الشيطان الاخرس دة مش كان هيخسر حاجة لو كان علي الاقل اتصل بالبوليس او بادراة المرور

اسمحيلي اصوت في مدونتك من القهر واقول

يا لهوووووووووووووووووووووووووي

catroz said...

USaMa...

ما هو لو خايف كان ممكن بتده حد من زمايله
ربنا يجازيه بقى
بس هو كان من اللى بيلبسوا ابيض دول
تقريبا يعنى بتوع الامن اللى من القريه نفسها
بس ليه السؤال ده
.....:)

catroz said...

D◎◎dy §okara ...

انتى الاجمل و الله
البلوجايه بسيطه و مفيهاش حاجه يا بنتى
ربنا يكرمك يارب
كلامك رفعلى روحى المعنويه كتير اوى
:D

catroz said...

smraa alnil...

على رايك فعلا شيطان اخرس
و الله ما عارفه كان هيكلفه ايه لو حتى كان حاول يعمل اى حاجه يعنى
مش صعبه عليه ولا هيتضر ولا بتاذى
حسبى الله و نعم الوكيل بجد
صوتى يا بنتى براحتك صوتى
محدش واخد منها حاجه و الله

علاء عارفين said...

بلد الامن و الامان


هههههههه

USaMa said...

علشان لو كان شرطة كانت تبقى مصيبة أكبر :)

catroz said...

DR_NIGHTWING...

اهو ده بقى الهم اللى يبكى و الهم اللى يضحك

...........

USaMa....

فى الاول و الاخر كلها مصايب..
ربنا يرحمنا برحمته بقى..:)

عابرة السبيل said...

ههههههههه مش جديدة
امال كل الجرائم دى بتحصل ليه؟
علشان الامن مستتب وثابت فى الارض ما بيتحركش
سلام عليكم

rack-yourminds said...

هو انتي مش عملتي اللي عليكي ,وبلغتي رجال الامن

يبقي خلاص بقي

تحياتي لكي

catroz said...

3abratalsabeel..

ايوه مستتب و ثابت فى مكانه
لا حول ولا قوه الا بالله

..............

wahed....

الحمدلله عملت اللى على
تحياتى لك
.......:)

mohamed said...

ياستى على اذا كان رب البيت بالدف ضارب

mohamed said...

ياستى على اذا كان رب البيت بالدف ضارب

Ahmed Mohamed said...

مش حكاية ضمير
اكيد بتاع الامن ده متواطء معاهم
لاء وكمان بيراقب ليه الطريق
وده اسمه
((((الشرطه في خدمة الحرميه ))))