Friday, October 19, 2007

خايفه اتعلق بيك ...




خايفه اتعلق بييك

و اصحى و انام على حلم بيك

و اشوف احلامى فى عينيك

و اعيش و انا بين ايديك

و فى يوم الاقيك

بتبيع زى اللى قبليك

و تموت قلبى معاك

قلبى اللى هواك

قلبى اللى عاش ليك

و ساعتها لازم انساك

بس قلبى مش هينساك

انسى ازاى انى حبيتك

انسى ازاى عمرى معاك

انسى ازاى عينيك

انساااك ..!

و ابقى قتلت قلبى اللى هواك

قلبى اللى عاش بهواك


bye2.gif

35 comments:

safa7_karmooz said...

قرف يقرفك....

اينعم هى حلوة

بس قولتلك عايز حاجه تفرح

mohamed said...

جميل بس نكد

ربنا يجعلها اخر الأوجاع

ولــــــــــو said...

اعتقد ان القلب والعقل لا يتقابلان
اذا اعطيت المشاعر دماغ لتفكر ستصاب القلوب بالصدأ
عيشي التجربه والزمن كفيل بمعرفه النهايه
وسواء كانت حزينه او سعيده
فعلى الاقل لن تندمي على تجربه كان من الممكن ان تعطي للحياه معنى اجمل

break said...

:(
دا حتى العيد لسة خلصان

حلوة بس متكتريش من الغم ده

safa7_karmooz said...

قوليلها يا بريك ياختشى :p

amro said...

هاااى كاتروز
هايلة والله
انت بقاللك كتير بتكتبيش شعر
انت موهوبة فى كتابة الشعر والخواطر
نسيت اقولك كل سنة وانت طيبة
وبتذر على انى اخرتها
تحياتى ليك ولمحمد اسامة
وكل الاهل

>>KEMO_LION said...

ههههههههههه
ايه الكومنات العسل ديه
بس بجد حلوة جداً
بس كفاية عليكى كده بقى

احساس لسه حى said...

عزيزتى
من حقك تخافى بجد
الخوف خليه جواكى لحد ما تتاكدى لما تشوفى احلامة انه يكون بين ايديكى
اوعى تدى مشاعر لحد متعرفيش مشاعره ايه نحيتك كويس
تحياتى يا افندم اسلوبك جميل وسهل
سلاااااااااااااااام

Big Code said...

كلمات رائعة
بس عاوز اقولك ان مش كل الناس زي بعض
ان كنا اتجرحنا في حب وهمي فالحب الحقيقي لازم يبقى مختلف كتير
متخافيش من الحب

تحياتي

كفايـة طيبـة said...

:) :)

بتنقى صورك بمنتهى الدقة يا كاتروز :D

واحدة مقتولة وكاتبة بدمها " آي لوفد يو " وانتى كاتبة خايفة اتعلق بيك

كل ده ومتعلقتش ؟؟ :D

بالنسبة للكلمات فهى صادقة كما عهدتك دوما
:)

Dead Man said...

لا كالعاده حلوة ياروز ومش كئيبة ولا غم لا حلوة قوي كمان واسلوبها سهل جدا ومش صعب علي اللي يقراه طبعا ودي طبيعه كتاباتك :)

Ahmed Al-Sabbagh said...

أظن جميل اوى اننا نعبر عن الاوجاع اللى داخلنا بالشعر

انا شخصيا استمتعت بيها جدا

DR_NIGHTWING said...

انا بقالي كتيييير مبدخلش مدونتك الرائعه

بس كويس اني جيت

لا بجد جميله فعلاً . . استمري . .

لا بجد بتخلوا الواحد يبقى شكله وحش لما بيكتب . .

MONDAHESH said...

عندك حق

catroz said...

safa7_karmooz...

انت غريب يا اخى
مش عجبتك
خلاص بقى متتكلمش :P

.............

mohamed ...

فعلا نكد شويه :(
يااااااارب بجد تبقى اخر الاوجاع

catroz said...

ولــــــــــو...

مينفعش نتخلى عن حاجه منهم
يبقى فى عقل و قلب
لكن احيانا الواحد لما بيخاف
بيفكر بعقله بس
برضوا الواحد يخاف يعيش تجربه
مش عارفه اخرها ايه
زى ما ممكن تدى للحياه معنى
زى ما ممكن تقتل الانسان من جوة ..:)

catroz said...

break...

فعلا العييييييييييد لسه اهو
كل سنه و انتى طيبه بقى :D

معلش حبه و حبه
والله عايزه ابطل هم مش عارفه ..:)

...............

safa7_karmooz...

تااااااااااااااااااااااااااانى ..
مش هرد عليك :p

catroz said...

amro ...

لااا انا بكتب على طووووووووول
بس مش اى حاجه بكتبها بجيبها هنااا :D
ميرسى بجد على كلااامك
منورنا و الله
و كل سنه و انت طيب نيابه عنى و عن محمد ..
تحياتنا لك .:)

catroz said...

>>KEMO_LION<<.

كيمووووو..
فييييييييينك .. عاش من شافك يا ابنى
يارب تكون بش مشغول فى حاجاه مهمه
ربنا يكرمك
و منورنا بقى بجد

catroz said...

احساس لسه حى..

طبعا مش ممكن ادى مشاعرى لحد
و ابقى مش متاكده منه
بس ساعات حتى بتبقى عارفه
و برضوا خايفه
موضوع معقد حبتين تلاته :)

catroz said...

Big Code...
اكيد مش كلوا زى بعضه
بس دا شعور جوة الواحد ساعات مبيعرفش يتخلص منه
زى ما البنت حاسه هنا فى الكلام اللى كتبته
منورنا بجد
و تحياتى لصاحب ارق مدونه رايتها ..:)

catroz said...

كفايه طيبه ...

ايوة يا بنتى
دا ماتت عشان بتحبه
دى اتعلقت و اتعلقت بيه اووووووى كمان :)
و فى الاخر .. ماتت !!

سيبك انتى .. وحشتينى يا قمرايه ..:wub:

catroz said...

Dead Man....

دييد ماان
كلامك و الله على طوول بيرفع من روحى المعنويه
بجد بجد يعنى ..:)

اهم حاجه انك مش شايفها كئيبه ولا غم
:D

..................

Ahmed Al-Sabbagh...

مبسوووطه لانك استمتعت بيها بجد

منورنا .. بجد

catroz said...

DR_NIGHTWING...

اجمل بوجود حضرتك و الله
و بعدين انت بتكتب حاجات احلى من كده بكتيييييييير فعلا
متغيبش عننا تانى بقى
تحياتنا ..:)

............

MONDAHESH..

تفتكر ممكن ابقى غلطانه ..!!

§a§a said...

جامدة جدا

catroz said...

§a§a ...

دا من زوقك بس
منورنااا ..

عطاالله النديم said...

اعتقد ان الباقى هو التفكير العقلى و خاصة فى تلك الأمور
أى مثلا ما النهاية المتوقعة .. وهل المستويات المعيشية متقاربة
أظن هذا
يقولون عن الحب
انه مثل القلعة الحصينة .. من بداخلها يريد الخروج منها .. ومن خارجها يتمنى الدخول لها ولو دفع نصف عمره .. طبعا كل شخص له تعليقه الخاص على هذه المقولة

Selfmeaning said...

تعبيرات حلوة اوى

و صراع جامد جدا

بس يا ترى هتختارى انهى واحد؟؟؟؟

catroz said...

عطاالله النديم ...

مثل القلعة الحصينة ..
من بداخلها يريد الخروج منها ..
ومن خارجها يتمنى الدخول لها ولو دفع نصف عمره

عجبتنى اووووى .. مع انها مش دايما صح

و اكيييد لازم كل حاج نفكر فيها بالعقل..
عشان منخسرش اى حاجه بعدين

catroz said...

Selfmeaning...
مممممممم
لسه مش عارفه..

Selfmeaning said...

لا لازم تعرفى

عشان مضيعيش وقت

>>KEMO_LION said...

ايه الجمال ده
كتير حلو هيدا البوست

catroz said...

Selfmeaning..

ما خلاص .. الوقت ضاايع ضاايع :D

.............

>>KEMO_LION<<....

ههههههههه
كيمو نبو لوك
من لبنان
مبسووطه انك عجبك يا ابنى :D

Selfmeaning said...

انتى شكلك بعتى القضية

UNIQUE said...

كلمات بسيطة وجميلة فعلا

keep on !