Wednesday, May 21, 2008

غرقانه فى كبايه شاى ..

فى ناس تحب الشاى بالنعناع ..

زى ما فى ناس تحبه باللبن


خالى دسم او كامل .. ... ناس و ناس

فى ناس تحبه سكر زياده

زى ما فى ناس تحبه من غير سكر..

فى ناس عشان عندها السكر ... بتحط نوع سكر معين..

فى ناس تحب تشربه سخن .. زى ما فى ناس بتحبه باارد ..

فى ناس تانيه مبتحبهووش خالص ..

فى الاول و الاخر احنا غرقانين فى كبايه شاى ...

و مش عارفين نخرج منها ..

***

بس دا مش معناه ان كبايه الشاى تبقى كبايه شاى من غير السكر او اللبن ..

هو الموضوع مختلف من شخص لاخر.. حاجه نسبيه كدا ...

مش عارفه هى ماديه ولا معنويه ..

بس بتختلف على حسب الظروف اللى عاشها الشخص دا ...

او المواقف اللى اتحط فيها زمان ..

هل بيبقى السكر عنده شىء اساسى ..

ولا لانه كل مرة يبقى عاوز سكر ميلاقيهوش..

فاتشال من قائمه الاشياء الاساسيه فى الشاى ..

اهو ساعتها هييجى ليه وقت .. لو حطلتوله سكر فى الشاى ..

هيستغرب الطعم ..

لانه خلاص فى كل مرة احتاجه ملاقاهوش جنبه

فعاش شاى بس من غير سكر..

اهو ساعتها ..السكر هيبقى خسر كتير اوى

4 comments:

كفايـة طيبـة said...

ازاى السكر خسر كتير ؟؟؟

الكلمة دي خليتني مش فاهمة البتاعة كلها بعد ماكنت قربت افهم :D

Unknown said...

أنا بحبه سكر زيادة أوي

للغاية يعني

مرة قعدت على قهوة كده وحطيت 17 معلقة سكر

:D

Dr Gad said...

انا توهت

:nesto:

catroz said...

كفايه طيبه ..

يا بنتى هو موضوع كبير كبير كبير :D

................

amr ...

انا بحب السكر ذات نفسه
ياريت يعرف بس

بس 17 معلقه سكر كتير اوى
كده يخلص منك بسرعه :D

.................

deadman...

بص .. هى عامله زى المسقعه كدا :D
و الرز بلبن و مشتقاتهم ..