Thursday, May 15, 2008

Every Single Moment..


الشتا قبل اللى فات .. كنت بتمشى معاه كتييير بالليل ...

و انا راجعه من الكورس عشان بخلص متاخر كان بييجى ياخدنى..

و نتمشاها لحد البيت ..

و ماسكه ايده و هى دافيه اوى و انا ايدى بردانه...

بجد كنت ببقى مبسوووووطةةةةةة اوووووى و انا ماشيه معاه

على قد ما كان فى بيننا خلافات و مشاكل

بس التمشيه معاه و الكلام معاه حلوين اووووى

بجد كان انسان حلو من جوة اوووووى ..

كل ما ابقى بردانه افتكر ايده الدافيه

يمكن اول حاجه خلتنى احس انه خلاص فى اخر لحظاته

ان ايدة كانت بارده اوى

كنت ماسكاها و بحاول ادفيها على قد ما اقدر بس برضوا ..

البروده بتزيد فيها ..

كانت لحظات ..بتمنى تتمسح من الذاكرة

فاكرة ايام كنت و انا صغيرة بنام جنبه على السرير فى عز البرد

و ياخدنى فى حضنه

وحشتنى اوى ضحكته من قلبه .. صوتها كان مميز اوى

وحشتنى نظرةعتاب منه ..او حتى كلمه

وحشنى اوى لما كان بيقولى انتى مجنونه زيي و انا صغير

ولا لما نرخم على بعض على المسنجر ..

و الحوار ينتهى بانى اقوم اعمله كبايه شاى


مفيش مكان فى البيت مفيهوش صورة ليك

على الحيطه ولا فى محفظه ولا حتى فى صوره حاطاها جوة كتاب

ولا على ديسكتوب فى كمبيوتر

ولا حتى صوره مجسده بصوت ضحكه ليك فى قلوبنا

لحد دلوقتى اوسى بتسال عليك

مفيش مرة كلمتها على فون ولا شفتها الا و تقولى عمو فين

و نفس الرد اللى بيتقال بتنهيده

عمو مسافر يا حبيبى

و اقنعتها انك مسافر فى مكان مفيهوش تليفونات ..معرفش ازاى

مش عارفه امتى هييجى يوم وتنسى تسالنى

او حتى ييجى يوم اقدر افهمها اللى حصل

بتبقى مبسوطه اوى و هى بتلعب بلعبه انت جبتهالها

او لعبه حد فينا جابهالها باسمك

فاكرة اوى يوم امتحان الفلسفه فى تالته ثانوى

كنت سهرانه يومين عشان اخلص الماده

ويوم الامتحان الصبح انت اللى وصلتنى

فاكرة ان يوميها ضحكنا بطريقه محصلتش

كنت انا فى حاله اللاوعى

و انت بتحاول تفوقنى باى طريقه

كانت ايام حلوة بكل ما فى الكلمه من معنى و الله

نفسى احكيلك حاجات كتيييير بتحصل

اخد رايك فى حاجات كتيييرة اوى كمان

نفسى تتشال من على المسئوليه اللى انا مش قدها دى

نفسى يكون فى حد اترمى فى حضنه تانى و احس بالامان

يااارب ..
...................

b4 u sleep close ur eyes and remember me ...

("v").. miss u like crazyyy


13 comments:

Darsh said...

انتي قولتي فوق جملة كويسة

i'm ur mind

على فكرة كنتي كده فعلاً في البوست ده

و على حسب ما فهمت انا

ربنا يرحم آبائنا و أمهاتنا أحياءا و أموات ...

البلوج على السريع جميل ...

لما أخلص من زحمة الأمتحانات ان شاء الله هاخد أول تاكسي و آجي تاني

dramaqueen said...

البوست جميل والمدونة كلها جميلة وفيها شوية كلمات تجنن زى الكلمات اللى على الجنب او فى البوستات نفسها

اما عن البوست دة
مفيش احسن من اننا لما نفتكر هم ندعى لهم بالرحمه وبين وقت والتانى نفتكر ذكرياتهم الجميلة معانا ونحاول نعمل كل حاجة نقدر عليها عشان يفتخروا بينا

واحدة مفروسة said...

معلش يا بنوته
ديه سنة الحياة
يارب كل واحد يفتكر يعمل عمل واحد كويس الناس تفتكره بيه

اما المسؤليات...فربك موجود...ارمى حمولك عليه

كفايـة طيبـة said...

:) :)

قلب محطم said...

قد ايه كلامك اثر في لاني عارفة قد ايه صعب انك تفقدي الدفا وتشتاقي للذكريات الصغيرة ..
لما مسكت ايده كانت لسة دافية بس قلبه ما كانش بيدق زي ما عودني
كل اللي قدرت اقولهوله هتوحشني اوي يا بابا هتوحشني اوي

ربنا يرحمنا ويرحم اباءنا وامهاتنا

Unique said...

ربنا يرحمه ويرحم اموات المسلمين جميعا

الصبر

نبض اسكندرية said...

أوجعتنى قوى بالكلمات دى

صبرك الله على الفقيد وصبرنا الله على جميع موتنا

اللهم ادخلهم فى رحمتك وتغمدهم بعافيتك وسترك

تحياتى

Big Code said...

مش حل انك تمسحي الذكريات دي من الذاكرة لكن انك تحتفظي بيها مدام ذكريات جميلة


أكيد نجاحك في حياتك وتحملك للمسؤلية
هايخليكي حاسه بروحه معاكي وبتشجعك

ربنا معاكي

catroz said...

darsh...

اللهم اميين ...

ان شاء الله الامتحانات تخلص و تيجى تنورنا من تانى ..:)

.............

dramaqueen ...

الزكريات الحلوة دى بتبقى صبه اوى
لما تفتكرى حاجه حلوة مش راجعه تانى ..:)

ربنا يرحمهم ..

catroz said...

واحده مفروسه ..

و الله اللى مصبرنا بس اننا راميين حمول كتييرو اوى على ربنا ..:)

...........

كفايه طيبه ..

بحبك اوى على فكرة

catroz said...

قلب محطم ..

هيوحشونا اوى تاانى لسه
داحنا كده و معداش الا سنه واحده بس

ربنا يرحمهم ..

...........

unique...

اللهم امييييين ...

catroz said...

نبض الاسكندريه ...

ياارب ..

منورة البلوجه ..:)

.........

big code ...

فى زكريات حتى لو حاولت امسحها مش ممكن تتمسح..
روحه نفسها موجوده فى اخواتى ..
..:)

ann said...

~.....................................................