Tuesday, June 10, 2008

حبه طرطشه ..

القلب عمرةما بيفكر
المخ بس هو اللى بيفكر
القلب عشان يوصل الدم لجسمنا كله و بس
العقل..هو اللى بيفكر ..بيحس ..بيحب ..بينجرح وبيتالم
مش القلب ..

*****************************
لو كنا عارفين ان النهارده مش هيتكرر ... كنا هنستغل كل لحظه بطريقه مختلفه

*****************************
كان مجرد جثه هامده ..
دا الانسان بعد ما مات
مجرد جثه هامده لا غير

*******************************

الحب و الموت مرتبطن ببعضهم بطريقه غريبه اوى
*******************************

مبقتش احب كلمه و انتى كمان
كنت على طول بقولها "بحبك" و اسمعها وانتى كمان
امبارح قلتها بحبك" والرد كان"بعشقك" لحد دلوقتى سامعه الكلمه جواى
الحب دا شىء غريب اوى
بهدله و قرف و غيرة و حاجات كتيرة مالهاش لازمه
بس برضوا مجرد فكرة انك تعيش حياتك من غيرالشخص دا شبه مستحيله
مجرد انك تقدر ترسم حياتك بكرة و الشخص دا كان شىء اساسى منها
فتى الاحلام اللى كان بييجى على حصان ابيض
هو يمكن مجاش على حصان ابيض
بس احلى مما رسمت فى خيالى
هنعمل ايه .. الحب ..:)

************************************


الابطال دول حاجه غريبه اوى
او انا بس اللى بحس انهم حاجه غريبه يعنى
الرجل الاخضر و سبايدر مان
لبسهم غريب اوى
من ناحيه معينه شكله مضحك
خصوصا سوبر مان
مش منظر دا اصلا
بقيت احس انهم كلهم شبه الراجل بتاع ميلودى تتحدى الملل
:S

********************************

مفيش حد ملاك .. و عمرك ما هتلاقى حد ملاك
كل انسان ومليان عيوب
بتطمن لما الاقيى عيوبه ظاهرة قدامى
مبقتش استريح فى التعامل مع الناس الخاليه من العيوب
بعرف ان فى شىء خطير مستخبى تحت قناع البراءه ده ..:)

***********************************

الحب اللى بيذل الواحد .. و بيدوس على كرامته
سيبنا منه
خلينا مع اللى نحبهم و يحبونا و يحافظوا علينا
حتى الحب بين الاصدقاء و الاخوات واحد و واحده
بلاش الحب اللى بيذل

************************************

عشان عاوز توصلى فكرة معينه
و منتظر رد فعل معينه
طلعت شكلك .............قدامى
بجد خسرت كتير اوى ..مقابل لا شىء ..:)

*************************************

اصاله بتقول : وفاات الوقت ..وجيت دلوقت .. و انا مضطرة ااقولك لاء..لاء..لاء..

**************************************

مش مشكلتى بقى لما متصدقيش
سالتينى مرتين و كانت نفس الاجابه
معتقدش ليكى الحق فى انك تدخلى فى خصوصيات اكتر من كده
لو عاوزة احكيلك هحكيلك .لو عاوزاكى تعرفى هتكونى اول واحده تعرف
بس دا شىء انا فضلت احتفظ بيه لنفسى
متحاوليش تعرفى ..عشان فعلا مش هتكلم ..

***************************************

حاسه انى مستنيه بقالى سنييين و سنييين عشان اشوفها
مستنيه اليوم دا فتره كتيرة اوى من عمرى
بحلم بس بحضنها بقالى شهوور
مش مصدقه انى خلاص هقدر اشوفها و اخدها جوة حضنى
مش مصدقه فعلا ..:)

***************************************

و تفيييد باييييه يا ندم .. اااه يا ندم ..ااه يا ندم ..



12 comments:

whisper TaNgOoO said...

انا جه
ايه ده يا روزى
كل ده جواكى

فضفضى فضفضى ماحدش واخد منها حاجه

زهرة الياسمين said...

ايه الطرطشه دى كلها

No Fear said...

السلام عليكم
بوست خزعبلي رائع
ربنا يوفقك دايما

Ana keda said...

هههههههههههههههههههههههههههههه

هو ايه النظام

كل ده جواكى نفسى اعمل الحركة دىاكتب كل حاجة وخلاص من غير اى ترتيب وتنسيق

حالة جامدة مووووت

يا رب بتبقى بخير ومبسوطة وانتى حرة الى انتى عاوزة تعمليه تعمليه اهم حاجة تكونى مرتاحة

Selfmeaning said...

طرطشة جميلة

خصوصا

عشان عاوز توصلى فكرة معينه
و منتظر رد فعل معينه
طلعت شكلك .............قدامى
بجد خسرت كتير اوى ..مقابل لا شىء ..:)

****************


مفيش حد ملاك .. و عمرك ما هتلاقى حد ملاك
كل انسان ومليان عيوب
بتطمن لما الاقيى عيوبه ظاهرة قدامى
مبقتش استريح فى التعامل مع الناس الخاليه من العيوب
بعرف ان فى شىء خطير مستخبى تحت قناع البراءه ده ..:)

catroz said...

whisper TaNgOoO ....

وانت منور ..:D

شفتى يا ستى .. دا ولا حاجه من اللى لسه جوة
دنا كده و ساكته:D

...............
زهره الياسمين ..

مالها الطرطشه دى كلها ..

catroz said...

no fear ..

فعلا هو زى ما بتقول كدا
منورنا ...


..............

ana keda ..

بسيطه

امسكى ورقه و قلم و شخبطى فيها بكل بساطه ..

هتلاقى كلوا طالع من جوا ..

ويارب انتى كمان اشوفك على طول مبسووطه و كويسه كده ..:)

catroz said...

selfmeaning ..

انتى الاجمل ..:)

may said...

رسايل ملغومه وكل لبيب
بالاشاره يفهم :)
حلوه اوي الفضفضه دي


عجبتني دي اوي
القلب عمرةما بيفكر
المخ بس هو اللى بيفكر
القلب عشان يوصل الدم لجسمنا كله و بس
العقل..هو اللى بيفكر ..بيحس ..بيحب ..بينجرح وبيتالم
مش القلب ..

اتقالتي قبل كده
بس مقتنعتش
بس حاليا مقتنعه نص نص :D
تحياتي

Sharm said...

صيف سعيد ليك و للكل

catroz said...

may..

للأسف ان فى ناس فهمت الكلام عليها و هو مكانش عليها ولا حاجه :)

منورانى ..


..............

sharm ..

هيبقى سعيد لينا كلنا ان شاء الله ..

ann said...

~.....................................................