Sunday, July 06, 2008

HaPpy BiRtHdAy For My MiNd..

من شهر و يوم كان عيد ميلاد البلوجايه النونو دى

مكنتش ناويه اعملها عيد ميلاد عشان كان طالع فى بالى اقفلها

بس ما علينا مادام لسه مفتوحه اهى .. نعملها عيد ميلاد ..

.........


مش عارفه ابتتدى منين ولا منين ..

مممم ... اقولها كل سنه و انتى طيبه و مبسوطه معاى

ولا كل سنه و انا واجعه قلبك انتى كمان

دى البلوجايه مش حد تانى :D

كل سنه و انا عماله بفضفض فيكى و بشتكيلك

ولا بحكيلك حاجات بسطتنى

فاكرة اول ما عملت البلوجه كانت حالتى النفسيه كويسه على غير العاده

ايام زمان يعنى

بعد ما عملتها بالظبط ب 15 يوم تقريبا

حصلت حاجه فى حياتى غيرت فى كتيير اوى

بدل ما كنت بكتب كل بوست و التانى و لايق على اللون الروز

بقى كل بوست ييجى كئييب اكتر م اللى قبليه

لحد ما فى الاخر عملت بلوجايه على جنب لنفسى تانيه و سميتها

" i miss ur blue eyes.. "

كنت مخبياها و مازلت و هتفضل كده بعيده عن كل شىء ..

و بعديها بفتره كده بقيت انا و محمد اسامه مع بعض فى البلوج

اهو كان اى تغيير يمكن يعنى كانت البلوجايه ترجع زى الاول

و مكتبش غير بوست واحد كئيب برضوا

و طبعا سمعنا تعليقات بالهبل انا وهو ..

و ناس بتدخل تقولنا ربنا يوفقكوا مع بعض و بتاع

و اصلا كنا كاتبين بخط احمر كبير اننا اخواااات

كنا بصراحه بندخل نقرا الكومينتس و نقعد نضحك عليها و منعرفش نرد

وبعدييييييين

safa7 karmOoOoOoOoZ

عمل بلوجايه نونو كده رقيقه اوى اسمها

Words...just words

و كنت معاه فيها ..

حاولنا نطلع شويه حاجات و نرجع نكتب تانى زى الاول

بس اهو .. هنعمل ايه

قولوا بقى لزمان يرجع تانى

تقريبا هيكمل فيها لوحده بعد كده ..:)

***

عموما يعنى مش قضيتنا مين راح فين ومين جه منين

هى كانت سنه غريبه اخرى من حياتى

اتعلمت و غلطت و فرحت و انبسطت و اتجرحت و اتالمت

يمكن النسب مش متقاربه

بس هو الواحد خلاص بقى عارف انوا لما يفرح ميفرحش اوى

عشان لما ييجى يوم و نحزن منحرنش اوى برضوا

عرفت ناس كتيرة اوى .. قطعت علاقتى بناس كتيرة اوى

بسبب و من غير سبب

و محدش يسالنى ليه ..لانى انا نفسى مش عارفه

بس مكنتش عاوزة اكمل حياتى و انا حاسه انى اعرف نص الشعب المصرى

ناس كتيرة اوى اتعملهم بلوك و ديليت من حياتى اصلا

وفعلا بدون اى سبب

و ناس عرفت قيمتها اكتر و قربوا منى اكتر

و ناس عرفت انهم اصحابى بجد

مهما بيحصل و بنبعد و بتفرق بيننا بلاد ولا مسافات

لما بحتاجهم بلاقيهم جنبى

بلاقى معاهم احساس جميل اوى

حبيت .. بكل ما فى الكلمه من معنى

بس الحمدلله

يمكن بقيت عارفه اكتر انا عاوزة ايه

"يمكن" مش اكيد يعنى :D

اتغيرت حاجات كتيييييرة اوى فيا

نفسى ترجع زى الاول

و حاجات كتيرة اوى فيا مبسوطه انها اتغيرت ..

عرفت شخصيات كتيرة اوى على حقيقتها

ناس بتتمنالك كل شىء سىء

مش لانى عملت فيهم حاجه وحشه ولا بتاع

لا لمجرد الاذيه

يلا ..ربنا يسامحهم ..:)

اهو محدش بيتعلم ببلاش

فى النهايه

كل سنه و انتى طيبه

كل سنه و انتى بتسمعينى

كل سنه و انتى بتشوفى انجازاتى فى الحياه

و كل سنه و انتى بتشوفينى بتجنن اكتر و اكتر

و مش هقولكوا كل سنه و انتوا طيبين بقى

كل يوم و انتوا طيبين و مبسوطين و بتكتبوا اكتر و اكتر

***

السؤال بقى اللى كل الناس كاتباه


تفتكروا بعد 5 سنين هتلاقونى لسه هنا عماله بكتب

ولا هبقى اعتزلت الكتابه و غرفت فى الحياه اللى برا..

14 comments:

maioya said...

كل سنه وانتي طيبه
والبلوجايه طيبه
وبعد 20 سنه
نفضل بردو
ندخل هنا ونقرالك كتير;)

الستة بتوع صيدلة said...

كل سنة وانتى طيبة وان شاء الله بلوجك يفضل عامر بحسك طول العمر
:d

الزهراء said...

ازيك يا روزة

كل سنة وانتي طيبة

وكل سنة والبلوج طيوبة زيك

بعد خمس سنين هتكوني بتكتبي ان شاء الله برضو
وهتبقي البلوج احلي واحلي .. :)

وهتكوني انتي نفسك -ان شاء الله - في مود مبسوط زي اول ما عملتي البلوج





المهم هتجيبي هدية للبلوج ولا هتنفضي :D

Dead Man said...

كل سنه وانتي والمدونه بخير يا روز و اوعي تفكري تقفليها دي واحده من اكتر المدونات اللي بحبها

اوعييييييييي

Big Code said...

كل سنة وانتي طيبة
ومدونتك طيبة
وبعد خمس سنين برضه هاقولك كل سنة وانتي طيبة

Selfmeaning said...

كل سنة و بوجى بتاعك بخير

و بعد كده جو الكأبة دا انتى بس اللى

عايشة فيه

مفيش حاجة تستحق الجو دا ارجعى افرحى

عشان بعد 5 سنين متوقعة انى القى شعرك

منعكش و كل ساعة بتكتبى بوست جديد

و انا ارد عليكى لانى هبقى اتجننت قبلك

:)

Semsema28 said...

تقفلي بلوج ايه بس؟؟

انتى اتجننتى

اوعى يابنتى تقفليها ابدا

دى هى الحاجه الوحيده اللي بنطلع فيها كل اللي جوانا

سواء فرح او حزن

كل سنة والبلوجايه مفتوحه وزى العسل زيك ياجميل

انا برده البلوج بتاعى عدى سنة بس مش هاتحتفل بيها

هههههههههههههههه

safa7_karmooz said...

مبرووووووووووووووووووووووووووكز

والله ربنا هوا العالم المدونة دى ليها معزة عندى بصاحبتها :D

الساقع بتاعى فين؟؟

catroz said...

maioya ...

و انتى طيبه يا جميل ..
ويارب تنورونى على طوول


..............

السته بتوع صيدله..

و انتوا طيبين
بس مين فيكوا بالظبط اللى كاتب الكومينت دا
lol

catroz said...

الزهراء ..

وحشتينى وحشتيييينى بجد يا بنتى ..
وكل سنه و انتى كمان طيبه
وربنا يسهل بقى كمان 5 سنين

بس اكيد طبعا جبت لها هديه
لما تفتحها هتبقى تقولكم :P


.................

dead man ...

وانت طيب يا ديد
بس خليها بظروفها بقى

:D

catroz said...

big code ..

وانت طيييييب

و يارب انت كمان بعد 20 سنه كمان نلاقيك

..............

selfmeaning ...

مش مكتئبه ولا حاجه يا بنتى
خلاص دا التبيعى بتاعنا
و بعدين هو احنا لسه هنتجنن
من زمان يا بنتى
ربنا يكملنى بعقلى B)

catroz said...

semsema28...

ايوة اتجننت:P

كل سنه و انتى كمان طيبه
و ابقى اعملى عيد ميلاد للبلوج بتاعك
و الا هخليها تزعل منك:D

catroz said...

safa7 karmooz...

الله يبارك فيك .. و عقبال ما نفرح قيك :P

ايوة ايوة مانا عارفه

و الساقع عليك .. مش دا كان اتفاقنا ولا اييه (",)

ann said...

~.....................................................