Sunday, September 07, 2008

Another Day ......


اولا البوست دا طويل و ممل و مالهوش علاقه بأى حاجه ..

عادى شويه فضفضه مع نفسى ..

مش لازم حد يقرأه يعنى ..مش مهم ...



------------------------


مومو .. يارب تكونى وصلتى بالسلامه ..


هفتقدك اوى الايام الجايه دى .. بس ان شاء الله الايام هتعدى بسرعه ..

اول مرة احس اوى ان النت دا اختراع عبقرى

يعنى تخيلى حياتى انا و انتى من غيرة .. كانت هتبقى رخمه اوى :D

الحمدلله ..الحمدلله على كل شىء ..

و فعلا حد بيقرب و حد بيبعد ..

بس اللى بيبعد ..مهما كان بعيد

مكانه فى قلبى محفوظ زى ما هو ..:)

***

لا طعم ولا لون


اهى ايام تانيه من الايام اللى مالهاش لا طعم ولا لون

ولا عارفه امبارح كان ايه ولا بكرة هيكون ايه

ولا حتى عايزة اعرف

اهى ايام بتعدى و خلاص شبه بعضها

و افضل استنى ييجى يوم يكون ليه لون او طعم

او حتى شىء تافه يكون علامه مميزة فى يومى

***



مش عارفه بجد ..

يعنى مش عارفه اشمعنى هو

و مش عارفه السؤال دا يبقى اعتراض على قدر ولا لاء

مقصدش يبقى اعتراض على قدر

هو الحمدلله على كل شىء

بس برضوا السؤال دا مش عاوز يروح من بالى بقالوا سنه ونص

اشمعنى ده

ما فى ناس كتيرة

ليه دا اللى مات

و ليه ساعتها

ليه دلوقتى

ليه فى اكتر وقت كنت محتاجاه فيه

عارفه انه مش من حقى اقول ليه

بس انا مش عارفه

مش متقبله الفكرة

عارفه ان دى حاجه مش بايدى

بس عايزة اسباب

حاجه تخلينى مقتنعه انه فعلا مات

مش نص الايام بتعدى و انا مستنياه يرجع

اصل هو مات ليه

لحد دلوقتى معنديش سبب مقنع

مجرد شىء عقلى يفهمه

عايزة بس سبب يخلينى اقتنع انوا راح و مش هيرجع تانى

حاجه تخلينى مستناش اكتر من كدا

مستناش الباب يخبط و افتح و يكون هو

مبقتش عارفه التفكير دا ضعف ايمان ولا ايه

انا بس محتاجه شىء عقلى يقدر يستوعبه

عارفه انى مبقتش عيله عشان اسال الاسئله دى

بس انا بجد مبقتش فاهمه

***



تفاصيل ..

فجأه عرفت ان التفاصيل البسيطه دى بقت تفرق معاى يوم

اتفه التفاصيل

حاجات مالهاش لازمه فى الوجود ..بس بتدى للحياه معنى

لما بتختفى ..بتروح معاها حاجات حلوة كتيرة اوى

ساعات بقيت اتجاهلها لانى اصبحت متعلقه بيها زياده عن اللزوم

كانت مع تفاهتها ..بتمثل شىء كبير اوى بالنسبالى


***



انا مهتمتش..


غريب اوى لما تكون محتاج حد جنبك

ومتلاقيش اقرب الناس ليك

و تلاقى اللى معاك .. هو الانسان اللى انت عمرك ما اهتميت بيه

و كتير كان بيبقى محتاجلك

وانت عمرك ما تكون موجود

بس فى المرة اللى احتاجت فيها حد

كان هو اول واحد واقف جنبك

غريب اوى بجد ان اخر حد ممكن يخطر على بالك ...

يكون هو اول واحد يهتم و يحس بيك

***

ما خلاص...


و عايزنا نرجع زى زمان ..قول للزمان ارجع يا زمان

و هات لى قلب لا داب ولا حب ولا انجرح ولا شاف حرمان

و تفيد باييييييييه يا ندم .. و تعمل ايه يا عتاب

طالت ..لياااالى ..الألم

و اتفرقوا الاحباب

و كفايه بقى تعذيب و شقى

و دموع فى فراق و دموع قى لؤى

تعتب على ليييه ..انا بايدى ايييه

***

حاجه نسبيه ..

ساعات بتبقى عاوز حاجه اوى

و من كتر ما انت عاوز الشىء دا بيتحقق

فى اصعب الظروف

مجرد ان جواك يقين ان الحاجه دى هتتحقق بتخلى الشىء دا يتحقق

حصلت كتير اوى

و ساعات بتبقى عاوز شىء معين اوى برضوا

بس انت خايف انوا يضيع منك

مجرد وجود الشك جواك بيخليه يضيع

ممكن من كتر خوفك على حد معين

بتقربه منك لدرجه انك بيتنفس هواك

من كتر خوفك عليه

بتموته ببطء


***


مقلتش حاجه ..


بنفضل ساكتين بس عشان الكلام ميتفهمش غلط

هنشيل جوانا عشان عارفين ان اللى هيتوجه له الكلام هيفهمك بأسوا الطرق دايما

حتى لو الكلام مش ليه .. هيفهمه بسوء نيه



***

برضوا تفاصيل عبيطه ..


عادى يعنى بندخل بلوجز كتيرة

ساعان نلاقى نفسنا جوة و ساعات لاء

مبتفرقش كتير

بنشوف صور و كل واحد كاتب حالته

وبيسمهنا ثونج بتعبر عن حالته

بتبقى حاجه لذيذه لما تلاقى اسمك فى شريط كدا على اليمين

مع بلوجز تانيه

لو ملقتش اسمك مبتزعلش

بس لما فى مرة تلاقى اسمك اتشال

بتزعل على فكرة

خصوصا لو فى بينك و بين الشخص دا علاقه شخصيه

مش عالم النت و بس ..:)

***

"When You're Gone"

I always needed time on my own

I never thought I'd need you there when I cry

And the days feel like years when I'm alone

And the bed where you lie is made up on your side

When you walk away I count the steps that you take

Do you see how much I need you right now

When you're gone

The pieces of my heart are missing you

When you're gone

The face I came to know is missing too

When you're gone

The words I need to hear to always get me through the day and make it ok

I miss you

I've never felt this way before

Everything that I do reminds me of you

And the clothes you left, they lie on the floor

And they smell just like you, I love the things that you do

When you walk away I count the steps that you take

Do you see how much I need you right now


We were made for each other

Out here forever

I know we were, yeah

All I ever wanted was for you to know

Everything I'd do, I'd give my heart and soul

I can hardly breathe I need to feel you here with me, yeah




***

كلام لناس ...




Nagah..



عمرك ما هتقدرى تعوضى حاجات كتيرة اوى كسرتيها بايدك

عمرى ما هعرف اتكلم معاكى

بتحاولى تعوضى شىء معين بطريقه غلط

زمان لما كنت بحتاج اترمى فى حضنك و اتكلم معاكى

عمرى ما كنت بلاقيكى موجوده

و حتى لو موجوده

عمرك ما كنتى هنا عشانى

اخر مرة حاولتى

صدقت ان فى حاجه هتتغير

بعديها بساعتين بس .. عرفت انى عبيطه

لان كل شىء ممكن يتغير الا انتى .. عمرك ما هتتغير


للأسف


------

Mrwan ...


يمكن تكون أسوا انسان قابلته فى حياتى

بس مش عارفه لحد دلوقتى انت ازاى قدرت تستنزف اخر قطرة حب ولا حتى شفقه فى قلبى ليك

مش عارفه انت كده ليه

انا لو اذيتك مش هزعل

بس انت بتحاول تكسر لمجرد انك تكسر

انت فعلا مش انسان



------


Gadeer ...


مش هكدب و اقول انى مزعلتش لما عرفت اللى حصل

لا زعلت .. بس بعدين عرفت ان مش من حقى اتكلم ..


------

Marwa ...

هو احنا من امتى بقينا اصحاب

ولا هو ازاى بقيتى من اقرب الاشخاص منى

من امتى بقى وجودك شىء اساسى

مش عارفه احنا فعلا ازاى بقينا اصحاب

مع ان حاجات كتيرة اوىىى كانت تمنع

بس هو تقريبا حبه الجنون و عدم اللامبالاه اللى عندى بقايا منهم خلونا نتفق

بس وعد منى...مهما كان..انتى عارفه بقى ..


------


Safa ...


هو مين سمحلك اصلا

ولا عشان انا كنت على طول بسكت ..فبقى مسموح بالنسبالك

برضوا مش عارفه لسه

او مش فاهمه

و يلا .. هى جات على دى .. مش عايزة افهم ..


عموما يعنى انا فهمت انتى عملتى ايه ..

:D


------

Hend ...


هو انتى ليه مبيهمكيش الا نفسك ؟؟


------

BABA ...


يمكن مجاتليش فرصه انى اقولك الكلام دا قبل كدا

خصوصا ان اخر سنتين فى علاقتنا ببعض كانت غريبه الملامح

مكنتش ببقى عارفه دا قرب ولا بعد ولاايه بالظبط

عادى يعنى كنا نتخانق و بعديها بساعتين بتيجى تصالحنى

او بعديها بيومين بتأسف انا

بس فعلا اخر مرة انت اللى جيت و بستنى على خدى

عشان عرفت انى مكنتش عملت اللى انت افتكرتنى عملتوا

موضوع طويل طويل بلاش نفتكرة

اهى كلها بقت دلوقتى تفاصيل عبيطه مالهاش لازمه

طيب عارف بقى انى بحبك اوى

كان نفسى بجد اعمل حاجات اكتر تفرحك بى

و متبقاش الفتره اللى انت شايفنى فيها فتره مراهقه و بس

كنت تشوفنى وانا كبيرة كده و تكون موجود فى حفله التخرج

بس يلا مش مشكله ان شاء الله عمو هيبقى موجود

ماما .. لا مفتكرش هقولها تيجى

ما انت عارف علاقتنا من زمان عامله ازاى

من يومين انا كنت عندك

بس كان فى جسد بس من غير روح

انا لحد دلوقتى مش عارفه رحت المقابر ازاى

مكنتش خايفه يعنى زى لما كنت بعدى من جنبها زمان

كنت لوحدى كمان

محدش فى البيت عرف لسه

مش عارفه هيبقى رد فعلهم شكلوا ازاى لو عرفوا

بس عادى يعنى مش هاممنى

اتكلمت معاك كتير اوى

بس مش عارفه انت كنت سامعنى ولا لاء

و برضوا مش عارفه انت هتقرا الكلام دا ولا لاء

بس لو قريته عرفنى

حتى لو معرفتش ..هفضل اكتب برضوا ..

بقيت اخاف انسى التفاصيل دى


سالتك سؤال زمان ..و قلت لى ان محدش يعرف

بس انا عرفت اجابته

انت مقلتش و انا مسالتش حد تانى

بس انا عرفت اجابه

حتى لو كانت خاطئه ..فعلى الاقل لقيت اجابه لسؤال كان محير بالنسبالى

السؤال دا سالته وانا عندى 10 سنين

سنه 2000 يعنى

وكان على طول فى بالى

ايوة كنت عيله و مفعوصه و بهتم بحاجات غريبه

بس مش عارفه ليه الحاجه دى بالذات كنت عايزة اعرفها

و كذا مرة كنت بقول لنفسى هساله دلوقتى

و بعدين ارجع اقول لاء بعدين ..

كنت عارفه انى مش هتقبل رفضك للاجابه على السؤال

بس الظاهر انى فضلت اقول بعدين كتير اوى

لدرجه انى حتى ملحقتش اسالك

ولا هى الايام اللى كانت بتجرى بسرعه

ولا هى فعلا على رايك عدم احساس بالوقت

كنت بزعل زمان لما تقولى

" يا (نونو) عندك عدم احساس بالوقت"

بس مش عارفه كنت بزعل ليه

اصل انا فعلا عندى عدم احساس بالوقت

نونو ... وحشتنى الكلمه دى منك اوى

مبقاش حد يقولهالى هنا زى زمان

بس لسه عمو بيقولها

عشان عارف انى بحبها

وصفا بتقولى اسماء غريبه كتيرة كدا

اخرها اوزى

و هند لسه على فيرس

و ماما لحد دلوقتى على طول تقولى فيروووز و .......

انت عارف الباقى بقى

و منى كذالك

و متسالش على احمد .. عشان مش بنكلم بعض

كان عندك حق فى كلامك زمان و الله

بس فى حاجات كتيرة اوى اتغيرت

مش عارفه ارجعها زى الاول

و حاجات كتيرة لسه بحاول اعوض عنها باشياء اخرى


على الاقل مبسهرش كتير يعنى

او معظم الايام بنام بالليل و بصحى بالنهار

معظمها مش كلها ..ساعات لسه بنسهر

و برضوا بنروح لحد دلوقتى سينما من 1 ل 3


انا فاكرة اول مرة عملناها و مكناش انا و صفا عارفين هيكون رد فعلك ايه

اول مرة بس .. بعد كدا بقى دا الطبيعى

اصل دا كان بيبقى فعلا الوقت الوحيد اللى بنعرف نتجمع فيه و نخرج يعنى

فى كلام لسه كتير

هتلاقيه فى الكشكول الروز

اللى انت جبتهولى

لو قريته برضوا عرفنى

لو مقريتهوش هفضل اكتب

عشان منساش التفاصيل ..:)



------

X ...

"""

so wut wil u gonna do now ...??!! says:

ان شاء الله نفضل اصحاب طول العمر

و مافيش حاجة هتقدر هتوقف صداقتنا ان شاء الله
و اكيد لو احتجتى حاجة انا هفضل اقرب واحد منك صح ؟


LosT in The MiddlE OF NowherE aGaiN... says:

اكييد

so wut wil u gonna do now ...??!! says:

يعنى بقيت من ضمن اصحابك يبقى اكيد انا اقرب واحد منهم ليكى ولا ----- ولا غيره ؟


"""


اول مرة اسمع الكلام دا منك مكنتش عارفه هيبقى بجد ولا لاء

بس بعدين عرفت انوا ...............

فعلا ..ما انت فضلت اقرب واحد
:s


و اصبحت احدى انواع الهم اللى بيضحك ..:)

برضوا مش عارفه ..

هى دى كانت غيرة فى وقت من الاوقات ان شخص غيرك بيمتلك شىء انت عايزة

مش معنى انى كنت مفتقده شىء معين يبقى مفتقداك انت

يمكن مفتقده ايام معينه

حالات معينه كنت ببقى فيها و كانت بتبقى بوجودك

مش بالضرورة يكون انت

مش غلطتى انك فهمت كلامى غلط

مش غلطتى انى قابلتك بالرفض

بس انت متقبلتش الرفض ..

لو الحاجه دى مش ملكى .. فمش هتبقى ملك حد تانى

دا اللى كنت عاوزة

صح

اهو دا اللى حصل ..:)


***

و الختام ...

كلام لحد عارف غلاوته عندى قد ايه

او مش عارف ..يمكن مع الايام يعرف

كان نفسى اعمل شىء فى حياتك جميل اوى

كان نفسى اغير شىء فيك

كان نفسى اخلى الحياه عندك وردى شويه بدل ما كنت بحسها ابيض و اسود

بس من الواضح لانها كانت عندى اصلا اسود فمعرفتش اعمل حاجه تساعدك

بالعكس كنت بضرك ..

اهى باقى سنه و تتخرج و تبقى ........قد الدنيا

مش عارفه هتبقى ايه بالظبط

لانى حاسه انك هتشتغل فى عمل خاص

عموما ربنا يكرمك

و تكمل حياتك بلا خسائر اخرى

ولا ناس تندم بعدين انك عرفتهم

و تعرف قيمه نفسك

فيك حاجات حلوة كتيرة اوى انت مش شايفها

بس لو تبطل شويه الشر اللى فيك و الرخامه

الدنيا هتتظبط صدقنى..

19 comments:

safa7_karmooz said...

ممكن اكون اول كومينت...

عاوز اعلق بحاجات كتير

بس هطلع رخم واكتفى بالمركز الاول ...واتفرج على باقى الناس تعمل كومنت...بعدها هرجع ااعمل كومنت
:)

Semsema28 said...

يالهووووووووووووووى

اطول بوست شفته ف حياتى

مع انى بكرهه البوستز الطويله اووووى

بس محسنيش وانا بقرأ البوست بتاعك انه طويل غير لما خلصت وببص كده ع طوله ف الاخر

ههههههههههههه

انا مش عارفه اعلق ع ايه ولا ايه

ف حاجات كتير حاساها معاكى

وحاجات حاساكى انتى فيها اوووى
وحاسه بوجعك وحزنك وفرحتك

مش عارفه اعلق بجد ع اى نقطه

انا برده هاستنى شويا واجى اعمل كومنت تانى

nefertiti said...

بصى انا بصراحه بكسل اقرا البوستات الطويله انا قريت منح حبه من الاول و حبه من النص كده

بس اللى عايزه اقولهولك ان مهم جدا ان الواحد يخرج اللى جواه فعلا سواء انه يتكلم مع ح دو يفضفض

او يكتب كل اللى جواه زى ما انتى عملتى كده
و اعتقد انت اكيد حسيتى انك ارتحتى من جواكى بعد ما كتبتى البوست ده

7akwena said...

بصى انا والدتى الله يكرمها ويخليها
كانت دايما تقولى يا اسلام انت عمرك ما بتسمع الكلام وانا مصدقتش غير دلوقتى مانا لو كنت سمعت كلامك ومقرتش البوست مكنتش هحتار كده كنت عاوز اعلق على كذا حاجه بس اقول ايه فى الزهايمر بقى انا مش فاكر اى حاجه من اللى قلتيه بس تعرفى انا ارتحتلك
لكلام والفضفضه دى بتريح اوى ياريتنى انا اعمل كده
تسلم ايدك
تحياتى ليكى

Dead Man said...

لا هاخد لفه وارجع اقراه بمزاج و علي رواقه عشان يبقي عند نفس

romansy said...

كل سنة وانتى طيبة
بس نفسى اسالك سؤال
هو انتى اتكلمتى مع ماما قد اية
البوست طويل قوى
بس دا ينفع قصة قصيرة او رواية
حمدالله على سلامة ماما

رغده رشاد said...

ازيك؟!..

انا بقالى زمن لا دخلت و لا قريت و لا كتبت


بس و انا بقرا البوست انتعشت و حسيت انى لازم اخد خطوة و اطلع بقى اللى حصل و اتخزن بقاله شهور


قبل ما امشى لازم اقولك متقضيش السنين و انتى فاكره انه هييجى ...استمتعى بيها و انتى عارفه انك رايحاله...مسألة وقت مش أكتر...فاهمانى طبعا...ووحشنى البلوج بتاعك اوى...اكمل باقى لفتى بقى

catroz said...

safa7_karmooz ...

طبعا ممكن تكون اول كومينت ..

و شكلك مش هترجع تانى ..بس عموما نورتنا
:)

catroz said...

semsema28 --

معلش بقى يا سمسم
بس انا حذرت الناس فى الاول
عشان مش عاوزة حد يدعى عليا و هو صايم
هههههههه

اكيد يا سمسم فى حاجات كتيرة اوى هتبقى فاهمانى فيها ..:)

عموما بجد منورانى ..
ويارب الصداع اللى عندك يروح بقى ..
:D

catroz said...

nefertiti ...

ولا يهمك يا قمر
هو فى ااه كلام كان لازم يتقال ..
بس برضوا مهما كان فى حاجات كده الواحد اصلا مينفعش يقولها
فبتفضل جوة و مبتخرجش ..
ارتحت ااه شويه و الحمدلله..

كل سنه و انتى طيبه بقى ..

catroz said...

7akwena ..

ربنا يخلى طنط يارب و يكرمها ..
معلش هو الزهايمر دا بقى منتشر اوى عندنا بطريقه غريبه
مش مهم تفتكر يعنى المهم انك قريت ..
ايوة حاول تفضفض ..ولا حتى مش لازم تتكلم ..
اسرح مع نفسك كده و فكر فى المشاكل و حاول تحلها
وكلوا هيبقى تمام ان شاء الله

منورنى بجد يا اسلام ..

و تحياتى لك ..

catroz said...

dead man ..

يا جاد انت اثلا بعد الكام لعبه المرعبين دول مش مسموح لك تدخل هنا اصلا
كفايه رعب بقى :D

ولا اقولك ..البيت بيتك برضوا و مينفعش متجيش

ربنا معاك فى الامتحانات
وربنا يكرمك ياارب ..:)

catroz said...

romansy ...

وكل سنه و انت طيب
مش فاهمه السؤال ده يعنى
بس اتكلمت مع ماما كتير
زمان مش دلوقتى ..

بس ازاى بقى قصه قصيرة ولا روايه
لما كل حته لوحدها مع نفسها :D

الله يسلمك ..

catroz said...

رغده رشاد ...

الحمدلله ..
ازوويك انتى ؟!
يارب تكونى بخير ..
اولا مبسوطه انك منورانى ..

ايوة حاولى تنتعشى و تكتبى اللى حصل

اللى ييجى فى بالك اكتبيه


عارفه ان هييجى يوم و ابقى عارفه ان هو مش هييجى بقى
بس مش عارفه اليوم دا هييجى امتى
ربنا يحسن خاتمتنا بس

متغيبيش عننا بقى عشان بتوحشينا

..:)

safa7_karmooz said...

asly mosh la2y klam

wa bansa haktb eah

any way ...ana 2oltlk my comment yomha about something keda :p

catroz said...

safa7_karmooz ...

dawar fi gebak wenta tla2y makan ..

anyway f3lan klamak wesel yomha

da kefaya awy :D

mnawar ya blue ..:P

Lost Love said...

طووووووووووووويل
:D:D:D
ما علينا
انا فهمت شويه حجات كده
معتقدش انى هكتب تعليق على اى حاجه
انتى عارفه هرد اقول ايه على كل الكلام ده
معلش الصبر حلو بردو

catroz said...

lost love ..

ايوة انتى فاهمانى اوى يا بنتى
بس مهما كان للصبر حدوووووود ..
اااه يانا ..
يلا ادينا بنتعلم و بنقابل ناس .....................

:D

ann said...

~.....................................................