Friday, January 09, 2009

Hatganen 4om Geomorphologyyy ...






كده انا فعلااااااا هتجنن من الجيومورفولوجى
مش عارفه بجد اعمل ايه تانى فى الماده دى
تعبت اعصابى بجد
طوووووووويله
و بتتنسى بسرعه ختييييرة
و بعد ما لخصتها برا
رجعت افتح الكتاب تانى
مليش نفس ابص فى التلخيص بتاعى
لاول مرة ابقى قرفانه بالمنظر دا من التلخيص
مع انى زمان مكنتش بعرف اذاكر الا منوا
يعنى ربنا يسترررر بجد


***

امبارح بكلم كوكى بقولها بتعملى ايه
قالتلى لسه هبتدى مذاكرة اول نص
اول نص عبرى
و امتحانها يوم 11 معايا
ربنا يسترها بجد برضوا يعنى


***

اسمو ايه اخد تاجيل
يعنى السنادى بقت سنتين بدل ما كانت سنه واحده
كل ما افتكر اول السنه لما جبنا البالطوا سوا
ولا لما كان واقف و بيجربه و كان شكله تحفةةةةةةةةة بجد عليه
ولا لما كان بيحضر السكاشن
الساعه اربعه يوم الاحد
و هند و معتز
ولا لمااااااااااااا.......
لا انا كده هرغى كتير
قلت اسمو ايه عشان مش عاوزه اكتب الاسم .. مش حاجه تانيه

***

عندى احساس قوى اوى
ان فعلا هتبقى النهايه بعد الامتحانات
مش على اول الترم التانى زى ما كنت بقول
يلا اهى فتره الواحد يتعود فيها على البعد
بدل ما تيجى مرة واحده و يجرالنا حاجه ...
صحيح ..اللى يتلسع م الشوربه ينفخ فى الزباااااااااااااااادى

***

على فكرة يا روز لو انتى مقتنعه ان اللى انتى بتعمليه دا صح
انا مش هلومك ولا هسالك انتى بتعملى ايه
عشان انتى عارفه انه غلط
اصل كما تدين تدان
و متبقيش مضيعه الحاجه من ايدك بنفسك
و ترجعى تقولى اصل احنا عايشين فى دنيا وحشه
كما تدين تدان
كما تدين تدان
كما تدين تداااااان ..
مش هتكلم تانى مع نفسى فى الموضوع ده
كفايه انى عارفه ان كما تدين تدان
و شفتها فى كذا موقف حصل قبل كده
و مش محتاجه حاجه تثبتلى
ايوة مفيش حد بيتضر
بس الموضوع كله احترام ثقه شخص معين مش اكتر
لو محترمتش ثقته فيا .. غصب عنه مش هيحترم ثقتى فيه
كما تدين تدان

بس برضوا اصلها بتاتس اوى

how can i resist U ?!!!

مبتتعلميش ياروز ..:D

***

مممممم
الماوس الاورانج باظت
و شغاله دلوقتى بماوس شكلها "ميم عين فاء نون" كده

***

مومو تعبانه .. فضلت كتير اوى بترهق نفسها فى الشغل
و ترجع البيت متنامش .. طبيعى جدا انها تتعب
الف سلامه عليكى بجد يا حبيبى
يارب تتحسنى بسرعه
و خلى بالك من نفسك بجد
مش عشان خاطرك انتى ..
لا عشان خاطر فى ناس هنا عاوزينك معاهم دايما
مبتروحيش عن بالى
حتى و انا بذاكر الجيومورفولوجيا بجد
كده المفروض تعرفى غلاوتك عندى قد ايه يعنى ..:D
مع انى مقصرة معاكى اوى فتره طويله
بس بجد غصب عنى ..
ربنا يحفظك يااارب و يخليكى ليا ..:)

***

وانا بكتب البوست دا ديدمان على بالى اوى مش عارفه ليه
تخاريف جيومورفولوجيه اكيد

***

متفتكروش انى بكتب كلمه" جيورموفولوجى" من دماغى
دنا باخدها كوبى و بست .. على راى حد عارف نفسوا ..:D

***
بوكى... معمولها حظر تجول
او بالاصح مسموح لها تكلم اى حد على الفون الا انا
عشان بننسى نفسينا و نرغى بالساعات
و الموضوع مش ناقص عطله اساسا
يارب ننجح بقى

***

شريف زميلى دا طلع كويس اوى و الله
امال كانوا بيقولوا الكلام دا عليه فى الاول ليه ..!!
ربنا يكرمه و يصلح حاله يارب

***
مودى عايش فى غيبوبه سوسو لسه لحد دلوقتى
..سوسو دا سمايل كده واحده لابسه بنى و بترقص باليه
المهم ان هى بتقسم صح ..:D
الاخ منفض للدنيا و مش فاهم ان السنادى مش زى السنه اللى فاتت
مش هينفع ليله الامتحان نلم الماده
المواد متتلمش اصلا
حاولت .. بس محاولتش كفايه
مفيش وقت تانى ارجع اكلمه و اقوله اعقل و خلى بالك من مصلحتك
ما يمكن بيذاكر
و يجيب فى الجيمو اكتر منى زى ما عمل ف الهستورى ..:D
ربنا يكرمه و يشفى طنط يارب ..
شكلها برضوا هتبقى الاغنيه اللى بنغنيها قبل كل امتحان
"شايف نفسك برضوا شايفه نفسى"
:D

***
هو انا مش هبطل اكتب فى نوتباد ولا ايه ..!!
لا هتبطلى يا روز لما تجيبى لابتوب جديد ان شاء الله ..

***

كده او كده ...الترم الجاى دا هيبقى بشكل تانى
مش هكرر غلطات الترم الاولانى
ان شاء الله
كفايه بقى بجد
خلينا حلوين مع نفسنا و اللى حوالينا

10 comments:

romansy said...

ربنا يوفقك
كده
وتنجحى

استفادى من اخطاءك
وانتى هتبقى احسن بكتير

WhItE HeArT said...

مفهمتش حاجة

بس زي ماقال رومانسي

ربنا يوفقك

تحياتي

Dr Gad said...

بحب جدا البوستات اللي بتبقي مختصر مفيد وتلخص الكلام في جمل صغيره

ربنا معاكي في الامتحانات ياروز وان شاء الله تقدير كمان


"

وانا بكتب البوست دا ديدمان على بالى اوى مش عارفه ليه
تخاريف جيومورفولوجيه اكيد"

هو انا مبيجيش اسمي الا في المواضيع اللي تزعل و جه في الجيموجرمش عارف ايه بتاعتك دي :D

جايز عشان لما كنتي بتكلمي نفسك في البوست و افتكرتي السكيزوفرينيا بتاعتي :D

يلا ربنا يوفقك و تعرفي تزاكري البتاعه دي كويس

perlina said...

rabena m3aky ya rose
e3mely elly 3aleky w zakry
w rabena mesh hyde3 t3abek ...


rabena ywafa2ek isa ...

~ISLAM~ said...

الجيومورفولوجيا
هههههههههههههههههه
مادة دى ولا دوا كحه

ربنا يوفقك
انا اتنفخت النهارده فى التكاليف

ربنا ما يكتب عليكى النفخ
هههههههههههههه

catroz said...

romansy ..

اميييييييين يااارب

احنا فعلا بنتعلم من اخطائنا
عشان كده المفروض نبقى احسن ..

catroz said...

WhItE HeArT ...
وانا كمان مشهمتش حاجه
بس مش مهم
ربنا يوفقنا كلنا ..

catroz said...

Dr Dead ..

ربنا معانا كلنا يا دوك و نتخرج بقى
...

جيموجرمش مين يا عم الحاج
هههههههههههه
الموضوع على فكرة كمان ميزعلش
او مش كلوا زعل يعنى
مبسوط اهو

ممكن فعلا تكون عشان السيكرزبتاعه دى اللى انت بتقول عليها :D

دعواتك انت بس معانا ..

catroz said...

perlina ...

rabna ma3ana kolena yaaaarb ..
ana b7awel a3mel elly 3alaya walahy 3ashan ne5las melsanadyyy ..

rbena ykrmek enty kaman yaaarb ..

catroz said...

7akwena...

دا اسم مرض معدى اساسا ..:D

ربنا هيستر ان شاء الله و تعدى م التكاليف
ربنا معانا كلنا يارب ..