Monday, March 02, 2009

الغربه ..




انا م البداية ااااه .... يا غربه بتحمل....


وخلاص كفاية اااااااااه .... صعب ان انا اكمل...

ياما كان منانا نتلاقى و نقرب .. و عشان هوانا برحل و بتغرب ...

واعيش غريب و طال الليل معاه ..

جريح و من غيرك اعيييش .. جريح و مين غيرك دواااه ..

***

هو الواحد فعلا ممكن يتغرب 30 سنه ... و لما يرجع بلده و بين احبابه واخيرا فى حضنهم ........ يموت ..

مش بقول ممكن.. اصل ده اللى بيحصل فعلا.. خايفه اكتب ده اللى حصل فعلا ..

الواحد بيتغرب و يعيش بعيد .. بعيد عن كل حاجه بيحبها ..

عشان شىء هو فاكرة الاحسن .. بس بيكتشف متاخر اوى انوا ضيع احلى سنين عمروا ..

ولما بيكتشف ... ساعتها مبيبقاش فى طريق للرجوع ..

هترجع سنين شباب .. ولا اب مات بعيد عنك ... ولا ام اخر ايامها كان بس كل مناها ان ابنها يبقى فى حضنها ..


21 comments:

Dr Dead said...

:(

عاشقه وغلبانه said...

بتحصل
انا شوفتها
وفي ناس بتعيش طول عمرها في غربه وتموت وترجع تندفن هنا

مش عارفه راجعين ليه وبعد ايه..؟؟

safa7_karmooz said...

قديمة :p

كفايـة طيبـة said...

eh el gar7 elli enty 3amalteeh fyya b klmteen dh :(:(

kalamk 2asi awii :(
7aram 3leeki bgd

blue-wave said...

يا ساتر يارب

MONDAHESH said...

مافيش حد بيعمل حاجة غصب عنه

هو اللي بيفضل حاجات على حاجات

وفي النهاية ولا حاجة من الحاجات بتبقى


تحياتي

moodysalihamidzic said...

بكره الغربة مهما كانت ممزيتها

ملكة بحجابى said...

كلام يوجع
بس بيحصل
تقبل مرورى

Rosa said...

بوست مش في وقته ابدا
كان المفروض تكبي عليه
يمتنع عنه المغتربيين
بس تعرفي .. هيا دي الحقيقة

إني ملكة .. said...

ههههههههههههههه
عايزه أضحك قوي أضحك بصوت عالي
عارفين لو واحد من كتر الخنقه إللي فيها عايز يصرخ أو يضحك أنا حاسه بكده دلوقتي
اقول ايه بس مش عارفه اتكلم :(
عمر ما في كلام يعبر عن معاناتي مع الغربه .. غربه بكل أنواعها ..
الله يسامحك كنت بأحاول أتناسى ..
خليتيني أبكي ..
لو قدر الله وفتحت مدونتي هتشوفوا الغربه عملت فيا ايه ..
بس قفلتها عشان معملش اكتئاب لحد ..
والحمدلله غيرت مسار مواضيع المدونه عشان لما أرجع أقرأ المواضيع القديمه وكلامي عن الغربه بأتخنق ..

catroz said...

Dr.Dead...

:)

catroz said...

عاشقه و غلبانه ..

مبيعرفوش انها ضيعوا حاجات حلوة الا لما تبقى خلاص ضاعت و مش راجعه تانى .

catroz said...

safa7_larmooz ..

يا عم دانت بتسمع بوب مارلى ..:P

catroz said...

كفايه طيبه ..

ana walahy makntsh a2sod ..:(
ana we7sha ..:'(

catroz said...

blue-wave...

:)...

catroz said...

MONDAHESH..

لاء فى ناس بتعمل حاجات غصب عنها

بس فعلا فى النهايه ولا حاجه بتبقى .

منورنا ..

catroz said...

moodysalihamidzic...

ابتديت اقول ان ملهاش مميزات اصلا ..

catroz said...

ملكه بحجابى..

بيوجع اوى
منورانى دايما يارب ..

catroz said...

Rosa ..

مغتربه ؟؟
يبقى شوفى الحاجات الحلوه اللى فى ايديكى

catroz said...

انى ملكه..

ساعات بنتحط فى حاجات غصب عننا
نحاول شويه نتاقلم معاها
نشوف الحلو فيها و نستمتع بيها
نحط امل ان ايام زمان الحلوة ممكن ترجع لنا تانى ..

Hannoda said...

كلامك وجعلي قلبي عليكي

مش عارفة انت بتتكلمي عن مين لإن عمرك 18 سنة بس..

وكلامك بيتكلم عن تجربة عمرها سنين أطول من كده

الاغنية كمان كان بقالي شهرين دايخة عليها و بدور عليها فكل حتى على النت لحد ما حد في مصر جابهالي

حطهالي ع الموبايل
ماسمعتهاش و انا معاهم
جيت بعد اجازتي و سمعتها هنا لوحدي مرة واحدة بس
وتعبت قوي
وقررت مش حاسمعها تاني ابدا هنا لوحدي.. بس برضه مامسحتهاش من الموبايل

عارفة لما بنتغرب سنين
و في الغربة قدرنا نحافظ على كل اللي لينا زي ما هو
و قدرنا نحافظ على أملنا في الرجوع و استعادة كل اللي فات
ونقدر نحافظ على قلوبنا زي ما هي من غير ما تطولها القسوة و التحجر و الانفصال التام عن معنى وطن و أهل

ساعتها بنحس بالاحساس المؤلم لما بنرجع

لكن تعرفي مين اللي مابتعبش و الغربة ما بتئلمهوش للحد ده

الناس اللي بتنسى كل اللي كان و ترميه ورى ظهرها و تنسى معنى وطن و أهل وتنسى كل ماضيها و تعتبر انها بدإت مرحلة جديدة بتلغي بيها كل ماسبق

وحتى دول مش مرتاحين مية في المية

بوست صحى جوايا حاجات كتير مش عاوزة أفكر فيها عشان ده دايرة مقفولة اللي بيدخل فيها بيفضل يلف زي المجنون
وانا اتخنتقت من الجنون بقى

عاوزة أعرف كلامك ده انعكاس لتجربتك انت ولا ايه؟؟
اعذريني على الفضول بس بجد عاوزة أفهم