Wednesday, June 27, 2007

...قبل الامتحان بساعتين

السلاام عليكم يا حلوين
يارب دايما تكونوا بخييير
يارب بجد
المهم عامله الموضوع ده اهو قبل الامتحان بساعتين
عشان مروحش و انا مخنوقه
هفضفض هنا حبه كده
جميل اوى
اممممم
نفسى اوصف شعورى سريعا كده
مخنوقه من كل اللى اعرفهم تقريبا
مش كلهم يعنى بس معظمهم
اممممم
نص الناس بتبص لى على انى مجنونه
و لو حد عايز يعرف السبب هبقى اقولكم السبب
و نصهم بيبصوا على انى معنديش احساس
اولا
بصوا بقى ميهمنيش رايكم فى حاجه فى حياتى
زمان كان بيهمنى
يمكن كاان بيهمننى
ودلوقتى اللى بعمله ده الصح
و مش غلطانه
و بابا شايفنى و لو كان لسه عايش كان هيخلينى ااعمل كده
انا مش مجنونه ولا حاجه يعنى
مع انى بحب الصفه دى بتعريفها الخاص بى
مش التعريف بتاعكوا انتوا
ثانيه
لما تحبوا تنصحونى
فى طريقتين
الاولى هتخلينى اعند
و التانيه هتخلينى افكر فى الكلام و لو اقتنعت بيه هنفذه
بس كده
..............
بعتذر لكل اصدقائى اللى مش متابعه البلوجز بتاعتهم
عايزه اقولهم انى اصلاااا
هخلص الامتحاناات 1/7
متزعلوش بقى
هحاول انظم وقتى و ااجى ارخم عليكوا يعنى
انتوا كلكوا وحشتونى اووى اصلا

20 comments:

الزهراء said...

مبروك البلوج يا قمر

معلش جت متأخرة بس انتي اللي مش قلتي

عملتي ايه في امتحانك

وايه زعلانه من كل اصحابك دي :(((((

؟؟؟؟

اهم حاجة يكون الامتحان كويس

وبعدين اما اشوفك نبقي نشوف الموضوع دا

سلام يا جميل :)

Anonymous said...

ايه صحيح مخنوقة من معظم اللى اعرفهم دي ؟

ده كلام ده ؟

الله يسامحك :)

انا فعلا زعلانة عشان مش متابعة البلوج بتاعتى ... لما اعملها هقولك عليها :D

انتى مش مجنونة ولا حاجة... انتى بتعملى الصح ياروز :).... ميهمكيش حد .:)

Anonymous said...

نسيت اقولك انك اكتر واحدة عندها احساس شوفتها فى حياتى :)


من صديقة غامضة مش هتفصح عن شخصيتها :D

علاء said...

ربنا يوفقك في الامتحان يارب
آمين

المتوحد said...

هاااىكاتروز
اتا مبسوط جدا ان انت رجعت لحالة الجنون الخاص بيك، كل واحد فينا ليه لحظاتو،وتعريفاتو للمسئلة دى ، لحظات جنونى انا رغم انى اتخرجت وابتديت اكبر لكن لسه بتفرحنى ، وطالما مبندخلش فى العيب يبقى ...فيهم
ربنا يوفقك فى الامتحانات، انا متاكد ان انت هتجيبى تقديركويس،
ملحوظة: ايام الجامعة ايم جميلة فى عمر اى حد

FloNa said...

يا بنتي اساسا احلى حاجة في الحياة اللي احنا عايشينها دي الجنون


بمفهومه اللي احنا عارفينه طبعا :)


ربنا يكرمك يارب


بس بقولك ايه

لو حد نصحك

فكري بنصحه وتقبليه او ما تتقبليهوش

بس ما تقفشيش !!

صدقيني ساعات بنحتاج حد يقولنا اللي بنعمله ده صح ولا غلط :)

BinO said...

حالة طبيعية
بس اعتقد انك في الجانب الصح
بدليل وصفك لنفسك بدقة

catroz said...

الزهراء
الله يبارك فيكى يا قمر
و مش متاخره ولا حاجه
و الامتحاان الحمدلله الى حد ما جه كويس
الحمدلله بجد يعنى
بس انتى عارفه يا بنتى ظروفى السنه دى
يلا اهى سنه و راحت
..:)
و موضوع زعلانه من كل اصحابى
ااكيد مش انتوا يا بنتى
لا و الله انتوا اخواتى مش اصحابى بس
بتتكلمى فى ايه بس
هو انا مخنوقه من شويه ناس اعرفهم للأسف
...:(
بس يلا فتره و هتعدى ان شاء الله
و مستنيه يوم الاحد اوووووى عشان ااشوفك بجد

------------
Anonymous

الله يسامحنى..
هو انا اقصد من ناس معينه مش كل اللى اعرفهم ولا حاجه يعنى
بس هو انتى معندكيش بلوج اصلا
لو انتى اللى فى بالى
فانا على فكره متابعه السبيس بتاعتك
دا لو انتى اللى فى بالى يعنى
و موضوع انا مش مجنونه ولا حاجه دى فكره خاظئه انتى واخداها عنى على فكره
:D
بصى مجنونه بطريقه مختلفه
موضوع كبير كبير
لو انتى اللى فى بالى هفهمك ااقصد ايه

و بعدين ايه ااكتر واحده عندها احساس شفتيها فى حياتك دى
انا بتكسف من الكلام ده انتى عارفه يعنى
و اهو كده يعنى
"وش مكسووووووووف اوى اوى يعنى"
و انتى احلى صديقه غامضه شفتها فى حياتى
هعرف انتى مين
و ربنا يخليكى لى يااااارب و يحفظك
..:)
بس هعرف انتى مين
:D

catroz said...

علاء
يارب يا علاء يااارب
نفسى اعدى من الماده دى بالذات اوووى
..:)

----------

المتوحد
انا بعتقد ان احلى ايامى كانت ثانوى
الجامعه ااه حلوه
بس ايام زمان احلى بكتييييييير
امممممم و لحظات الجنون دى هتفضلم معاى طووول العمر
ساعات دماغ الواحد مع نفسها كده بتلسع و بيعمل حاجاه غريبه
و بيكون ليه عالمه الخاص
بيحصلى كتير كده
و بحب كده
مش عارفه
بس بحس ان ده طفل جوانا بيظهر
لوحده
مع مشاغل الحياه اللى بنبقى فيها
بيرجعنا لنفسنا تانى
...:)
و موضوع تقدير كويس ده
الحقيقه معتقدش يعنى
يلا الحمد لله على كل شىء
السنه الجايه ااكيد احسن
..:)

The Manager said...

:)

انا عمال افتكر انا نصحتك ولا لأ علشان مش احس بالذنب

معتقدش انى نصحتك

وانتى فى جنونك مش محتاجة نصيحة اعتقد

وبرضه زى ما فلونا بتقول لو حد نصحك حاولى على قد ما تقدرى تفكرى فى الكلام وفى الأخر اعملى ما يحلو ليكى :)

ويارب مكونش من إللى تزعلى منهم ابدا إن شاء الله

فضفضتك جميلة قبل الأمتحانات

تحياتى يا فندم :)

catroz said...

FloNa

انا بحب الجنون بمفهومه الصحيح
اعتقد كلنا بنحبه كده يعنى

بس موضوع النصايح دى
كتييييييييير كنا بنبقى محتاجين حد يوجهنا فعلا
بس فى نفس الوقت محتاجين حد يوجهنا بطريقه صح
...:)

---------

BinO

ميرسى على كلامك
بجد رفع روحى المعنويه
...:)

المجاهدة said...

:)
افتكرك دلوقتي قصة جحا... لما كان مع ابنه و معاهم حمار صغير
و يركب ابنه على الحمار... الناس تقول الولد قليل الذوق قاعد و باباه هوا الي ماشى
ف جحا ركب هوا و ابنه ماشى
الناس تقوله ايه الراجل الي ماعندوش دم ولا رحمة ده راكب و ابنه ماشى
ف الاتنين نزلوا يمشوا جمب الحمار
الناس قالت ايه الاهبل ده الحمار معمول عشان يركبوا عليه مش يمشوا جمبه
ف هوا و ابنه شالو الحمار الناس قالت عليهم مجانين...


:)
مش هتخلصي من الناس لو بدأتي تبصي ليهم يا روز
:)
المهم انتى من جواكي عاملة ايه!!

ماتعمليش اي فعل غريب! يعني مش تروحي تخرجى كل يوم تتفسحي مثلاً... بردو فيه احترام حتى لمامتك و اخواتك
و لو فضلتي قاعدة تعيطي... الناس بردو هتنتقدك و تقول عليكي مفستكة
:)

سيبك منهم
و اهتمي بيكي انتي
المهم جواكي انتي ايه!
و المهم .. انتي كده ليه!

catroz said...

The Manager

اكيد لازم افكر فى الكلام
بس ساعات الناس بتنصح بطريقه كده بتخيلينى مش هعمل اللى نصحوبى بيه و خلاص
طريقه مستفزه اوى للأسف يعنى
بس اهو ادينا بنحاول

و حضرتك اكيد مش من الشخصيات اللى ازعل منها
ربنا يكرمك يارب اخ مانيجر
..:)

catroz said...

المجاهده
قصه جحا دى دايما بابا كان بيقولهالى
و يقولى مش كل ما تعملى حاجه تفكرى فى الناس هتقول ايه
لا اعملى اللى انتى شايفاه صح
و اللى انتى متربيه عليه
هو ده الصح
لو فكرتى فى الناس استحاله تخلصى
و ده اللى بحاول اعمله
بس فى وقد نقد الناس ليكى بيكون كتير اووووى
..:(
و موضوع الجنون
اكيد ليه حدود يعنى..لكل حاجه حدود طبعا
مش جنون يبقى بعمل حاجات غريبه
برضه لاززززززم يبقى فى توازن كده فى كل حاجه
...:)
و ادينى اهو بحاول اسيبنى من الناس
و بشوف انا كده ليه
...:)

عمرو غريب said...

يارب تكوني حاليتي كويس في الامتحانات وعقبال النتيجة

catroz said...

لا هو مش حليت كويس فى الامتحانات ولا حاجه
بس الماده دى حليت فيها حلو الى حد ما يعنى
ربنا يسترررر بقى
:D

§a§a said...

ايه دا مين مزعلك

حمد لله على عودتك مرة اخرى

ثانيا

لو اعدتى تبصى على كلام الناس مش هتخلصى

بس فى نفس الوقت لو حد وجههلى نصيحه لازم ابص ليها اشوفها ماشيه معايا او هتفيدنى ولا وبعدين سواء نصحنى نصيحه تقبلتها او لم اتقبلها فليه الشكر انه نصحنى

لان الواحد سعات كتير جدا بيكون محتاج لحد ينصحه او يتكلم معاة

يعنى صديق لى دايما كان بينصحنى وكان بيقولى ان مش شرط اخد بنصيحته بس افكر فيها ان كانت تتماىش معايا ولا لاوبعدين مش شرط اخد بيها او مش او اخد بنصيحته

ثالثا

يارب مش اكون من اللى تزعلى منهم

وشوشني said...

انتي احسن واحده تتابعي ولا يهمك اي حاجه
خالص وشوفي الصح واعمليه بس خدي بالك من النصايح عاررفه ممكن تكون نصايح بطريقه مستفذه تخليكي تعندي لكن ممكن تفيدك في حياتك حتى لو عندتي معاهم
ااقفي مع نفسك وفكري في اللي قالوه ممكن يكون كلامهم صح
اما النصيحه اللي تخلي الواحد يستجيب ده تبقا احسن نصيحه واكدي لازم لازم تفكري فيها

تحياتي

catroz said...

sasa
لا محدش مزعلنى خالص
انا تومام اهو
:D

و بعدين انا بحاول و الله اخد بالنصائح دى و اسمها
بس فى ناس بااارعه
فى انها تستفز الواحد بالطريقه اللى بينصحوا بيها
هشوف النصيحه
و هخلى المشاعر جانبا
و هحاول اعمل الصح اكييد
.....:)

ثالثا بقى
حضرتك عارف مش ممكن اازعل منك
ربنا يكرمك ياارب
و ان شاء هعزمك على حاجه ساقعه
بعيدااا عن النتيجه
:D

catroz said...

وشوشنى
فعلا كتير بتبقى فى نصايح كويسه
و بسبب عندى او الطريقه اللى الشخص ده نصحنى بيها
مش بعمل بالنصايح دى ابدااا
للأسف يعنى
........:(
فعلا لاززم اقف مع نفسى و افكر فى اللى قالوه
كتير بيبقى كلامهم صح
و النصائح اللى تخلى الواحد يستجيب دى فعلا احسن النصائح
و دايما بفكر فيها
و غالباا بعمل بيها
منورانى يا قمر
......:)