Tuesday, June 12, 2007

..انتى جميله اوى




البنات دول اطفال اوى على فكره..اه بتكلم بجد

و انا منهم على فكره يعنى..:D

..طب هو ايه اللى خلانى اقول.. كده ايه الحكايه يعنى

انا دخلت فى موود النوم و فى نفس الوقت مليش نفس انام

متخانقه معاهم و مش عايزه اخرج من الاوضه اللى انا فيها..ما علينا مش ده موضوعنا

المهم البنات اطفال

مره كنت بكلم واحده صابحتى..مش عارفه كنا بنتكلم فى ايه بالظبط

قلت لها على فكره انتى اموره اوى النهارده..قامت البنت انشكحت كده و انبسطت اوى

كلمه بسيطه من جملتين

"انتى اموره"

:Dو البنت فرحت اووووى

ايه الجمال دا

بدات اخد بالى بعد كده ان اى بنت مهما كان حالتها النفسيه ايه و قلت لها انتى اموره...انتى لبسك النهارده حلو

الايشارب ده جميل على وشك..الكلام البسيط ده

و بيفرحوا اوى

loool




طيب و مادام الكلام ده حلو كده و بياثر فى البنت بسرعه

هو انتوا مش بتقولوه ليه

طبعا مش كلهم..لا هو البعض منكم مش بيقول و بيشوف ان الموووضوع مش مهم

بس مهم اوى على فكره بالنسبه لبنوته بسيطه كده..:)


مش معناه اننا هندحك على البنت لا حلوه ولا بتاع و نقولها انتى جامده و كده

لا بس اما نلاحظ حاجه نقول يعنى..مش ننفض و عادى الكلمه مش هتفرق معاها

تؤ..البنااات اطفاال فعلا..و بيفرحوا بالكلام ده اوى
الموضوع طول ما انا بكتبه عماله بدحك اصلا و بقول ايه اللى بكتبه ده

طب دلوقتى اهو

اى بنوته بتقرا البوست روحى قولى لاختك انتى عسوله اوى النهارده او انتى جميله اوى النهارده

رد فعلها هيكون ايه

شوفى الابتسامه اللى هتبقى على وشها جميله ازاااى

طب و انت..روح قول لاختك انتى اموره اوووى...البنت هتتكسف اه و تقول اخوى جراله حاجه فى مخه

loool

بس هتفرح اوى على فكره...:D

ده الكلمه دى لما بقولها ل"يسر" بنت عمى

البنت عندها 6 سنين بالظبط

بتفرح اوووى ..و هى نونو لسه

امال بقى لما تتقال لواحده كبيره كده..هتبقى ايه

..متدحكوش على انا بتكلم بجد فى الموضوع ده بالذات

11 comments:

المتوحد said...

اصل فى ناس بتعتبر ان الكلمة الحلوة لو طلعت منهم حتظهر الجانب الرقيق من من شخصصيتهم
مع ان الكلمة الحلوة بتاثر فينا جامد
شئون صغيره تمر بها انت دون التفات تساوى لدى حياتى
انا سعيد انى زورت مدونتك واقباينى صديقا

وشوشني said...

بي طبعا طبعا كلامك صح جدا انا ماحصلتش معاي انا بس انا مع واحده صاحبتي واحده صاحبتي قالتلها انتي شكلك حلو النهارده ماتتصوريش كانت فرحانه ازاي بس المشكله ان ممكن اللي قدامنا يكون بيجامل ولا حاجه والمشكله ان انت بتقولي ان احنا زي الاطفال واحنا كده فعشان كده بنصدق الكلام اللي بيتقال دايما يعني احنا طيبين زياده عن اللزوم الحقيقه مع ان الطيبه بتنفع في اوقات كتيييييييير بس في اوقات تانيه ماتنفعش الطيبه دي يلا احنا شويه اطفال وبنتعلم من الدنيا اللي حولينا

catroz said...

منورنا يا "المتوحد" كلامك فعلا صح فى ناس بتتكسف ى ناس بتقول ..تؤ مالهاش لازمه و ..... فى نماذج كتيره يعنى..ليه منبتديش احنا نحاول نغير من نفسنا و نوريهم ان الكلام ده بسيط اووى و فى نفس الوقت جميييل اوى و فى الاول و الاخر مش هيحصل حاجه لو اتقال يعنى...:)

catroz said...

وشووشنى..اكييد يا بنتى الكلمه بتبقى جامده اوووى...بس قلنا متبقاش مجامله لاا لما يكون فعلا البنت دى شكلها عسول او كده فى يوم معين منبخلش عليها و نقولها..دا ممكن الكلمه دى تخلى اليوم دا كله حلو عليها..ممكن لما تروح البيت تحصل حاجه تزعلها..بس قبل ما تنلم تفتكر الكلمه دى..و دى الكلمه اللى تخليها مبسوطه على الاقل نايمه على المخده و مبتسمه ..مش بتعيط:D

عبوووووووود said...

عمري ما فكرت في الموضوع ده كدة
يعني ما فكرتش ان ممكن كلمة صغيرة قوي يكون ليها أثر كبير كدة وخاصة مع اللي تجاوزوا مرحلة الطفولة
لكن واضح انك صح وان البنات اطفال
مش قصدي اهانة طبعا
سلاااااااااااااام

catroz said...

لا كلمه زى كده بتفرق كتير اوى على فكره...و علشان كلمه بسيطه اوى بتفرق مع البناويت...فكرت اننا فعلا اطفال..زى الطفل اللى لى جيت له لعبه صغيره هيفرح بيها اوووووى مع انها حاجه بسيطه..و اكيد متقصدش اهانه...
:D

§a§a said...

البنات ايوة اطفال فعلا

يلا يا بنت انتى وهى على حصه الرسم

ههههههههه

امزح

فعلا كلام مظبوط يا كاتروز

لان فى ناس فعلا بتفرح ولو بكلمه صغيرة

safa7_karmooz said...

على كده انا بدخل السعادة على قلوب بنات كتير كل يوم ...ههههههههههههه

catroz said...

صاصا..اكيد كلامى صوح..هو من امتى يعنى بقول كلام و مبيطلعش مظبوط..
و خلاص خلصنا الواجب يا استاذ:P

............
مشمش..او المدعو السفااح..:D
طبعا يا عم و مين قدك يعنى..:D

S H A H said...

انتي كمان امورة قوي و كلامك اجمل و احساسك رقيق

انشكح يا جميل من قدك
مش كلمتين
ده بتاع 6 كلمات اهو

بس المهم

انك فعلا تستحقيهم

catroz !! said...

S H A H

ميرسى على كلامك بجد..رفع لى روحى المعنويه..:D
و يارب على طوول اشوفك منورنى فى البلوج هنا..:)