Sunday, June 15, 2008

تلاته مرة واحده :D



كان فى بوست عاملاة مخصوص لحد كده
فى البلوجايه الصغنطوته التانيه
هملى بيك ايامى

ابقوا شوفوة


كان فى كام تاج مخلل عندى من كام حد كده
قلت اخلص منهم واعملهم

الاول كان من مندهش

اذكر 10 اشياء عن نفسك ..

هقول حاجات عن نفسى مش عارفه هتبقى 10 ولا اقل ولا اكتر

هنقول مثلا بتمنى بجد بجد بجد

ابنى يكون اسمه يوسف

متخيله ضحكته و و خدوده الحمرا

و اسمه يوسف

ياااااه

وياريت يبقى كلبوظ كدا

و ياخد شعر باباه وقلبه

هيبقى اصلا حاجه محصلتش يعنى



مدمنه على الكتابه

بكتب فى اى زمان و اى مكان تقريبا


مجنون حبتين تلاته ..وليس مجنونه:D


على قد ما بحب السفر بكرهه

لان اى مكان بروحه و بتعلق بيه

وانا ماشيه منه بحس ان فى جزء منى سايباه فيه


اعشق الحياه و بحب اوى اقف تحت المطر

مجرد احساس البرد بيدينى شعور بانى لسه عايشه ..:)



بحب اوى اسمع حليم خصوصا الليالى و كاظم و طبعاا لؤى و انا كده

و مؤخرا منير لما النسيم ..مش عارفه ليه بقى يفكرنى بايام زمان

و كمان عايده الايوبى و ساعات حسام حبيب و احمدو حاتم فهمى

بسمع حاجات كتيرة اوى من الاخر :D



متعلقه بالماشى زياده عن اللزوم


بغلط كتير

و بكرة اوى انى اتاسف


على قد ما بحب الوحده على قد ما بكرهها


دايما الناس بياخدوا عنى انطباع اول بانى هاديه

مش عارفه ليه


بثق فى الناس بسرعه للأسف


بكرة اوى الغربه



اكتر مكان بحب اروحه

كورنيش النيل

استحااله ازهق منه


عمرى ما مسكت ورقه و قلم و كتبت شىء مكنتش حاساه

بس طول عمرى لما بكتب شىء و حد يسالنى ايه ده

بقوله مجرد خواطر ولا شعر ولا كلام فارغ



باخد قرارات كتيرة اوى و برجع فيها



بحب اقف فى الاماكن المرتفعه جدااااااااااااااا



the grudge لحد دلوقتى عاملى ازمه رعبيه :D




مقتنعه جدا ان الحب دا بهدله درجه اولى



مش عارفه ..بس حاسه انى رغيت كتير اوى
كفايه عليكوا كده ..:)


*********************

كان فى تاج عند سفاح كرمووز قلت اخده اعملوا يعنى

لوأعطيتك ثلاث وردات .. من هم الثلاث الأشخاص اللى هتهديهم الورد اللى معاك ؟؟

الوردة الاولى لماما طبعا .. بتتعب معاى اوى و بتستحملنى كتييير اوى ..و اصلا ورده واحده قليله عليها اوى ..:)

الوردة التانية لصديق وصديقه فى نفس الوقت..وقفوا جنبى فى مواقف كتيرة اوى وقدروا يغيروا فى حاجات كتيرة اوى
ربنا يحفظهم ..

الوردة التالته هديها لشخص .. فرق معاى كتير اوى فى حياتى
اعتقد لو كان لسه موجود كان كل شىء هيبقى احسن من كده


لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ؟؟

هكتب 3 كلمات بس

عااادى .. بحبك .. كفايه

ما هو هدفك فى الحياة ؟؟

نفسى اوى ارجع حاجات زمان كانت موجوده
سواء فى او فى الناس اللى حوالى
نفسى ارجع تانى لما بضحك يقدر اضحك من قلبى بجد
بكل بساطه
نفسى ابقى انا زمان ..

إن شاء الله بكرة هيكون أحسن من النهارده" ِهل تصدق هذه المقولة ؟؟ و لماذا ؟؟

ايوة بنصدقها
مع ان مش دايما بكرة احسن
بس كفايه اننا عايشين يعنى و بنتنفس

أجمل مقولة سمعتها فى حياتك ؟؟

مش مقوله ... هى ايه قرانيه

"انما اشكو بثى وحزنى الى الله"


من المغنى اللى بتحبه أوى و إيه أحلى أغنية ليه بتحبها ؟؟

بحب كتير اوى ..بس اللى فى بالى دلوقتى

عمرو دياب ..قدام عيونك


لو تزوجت و أنجبت بنتين و ولدين أى الأسماء تختار لهم ؟؟

اكيييد ان شاء الله الولد هيبقى يوسف

الاسم دا داخل دماغى مووت اصلا

لو بنت هخلى جوزى هو اللى يختار بقى

بس يكون اسم يعجبنى يعنى


لو أتعرض عليك رشوة كبيرة و انت فى زنقة ماليه هتعمل إيه ؟؟

هقبلها و اروح اشترى بيها سندوتشات حلاوة بالقشطه:D


قول 3 صفات ب 3 كلمات بس توصف بيهم شخصيتك (يعني كريم طيب خدوم كده )؟؟

مجنون ..متسرع .. مبسوط

اول مرتب ليك وكان كبير قوي يكفي تجيب اغلى هدايا هاتجيب لكل فرد في عيلتك ايه؟؟

مشتغلتش قبل كدا :D


برضه بكلمة واحدة ايه اهم صفة عايزها في شريك حياتك؟؟

غير الحب ..يكون متفاهم


طب دلوقتى حالا ايه المكان اللى نفسك تكون فيه؟؟

نفسى اتمشى على كورنيش النيل طبعاا


تمرر التاج لمين؟

اللى ليه نفس ياخده ياخده

********************

كان فى تاج تالت مخلل عند ديد مان

ما رأيك فى الجملة التى تقول ...العزوبية تاج على رؤوس العزاب لا يراه الا المتزوجين؟

لما اتجوز هبقى ارد على السؤال ده :D

ما هى العوائق من وجهة نظرك التى تحول بين الشباب والزواج هذه الايام ؟؟؟

دا كفايه بس ان الواحد عشان يجيب شقه ليه محتاج نص مليون
شاب مين لسه بيبتدى حياته هيقدر يجيب شقه لنفسه
و الله حاجه تحرق الدم :S
و الاهالى كمان ساعات بيطلبوا حاجات وهميه
مبيفكتروش اللى كانوا بيعملوة زمان هما
بيبتدوا باى حاجه بسيطه و يبنوا كل حاجه مع بعض ..:)


من وجهة نظرك هل النكد موجود فى العزوبيه ام فى الزواج ؟ ولماذا ؟

النكد موجود فى البونى ادم ذات نفسه
عشان كده عمرى ما هفكر احب واحد نكدى


ما الحل من وجهة نظرك لمشكلة (( العزوبية )) فى مصر ؟؟

تعملولهم سندوتشات قشطه بالحلاوة

من وجهة نظرك ....هل للعزوبية مميزات وعيوب ؟

طول عمرى اعرف اه ان اى بتنجان ليه عيوب و مميزات
مش العزوبيه بس يعنى


ما هو رأيك فى انشاء مدونة (( رابطة )) للعزاب من المدونين ؟؟؟

طيب و لو اتجوزوا نعملهم يعنى رابطه للمتزوجين من المدونين

أخيرا ....لمن تمرر هذا التاج ...على الأقل خمسة ؟؟؟

اى حد نفسوا ياكل سندوتشات قشطه بالحلاوة ياخد التاج
:D


يارب بقى تكون ردودى عجبتكم

9 comments:

ولــــــــــو said...

انا عرفت حاجتين مهمين جدا من التاجات دي
انك رومانسية جدا لدرجة كبيرة
انك بتحبي الحلاوة بالقشطة زي عنيكي

اجاباتك حلوة اوي بجد
ربنا يحققلك كل اللي بتتمنيه

safa7_karmooz said...

mosh tensena fy el sandwiches ba2a

Ana keda said...

ههههههههههه

انا كمان عاوزة سندوتشات

مجنون

متسرع

مبسوط

ههههههههههههه

هو تاء التانيث موصلتش عندك ولا ايه

لو اتاخرت شوية انا ممكن ابعتهالك

واكيد اتوقع انك بتقولى مش عارف بدل مش عارفة

صح ولا ايه

Dr Gad said...

كان فى تاج تالت مخلل عند ديد مان


علي اساس اني فاتح محل طرشي <_<

هههههههههههههه

حلوه الاجابات يا روز وخصوصا بتاع الرشوه جاوبتي عليه بصراحه :P

Semsema28 said...

ههههههههههههههههههههههههههه

يخربيت عقلك ياروز

مجنونة صحيح

هههههههههههه

لابجد ياجماعه هى دى روز

واضح جدا من اجاباتها

بس انا مبحبش الساندوتش

مافيش فراخ ولا لحمة

catroz said...

ولو ..

مش بحب الحلاوة بالقشطه ولا حاجه ..

بس حسيتها الاجابه الوحيده اللى ممكن اقولها بس ..

منورنا ..:)

............

safa7 karmooz ..

mosh bnwaza3 sandwiches here ..

catroz said...

ana keda ..

طبعااا بقول مش عارف ..
ومن زماان جدا
و كان بابا يقعد يقولى اسمها مش عارفه ..انتى بنوته..:D

مجنون ..متسرع ..مبسوط

بالنسبالى بتوصل المعنى اكتر من المؤنث
و مش تسالى ازاى ..

وتعالى يا ستى خدى سندوتشات ..الحقى بس قبل ما يخلصوا ..:P

catroz said...

dead man ..

ايوة التاج ده يا ديد عندى من ايام سنه نص تقريبا ..

...............

semsema28 ..

ألناس هتاخد عنى فكرة وحشه يا سمسم

هى دى روز ايه بس ..

ممكن اعملك مكرونه بالمحشى..وانتى و حظك ..:D

مجنونة وبكيفي said...

علي فكرة انتي باين من قرأتي لبوستين بس عندك انك انسانة عسووووووووولة خالص ربنا يحميكي وحساسة مووووت وعارفة يعني ايه حب ربنا يديمه عليكي نعمة :)