Sunday, June 24, 2007

...اتنين بس..تؤ..ما تخليهم اربعه

امبارح بالليل
كنت قاعده انا و اخواتى كده
احنا 4 بناويت و ولد
ايه بقى ...كانت اول مره نتجمع من يوم 22/7
بصيت لنا كده..ما شاء الله
حسيت اننا كده عزوه
مش عارفه دى الكلمه المناسبه ولا تؤ
بس فعلا..احنا خمسه
عددنا مش كتير ولا حاجه
بالعكس ده مناسب جدا
محستش بكده الا لما بابا اتوفى
فعلا ..العدد حلو
اى وقت هحتاج مساعده مش هلاقى واحد بس يساعدنى
لاااا ده فى 4 كمان
ربنا يحفظهم ياااارب
زمان كنت بقول هما 2 بس كفااااايه اوووووى
او مش زمان..... لا.... قبل امبارح
و بعدين هربيهم اازاااى دول
قصدى على 2 يعنى
دلوقتى بقكر فى ايه
هما حلو اوى 4 او 5
...........
عارفه ان البوست فكرته غريبه
بس فكروا فيها كده براحه شويه
انت مثلا...اهو اب و و فجاه لا قدر الله و تعبت
مين هيشيل حمل البيت
اممممم ...اكيد لو شاله 4 اولاد
غير لما يكونوا اتنين
فهمتوا قصدى
يعنى من الاخر يكون لك عزوه
..:)

22 comments:

Mesh Awy said...

ربنا يخليكوا لبعض

catroz said...

يااااارب...ربنا يحفظهم لى يارب
:)

BinO said...

وانا اللي كنت بفكر في 10 11 ولا حاجة
ربنا يخليكم لبعض
ويرحم والدك

المجاهدة said...

ربنا يبارك فيكم و في اخوتكم يا رب و يخليكم لبعض دايماً
:):)


مممم
انا نفسي في اعداد بردو كبيرة :d
عشان واحد يمشى فيه غيره كتيير :lol:

ربنا يبارك فيكم يا رب
:)

عمرو المصري said...

الي اولئك الذين المهم صور اقتتال الاخوة الاشقاء في فلسطين


الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


الي كل من انجر وراء حملة التضليل الاعلامي التي ساقوها علينا

الي كل ساع الي الحقيقة

الي كل هؤلاء اهدي

التبيان في اقتتال الاخوان

تجدونه فقط

في

ارض الحرب

Alaa said...

ربنا يحفظكم و يعينكم
و يصبركم على فقدان والدكم
هي هتكون فترة توهان مؤقتة و هتروح ان شاء الله و هتقفوا كلكم على رجليكم
لا تنسي والدك من ادعاء

و 5 افضل من 2 :)

Anonymous said...

العدد الكبير بيبقي كويس جدا فى الازمات بجد .. من مساندة نفسية او تقسيم المسؤولية الملقاة على عواتقهم جميعا
المهم يكون العدد الكبير بيحب بعض زيكم ...بسم الله ماشاء الله

ربنا يكرمكم يارب ويقويكم ببعض وتبقوا أحسن وأحسن الايام الجاية ان شاء الله :)

محمد مصطفى said...

ربنا يخليكم لبعض
بس فكرة أرعة خمسة دي كتيرة قوي
كفاية اتنين فعلا

catroz said...

BinO
ربنا يزيد و يبارك
كتير حلو مش وحش ولا حاجه

---------

المجاهده
فعلا يا بنتى عدد كبير كده حلو اوى يعنى
ربنا يكرمك يارب

---------

عمرو المصرى

امممم...شكرا على مرورك

catroz said...

علاء
جزاك الله خيرا
هى فعلا فتره توهان اهى و الحمدلله بدانا نفوق و الامور تتحسن
الحمدلله على كل شىء
و فعلا 5 احسن من 2
..:)

---------

Anonymous

اكييييييد العدد بيفرق كتير فى الاوقات دى
مكنتش بحس بكده زمان ...لكن دلوقتى حاساها اوووى
ربنا يخليهم لى يااارب و بحفظهم ياارب

catroz said...

مادوو

انا بقول ان اتنين قليل اوى
اقصد ان اربعه او خمسه حلو
اممممم
عموما دى وجهات نظر يعنى

وشوشني said...

ربنا يخليكم لبعض ان شاء الله

catroz said...

يارب يا وشوشنى ياااارب

:)

Anonymous said...

ربنا يزيد حبكم لبعض ان شاء الله

The Manager said...

ربنا يخليكوا لبعض ويحفظكم إن شاء الله


ويبارك فيكم ويحميكم

ويحقق ليكى وليهم كل إللى تتمنوه

وفعلا موضوع 4 دة كويس ربنا يرزقنا :)

جزاكى الله عنى خير

وانا زعلان منك جدا
يارب تكونى عارفة ليه ...

AMRO .O. ABDELHALIM said...

هاى كاتروز
بتمنى نكونى خرجت من حالة الحزن
عاوز اقولك ان مفيش احلى من لمة العيلة الكبيرة العدد،انا لى -ماشا الله- تمانية اخوات غيرىوماقدرش اتخيل الاسرة الا وهى كبيرة العدد، طبعادلوقت فى تحديد نسل ومساكل مادية بس طبعا ربنا موجود
انت بطلت تزوريبنى ليه؟

Alaa said...

على فكرة

محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

catroz said...

The Manager

يااارب يا مانيجر
فعلا بحبهم اخواتى اوووووى
مش عارفه الحياه من غيرهم كانت هتبقى عامله ازاى
ربنا يحفظهم لى

بس حضرتك زعلان منى ليه بس
انت عارف مبحبش حد يزعل منى
خير ان شاء الله
هفهم الموضوع بس الاول

-----------

المتوحد
ما شاء الله..ما شاء الله
بجد انبسطت لما عرفت عدد العائله الكريمه
ربنا يحفظهم يارب و يخليكم لبعض
ربنا يبارك لك فيهم يااارب
و اسفه جداا انى مش متابعاك و الله انا لسه فى الامتحانات
حسسونى انى ثانويه عامه دا حتى ثانويه عامه خلصوا قبلنا
هانت بقى
تخلص و هتلاقينى مقيمه عند حضرتك كل يوم ان شاء الله

----------------

علاء

اكييييد هشوف الموضوع...بس عندى امتحااان كمان ساعتين
ارجع منه و هشوف الموضوع ده باذن الله

عمرو غريب said...

ربنا يخليكو لبعض ويجمعكم علي الخير دايما

catroz said...

ياااارب يا عمروو

veticohaya said...

سلام عليكم..

ربنا يخليكوا لبعض..ياارب..
فعلا الاخوات اعز ما لينا..الواحد بيقدر قيمتهم كل ما بيكبر..وبيحبهم اكتر واكتر..
ربنا يخلهولنا ياارب..:)
ربنا يعزك يا كاتروز..

catroz said...

veticohaya

و عليكم السلاام

ايون يا بنتى يوم بعد يوم بجد بحبهم ااكتر
و بفهم حاجات كتيره كانوا بيعملوها عشانى و مكنتش باخد بالى منها او مكنتش بديها اى اهتمام
رربنا يحفظهم يارب
و يكرمك انتى كومان
..:)