Saturday, October 06, 2007

خواطر شــــــــاب محتـــار


في يوم ولا في الأحلام ... قولت اسافر واشد الرحال ... علي بلاد فيها كل ما هو أغرب من الخيال ...دهب و ياقوت ومرجان ... زي ما بيقولو في المسلسلات والأفلام

لكن ارجع واقول احنا لا في مسلسلات ولا افلام ... دي بلاد ماشية زي ما الكتاب قال تقدم ورقي وتكنولوجيا كمـان

طب قولي يا سيدي ليه مش بنحط ده في الحسبان .... علشان نبقي احنا كمـان من بلاد الأحلام

لكن ازاي واحنا عندنا الشباب عيان ..... ومفيش في دماغه غير البتنجان

خروج ولعب وأغاني كمان.... بوظت عقول ألاف كمان

ونرجع ونقول شبابنا اللي عيان .... طب ما تبصو علي إعلامنا الكحيان

ويا سلام علي حكومتنا كمـان.... وياسلام علي اللي في بالي كمـان

مرتاح ورايق ولا في دماغه اي كلام ..... طب انا اعمل ايه وسط ده كله دانا غلبان ..

ياتري اسافر بلاد الأحلام .... ولا افضل هنا عايش في الحرمان

ناس تقول هنا احسن من هناك .... وناس تقولي هو حد لاقي يروح هناك

قولي اعمل ايه افضل هنا ولا اروح هنـاااااااااك .. !!!!!!!!!!!!!!!!!!

39 comments:

veticohaya said...

salam alikom...
حلوة ...:)
فعلا بقى الشباب كحياان وملهووش غير في لهياافة والافلام والمظااهر والتظاابيط...الخ
الا اللهم من رحم ربي...بس نسبتهم بدئت تزيد..وربنا يهدي الجميع ياارب..
بس كله كووم وحكومتنا وبلدناا كوم...ولا في الحسبااان وراايق ومش تعباان..
احنا الي بنتكحرت ووعيش..

ياارب ميكونش احبااط في الحالة النفسية..مهما عملنا وفكرنا في الحااال...مش هنير منه الا بسعة معينة...والحاال سيظل على ما هو عليه..في وجود ...حبايبنااا..:)

يلا كل سنة واكتوبر بخير..:)

mohamed said...

خليك عندك
علي الأقل هنا أنت عندك أحلام

بره حتي الأحلام مش هتلاقيها هياخدوها منك

Rushdy Kamel said...

حلوة أوي
حلوة كمان الصورة دي والصورة بتاع البوست اللي فات
بصي لما ماتلاقيش فيها حل يعني مش هايفرق يأس من تفاؤل حاولي تتفائلي وتضحكي على نفسك شوية

تحياتي

catroz said...

الشباب تعبوا من جوه
مبقوش عارفين هما مستقبلهم رايح لفين ولا جاى منين
ولا هيتخرج و يشتغل ولا يتخرج و يسافر
ولا هيقعد فى البيت حتى
عارف المهم يعمل ايه
يتوكل على الله
و يعمل اللى عليه
و دايما يبقى عارف ان الله لن يضيعه ابدااا
لان دا بنى ادم تعب و ذاكر
ربنا هيكرمه و يوفقه فى حياته
اكيد مش هيتساوى بشخص اخر
لا عمل حاجه ولا سوى حاجه
"مع انهم بيتساووا بسبب الفساد اللى فى مصر"
ربنا يكرمك ياارب يا محمد

بجد بوست جااااااااااااامد اوووووووى ..:D:D
بس خلى بالك .. البوست الجاى مينفعش يبقى كئيب .. الناس هتكرهنا :D

sa'7so'7te said...

حاول توصل اللى هنا هناك
او حاول تجيب اللى هناك هنا
سهلة يعنى
:)

M.Osama said...

(( veticohaya ))

وعليكم السلام ...

متشكر اووي علي ردك .. ومنورة البوست والبلوج كله

فعلا عندك حق ... الشباب الهايف اللي مالوش هدف كتر اووو ...

بس تقدري تقولي ان الشباب متجزأ دلوقتي لـ 3 اجزاء ... ناس هيافة وضايعة ومش فارق معاها ... ونازل عايزة تعمل حاجة بس مش عارفة من احوال البلد اللي الكحيانة .... وناس تانية ماشية مع التيار الأخواني ومش عارفين هما بيعملة ايه اصلا ...

اما بقي الفئة الرابعة اللي متكلمتش عليها وهيا الناي الملتزمة المتدينة المحترمة ... ودول بقو فئة قليلة في المجتمع ....

بس برده ارجع واقول اللي عايز يعمل حاجة هيعملها ... ومن جد وجد

M.Osama said...

(( mohamed ))

منور يا محمد ... شكرا علي تعليقك ..

والله هيا مش فارقة هنا ولا هناك ... المهم الواحد يشتغل بس ويبقي جاهز لهنا او هناك ...

المهم ان الواحد يأهل نفسه الأول ويجتهد وبعدين يدور علي الحتة اللي يشتغل فيها ... بس الواحد يعمل اللي عليه الأول

M.Osama said...

(( mohamed ))

متشكر يا مان ... اهلا بيك منور البوست

يارب يكون البوست كله عجبك مش الصورة بس ... :D

ومفيش بأس ولا حاجة ... حد ييأس في مصر ... :D

M.Osama said...

(( catroz ))

البوست كله نوووووووووووووووور ..

ان شاء الله ربنا يكرمنا ويوفقنا ياروز .... ويوفق كل الناس اللي بتتعب وتجتهد

ومتقلقيش الموضوع الجاي هيبقي نكت ... :P:P

M.Osama said...

(( sa'7so'7te ))

نورتي البوست يا سخسوختي ... شكرا لردك ...

انا رأي بقي اننا نسيب اللي هنا هنا ونخلي اللي هناك هناك ... :D

وكل سنة وانتي طيبة ..

عطاالله النديم said...

ana ma2dertesh aktob el coment beta3ty hena .. we nazeltha fe post monfasel fe el modawna 3andy ..

M.Osama said...

عطا الله النديم . .


انا قريت ردك يا جميل ... وان شاء الله هدخل المدونة عندك واقري التعليق كله ... متشكر اووي علي ردك ..

ولــــــــــو said...

اعمل اللي يخليك كسبان
ويغير حزنك ويقلبك فرحان
لو جابك هناك او هنا
او حتى رحت افغانستان

Selfmeaning said...

بوست جميل جدا خلى عندك امل و تغير من هنا شوية هتلاقى حالك احسن لان عمرك ما هتعرف تعيش بره بلدك و ان عشت هتبقى انسان غير الانسان حاول تحلم و بلاش يأس و "اجتهد"على قد ما تقدر اكيد هيبقى عندك فرص احسن

Anonymous said...

او جزت فانجزت وخير الكلام ما قل ودل وده الى عملو البوست الرائع ده

M.Osama said...

ولــــــــــو

منور يا باشمهندس ... وفعلا لازم الواحد يعمل اللي هو مقتنع بيه ده اهم حاجة .. مهما يكون في اي حتة ...

وان شاء الله الواحد ميحتجش يروح افغانستان :D

M.Osama said...

(( Selfmeaning ))


اهلا بيكي منورة البلوج ...

لا علي فكرة ده مجرد زي شويه كلام كاتبه علشان حال البلد واللي الواحد بيشوفه حواليه من اصناف الشباب واللي بيحصل كل شويه ...


لكن الحمد لله انا متفائل ومش يائس ومؤمن بإن الإنسان لازم يجتهد علشان يوصل للي هو عايزه ... ومن جد وجد ... وان الله لا يضيع اجر من احسن عملا ...

M.Osama said...

رئيس جمهوريه نفسى


بجد متشكر اووي كلامك جميل ... ويرفع معنويات اي حد ...

متشكر اووي لزوقك .. ونورت البوست والبلوج كله ...

وكل سنة وانت طيب ...

Fedaa AL Eslam said...

بجد يا كاتورز ما شاء الله كل بوست بتكتبيه بيبقى اجمل من الى قبله

catroz said...

Fedaa AL Eslam...

دا مش انا
دا محمد هو اللى كاتب البوست دا ..
:D

Selfmeaning said...

الحمد لله انك متفائل فى الزمن الجميل دا

:)

M.Osama said...

Selfmeaning

الحمد لله علي كل شئ اولا واخيرا ... ولازم الواحد يبقي متفائل .. مفيش حد بيجتهد ومش بيلاقي نتيجة اجتهاده ...

وربنا معاكي ويوفقك ..وكل ينة وانتي طيبة

^-^ LoNeLy ^-^ said...

انا شايف انك تقدم كمال اجسام :D

M.Osama said...

LoNeLy

ابقي قولي الحتة اللي انت قدمت فيها علشان ابقي اقدم معاك .. :D

Selfmeaning said...

و انت بالصحة و السلامة

ولــــــــــو said...

كل سنه وانتم بألف خير
كل سنه وكاتروز بخير
وكل سنه وم اسامه بخير
اتمنى من الله لكم التوفيق والنجاح

smraa alnil said...

يا عم خليك هنا البلد دي احسن من غيرها
ولا اقولك روح هناك علي الاقل لما تلاقي القسوة والاهانة هناك هتبقي اهون بكتير ما تلاقيها هنا من اهلك وقرايبك اللي هنا

لكن احلامك هنا هتتداس بالجزمة لانك هتلاقي عبده الروتين والحرمان محاوطك من كل ناحية

هناك في نسبة ولو ضئية هتلاقيها بتحترمك حلمك
ولو مش احترمته علي الاقل مش هتمنعك انك تحقق الحلم دة
لكن لامؤاخذة هتلاقي مليون جزمة في وشك

الموضوع مش مساله احبط
بس دة واقع بلدنا واللي يقول غير كدة يبقي حاجة من الاتنين

ياما بيكون عايش داماك
حيث الرفاهية

ياما كائن نوراني مش من سكان الارض

The Manager said...

كل سنة وانتى طيبة يا فيروز اولا

انا شايف ان الشباب العيان هو إللى بإيده الحل

يصلح نفسه

طالما الدنيا من حواليه بايظة كدة ومش هيلاقي حد يخاف عليه

يإما بقة زي ما الناس سابته كدة
يسيب نفسه هو كمان

هي خربانه خربانه

Young entrepreneur said...

السلام عليكم. العدد الثالث من مجلة طراطيش كلام نزل بفضل الله, منتظرين زياراتكم و تعليقاتكم.
Trateesh Kalam

Anonymous said...

طب انت عارف ان البلد الكحيانه دى فيها كل البلاوى دى
انت عملت ايه عشان تخليها زى البلاد التانيه الكويسه
والله ماكلام شعارات
بس اى حد بيحس بالمشكله بيهرب ومش بيفضل غير النايمين بتوع البتنجان
عموما

كل سنه وانت طيب

M.Osama said...

(( ولــــــــــو ))

كل سنة وانت بالصحة والسلامة يارب دايما ....

------------------------

(( smraa alnil ))

منورة يا سمراء النيل اهلا وسهلا بيكي ... وكل سنة وحضرتك طيبة ...

كل كلامك صح فعلا .. وعلي فكرة كل كلامك ده وجهة نظري وانا كمـان بقول كده بالظبط ...

لكن الكلام ده مجرد ( طرطشة كلام ) خواطر كده يعني ... علشان اللي الواحد شايفه حواليه بس ...

M.Osama said...

(( The Manager ))

منور يا يا مان ... اهلا بيك .. وكل سنة وانت طيب ....

وفعلا الواحد لازم يصلح نفسه ... لكن نيجي لنقطة مهمة وهيا ان كل الشباب لازم تحس بالإحساس ده علشان لو كل شاب بدأ يصلح من نفسه هيكون في مستقبل كبير وجميل لكل الأمة ...

M.Osama said...

(( Mohamed ))

وعليكم السلام يا فندم ... ان شاء الله نزور الطرطشة ... ونعلق ... وربنا يوفقك ويكرمك ..

وكل سنة وانت طيب ..

M.Osama said...

(( وينكي ))

اولا كل سنة وحضرتك طيبة ...

انا عن نفسي مؤمن اوي بالبلد دي وبكلامك ... بس ياتري في زي وزيك قد ايه ... طبعا مش كتير ...

لكن في نقطة مهمة جدا بقي فين ياتري البلد اللي احنا المفروض اننا هنعمل علشانها كل ده ... البلد نفسها فين ..

المفروض ان البلد هيا صاحبة الدور الأول والأخير في التوجيه ... مهي لو البلد شايفة دورها كويس .. مش هنحتاج نقول كل واحد يبدأ من نفسه ... لإن اصلا الواحد يكون طالع جاهز والفضل هيبقي للبلد واما الواحد يطلع جاهز كده ... اكيد هيدي البلد دي اكتر ... وهيفدها ويشتغل فيها عن حب ...

Ert3ashat said...

هههههههه

على رايك

هنعمل ايه بس

حيرتني

M.Osama said...

(( Ert3ashat ))

ههههههههههههه

انا كمــان حيران ... هنعمل ايه .. !!! يلا نتفق علي حاجة مع بعض بقي ... هنفضل حيرانين ولا ايه ...

احنا نغتال اي حد مهم في البلد ... ونخلص عليهم وحد واحد ... هههههههه

MONDAHESH said...

اللي عايز يوصل لحاجة هيوصلها

هنا او هناك

Lobna Ahmed Nour said...

هنا او هناك الامر سيان

المهم نعقل ونبطل جنان

خاطرة جميلة فعلا *****

okletstrythis456 said...

نظره مُحبـِطه مُحبـَطه للشباب .. ربنا يخليكى لمصر يا روز :D