Friday, June 29, 2007

...عارفين الشعور ده


عارفين الشعور ده



عارفين لما تفتكر حاجه كده



تحس انها بتشدك لذكريات



انت مش عارف ايه الذكريات دى



بتشدك لحاجه كده



بحاجه انت مش عارفهاا



و ممكن تدخلك فى شعور كده غريب



حزن مع الم مع فرحه





الشعور ده




!!....عارفينه








عارف لما تسمع اغنيه كده



تلاقى نفسك بتبتسم من غير سبب





بس جواك حزين اوووى



و تلاقى شعور بدأ يدخل جواك




انت مش فاهمه



و تحاول تفهم ايه ده



وفى الاخر متفهمش


طيب عارف لما تروح تقف على البحر كده



وتاخد نفس عمييييق


بعديها تلاقى نفسك بتبتسم


بس جواك حاجه مش قادره تخرج


حاجه يمكن بتقطعك من جوه


و مش عارف تتخلص منها


عارفين الشعور ده


طيب عارفين



لما تبقى لسه صاحى من النوم



اليوم لسه مبداش اهو


وتلاقى نفسك على السرير لسه



و غصب عنك تنزل دمعه



ممكن تفضل ساعتين تعيط على المخده



المخده اللى تعبت مننا كل يوم


كل يوم يتحس بينا




قبل ما ننام


و تقوم من على السرير



و محدش يعرف حاجه


عارفين الشعور ده








عارفين لما تكونوا اصحاب متجمعين فى يوم كده



و كلكوا مهيسين و بتدحكوا



و اللى يشوفكوا من بعيد لبعيد



يقول الناس دى رايقه



وحياتها قشطه



و انتوا اصلا بتدحكوا بدل ما تعيطوا



و محدش حاسس بحاجه



و محدش فاهم حاجه



لا و ايه



محدش هيقدر اصل


انه لا يفهم ولا يحس اللى جواكوا


.....


طيب عارفين لما تكون الساعه 2 بالليل



و البيت كله نايم




بتبقى عايز تصرخ بأعلى صوتك




كفاااااااااااااااايه ......حراااااااااااااااااااااام




كفايه بقى...ما خلاص..



حرام عليكوا اوى كده



بس كفايه ايه..معرفش




كفايه و خلاص








طيب عارفين الشعور ده

لما تكون راجع من يوم سبيشيل اوووووووووى بالنسبه ليك


و ترجع..متحكيش لحد من اللى فى البيت على اللى حصل


و يمكن متحكيش لحد خالص



و يمكن اصلا محدش يسالك



ولا يقولك تعالى يا حبيبى



عملت ايه


احكيلى ابسطنى معاك



تبقى عايز حد جنبك اووووى يفرح معاك كده

بس متلاقيش

و تروح قبل ما تنام تراجع اليوم ده كده

لقطات بسيطه


و فى ااخر يوم اجمل من رائع

و انت جاى تنام...تقعد تعيط


مع ان فى ناس كتييير يحسدوك على اليوم ده







طيب عارف


لما تحس انك عايز مساعده من اى حد



اى انسان


اى مخلوق


حاسس انت بتغرق


بتغرق فى ايه مش عارف


بس انت محتاج مساعده



محتاج حد ينجدك



مش عارف هتطلبها من مين


و حتى لو طلبت مساعده


هتتقوله ايه


عايزك تساعدنى و خلاص

هيرد و يقولك اساعدك فى ايه


تقوله حاسس انى بغرق
الحقنى

هيقولك بتغرق فى ايه


ما انت واقف قدامى اهو


انت محتاج مساعده

بس مساعده فى ايه انت مش عارف



و تفضل تغرق و مش لاقى مساعده







طيب عارفين


لما تكون عايز تسمع كلمه معينه مش شخص معين


كلمه ممكن تكون كلمه من حرفين بس


مش صعب عليه يقولها


وتلاقيه ولا بيتكلم



تحس انه تمثال

ما تتكلم بقى



طيب ما هو انا شايفاك بتقولها مليون مره


شايفاها فى عينيك


حاساها اوى


عايزه اسمعها بقى


قوووووول

اتكلم

و لما يتكلم

تحس انه بيشفق عليك

!!!...بتشفق على


طيب لما انت كده


بتحسسنى بيها ليه من الاول اصلا



بتعيشنى فى الشعور ده


ليه من الاول..و لو للحظات

لما ده مش حقيقه

طيب عارفين بقى


لما تلاقى نفسك كده

عايش شعور جميل اوى

مع نفسك


انت بتحب جديد


انت عاااشق

بس اللى يدحك


مفيش حبيب


انت لوحدك

بتحب و خلاص


هو انت اااه بتحب


بس اللى بتحبه ده مش موجود



طيب هو فين


معرفش





طيب عارف لما تبقى عايز تسمع صوت حد معين اووى

واحشك اوى

عايز تسمع صوته

تطمن عليه

و تفضل مستنى
و مستنى
و مستنى
و فى الاخر ميتصلش
لا و بعدين يتصل حد تانى

تقول اخيرا اهو
و ترد بلهفه
و تسمع صوت حد تانى
مش ده اللى كنت مستنيه





انتوا بتحسوا بالكلام ده



ولا انا بس



طيب و لو بتحسوا بالحاجات دى





ما تحكولى طيب بتبقوا عاملين اازاى

بتحسوها امتى

بتتصرفوا ازاى

بتعملوا ايه

ايه اللى بتحسوا بيه


هو الشعور اللى بحسه مش عارفه اوصفه بكلمات اصلا


بيبقى عميق اوووى



بيبقى جاى من جواك



و مش عارف اصلا هو اتولد ازاى جواك

34 comments:

علاء عارفين said...

اه و الله عارفين و المسكله ان لو تسلل جوايا شعور حزين اقعد اجيب كل اللي الحاجات اللي مضايقاني و افكر فيها . . فيبقى اليوم نكد و يمكن يكمل معايا اكتر من يوم

....................................
اضحك و جوايا حزين . . لا دي مبعرفش اعملها انا مبضحكش الا لو كنت مبسوط بجد ولما ببقى متضايق حتى الحاجات اللي بتبسطني مبيبقاش ليها طعم ولا لون

...................................
احب من غير حبيب . . ولا لو في حبيب شعور يطغى على المنطق و يغيب العقل ولا داعي للحديث اكثر من ذلك

....................................
نسيت اقول..
مدونة حضرتك جميله جداً

catroz said...

DR_NIGHTWING
الاول منورنا يعنى
تانى حاجه يعنى انتوا كمان بتحسوا ببعض الحاجات اللى بحسها اهو

العور بيتسلل براحه جوانا و فجاه بنلاقى نفسنا جواه
و مش عارفين نخرج منه
لا و فعلا بيزيد و يمكن يفضل لكام يوم بعد كده نفس الشعور ده عندنا

و موضوع اضحك دى
بتحصلى انا و اصحابى كتييير
بنبقى خارجين من الامتحان محليناش حاجه تفرح
و نخرج
بندحك
و يسالونا
يتدحكوا على ايه
مش بنرد
لا بنكمل دحك
ما هو لو معملناش كده هنقعد نعيط
و مبنحبش الدموع تنزل قدام حد
...:)

اممممم
احب من غير حبيب ولا لو فى شعور...ولا داعى للحديث
طويب...:)

المدونه جميله بوجود حضرتك
...:):)

AMRO .O. ABDELHALIM said...

العزيزة كاتروز
انت عندك قدرة مميزة فى تشريح مشاعرك
والغوص داخل نفسك، بعتقد ان كلنا ممكن نعرف نفسنا، لكن مهما كنا قريبين من التانيين،مش ممكن نجزم ان احنا نعرفهم، لما نضحك فى عز الحزن،، اونفصل تصورات من احلامنا للاخرين دا هو الشىء اللى بيسب لخبطة لمشاعرنا، كل انسان بيحس بكدا، كلنا عرفنا المشاعر دى
عارفة انا عملت ايه، ؟ عشت فى وسط الناس، بس طول الوقت حاسس انى لوحدى
اوعى دا يكون زهج امتحانات
امنياتى لك بالتوفيق

catroz said...

المتوحد
لا مش زهق امتحانات
لو كنا قريبين من الناس التانيين بجد
بسهوله اوى نفهمهم صح
مش دايما بس ممكن مش صعب زى ما بتقول
و كويس ان ناس تانيه بتحس المشاعر دى مش انا بس
بس ازاى انت عشت وسط كل الناس و طول الوقت لوحدك
اكيد فى وقت حسيت فيه بانك مش وحيد
اكيد يعنى
و لو ليوم واحد
حتى لو لوحدك
ممكن تبقى قوى اوى على فكره
و انت وحدك
منورنى فى البلوج كالعاده
...:)

The Manager said...

اناعارف الشعور دة يا كات

مممممممم

عمرى ما شغلت نفسى بيه مش عارف ليه

ولا بشغل بالى بالنهييس والكلام دة

اهه حالة بعيشها وناس كتير بتعيشها زيي

وطالما ناس كتير زيي يبقى عادى زى ما ببقى جعان وباكل

كل الناس كدة

اما الحل

فإما هنام واصحى ابقى كويس:)

او هشغل نفسى بأى حاجة

او اسمع اى حاجة تتناسب مع حالتى :(

اول مرة اقرأ موضوع طووووويل قوى كدة ومزهقش منه

بالعكس زعلت لما لقيته خلص !!

جزاكى الله عنى خيرا يا كاتروووز :)))

break said...

أنتى عيشتينى فاحاسيسك مع انى مش عايشاها فعلا
تخيلت نفسى فكل حاجة

فكرتينى برباعية لصلاح جاهين

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!

Anonymous said...

السلام عليكم

بجد مش عارف اقول ايه

اعتقد ان ده اكتر ايموشن معبر

:(

زى الهوا said...

كاتروووووووووز بجد حرررررررررررررام ، كل دا جواكى يابنتى ، انا عارفة كل اللى انتى بتقوليه دا واكيد حسيته ، بس انا مش هاقولك على اللى حساه ، انا هاقولك على الحل انك ماتفكريش فى اللى مزعلك ماتفكريش اصلا فى انك زعلانة اضحكى على طول وماتخليش مكان للحزن
بوست حلو

safa7_karmooz said...

مش هكتب كومنت عشان عاوز اابقى فرحان كام يوم كده

وشوشني said...

انت عارفه بقا
عارفه الشعور ده لما انت تبقي كل كلمه في قلبنا انت قلتيها وريحتينا من تعب الكتابه

هو ده الشعور بالظبط والله انا لو كان في كلام كئيب في الدنيا ممكن ااقوله مش هيبقا اكتر من اللي قلتيه
والكلام ده انا مش هقولك انا بحسه كتيييييير جدا جدا بس انا بقا مش بعرف اعبر وانتي عبرتي بكل المقاييس

Anonymous said...

على فكرة انا مش شايفة انه كلام كئيب خالص

ده مجرد كلام بيعبر عن احاسيس صادقة جدا بس

احاسيس عميقة ورقيقة اوى بجد ماشاءا الله

لكن هي مش كئيبة :):)

انا كان نفسي البوست ميخلصش وانا بقرأه على فكرة

حسيت كل احساساية فيها

ربنا يكرمك يارب...:)

محمد مصطفى said...

الله عليكي
بس

catroz said...

The Manager

انت مش بتشغل نفسك بيه
ولا انا و الله
بس ده واقع
فى اى وقت هلاقيه حوالى
هو اللى بيشغل نفسه بى
مش انا
و موضوع التهييس
هو ندحك شويتين
بدل ما ننكد على نفسنا و على اللى حوالينا
مش لازم نخلى الناس تزعل زينا
خلاص احنا اهو مكتئبين
منوصلش الحاله دى بقى للى حوالينا
صح ولا ايه
..:)
و ناااس كتير زيي و زيك اكيد
بنحاول بقى نعيش و خلاص

انا كنت خايفه اوى الموضوع يبقى طويل و فيه رغى كتير
الحمدلله بجد انه عجبك
عارف...انت بترفع روحى المعنويه كتير اوى
ربنا يكرمك يارب

-----------


break

عيشتك احساسى
ده معناه انى اهو قدرت اوصل اللى جواى
و لو جزء منه
طيب جميل اوى

الرباعيه
جميله اوى

فكرتينى برباعية لصلاح جاهين"

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل" فعلا و عجبى
.......:)

catroz said...

Skeleton_Eel

و عليكم السلاام
مش قصدى ازعلكوا و الله
بس مدام ده ...:( اكتر اموشن معبر
حقك على
فتره كده و هرجع اكتب لكوا حاجات تبسط بقى

------------


زى الهوا

ده كله جوااى
و اكتر من دا كماان
....:)
الحاجات دى جوانا كلنا مش انا و انتى بس
و كلنا حسينااه اكتر من مره كماان
.......:)
و انا مش زعلانه و لا حاجه
الحمدلله
و مبسوطه و معنديش فعلا لا مكان و لا وقت للحزن
عندى مكان بس للاكتئاب
:D
منورانى فى البلوج بجد..
:)

catroz said...

safa7_karmooz

السفاااح
جميييييييل جدا
بل و رااائع انك مبسوط
بس لما كنت بكلمك من شويه
مكنتش مبسوط
خير ان شاءالله
ربنا يعوضك خيييير
...:)

-----------

وشوشنى

ايوه عارفه الشعور ده يا وشوشنى
لما حد يتكلم و يقول كلام انتى بتحسيه
ايوه جالى الشعور ده قبل كده

و بعدين اصلا مكنتش عايزه الموضوع يبقى كئيب كده
يلا الحمدلله
المهم انه عجبكم و خلاص
و الحاجات دى كلنا مش انا و انتى بس
كلنا بنحسها كتيييير
زكريات بجد
و مبسوطه لانى قدرت اعبر
......:)

catroz said...

Anonymous
صديقتى العزيزه
لا و اختى كمان
مش صديقتى بس
.......:)
انتى شفتيه مش كلام كئيب
جميييل اوى
ده اللى كنت عايزاه
احاسيس و مشاعر بس
و مبسوطه اووووووى انه عجبك بجد
بنت انتى
انى احبك فى الله
ربنا يكرمك يااارب
.....:)

------------

مادو

الله عليك انت
بس بس ايه
:D
و منورناا

Anonymous said...

بجد مش قادره اقولك غير انك فعلا عبرتى عن احساسي لكن مكنتش عارفه اعبر عنه

Anonymous said...

صحيح ياكات نسيت اقولك,
اضافه لكلامك عاوزاكى تتخيلى انتى بقى لما تكونى حاسه انى بتغرقى من زمااااااااان اوى وناس كتير بتحاول تساعدك وانتى مش عاوزه المساعده دى منهم, لكن محتاجها من شخص معين ومش قادره تطلبيها..... ولما طلبتيها (يقولك انا اسف مش هاقدر ) تعملى ايه



مع العلم انك ياما ساعدتيه كتيييييير وتقريبا اكتر محدش وقف معاه غيرك

تخيلى وقوليلى تعملى ايه

عمرو غريب said...

انتي عملتي نموذج للاحساس الداخلي و المشاعر التي من الممكن ان يشعر بها اي انسان

Noony said...

عارفاه
أكيد
طبعاً
وماله
مؤكد عارفاه
هو اية الجديد يعني؟
هو في ناس مش بيحسوا الاحساس دة؟
هو أنا كدة طبيعية؟ أه طبعاً..واللي غيري هم اللي مش طبيعيين

عادي يعني
فين المشكلة بقى؟
بس عارفة..انتي عرفتي توصفي الاحساس دة صح أوي
سكرة والله

:)
نوني

Fedaa AL Eslam said...

ياااااااااااااااااااااااااااه يا كاتروز
بجد انا عيط لما قراتها صديقنى انا كنت حاسه بالكلام ده جدا
جايز لانى فعلا عايشه فيه احساس بجد صعب خاصة لما يكون لانسان مش قادرة تتخيلى الحياه من غيره
فى ناس مينفعش ميكونوش موجدين فى حياتنا يعنى مينفعش يكون فيه مستشفى مفيهاش دكاترة ولامدرسه ومفيهاش مدرسين
كمان مينفعش يكون فى بيت مفيهوش اب رمز الامان
متصورة يعنى ايه لما تبقى مرتبطه بانسان اوى اوى وبعد كده تفوقى يقولوك ده مات خلاص تحسى انك مش قادرة تفهمى ايه الى بيحصل او ايه الى حصل وتقعدى تفكرى ازاى هتقدرى تعيشى من غيره ولما تتعبى من كتر التفكير ومتلقيش إجابه بتعيطى لحد وتفتكرى ايامك كلها معاه لماكنا بنضحك سوا ولا بنخرج سوا ولا ايام الامتحانات ولا لما كنت ببقى زعلانه واترمى فى حضنه ةواعيط وتفوقى من الزكريات ومتلقيهوش جنبك تحسى انك بتدمرى وكل الى حواليك محدش فيهم حاسس بالانتى عايشاه ومشغول فى نفسه تحسى انك لوحدك حتى لو كان العالم كله حواليكى

FloNa said...

صعبة اوي المدونة دي يا كاتروز :(

الشعور ده بجد بجد بيحصل كتير

بالذات لما تبقى صاحية من النوم لسة اليوم مبتداش وتلاقي دمعة على عنيكي


ولما تبقى مستنية كلمة حتى لو من حرفين من شخص معين

انتي حاسة بيها في عنيه

بس هوه مبتكلمش :(


:( :(

§a§a said...

يااااااااا يا كات روز بجد بجد

جبتى من الاخر وبدلا ما تتعبنى فى الكتابه

الشعور زهق منى اساسا

بجد جزاكى الله خيرا على الموضوع

catroz said...

lamada

جمييييل بجد انى قدرت اعبر عن احساسك
...:)
وايوه عارفه الموضوع ده
تبقى بتغرقى و واحد بس هو اللى يقدر ينجدك
هو الوحيد اللى ممكن بنقذك
بس بكل برود يتخلى عنك
مع ان انتى استحاله فى يوم من الايام تتخلى عنه او تسيبيه
و هو فى غمضه عين يسيبك مع انه عارف انك محتاجه له اوى
و محدش هيقدر يساعده غيره
بصى انسان زى كده ميستاهلش بكل بساطه انك تضايقى نفسك عشانه
ولا تفكرى فيه اصلا
تؤ
بصلى لمستقبلك
قدام
و عيشى حياتك و انقذى نفسك بنفسك
او على الاقل حاولى تنقذى نفسك بنفسك
.....:)

------------


عمرو غريب

انا فى الاول بس كنت عايزه اعرف
هو انا بس اللى بحس بكده ولا كل الناس
من الواضح ان كلنا عندنا نفس المشاعر دى
.:(

catroz said...

Noony..
ايون كلنا عارفينه
و بنحسه
و اللى مش بيحسه هو اللى مش طبيعى فعلا
....:)
و مفيش جديد
انا حتى كمان حاسه انى مقدرتش اوصله بصوره كافيه
ده اللى قدرت عليه بس
....:)

-----------

Rodrigo ...

ثقافتى المانى بس للأسف
هبقى افتح اللينكات
يمكن افهم انت او انتى عايز توصلنى لايه
:D
فعلا العلم نور...

catroz said...

Fedaa AL Eslam ...

بصى هو ده اصعب شعور
لما شخص يختفى فجاه و متبقيش فاهمه لا ازاى ولا ليه
و الاصعب لما يكون قريب اوى منك
لا و ايه
خلاص ده مش موجود
و تحاولى ترجعى زى الاول بس مش عارفه
و حتى بعد ما يمر وقت طوييييييل
و انتى عارفه و متيقنه انه لا يمكن يرجع
تفضلى مستنياه ييجى
جواكى حاجه بتقولك استنيه
هو شويه هييجى
ده هو مسافر يومين و هيرجع تانى
و تفضلى مستنيه و مستنيه و مستنيه
ولا عمره بييجى
اهو انا دلوقتى كده
مستنيه بابا يرجع
مع انى عارفه انه مستحيل يرجع
بس حاسه بيه حوالى اووى
..:)
و لما بقعد افكر فيه
يااااااااااه
بفتكر حاجات جميله بجد
بقول يا ريتنى ما ضيعت ولا لحظه من غيره
فكرتينى بحاجات كتيره اوى يا فدااء
.......:(
انا محتاجاه اوووى
و عمرى ما كنت محتاجه حد زى ما انا محتاجه له اوىى دلوقتى كده

catroz said...

FloNa ...

انا لسه النهارده صاحيه من النوم بعيط
مش عارفه من ايه بالظبط
مع ان مفيش حاجه معينه يعنى تخلينى اتضايق
مش عارفه بجد الحكايه دى اتخلص منها ازاى
و بقت تحصل لى اليومين دول كتير اوى

انا يا فلونا مكنتش عايزه البلوج دى تبقى صعبه اوى كده
بس يلا بقى
هى جات كده و ظروفها كده للأسف

....:(

-----------

§a§a...

مصطفى
جزانا و اياكم
بس ليه الشعور يزهق مننا
لالا
احنا اللى نزهقه مننا
......:)
مش كده ولا ايه

Anonymous said...

السلام عليكم

على فكرة يا كاتروز ... انا مقصدش ان الموضوع كئيب ...

ابداً

انا اقصد بالايموشن

انك فعلا عرفتي توصلي شعورك للناس ... وصلتيه أوي يعني ..

و فعلا الشعور ده موجود عند ناس كتير ...

بس الشعور ذات نفسه محزن

catroz said...

Skeleton_Eel ...


و عليكم السلاام
فعلا الشعور ذات نفسه محزن
و مؤلم كمان
بنحاول نتخلص منه
و اهو
ادينا عايشين
و خلاص فهمت انك متقصدش ان الموضوع كئيب
"وش مكسووف"
اهم حاجه انه عجبكم و بس
...:)

moro said...

بجد انتي انسانة حساسة ورقيقة جدا عرفتي توصلي للي جوانا كلنا وتتكلمي عنة بجد انا يشرفني اني اتعرف علي واحدة احساسها في المشاعر والحزن اعلي من احساسي

Lobna Ahmed Nour said...

سبحان الله *ونفس وما سواها* فعلا

اد ايه ممكن تختلط مشاعرنا بطريقة حتى احنا نعجز عن فهمها

بوست جميل .. وياريت تكلمينا عن احاسيس الفرح والسعادة اكتر من كده

على فكرة الفرح ممكن يتولد من الحزن و العكس صحيح

تحياتي

hend mossallam said...

bgd msh 3arfa a2olek 2h bgd 2nty to7fa
3arfa kol da bas makontsh 7ata 3arfa a2olo wala awsefoo
kol wa7ed gowah 7ozn bdon sabab da ba2a 3.er 2li bsabab da yemken men 2l rotyn aw 2l 5an2a w 2l malal ana kol 2li a3rafoo 2nii beyewga3 2l alb btarii2a mo2lema betarii2a te5alii albek yesro5 w ye2ool ahhhh


bgd 2l blog gamda awii ma3 ta7eyeaty...

Unknown said...
This comment has been removed by the author.
Unknown said...

واللهي انتي عندك حق في كل الكلام الي النتي كتبه وده بيحصل معايه كل يوم